ކޮމިޝަނާ ޖެނެރަލް އޮފް ކަސްޓަމްސް މުހައްމަދު ޖުނައިދު މިއަދު ކަސްޓަމްގައި ބޭއްވި ނޫސްވެރިންގެ ބައްދަލުވުގައި ވާހަކަ ދައްކަވަނީ
24 ޖުލައި 2018 - 16:26
18 comments
ރާއްޖެ އަށް އެތެރެ ކުރާ އޫރު މަހާއި، ބަނގުރާގެ ބާވަތްތައް މޮނިޓަރު ކުރާނެ އާ ނިޒާމެއް އަންނަ މަހުން ފެށިގެން ބޭނުންކުރަން ފަށާނެ ކަމަށް ކަސްޓަމުން މިއަދު ބުނެފި އެވެ.
ކަސްޓަމްސް ހެޑް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ކޮމިޝަނާ ޖެނެރަލް އޮފް ކަސްޓަމްސް މުހައްމަދު ޖުނައިދު ވިދާޅުވި ގޮތުގައި އަލަށް ތައާރަފް ކުރާ މި ނިޒާމުގެ ދަށުން، އޫރު މަހާއި ބަނގުރާ އުފުލާ ހުރިހާ ކަނޑު އުޅަނދެއްގައި، އެ އެއްޗެއްގެ ދަތުރު ސެޓަލައިޓުން މޮނިޓަރު ކުރެވޭނެ ޑިވައިސެއް ހަރުކުރާނެ އެވެ.
މި އާ ނިޒާމުން އުޅަނދުތައް މޮނިޓަ ކުރަން ފެށުމުން، އެ ތަކެތި އުފުލާ އުޅަނދުފަހަރު އެ އެއްޗެއް ދާންވާ މަންޒިލް ނޫން އެހެން ތަނަކަށް ދާ ނަމަ ކަސްޓަމްގެ ކޮންޓްރޯލް ރޫމަށް އެނގޭނެ އެވެ.
"އެ [ދޯނި ދާންވާ] ރިސޯޓުގެ ނަން އަޅުގަނޑުމެންނަށް އެނގޭނެ. އެހެންވީމަ އެ ރިސޯޓު ނޫން އެހެން ދިމާލަކަށް އެ ދޯނި މިސްރާބު ޖަހައިފިއްޔާ އަޅުގަނޑުމެންނަށް އެނގޭނެ،" ޖުނައިދު ވިދާޅުވި އެވެ.
"މީގެ ސަބަބުން ރާއްޖެ އަށް އެތެރެވެގެން އަންނަ ބަނގުރާ ކޮންމެ ވެސް ގޮތަކަށް ކޮންޓްރޯލް ކުރެވޭނެ."
ޖުނައިދު ވިދާޅުވީ މަސްތުވާ ތަކެއްޗާއި ބަނގުރާގެ މައްސަލައަކީ އަލަށް ދިމާވެގެން އުޅޭ މައްސަލައެއް ނޫން ކަމަށެވެ. ނަމަވެސް ރާއްޖެ އަށް މަސްތުވާތަކެތި އެތެރެވުން ކޮންޓްރޯލް ކުރުމަށް ކެނޑި ނޭޅި ކަސްޓަމުން މަސައްކަތް ކުރަމުން އަންނަ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައިފަރޭ
24 July 2018
އިހަކަށް ދުވަހު ޖުނައިދު ކަސްޓަމްސް އާއި ހަވާލުވީ... އެކަމަކު ހާދަހާވާ ކުލައަކާއި ތަރިތަކެކޭ ޔުނީފޯމްގަ ތިއޮތީ... އަޅެ އެވަރަށް ކަސްޓަމްސްއަށް ހިދުމަތް ކުރެ ވިއްޖެތަ؟؟؟
ކަޅުސޮރު1
24 July 2018
ތިއީ ހިތުން ވިލާގެ އެއް ރަށުން އަނެއް ރަށަށް ސަޕްލައި ކުރާތީ އެކަން ހުއްޓުވަން ކުރާ ކަމެކެވެ. ތިހެން ވުމުން ވަކި ބޭނުމެއްގައި ދައުލަތުން ބޭކާރު ޚަރަދު ކުރުން ނޫން ކަމެއް ނުވާނެއެވެ، މާދަމާވެސް ވިލާ ތިޔަ ކޮޅަށް އެރީ ތި ސިސްޓަމްގެ ބޭނުން ކެޑުނީއެވެ.
އަޖީތު
24 July 2018
އެއްވެސް ތާކުންތާކު ޖެހޭ ކަމެއް ނޫން. ތަނަކުން ޖީބަށް ފައިސާތަކެއް އަޅަން ހިންގާ ކަމަކާ ވައްތަރީ.
ގަޅި
24 July 2018
ކީކޭބުނާނީ! ސަޕްލައި ދޯނި ދަތުރުމަތީ ކިތައް ތަނަށް މަޑުކުރަން ޖެޙޭނެތަ. ރާ އަރުވައިގެން ދުއްވާނީ ޖުނައިދު ބުނާ ރޫޓަކުން ތަ؟
ޚިޔާލް123
24 July 2018
މިކަހަލަ ކޮސްކަންތަށް ބޭކާރު ކަންތައް މުޅިންވެސް ކުރާނީ، މިސާލަކަށް ކަނޑުގެ އޮއިވަރު ނޫނީ ކުއްލިއަކަށް މޫސުންގޯސްވީމައި އަބަދުވެސް ރޫޓް އޮންނަނީ ބަދަލް ކުރަންޖެހިފައެވެ، މިފަދަ ކޮންމެ ބަދަލްއަކަށް ކަސްޓަމަށް ގުޅައިގެން ހުއްދަލިބިގެން ނޫނީ ރޫޓް ބަދަލް ނުކުރެވޭ ހިސައިބަށް ދިޔައިމާ ދެން ދޯނިތަށް އޮންނާނީ ކަނޑު އަޑީގައެވެ،
ކަނޑުކޮސް
24 July 2018
ކަނޑުކޮސް ކަމެއް.
ސަޕްލައި
25 July 2018
ތިޔައްވުރެން ރަގަޅުވާނެ ކަސްޓަމްސް އުޅަދެއްގަ ކަސްޓަމްސް މުއައްޒަފުން ނަށޭ ދެން މިތަކެތި އެއްތަނުން އަނެއްތަނަށް އުފުއްލޭނީއޭ ބުނިނަމަ. ﷲ ހަރާމް ކުރެއްވި ކަމެއްގެ ބައިކުޅަބައި ހުއްދަ ކުރަން އުޅުނީމަ އަތައް ގޮވުން ނޫން ކަމެއް ނުވާނެ.
އާދަނު
24 July 2018
ކޮބާ އީރާނު ޑުރަގު ބޯޓް؟؟ އޭގަ ހުރި އެއްޗިހީގެ ސީދާ އަދަދު އަދިވެސް ހާމަނުކުރޭ. އެވާހަކަ މިހާރު ނުވެސް ދައްކަ..!!
އެކްސް ރައިޑަރ
24 July 2018
ތި ޑިވައިސް ހަރުކުރަނީ ފުޅިތެރޭގަތަ,,,,,,,,¿ އެހެންނޫނީ ކޭސް ބަހައްޓާފަ ފުޅި ނޫނީ ފުޅި ބަހައްޓާފަ ރާފޮދު....
ބޯހަރު
25 July 2018
ފަހު ޒަމާނުގެ ޗިޕެއް ލައްވަނީޔޯ
ބުމަރު
24 July 2018
ތިޔަ އުޅެނީ ޑިވައިސް ތަކެއް ބޮޑުއަގުގައި ތަނަކުން ގަންނަން ވެގެންނެވެ. ކޮރަޕްޓް ކޮރަޕްޓް
މަފް
24 July 2018
ތިހުރިހާ ކަމެއްނުކޮއް ކަސްޓަމްސް އޮފިސަރުންނަށް ޕްރޮމޯޝަން ދީބަލަ. މާސްޓަރޒް ހަދައިގެން ވެސް އެއްމަގާމެއްގަ 10 އަހަރު ވެފަ ތިބި އޮފިސަރުން ވެސް އެބަތިބި.
މަރޭމިތުރާ
24 July 2018
ބަހެއް ބުނާކަމުގައި އެވަންޏާ އޮއްޓަރެއް ހުންނަންޖެހޭ! އެބަހުން ބުނާއެއްޗެއް ގަބޫލުކުރެވޭގޮތެއް ހުންނަންޖެހޭ!
މަސްބާ
24 July 2018
ހެހެ، އެކަމަކުދޯ، ސަޕްލައި ދޯނި ދަތުރުމަތީން އެހެން އުޅަނދަކަށް އަރުވާ ތަކެތި ވެސް ބެލޭ ތޯ؟