ޕާޓީތަކަށް ދޭ ފައިސާ 10 މިލިއަނަށް ވުރެ ބޮޑު ނުވާ ގޮތް ހަދަން ގާނޫނަށް އިސްލާހު ހުށަހަޅައިފި

މަޖިލީހުގެ ޖަލްސާއެއް: ޕާޓީތަކަށް ދައުލަތުން ދޭ ފައިސާ 10 މިލިއަނަށް ވުރެ ބޮޑު ނުވާ ގޮތަށް ގާނޫނަށް ވަނީ އިސްލާހު ހުށަހަޅާފައި -- ފޮޓޯ/މަޖިލިސް

މުއިއްޒު އިބްރާހިމް، މިހާރު

27 ޖޫން 2018 - 14:44

3 comments

ސިޔާސީ ޕާޓީތަކަށް ދައުލަތުގެ ބަޖެޓުން ދޭ ފައިސާގެ އަދަދު 10 މިލިއަނަށް ވުރެ ބޮޑު ނުކުރެވޭ ގޮތަށް ސިޔާސީ ޕާޓީތަކުގެ ގާނޫނަށް ސަރުކާރުން އިސްލާހު ހުށަހަޅައިފި އެވެ.

ސިޔާސީ ޕާޓީތަކުގެ ގާނޫނު މިހާރު އޮންނަ ގޮތުން ސިޔާސީ ޕާޓީތަކަށް ދައުލަތުން ފައިސާ ދެވޭނީ ދައުލަތުގެ ބަޖެޓުގެ 0.1 ޕަސެންޓާއި 0.2 ޕަސެންޓާ ދެމެދުގެ އަދަދެކެވެ. އެކަމަކު ދޫކުރެވޭ އެންމެ މަތީ މިންވަރެއް ގާނޫނުގައި މިހާރު ކަނޑައަޅާފައެއް ނުވެ އެވެ.

ސަރުކާރުގެ ފަރާތުން ގެމަނަފުށީ ދާއިރާގެ މެމްބަރު ޖަމީލް އުސްމާން މަޖިލީހަށް ހުށަހެޅުއްވި ބިލުގައިި އިސްލާހު ހުށަހަޅާފައިވަނީ ދައުލަތުގެ ބަޖެޓްގައި ޓެކްސްގެ ގޮތުގައި ދައުލަތަށް ލިބޭނެ ކަމަށް ލަފާކުރާ އަދަދުގެ 0.5 ޕަސެންޓް ޕާޓީތަކަށް ދިނުމަށެވެ. އެކަމަކު އެގޮތަށް ދޫކުރެވޭ ޖުމްލަ އަދަދު 10 މިލިއަނަށް ވުރެ ބޮޑުވެގެން ނުވާނެ ކަމަށް ވެސް އިސްލާހުގައިވެ އެވެ.

އެ އިސްލާހުގެ ފުރަތަމަ ކިޔުން މަޖިލީހުގެ މިއަދުގެ ޖަލްސާގައި ވަނީ އިއްވައިފަ އެވެ.

ސިޔާސީ ޕާޓީތަކަށް ދިނުމަށް ދައުލަތުގެ ބަޖެޓްގައި އެންމެ ފަހުން ކަނޑައަޅާފައިވަނީ 24 މިލިއަން ރުފިޔާ އެވެ. ފައިސާ ދޫކުރަނީ 10،000 މެމްބަރުން ހަމަވާ ޕާޓީތަކުގައި މެމްބަރުން ތިބި އަދަދުގެ ނިސްބަތުންނެވެ.

އެންމެ ފަހުން އިލެކްޝަންސް ކޮމިޝަނުން ފައިސާ ދޫކުރަން ނިންމިއިރު އެންމެ ބޮޑު އަދަދެއް ލިބޭ ގޮތަށް އޮތީ އެންމެ ބޮޑު ޕާޓީ އަދި ވެރިކަން ކުރާ ޕީޕީއެމްއަށެވެ. އެ ޕާޓީ 11 މިލިއަން ރުފިޔާ ދޭން ނިންމާފައިވާއިރު އެމްޑީޕީއަށް 7.5 މިލިއަން ރުފިޔާ ދޭން ވަނީ ނިންމައިފަ އެވެ. އެކަމަކު ފައިސާ ދޫކުރާނީ ގާނޫނުގައިވާ ގޮތުގެ މަތިން އޮޑިޓް ރިޕޯޓް ހުށަހެޅުމުންނެވެ.

ސިޔާސީ ޕާޓީ ރައްޔިތުންގެ މަޖިލިސް ދައުލަތުގެ ބަޖެޓް

3 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝިޔާޒާ

27 June 2018

ރަނގަޅު ކަމެއް، ހަމަ އެއާއި އެކު މަޖިލީހުގައި ތިޔަތިބި މެމްބަރުންގެ ހާލަތާއި ގާބިލުކަން އަޅުގަނޑު މެނައް އެނގޭތީވެ ތިޔަ މީހުންގެ މުސާރަ ކުރާ މަސައްކަތައް ބެލުމައްފަހު 35،000 ބަދަލު ކުރުމަކީ ވަރައް މުހިއްމު ކަމެއް.. ތިމީހުންގެ އިޚުލާސް ތެރިކަމެއް ކިރިތާވެސް ހުރިނަމަ މިވަފުތު މަޖިލީސް ހިންގަމުން ތިދާގޮތުން ވަރައްފަސޭހަވެސް ވާނެ... މިކަމަކީ ސީދާ ގޮތުގައި ސަރުކާރައް ކޮށްދެވޭނެ ހެޔޮކަމެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަސީ

27 June 2018

އެއްވެސް ޕާޓީއަކަށް ފައިސާދޭނެ ކަމެއްނެތް. ކިހިނެތްވާނީ ނުދޭގޮތަށް ހެދިއްޔާ. ޝަރީފް ޖީބުފުރާލެވޭ ނޫންތޯ އެހާވަރުން. އެއަށްވުރެވެސް ގިނައިން ބޭނުންފުޅުވަނީ. އެގޮތްވެސް ހަމަޖެހޭނެ. މަޑުކޮށްލާ