ވިލުފުށީގެ މަގު ހެދުމުގެ މަޝްރޫއުގެ ނިމުން ފާހަގަކުރުމުގެ ރަސްމިއްޔާތުގައި ރައީސް ޔާމީނާއި ސަރުކާރުގެ ބައެއް އިސްވެރިން ބައިވެރިވެވަޑައިގަންނަވަނީ.---ފޮޓޯ: ރައީސް އޮފީސް
14 އޯގަސްޓް 2018 - 20:50
27 comments
އިދިކޮޅު ޕާޓީތަކާ ގުޅިވަޑައިގަތުމަށް ދައުވަތު ދެމުން އައި ނަމަވެސް އެ ދައުވަތު ގަބޫލު ނުކުރެއްވިގެން އުޅެނީ، ވެރިކަމަށް އައިސް އެ ސަރުކާރުން ކުރާނީ ކޮން ކަމެއްތޯ ސުވާލު އުފެދޭތީ ކަމަށް ވިލުފުށީ ދާއިރާގެ މެމްބަރު ރިޔާޒް ރަޝީދު މިއަދު ވިދާޅުވެއްޖެ އެވެ.
ތ. އަތޮޅަށް ރައީސް ކުރެއްވި ދަތުރުފުޅުގައި، ވިލުފުއްޓަށް ވަޑައިގެން ރިޔާޒް ވިދާޅުވީ ރައީސް އަބްދުﷲ ޔާމީނާ އެކު ތިއްބެވި ސަބަބާ މެދު ސުވާލު އުފައްދައި، އިދިކޮޅު ޕާޓީތަކާ ގުޅެން ދައުވަތު ދޭ ކަމަށެވެ. އެކަމަކު، ރައީސް ޔާމީން ރައްޔިތުންނަށް ގެނެސްދެއްވާ ތަރައްގީ ދޫކުރައްވައި، އިދިކޮޅު ފަރާތްތަކާ ގުޅެން ޖެހޭ ސަބަބެއް އޮތް ކަމަކަށް ގަބޫލު ނުކުރެއްވޭ ކަމަށް ވިދާޅުވި އެވެ.
"އަޅުގަނޑުމެންނަށް ދައުވަތު ދޭ، އަޅުގަނޑަށް ވެސް ދައުވަތު ދޭ. އެކަމަކު އަޅުގަނޑަށް އަދިވެސް މި އުޅެނީ ގަބޫލު ނުކުރެވިގެން އިދިކޮޅު ފަރާތްތަކުން ދެން ވެރިކަމަށް އައިސް ކުރާނީ ކޮން ކަމެއްތޯ އަޅުގަނޑަށް ނޭނގިގެން މި އުޅެނީ،" ރިޔާޒް ވިދާޅުވި އެވެ.
ރައީސް ޔާމީން ވިލުފުއްޓަށް ވަޑައިގެން، އެ ދާއިރާގެ މެމްބަރު ރިޔާޒް ރަޝީދާ އެކު ހިންގަވާފައި ވަޑައިގަންނަވަނީ: މި ރަށުގެ މަގު ހެދުމުގެ މަޝްރޫއުގެ ނިމުން ރައީސް ވަނީ މިއަދު ފާހަގަކޮށްދެއްވާފައި.---ފޮޓޯ: ރައީސް އޮފީސް
އޭނާ ވިދާޅުވީ ވިލުފުއްޓަށް އެކަނި ބެލި ނަމަވެސް އެމްޑީޕީގެ ވެރިކަމުގައި އެ ރަށުގައި ހިންގި މަޝްރޫއެއް ނެތް ކަމަށާއި އެކަމަކު ރައީސް ޔާމީންގެ ތިން އަހަރުގެ ތެރޭގައި 129 މިލިއަން ރުފިޔާ ހޭދަކޮށްފައިވާ ކަމަށެވެ. އެ ރަށުގައި ޒުވާނުންނަށް ބޭނުންވާ ފުރުސަތުތައް ފަހިކޮށްދީ، ލަފާފުރުމުގެ ދަތިކަން ހައްލުކޮށް، ސިއްހީ ކުރިއެރުން ވެސް ހޯއްދަަވައިދެއްވީ ރައީސް ޔާމީން ކަމަށް ވިދާޅުވި އެވެ.
ރިޔާޒް ވިދާޅުވި ގޮތުގައި، އެމްޑީޕީގެ ވެރިކަމުގައި ދައުލަތުގެ ބަޖެޓުން ވިލުފުއްޓަށް ހިންގި މަޝްރޫއެއް ދައްކައިފި ނަމަ، ސިޔާސީ ކަންކަމުން އޭނާ ދުރުގައި ހުންނަވާނެ ކަމަށް ވިދާޅުވާން ކެރިވަޑައިގަންނަވަ އެވެ.
"އެހާ ވެސް ބޮޑު ތެދެއް އަޅުގަނޑު މި ހެދީ. މި ރަށަށް އެއްވެސް ޕްރޮޖެކްޓެއް މި ދެންނެވި ތިން އަހަރުގެ ތެރޭގައި ނޯންނާނެ. މި ރަށުގެ ތަރައްގީގެ ބާނީއަކީ، އަޅުގަނޑުމެންގެ މި ފިކުރު،" ރިޔާޒް ވިދާޅުވި އެވެ.
އޭނާ ވިދާޅުވީ އެމްޑީޕީގެ ވެރިކަމުގައި ފެނުނީ ދައުލަތުގެ ކުންފުނިތައް ނިކަމެތިވެ، ފަގީރުވެގެން ދިޔަ ތަން ކަމަށެވެ. ސަބަބަކީ އެމްޑީޕީގެ ވެރިކަމުގައި ހުރިހާ މަޝްރޫއުތައް ބޭރުގެ ކުންފުނިތަކަށް ދޭތީ ކަމަށް ވިދާޅުވި އެވެ.
އެކަމަކު މި ސަރުކާރު ވެރިކަމަށް އައިސް އެސްޓީއޯ އާއި އެމްޓީސީސީ ފަދަ ކުންފުނިތައް ވަނީ ބާރުވެރި ކުރުވާފައި ކަމަށާއި އެހެންކަމުން ރައީސް ޔާމީނާ އެކު ތިއްބެވީ ކީއްވެތޯ ސުވާލު އުފައްދާ އެންމެން ޕީޕީއެމާ ގުޅިވަޑައިގަތުމަށް ރިޔާޒް ގޮވާލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެނބުރެމުން ސެނބުރެމުން
15 August 2018
ރަނގަޅު ޑީލެއްނުލިބުނީ އުތަ؟ ތީ ކޮންމެހެން ޑީލުދީގެން ގެންނަވަރު ބައެއްނޫން! އެހެންނޫނަސް އިންތިޚާބު ނިމުނީމަ ތިއޮންނާނެ އުކާފަ ގިނަވެގެން! އެއިރުން ތިމީހުން އަންނާނެ ޑީލުތަށް ހިފައިގެން!
ސެނބުރޭ
15 August 2018
ޑީލު ދީގެން ގެންނަވަރު ބައެއް ނޫނިއްޔާ ދެން ކީއްކުރަން ދޭ ދައުވަތެއްތަ؟
އީމަން
15 August 2018
ފިތުނަ އިދިކޮޅާ ނުގުޅުމަށް އެދިދެންނެވީމެވެ.
ރަދީފް
15 August 2018
އެސްޓީއޯއިން ކްރެޑިޓަށް ނެގި ތެލުގެ މައްސަލައިގެ ފައިލް މޭޒުމަތީގަ އޮތްހާދުވަހަކު އެހެން ފަރާތަކަށް ނުގުޑާނެ.ރިއަލިޓީއަކީ މިއީ.ވ.ވެދުން
ސާރވެޔަރ
15 August 2018
ކަލޭ ކައިރި މީހަކު ނުބުނޭ އިދިކޮޅާ ގުޅޭކަށެއް. ތިޔައުޅެނީ އަމިއްލަ އަށް ބޮނޑިއެއް ބޯން
ހަސަދު
15 August 2018
ގުޅިވަޑައިގެންފިއްޔާ އެޕާޓީ އަށް ކޮސް ގޮވާނެ އިތުރު މީހަކު ލިބުނީ.
މަންސޫރު
15 August 2018
ނަގޫ ފިތިފައި. ސަލާމަތްވާނެ އެއްގޮތެއްވެސް ނެތް.
ހެހެ
15 August 2018
ނަގޫ ފިތިފަ ހުއްޓަސް ނެތަސް އެބުނާ ވާހަކައަކަށް ތަންކޮޅެއް ހެއްކާއެކު ޖަވާބުދީބަލަ. އެމްޑީޕީ ސަރުކާރުގަ ކަމެއް ކޮށްދިންނަމަ ނުކޮށްދެއޭ އެހާ ސާފުކޮށް ބުނީމަ އެކަމަށް ހެކި ދައްކަބަލަ މައުލޫ ބަދަލުކޮށްގެން ވާހަކަ ނުދައްކާ.
އަޖުވަދު އަހުމަދު
15 August 2018
ނަމަނަމަ ގުޅިވަޑައިނުގަންނަވާތި، މިވަގުތުވެސް އެމީހުން އެބަލަނީ އެމީހުންގެ ފޭރާން އިތުރުކޮށް، އެ ފޭރާން ތަށް މީހުންނަށް ލެއްވޭތޯ. އެ ފޭރަން ލައިފިނަމަ އެމީހުން ކުރިމަތީގައި ވަގުތުން ސާފު ހުދު ފޮތިކޮޅަކައްވީ. އެއީ ހަމަ ޔަޙޫދީންގެވެސް ގޮތް. ހަމަކަޝަވަރުން ނަޞްރު ލިބޭނީ ޙައްޤަށް.
ސާދާސީދާ
15 August 2018
400 މިލިޔަމުގެ ގެއްލުމާއ އެކު މިފްކޯ ނޭވާހޯޅިއަށް އެޅިއްޖެ. އެމްޓީސީސީ އިން މިދިޔަ 20 އަހަރު ބެހިވަރަށްވުރެވެސް ހިއްސާއަކަށް ޖެހުނު ފައިދާދަށް. ބެހީ އެންމެ 2 ރުފިޔާ. ދިރާގުން ވެސް މިއަހަރު ފައިދާ ބެހިވަރު ދަށަށްދިޔައީ. އެކަމަކު ޖީބަށް ކަހާވަރުވަނީ ގިނަ. ދެން ކީކޭތޯ ތިކިޔަނީ؟
އަސޭލާ
15 August 2018
ރީޔާޒު ވަރައް ސާފުކޮއް މީބުނަނީ.. އީދީކޮޅުން ވެރީކަމައް އައީސް ކުރާނެކަމަކީ ނީގުޅައީގަނެވީފައީވާ ޖުޑީޝަރީގެ އީތުބާރު އަލުން ރުޖޫއަ ކުރާނީ. ދެން އީންސާފުން އެއްކީބާކުރެވީފަ ވާފަރާތްތަކައް އީންސާފު ލީބީގަތުމުގެ މަގުފަހީކޮއްދޭނީ..ދެން ދައުލަތުގެ މުދަލައް ޚީޔާނާތްތެރީވެފައީވާ މީހުން ހޯދާ ޝަރީއަތުގެ ކުރީމައްޗައް ގެންނާނީ.. ދެން ދީވެހީރައްޔީތުން ނޭދޭ ގާނޫނުތައް.. މީސާލަކައް ބޭރު މީހުންނައް ބީން އަދީ ފަޅު ވީއްކުމައް ހަދާފަ ހުރީ ގާނޫނުތައް އުވާލާނީ.. އަދީ އެކަށީގެން ނުވާ އަގުތަކުގައީ ހީންގާފަ ހުރީ މަޝްރޫތަށް އީންވެސްޓީގޭޓުކޮއް އެކަމުގެ ބައީވެރީންނައް އަދަބުދޭނީ... ދެން އެކަށީގެން ނުވާ އަދީ ގާނޫނާއީ ޚީލާފު އެއްބަސްވުންތައް އުވާލާނީ.. އަދީ ރާއްޖ ވެއްޓީފައީވާ ދަރަނީގެ އަނދަވަޅުން އަރައީގަތުމައް ފަންޑެއް އެކުލަވާލާނީ.. ވީސްނީއްޖެތޯ..
ކަސޭލާ
15 August 2018
އެއްކަލަ އީބީފިލި. އިދިކޮޅުން ވެރިކަމަށް އެރުނީމަ އިހަށް ތި ކީބޯޑް ރަގަޅުކުރުވަން ފެނޭ.
ލޮކިމަސް
15 August 2018
މިނިވަން މީހަކަށް ތިހެން ބުނެވިދާނެ އެކަމު މީހާ އަޅުވެތިވީމާ ދެންކިޔޭނީވެސް އަދި ކިޔަން ޖެހޭނީވެސް ތިޔަކަހަލަ އެއްޗެހި ކަން އެނގޭ!