14 އޯގަސްޓް 2018 - 12:22
26 comments
ވޯޓުލާ މީހުންގެ ލިސްޓުގައި ސޮއި ކުރައްވާނީ ރީ ރަޖިސްޓްރީ ކުރި މީހުންގެ ލިސްޓުގެ ސައްހަކަން ކަށަވަރު ކުރުމަށް ފަހުގައި ކަމަށް އިދިކޮޅު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) މިއަދު ވިދާޅުވެއްޖެ އެވެ.
މިދިޔަ 2013ގެ ރިއާސީ އިންތިހާބާ ގުޅިގެން ސުޕްރީމް ކޯޓުން ކަނޑައަޅާފައިވާ އުސޫލުގައި ބުނެފައި ވަނީ އިންތިހާބުގެ ކުރިން ވޯޓާސް ލިސްޓުގެ ސައްހަކަން ގަބޫލު ކުރައްވައި ކެންޑިޑޭޓުން ސޮއި ކުރަން ޖެހޭނެ ކަމަށެވެ.
ރީ ރަޖިސްޓްރީ ކުރުމަށާއި ޝަކުވާ ހުށަހަޅަން ދިން މުއްދަތު މިހާރު ވަނީ ހަމަވެފަ އެވެ.
ހދ. އަށް މިހާރު ކުރައްވާ ކެމްޕެއިން ދަތުރުގައި މިއަތޮޅު ނޮޅިވަރަމަށް ވަޑައިގެން އިބޫ ވިދާޅުވީ ރީ ރަޖިސްޓްރީ އަށް ހުށަހަޅާފައިވާ ޝަކުވާތައް އިސްލާހުކޮށް އެކުލަވައިލާ ލިސްޓު އިލެކްޝަންސް ކޮމިޝަނުން އާންމު ނުކުރައްވާނެ ކަމުގެ މައުލޫމާތު ލިބިފައިވާ ކަމަށެވެ. އެ ލިސްޓް ދުރާލައި އިއުލާން ކުރެއްވުމަށް އިބޫ ގޮވައިލެއްވި އެވެ.
"ސޮއިކުރާނީ ކިހިނެއްތޯ ހަގީގަތާ އެއްގޮތަށް އޮތް އެއްޗެއްކަން ނޭނގެންޏާ. އަޅުގަނޑު ގޮވާލަން ރީ ރަޖިސްޓްރީ ކުރި މީހުންގެ ލިސްޓް ހާމަ ކުރުމަށް،" މި ރަށު އެމްޑީޕީ ހަރުގޭގައި ރައްޔިތުންނާ ބައްދަލު ކުރައްވައި އިބޫ ވިދާޅުވި އެވެ.
އިބޫ ވިދާޅުވީ ކަންކަން ކަށަވަރު ކުރަން ބޭނުންވަނީ ވޯޓު އޮޅުވައިލުމަށް ގިނަ ކަންތައްތަކެއް ކުރަމުން ގެންދާތީ ކަމަށެވެ. ވޯޓު އޮޅުވައިލުމުގެ ފުރުސަތު ނުދޭނެ ކަމަށް ތަކުރާރުކޮށް އިބޫ ވިދާޅުވި އެވެ.
ލައްކައެއްހާ މީހުން ރީ ރަޖިސްޓްރީ އަށް ހުށަހަޅާފައިވާ އިރު އެ އަދަދު ގިނަ ކަމުން ސުވާލު އުފެދޭ ކަމަށް އިބޫ ވަނީ ކުރިން ވިދާޅުވެފަ އެވެ.
"އޮޅުވާލަން ކުރާނެ ކަންކަން އެނގޭ. އެ ކަންކަން ހުއްޓުވުމަށް ކުރަންޖެހޭ ހުރިހާ މަސައްކަތެއް އަޅުގަނޑުމެން ކުރާނަން،" ކޯލިޝަން ލީޑާޝިޕްގެ ގިނަ ބަޔަކު ބައިވެރިވި ހަފްލާގައި އިބޫ ވިދާޅުވި އެވެ.
ސަރުކާރުގެ ވަޒީފާގައި މިހާރު ތިބި މީހުންނަށް ވެސް އިދިކޮޅު ކޯލިޝަނާ ގުޅުމުގެ ފުރުސަތު ހުޅުވާލެވިފައިވާ ކަމަށާއި އޭގެ ސަބަބުން ވަޒީފާ ގެއްލޭ މީހުންނަށް ކޯލިޝަންގެ ވެރިކަމެއްގައި ވަޒީފާ އަލުން ދެއްވާނެ ކަމަށާއި، ވަޒީފާ ގެއްލުމުގެ ސަބަބުން ލިބުނު ގެއްލުމުގެ ބަދަލު ވެސް ދޭނެ ކަމަށް އިބޫ ވިދާޅުވި އެވެ.
ހާހެއްހާ މީހުން ދިރިއުޅޭ ނޮޅިވަރަމަށް ކޯލިޝަންގެ ސަރުކާރެއްގައި ކޮށްދެއްވާނެ ގިނަ ކަންތައްތަކެއް އިބޫ ވިދާޅުވި އެވެ. އޭގެ ތެރޭގައި މި ސަރުކާރުން ފަށާފައިވާ ރަށު ނަރުދަމާ މަޝްރޫ ނިންމައި މި ރަށުގެ މަގުތައް ހަދައިދެއްވާނެ ކަމަށް ވިދާޅުވި އެވެ.
ބޯހިޔާވަހިކަމުގެ މައްސަލަ ކުރިމަތިވެފައިވާ މިރަށުގައި ފްލެޓު ނުވަތަ ގޯތި ދޫކުރުގެ މަޝްރޫއެއް ހިންގަވާނެ ކަމަށް އިބޫ ވައުދުވެވަޑައިގެންނެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު ހައިސަމް
14 August 2018
ފަހަރަކުނަމެއް ޗެކްކުރަން އިންނަނީ އިބޫ އޯ!
ބަހުސީސް
14 August 2018
ލިސްޓުގަ އެކަކު ސޮއި ނުކުރިޔަސް ވޯޓުލެވޭނެ
މަރޭމިތުރާ
14 August 2018
[[ޔަގީންކަމުގަ ނުވަންޏާ ސޮއިނުކުރަށްޗޭ! ހަގީގަތް ބަލައިނޫނީ ގަލަން ނުނަގައްޗޭ!]]
ޣަނީ
14 August 2018
ސޮއި ނުކުރިއަސް މިފަަހަރު ވޯޓްލާނެ.....ވެރިމީހާ ބޭނުން ހުކުމެއް ނެރެން ރެޑީގަ ތިބި ފަނޑިޔާރުންތައް ބައިވަރު
ފިޔާޒް
14 August 2018
ޖެހި ހިސާބުން އިގިއްޖެ ނުހޮވޭނެކަން. %65 އާއި %70 ދެމެދުގެ އަދަދަކަށް ޔާމީން ކާމިޔާބުކުރާނެ. ޢިންޝާﷲ.
ފަޅުވެރިން
14 August 2018
ތިދެން ބަލިވާނެކަން އަމިއްލައަށް އިޢްލާނުކުރީނު ބޭފުޅާ!!
މަރަދޫ ޒިޔާދު
14 August 2018
ސޮއިނުކުރިޔަސް އިންތިހާބު އޮންނާނެ. އަދި ރައީސް ޔާމީން އެއްބުރުން ކާމިޔާބު ކުރާނެ. އިންޝާﷲ
ހުސެން ހަބީބު
14 August 2018
ސޮއިކުރިޔަސް ނުކުރިޔަސް ، އަދި ދުނިޔޭގެ އެކި ގައުމުތަކުގެ މޮނިޓަރުން ތިބެގެން ކިތައްމެ އިންސާފުވެރި އިންތިހާބެއް ބޭއްވިޔަސް އިބޫ އާއި އެމްއޯޔޫ އަށް ކާމިޔާބު ނުލިބިއްޖެނަމަ އެ އިންތިހާބަކީ އިންސާފުވެރި އިންތިހާބެއް ކަމަކަށް ގަބޫލެއް ނުކުރާނެ....
ސަރީފް
14 August 2018
ކަލޭމެން ސޮއިނުކުރިއްޔާ މާ ރަގަޅު
މޫސަ123
14 August 2018
އެކަމަކު ތިޔައީ ވާނެކަމެއްބާ ހުރިހާމީހުންކުރެން އަހަންތޯޖެހޭނީ ނުވަތަ ހުރިހާފޯމްތައްޗެކުކުރާނީތޯ އަނެއްކާ އިންތިހާބު ފަސްނުކުރާތި ތިޔަލިސޓްގަ ސޮއި ނުކޮއްފިއްޔާ ކިހެނެއްތޯ ވާނީ ތިޔަބުނީ ވަރައްބިރިގަންނަ ކޯޓެއްގެ ވާހަކަ