އަލް ޖަޒީރާ އިން ތައްޔާރު ކުރި "ސްޓީލިން ޕެރަޑައިސް" އާ ގުޅޭ ފޮޓޯއެއް: އެ މައްސަލާގައި މީޑިއާ ނެޓް ޖޫރިމަނާ ކުރީ ރަނގަޅަށް ކަމަށް ކޯޓުން މިއަދު ވަނީ ހުކުމް ކޮށްފައި --ފޮޓޯ/މިހާރު
22 ޖުލައި 2018 - 16:47
10 comments
ދިވެހި ސަރުކާރާ މެދު ކޮރަޕްޝަންގެ ތުހުމަތުތަކެއް ކޮށް، އަލްޖަޒީރާ އިން ގެނެސްދިން ޑޮކިއުމެންޓްރީ ކަމަށްވާ "ސްޓީލިން ޕެރެޑައިސް" ރީ-ބްރޯޑްކާސްޓްކުރި މައްސަލާގައި މީޑިއާ ނެޓް ފަސް ލައްކަ ރުފިޔާ އިން ޖޫރިމަނާ ކުރީ ރަނގަޅަށް ކަމަށް ސިވިލް ކޯޓުން ހުކުމްކޮށްފި އެވެ.
ސްޓީލިން ޕެރެޑައިސް ރީ-ބްރޯޑްކާސްޓް ކުރި މައްސަލާގައި އަބުރުގެ ގާނޫނުގެ ދަށުން މީޑިއާ ނެޓް ފަސް ލައްކަ ރުފިޔާ އިން ޖޫރިމަނާކޮށް، މާފަށް އެދެން އެންގީ ބްރޯޑްކާސްޓިން ކޮމިޝަނުންނެވެ. އެ ކޮމިޝަންގެ އެ ނިންމުން ބާތިލްކުރަން ދައުވާ ކުރީ މީޑިއާ ނެޓުންނެވެ.
އެ މައްސަލާގައި، މިދިޔަ ބުރާސްފަތި ދުވަހު ސިވިލް ކޯޓުން ކުރި ހުކުމް ގައި ވަނީ މީޑިއާ ނެޓުން ރީ-ބްރޯޑްކާސްޓް ކުރި ޑޮކިއުމެންޓްރީ އަކީ އަބުރުގެ ގާނޫނުގެ ދަށުން ގައުމުގެ ސިޔާދަތާއި އިސްތިގުލާލަށް ގެއްލުން ހުރި ކޮންޓެންޓްތަކެއް ހިމެނޭ ޑޮކިއުމެންޓްރީއެއް ކަން، ހުށަހަޅާފައިވާ ލިޔުންތަކާއި ދެ ފަރާތުގެ ބަހުން ސާބިތުވާ ކަމަށެވެ. އެހެންވެ، އެ މައްސަލާގައި މީޑިއާ ނެޓް ޖޫރިމަނާކޮށް، މާފަށް އެދުމަށް ބްރޯޑްކާސްޓިން ކޮމިޝަނުން އެންގި އެންގުމަކީ ގާނޫނާ ޚިލާފް ނިންމުމެއް ކަމަށް ކަނޑައެޅެން ނެތް ކަމަށް ވެސް ގާޒީ އަލީ އަބްދުﷲ ކުރެއްވި އެ ހުކުމުގައިވެ އެވެ.
ބައިނަލްއަގްވާމީ ދެ އެވޯޑެއް ލިބުނު "ސްޓީލިން ޕެރެޑައިސް" ގައި ދިވެހި ސަރުކާރުގެ މައްޗަށް ކޮރަޕްޝަންގެ ބޮޑެތި ތުހުމަތުތަކެއް ކޮށްފައިވެ އެވެ. އަދި ސަރުކާރުގެ ބައެއް ވެރިންގެ މައްޗަށް މަނީލޯންޑްރިންގެ ތުހުމަތުތަކެއް ވެސް އެ ޑޮކިއުމެންޓްރީ ގައި ކޮށްފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުދުހޭ
23 July 2018
އެއީ ހަގީގަތް ނޫންކަން ސާބިތުކުރެވޭނެބާ؟
ފިކުރުކުރަމާތޯ
23 July 2018
އެ ހަގީގަތެއްތޯ ބެލުމެއްނެތި ހަގީގަތެއްކަމަށް ކަޑަނޭޅޭހާ ހިނދަކު އަނބުރު ގެއްލި ސިޔާދަތާއި އަމަން ގެއްލިދާފަދަކަމެއްކަމަށް ބަލަންޖެހެއެވެ.
ޜިޝާ
22 July 2018
ދިވެހި ކޮންމެ ރައްޔިތެއްގެ ދުލުގަ ޓޭޕް އެޅިޔަސް ކުރިކަމެއް ނުވާ ކަމަކަށް ނެހެދޭނެ އިންތިޚާބަށް ދީންވެރިވިޔަސް
އަހްމަދު
22 July 2018
ސަން ނޫހުން ބުނީ ބައިމިލިއަނޭ، ކާކު ތެދު ހަދަނީ؟
ސައްޕެބާއި
23 July 2018
ފަސްލައްކަ އާއި ބައި މިލިއަން އެއީ އެކައްޗެއް. ފަންސާސް ލާރި އާއި ބައިރުފިޔާ ގެ ތަފާތު ބުނެބަލަ؟
ތުއުލާ
23 July 2018
500،000 ފަސް ލައްކަ، ބައި މިލިއަން، ފަސް ސަތޭކަ ހާސް، ހަަމަ އެކައްޗެއް. އިނގޭތޯ
ހެހެހެ
22 July 2018
މީޑިއާ ނެޓް ގޯސް ނޫންކަން މިއަދުވެސް ކޯޓުގައި އަދީބް ހާމަ ކޮށްދީފި!
އާދަނު
22 July 2018
ކޯޓުތަކުންވެސް މިނިވަން މުއައްސަސާތަކުންވެސް ބަލަނީ މިޤައުމުގަ ހިންގާ ކޮރަޕްޝަންތަށް ފަސްއަޅާފޮތުވޭތޯ .
ހަބޭސް222
22 July 2018
ސްޓީލިންގ ޕެރެޑައިޒްގައި އެބުނާ ކަންތައްތަކަކީ ދޮގުހަދައިގެން ދައްކާފަ ހުރި ފޭކު ވާހަކައެކޭތޯތަ އެބުނަނީ! އެމައްސަލައިގެ ވާހަކަަ މިއޮތް ތިލަވަަމުން މިއޮތްދަނީ މިހާރު، ކުރިއަށް އޮތް ތަނުގައި އިތުރަށްވެސް މިކަމުގެ ޙަަޤީގަތް ހާމަވެގެން ދާނެ!
ފުޓްލޫސް
22 July 2018
އަދީބު މިދައްކާ 80 މިލިއަން ޑޮލަރު ގެ ވާހަކަ މީޑިއާގައި ތަކުރާރު ކުރާ މީޑިއާތަކާ ފިޔަވަޅު ނާޅަނީ ކީއްވެ. ތިޔަ ނިންމުން ރަނގަޅެއް ނޫން