15 ޖުލައި 2018 - 13:42
34 comments
ގާނޫނީ ވަކީލު، އަބްދުﷲ ހަސީން އެމްޑީޕީން ވަކިވެ އާ ސިޔާސީ ޕާޓީއެއް އުފެއްދުމަށް އިލެކްޝަންސް ކޮމިޝަނަށް މިއަދު ހުށަހަޅުއްވައިފި އެވެ.
އިލެކްޝަންސް ކޮމިޝަންގެ ތަރުޖަމާން އަހުމަދު އަކްރަމް ވިދާޅުވީ ސިޔާސީ ޕާޓީއެއް އުފެއްދުމަށް އެ ކޮމިޝަނަށް ހުށަހަޅާފައިވާ ކަމަށާއި އެކަމާ މެދު ގޮތެއް ނިންމާނީ އަންނަ ބުރާސްފަތި ދުވަހު ކަމަށެވެ. އިތުރު އެއްވެސް ތަފްސީލެއް އަކްރަމް ނުދެއްވި އެވެ.
"ހުށަހަޅަން ޖެހޭ ހުރިހާ ލިޔެކިޔުމެއް [އައިޑީކާޑާއި ކުށުގެ ރެކޯޑްތައް] ވަނީ ހުށަހަޅާފައި. އަޅުގަނޑުމެންގެ އިދާރީ މަސައްކަތް މިހާރު ދަނީ ކުރަމުން،" އަކްރަމް ވިދާޅުވި އެވެ.
އާ ސިޔާސީ ޕާޓީ އުފައްދަން ހުށަހެޅީ "މޯލްޑިވްސް ލޭބާ އެންޑް ސޯޝަލް ޖަސްޓިސް ޕާޓީ(ލޭބާ ޕާޓީ)" ގެނަމުގަ އެވެ.
ހަސީން "މިހާރު" އަށް ވިދާޅުވީ އާ ޕާޓީއެއް އުފެއްދުމަށް ނިންމީ އެމްޑީޕީއާ އެއްވެސް މައްސަލައެއް ޖެހިގެން ނޫން ކަމަށެވެ. އޭނާގެ މަގުސަދަކީ މަސައްކަތްތެރިންގެ ހައްގުތަކާއި އިޖުތިމާއީ އަދާލަތު ގާއިމުކުރުމަށް ފުޅާދާއިރާއެއްގައި މަސައްކަތް ކުރުން ކަމަށް ހަސީން ވިދާޅުވި އެވެ. އެކަންވާން އޮތީ ޕާޓީއެއް ހަދައިގެން ކަމަށް ހަސީން ވިދާޅުވި އެވެ.
"އަޅުގަނޑު އެއްވެސް ބަޔަކާއި ދެކޮޅަށް އަދި އެއްކޮޅަށް ކުރާ މަސައްކަތެއް ނޫން މިއީ. އަޅުގަނޑުމެން ގަބޫލްކުރާ އުސޫލުތަކާއި ހަމަތަކަށް މަސައްކަތް ކުރުން ބޭނުމަކީ،" ހަސީން ވިދާޅުވި އެވެ.
އިލެކްޝަންސް އިން ހުއްދަ ދިނުމާއެކު، ރިޔާސީ އިންތިހާބުގެ ކުރިން 3،000 މީހުންގެ ސޮއި ހަމަކޮށް ޕާޓީ ރަޖިސްޓްރީ ކުރާނެ ކަމަށް ހަސީން ވިދާޅުވި އެވެ.
އޭނާ ވިދާޅުވީ އޭނާއާއެކު ޕާޓީ އުފެއްދުމުގައި މަސައްކަތް ކުރަނީ މަސައްކަތްތެރިންގެ ހައްގުތަކަށް ވަކާލާތު ކުރައްވާ ބޭފުޅުންތަކެއް ކަމަށެވެ.
ގާނޫނީ ވަކީލު ހަސީން މިހާތަނަށް ސިޔާސީ ދާއިރާ އިން ފެނިފައިވަނީ މުޅިން ވެސް އެމްޑީޕީގެ ހަރަކާތްތަކުންނެވެ. ރައީސް މައުމޫން އަބްދުލްގައްޔޫމުގެ ވެރިކަން ބަދަލުކުރަން ކުރި މަސައްކަތްތަކުގައި އިސްކޮށް ހަރަކާތްތެރިވި އެވެ. ނޫސް މަޖައްލާތަކަށް ލިޔުއްވާ ހެއްދެވި އެވެ. އަދި ހަސީނަކީ ބޮޑެތި ޝަރީއަތްތަކުގައި ވަކާލާތުކޮށްފައިވާ ވަކީލެކެވެ. އޭގެ ތެރޭގައި އުނގޫފާރު ދާއިރާގެ ކުރީގެ މެންބަރު ޑރ. އަފްރާޝީމް އަލީގެ މަރުގެ މައްސަލާގައި މަރުގެ ހުކުމް އައިސްފައިވާ ހުސައިން ހުމާމްގެ ދިފާއީ ވަކީލެއްގެ ގޮތުން މަސައްކަތް ކުރެއްވި އެވެ.
މިއަހަރުގެ އޭޕްރީލް މަހުގެ ތެރޭގައި ވެސް ދެ ސިޔާސީ ޕާޓީއެއް އުފެއްދުމަށް ހުށަހެޅި އެވެ. ނަމަވެސް ލިޔެކިޔުންތައް ފުރިހަމަ ނުވާތީ އެ ދެ ޕާޓީ އުފެއްދުމުގެ ހުއްދަ އިލެކްޝަންސް އިން ނުދެ އެވެ.
ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަންސް އިން ދިނުމުން ޕާޓީ ރަޖިސްޓްރީ ކޮށްދޭނީ މަދުވެގެން 3،000 މީހުންގެ ސޮޔާ އެކު ހުށަހެޅުމުންނެވެ. އަދި ދައުލަތުން ސިޔާސީ ޕާޓީތަކަށް ދޭ ފައިސާ ލިބޭނީ 10،000 މީހުން ހަމަވާ ޕާޓީތަކަށް އެކަންޏެވެ.
ރާއްޖޭގައި މި ވަގުތު ރަޖިސްޓްރީކޮށްފައި އޮތީ ހަ ސިޔާސީ ޕާޓީއެކެވެ. އެއީ ޕީޕީއެމާއި އެމްޑީޕީ އާއި ޖުމްހޫރީ ޕާޓީ އާއި އަދާލަތު ޕާޓީގެ އިތުރުން ޑީއާރުޕީ އަދި އެމްޑީއޭ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް ފްރެންޑް
16 July 2018
މި ހަސީނަކީ ވަރަށް ބޮޑު ފެއިލިއަރ އެއް، އެއްވެސް ތާކުން ތާކުޖެހޭ މީހެއްނޫން. މާފުންނާބު އުސްވެގެން އުޅުނެއްކަމަކު އޭނާ ވަކާލާތުކުރި އެއްވެސް މައްސަލައެއް މިހާތަނަށް ކާމިޔާބުވެފައެއް ނުވޭ.
މާބޭބެ ނޭފަރު
16 July 2018
ހަސީން ޗައުޅެނީ ކުރާނެ ނުކުރާނެ ކަމެއް ނޭގިގެން.
ބުނެލީ
16 July 2018
ހަސީން އަކީ ހިންނަވަރު ބޭފުޅެއް..
އަލީ ނާޒިމް
16 July 2018
ހާނ ޕާރޓީ އަދިވެސް މިރާއްޖޭގައި މަދީ!!!
އިބްޝާ
16 July 2018
ހަސީނުވެސް ތީ ސީރިއަސް ކޮށް ކުރާ ކަމެއްނަމަ މާޒީން އިބްރަތް ހޯދަން އެބަޖެހެ .. ކާނަލް ، އިބުރާ ، މީ ހަސީނަށްތުރެ ތަންކޮޅެއް މަތީލެވެލްގަ ތިއްބަވާފަ ދިޔަ ބޭފުޅުން އެބޭފުޅުންގެ ސިޔާސީ ކެރިއާއަށް ވެފައޮތްގޮތް މަށައްތުރެ ބޮޑަށް ހަސީނަށް އިގޭނީ ... އިހަށްދުވަހު ޖޭޕީގެ ރަހިންމޭޓަކަށް ކުރިމަތިލައްވައިގެން ޑރ ހުސެން ރަޝީދު ހަސަން އަށް ލިބިލެއްވީ 2 ވޯޓް ... ދެން އެހުރީ ރީކޯ .. އޭނަވެސް އިންތިހާބަކަށް ކުރިމަތިލީމަ އެގޭނެ އޭނަގެ ހާލަތު ހުރިގޮތް .. ޕާޓީހަދަން ހަސީނު ދައްކާުއްޖަތް ވަރަށް ބަރާބަރު އެކަމު މެޖޯރިޓީ ރައްޔިތުންގެ ވިސްނުމާ މާލީހާލަތު ހަސީނަށް ތިފުރުސަތު ކާމިޔާބު ކުރުމުގަ އެއްމުބޮޑު އުދަގުލަކަށް ވާނީ .. ހަސީނުގެ ތިހުރި ވިސަނުމަށް ނޫނީ ހަސީނު ތިހުރިތަނަށް ރައްތުން ރައްޔިތުންގެ މިސްރާބުވެސް އެހުރީ އެހެންވީމާ އެބޭފުޅުން އަރާ ހަމަވަންދެން ތިތާ މަޑުކޮށްލުން ބުއްދިވެރީ.. އެހެންނޫނީ ދާން ޖެހޭނީ އެކަނި ..
މޮލު
16 July 2018
މޮލު ކޮމެންޓެއް ?????
ދިމުލިޝް
16 July 2018
ވަރައް ވަރުގަދަ ޑީލެއް، ހުއްދަވެސް ލިބޭނެ، އެ އެޕުރޫވު ވަނީ މިހާރު މޭޒުމަތީގައި ގަޑިއާއި ވަގުތު ޖެހުމުން އެ އެޕުރޫވު އާއި ހަވާލުވާން ވަޑައިގަންނަންވީ... ގަވާއިދުގައި 3000 މީހުންގެ ނަން އޮތަކަސް އެއަކަށް ބަލާނެކަމެއްނެތް. ތިބޭފުޅާ ފޯރމުއާއި އެކު ހުށައަޅާ އެއްމެންގެ ނަންތައް %100 ސައްހަ ފޯމުތަކައް ވާނެ.. ކަންމިހެން ހުރިނަމަވެސް އަޅުގަނޑު ތިބޭފުޅާގެ ސަމާލުކަމައް ގެންނަންބޭނުން އެއް ނުކުތާ އެބައޮތް.... ހަލާލުގޮތުގައި ހޯދާ އާމުދަނީން ތިމާގެ އަނބިދަރީންނައް ޚަރަދު ކުރުމާއި އެހެނިހެން ޒަރޫރީ ކަންތައް ކުރުމަކީ ލިބޭ ހިތްހަމަ ޖެހުމެކޭ... އިންސާނާ ދުނިޔެއަށް އައުމައްފަހު އެއްމެ އަވަސް ކަމަކީ ދުނިޔެއާއި ވަކިވެގެން ދިއުން... ހުރިހާ ފައިސާ ތަކާއި ލައްޒަތުގެ ދިރިއުޅުމުގެ ޒަތްރެއްވެސް ނުގެންދެވޭނެ...
މޫރު
16 July 2018
ތިޔަވިދާޅުވާ ކަންކަމަށް ްާނޫނީ ހިމާޔަތް ނުލިބޭއިރު ގާނޫނީ ވަކީލަކު ލަދެއްނުގަނޭތަ ޕޓީ ހަދާށޭ ކިޔައިގެން ވާވައްދައިގެން 3000 މީހުން ހަމަކުރަން. ތިޔަކަމެއްނުވާނެ.
އިޙްސަ
16 July 2018
ބޮޑެތި ގިނަ މައްސަލަތަކުގައި ހަސީނު ވަކާލާތުކުރިނަމަވެސް ވަނީ ނާކާމިޔާބު ވެފައެވެ. މިހެންވެސް ލިޔެލާ
ރަދީފް ފްރެންޑް
16 July 2018
ބޮޑު މައްސަލައެއްނޫން އޭނާ ވަކާލާތުކުރި އެއްވެސް މައްސަލައެއް މިހާތަނަށް ކާމިޔާބުވެފައެއް ނުވޭ.
ރީތި މޫސަ
16 July 2018
ހަސީނަކީ ބޮޑުއަނގަޔެއް އޭނަޔާ ނަޝީޙަވާލުކުރި އެއްވެސްކަމެއް ކާމިޔާބުކުރެވުނުމީހެއްނޫންތީ ތިބޭނެ އެކަހަލަމީހުން ތަކެއް ބާރަށުޝިފާޒު، ހަސަންލަތީފު، އަލީނަޒީރު، އިންތިޔާޒުފަހުމީ މީންއެކަކަށްވެސް ނަޝީދުހަވާލުކުރި އެއްވެސްކަމެއްނުކުރެވުނު ތިމީހުން ރަނގަޅުވާނީ ޕޯޑިޔަމްތަކުގަ އަޑުގަދަކުރަން މިހާރު ތި މީހުންބަލައިގަންނަ މީހުނެއްނޫޅެ
ހަހަ
15 July 2018
މިއީ ޔާމީނު ވޯޓު އޮޅުވާލުން ޖައްސާ ގޭމެއްހެން ހީވަނީ 3000 މީހުން ހަމަ ވަނީ ޕީޕީއެމްގެ އެހީ އާ އެކު
ސަޖޯ
15 July 2018
މަރުހަބާ ހަސީނު. ރާއްޖޭގަ ހައްތާވެސް ހުރީ ވިޔަފާރިވެރިންގެ ހައްގުތައް ހިމާޔަށް ކުރަން އުފައްދާފަ ހުރި ޕާޓީ. މަސައްކަތްތެރިންގެ އެއްވެސް ހައްގެއް ނެތް މިތާކުއެއް. އެނޫނަސް ކޮންމެ އިލެކްޝަނެއްގަ ބުރުމާ ވޯޓުން ކުރާ ވިޔަފާރި ހުއްޓުވަން އެބަޖެހޭ.