ހުޅުމާލޭގައި ދިރިއުޅޭ މީހުން ނުކުމެ، މިއަދު ރައީސް ޔާމީންގެ ކެމްޕެއިން ލޯގޯއަށް އެތުރިގެން. -
03 އޯގަސްޓް 2018 - 22:53
59 comments
ހުޅުމާލޭގައި ދިރިއުޅޭ ޕީޕީއެމްގެ ސަޕޯޓަރުން ނުކުމެ، ރައީސް އަބްދުﷲ ޔާމީންގެ ރިޔާސީ ލޯގޯގެ ބައްޓަމަން އެތުރި ކެމްޕޭންގެ ފޯރި ދައްކާލައިފި އެވެ. މިއީ މިފަހަރުގެ ކެމްޕޭންގައި ފެނުނު ތަފާތު މަންޒަރެކެވެ.
ހުޅުމާލެ ސެންޓްރަލް ޕާކްގައި ބޭއްވި ހަރަކާތުގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޑެޕިއުޓީ މެނޭޖިން ޑިރެކްޓަރު ބުންޔާމީނާއި އެ ކުންފުނީގެ އިސް ބައެއް ބޭފުޅުންގެ އިތުރުން ގިނަ އަދަދެއްގެ އާންމުން ވެސް ބައިވެރިވި އެވެ.
ހުޅުމާލޭ ކެމްޕެއިންގައި އެންމެ އިސްކޮށް އުޅުއްވާ ބުންޔާމީން "މިހާރު"އަށް ވިދާޅުވީ މިއަދުގެ ހަރަކާތުގައި 1500 އަށް ވުރެ ގިނަ މީހުން ބައިވެރިވި ކަމަށެވެ. އެއީ ހަމައެކަނި ހުޅުމާލޭގައި ދިރިއުޅޭ މީހުން ކަމަށް ވެސް އޭނާ ވިދާޅުވި އެވެ.
ހުޅުމާލޭގައި ޕީޕީއެމްގެ ސަޕޯޓަރުން ހިނގަނީ
"ރައީސް ޔާމީން 2018" ކެމްޕެއިން ލޯގޯގެ ބައްޓަމަށް ޕީޕީއެމް ސަޕޯޓަރުން އެތުރުމަށް ފަހު، އެމީހުން ވަނީ ހުޅުމާލޭގެ ބޮޑެތި މަގުތަކުގައި ހިނގާލައިފަ އެވެ. ރައީސް ޔާމީނަށް އެމީހުންގެ ތާއީދު އޮތް ސަބަބު ހާމަކޮށް، އެކި ޝުއޫރުތައް ފާޅުކުރަމުން ގެންދިޔަ އެވެ.
ބުންޔާމީން ވިދާޅުވީ ކުރިއަށް އޮތް ތަނުގައި ވެސް، ހުޅުމާލޭގައި ތަފާތު ހަރަކާތްތަކެއް ހިންގަން ޕީޕީއެމުން ރާވަމުން އަންނަ ކަމަށެވެ. މިހާތަނަށް ހުޅުމާލޭގައި ބޭއްވި ރައީސް ޔާމީންގެ ކެމްޕޭން ހުރިހާ ހަރަކާތެއް ވެސް ކާމިޔާބުކަމަށް އޭނާ ވިދާޅުވި އެވެ.
"އާންމުންގެ ބޮޑު ތާއީދެއް އެ ހަރަކާތްތަކަށް ލިބޭ،" ބުންޔާމީން ވިދާޅުވި އެވެ.
ހުޅުމާލޭގައި މިއަދު ބޭއްވި ހަރަކާތުގައި އުމުރުން ދުވަސްވީ މީހަކު ކުޑައެއް ހިފައިގެން.
ރައީސް ޔާމީނަށް ތާއީދު ހޯދުމުގެ ގޮތުން، ހުޅުމާލޭގެ ކެމްޕެއިން ޓީމުން މިދިޔަ ހުކުރު ދުވަހު ހިނގާލުމެއް ބޭއްވި އެވެ. އެގޮތުން، ޕީޕީއެމްގެ ދިދަ، ފްލެޓުތަކުގައި ހަރު ކުރުމަށް ބޭއްވި ހަރަކާތުގައި ވެސް ގިނަ އަދަދެއްގެ އާންމުން ބައިވެރިވެ، ޕާޓީގެ ދިދަ ވަނީ ފްލެޓުތަކުގައި އުޅޭ މީހުންނަށް ހަދިޔާކޮށްފަ އެވެ.
ހުޅުމާލެއަކީ މިފަހަރުގެ އިންތިހާބުގައި އެންމެ ބޮޑު ފޯރިއެއް ނަގާ އެއް އަވަށެވެ. އެގޮތުން، ރަށުގެ އެކި ހިސާބުތަކުގައި ދިދަ ފަތި ދެމުމާއި ރައީސް ޔާމީންގެ ބިލްބޯޑުތައް ވަނީ ހަރުކޮށްފަ އެވެ. އަދި ގިނަ އަދަދެއްގެ ގެތަކުގައި މިހާރު ވަނީ ޕީޕީއެމްގެ ދިދަ ވެސް ހަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަށްޑޫ މީހާ
05 August 2018
ތިޔަހެން ގަދަކަމުން މުވައްޒަފުން ގެންގޮސް ކުރުވާކަމަކުން އިދިކޮޅު މީހުން ހިތަކަށް އެކައްޗެކޭވެސް ނާރާނެ. އިދިކޮޅު މީހުން މި އިންްތިހާބު ކާމިޔާބު ކޮއްލާނީ އެއްބުރުން.
ޔަސް
05 August 2018
މިޤައުމުގެ އުއްމީދަކީ ރައީސް ޔާމީން
ޢަޅުމީހާ
05 August 2018
ކޮންމެ މީހަކުވެސް ބަލާނީ އަގީދާޔަށް ސިފަޔަކަށް ކުލަޔަކަށް ނުބަލާނެ
ޒާދީ
04 August 2018
ބުންޔާމީނު ތިޖަހާ ހިސާބަކީ ރައީސް އަށް ލިބޭނެ ދެރައެއް. ހުޅުމާލެެއިން އަދި ފަންސާސް އިންސައްތަ ލިބޭނެކަންވެސް ޔަޤީން ނޫން. ގިނަ ފުލެޓްތަކުގަތިބީ މިސަރުކާރަށް ނޫނެކޭ ބުނާނެ އެމްޑީޕީ އާއި ޖޭޕީ އާއި އެފަރާތްތަކުގެ ސަޕޯޓަރުން. އެހެންވީމަ ވަރަށް މަސައްކަތުންނޫނީ 60 ޕަސެންޓްވެސް ނޭރުވޭނެ.
ޑޮކްޓަރުންގެ ސިޓީ / އައްޑޫ ސިޓީ
04 August 2018
މާޒީ އާއި މިއަދުވެސް ދުނިޔެ ހިގާފައިވާގޮތް އަދި އަމުދުން އެކިދައުލަތްތަކުގެ ވެރިކަމުގެ ވައްޓަފާޅިއާއި “ވެރިކަމަށް ބިރުން ރައްޔިތުން މަޖުބޫރުން ހިތާއި ނަފުސަށް އަމިއްލައަށް އަނިޔާވެރިވާ ހާލު” ތިމާމެން މިކަން ކުރަނީ “އެއްވެސް މީހަކުދެކެ ބިރުން ނުވަތަ އެއްވެސް ފަރާތެއްގެ މަޖުބޫރު ކަމެއް އޮވެގެން ނޫން”ކަމަށް ވެސް ބުނެ އަމިއްލަ ނަފުސަށްވެސް “ދޮގު ހެދުމަށް” މަޖުބޫރު ކުރުވާފައިވޭ. . . . . އެޑޮލްފް ހިޓްލަރާއި، ޕޮލްޕޮޓް އަދި އިޑީ އަމިން ފަދަ ޖައްބާރު އަނިޔާވެރި ވެރިންނަކީ މާޒީ ކަމުގައިވިޔަސް “މިއަދުގެ ދުނިޔޭގައިވެސް ހަމަ އެފަދަ ނުލަފާ ވެރިކަން ކުރަމުންދާކަން” ޤަބޫލު ކުރާންޖެހޭ. . . . . އެފަދަ އަނިޔާވެރި ވެރިން ވަރަށް ގިނައިން ބުނާނެ “މިއީ ފިކުރީ ހަނޤުރާމައިގެ ދުވަސްވަރު ކަމަށާއި، މިހާރު ޤައުމުތަށް އަޅުވެތި ކުރަނީ ހަތިޔާރު ބޭނުންނުކޮށް ރައްޔިތުންގެ ވިސްނުމާއި ފިކުރާއި ކުޅެގެން”ކަމަށް. . . . ތެދެއް. މިއަދު ހުދުމުހުތާރު ވެރިން ސީދާ ރައްޔިތުންގެ “ކަނދުރާ އިން ބޯ ވަކިކޮށްލާކަށް ބޭނުމެއްނުވޭ”
އަދުރޭ23
04 August 2018
4 ފެރީީގަ މާލެއިން ގެނައި ސަޕޯޓަރުން ނާއި ހުޅުމާލެ ރައިއްޔަތުން.....
ހެހެހެ
04 August 2018
ރީނދޫސް އަށް ތާއީދު އޮތް ވަރުން އެއްވުމެއް ބާއްވާލާކަށް ދިދަގަނޑެއް ދަމަން ނިކުމެލާކަށް ކެރެނީކީ ނޫން. އަޅެ ދެރަވޭ.
ވަހީދު
04 August 2018
ނިކުންނަ ތަނުން ފުލުހުން އައިސް އެކަން ހުއްޓުވާ ދިދަތަށް ނަގަނީވިއްޔަ. އެއްވެލާއިރަަށް މަގު ބަންދު ކުރޭ. ހެހެހެ. އަހަރެން ހަމްދަރުދީވަން ފުލުހުންދެކެ
ސިފާޒް ޖޯރޭ
04 August 2018
މަޖުބޫޫރު ކުރާކައް ނުޖެހެޔޭ އަހަރެމެން އުފަލުން ދާނަން ގެރޭ
އައްބާސް ނާސިރު
04 August 2018
ރައީސް ޔާމީންއަށް އަޅުގަނޑާއި އަޅުގަނޑުގެ އާއިލާ ތާއީދު ކުރަނީ އެއްވެސް މަޖުބޫރު ކަމެއްނެތި ،
ޢަދުރޭ
04 August 2018
ކަލެއާކަލޭ އާއިލާ ޔާމީނަށް ތާއިދު ނުކޮށް ލާހިކެއް ނޫން އުޅޭކަށް
ތޮއްޓޭ
04 August 2018
ޙަގީގަތުގައިވެސް ޕޕމ އެއްވުން ތަކައް ގިނަމީހުން ނިކުންނަނީ ނުނިކުމެފިނަމަ ވަޒީފާ ގެއްލުވާލާނެކަމުގެ ބިރައް. ޢެކަން ސާފުކޮށް އެނގޭ. ނިކަމެތިވެގެން ދާނީ އެމީހެއްގެ އާއިލާ. މިސަބަބައްޓަކައި އެބޭފުޅުން ނިކުތުން ބުއްދިވެރި.
ދދދދދދދދ
04 August 2018
ތިހެން ކިޔައިގެން ނަމަވެސް ހިތަށް ހަމަޖެހުމެއް ގެނެވޭތޯ ހިންމަތް ކުރޭ. އަހަރުމެން ދަނީ ދާހިތުން.