މެޑަމް ފާތުން ތުޅާދޫއަށް ވަޑައިގެން އެރަށު ރައްޔިތުންނާ ބައްދަލު ކުރައްވަނީ-- ފޮޓޯ: ޕީޕީއެމް
15 އޯގަސްޓް 2018 - 22:37
24 comments
އިދިކޮޅު މައި ޕާޓީ އެމްޑީޕީގެ ސަޕޯޓަރުން ގިނަ ބ. ތުޅާދޫގެ ގިނަ އަދަދެއްގެ ބަޔަކު، ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހީމަށް މިއަދު އެ ރަށުން ހޫނު މަރުހަބާއެއް ދަންނަވައިފި އެވެ.
ފަސްޓް ލޭޑީ ފާތުން މިއަދު އެ ރަށަށް ވަޑައިގަތުމުން އެ ރަށުގެ 300 އަށް ވުރެ ގިނަ އާންމު ރައްޔިތުން ބަނދަރު މައްޗަށް ނުކުމެ އެކަމަނާ އަށް މަރުހަބާ ދެންނެވި ކަމަށް، އެ ކަމަނާގެ އަރިހުގައި އެ ދަތުރުފުޅުގައި ބައިވެރިވާ ވެލިދޫ ދާއިރާގެ މެމްބަރު އަބްދުﷲ ޔާމީން ވިދާޅުވި އެވެ. އޭނާ ވިދާޅުވީ އެ ރަށުގެ މެޖޯރިޓީ ވޯޓް ރައީސް ޔާމީނަށް ލިބިވަޑައިގަންނަވާނެ ކަން މިހާރު ޔަގީންވެފައިވާ ކަމަށެވެ.
ބ. އަތޮޅަށް ފަސްޓް ލޭޑީ މިހާރު ކުރައްވަމުން ގެންދަވާ ދަތުރުފުޅުގައި ތުޅާދު އަށް މިއަދު ވަޑައިގަތުމުން ޕީޕީއެމްގެ ސަޕޯޓަރުން އެކަމަނާ އަށް މަރުހަބާ ދެންނެވުމަށް އެއްވެ ތިބި އިރު، އެމްޑީޕީގެ ސަޕޯޓަރުން ވަނީ ސަރުކާރާ ދެކޮޅަށް އަޑުއުފުލައިފަ އެވެ. މި ފަހުން ބޭއްވި ހުރިހާ އިންތިހާބުތަކެއްގައި ވެސް ތުޅާދޫގެ މެޖޯރިޓީ ހޯދާފައި ވަނީ އެމްޑީޕީންނެވެ.
މެޑަމް ފާތުން ތުޅާދޫއަށް ވަޑައިގެން އެރަށު ރައްޔިތުންނާ ސަލާމް ކުރައްވަނީ-- ފޮޓޯ: ޕީޕީއެމް
ތުޅާދޫން މަރުހަބާ ދެންނެވުމަށް ނުކުތް މީހުންނަކީ އެއްވެސް މަޖުބޫރު ކުރުމެއް ނެތި "ހިތު ލޯބިން" ނުކުތް މީހުން ކަމަށް ޔާމީން ވިދާޅުވި އެވެ. އަދި މިއަދު ތުޅާދޫން ފަސްޓް ލޭޑީ އަށް މަރުހަބާ ދެންނެވުމަށް އެހާ ގިނަ ބަޔަކު ނުކުމެފައިވާ އިރު، އެއީ އެ ރަށުން މީގެ ކުރިން ފެނުނު މަންޒަރެއް ނޫން ކަމަށް ވެސް އޭނާ ވިދާޅުވި އެވެ.
ފަސްޓް ލޭޑީ އަށް މަރުހަބާ ދެންނެވުމަށް ބަނދަރު މައްޗަށް އެެއްވި މީހުންގެ ތެރޭގައި ގިނަ އަދަދަކަށް އަންހެނުންނާއި ކުޑަކުދިންނާއި ޒުވާނުން ތިބި ކަން ފާހަގަ ކޮށްލެވެ އެވެ. އޭގެ ތެރެއިން ބައެއް މީހުން ފަސްޓް ލޭޑީއާ އެކު ސެލްފީ ނަގައި ވެސް ހެދި އެވެ.
"އެމްޑީޕީ އަށް ވުރެ އަދަދު ބޮޑުކޮށް ފެނުނީ މިއަދު. ވަރަށް ހޫނު މަރުހަބާއެއް ކީ. މީގެ ކުރިން ތުޅާދޫން ނުފެންނަ ވަރުގެ ސަޕޯޓެއް މިއަދު ފެނިގެން ދިޔަ،" އެމްޑީޕީ ޓިކެޓުގައި މަޖިލީހަށް އިންތިހާބުވުމަށް ފަހު ޕީޕީއެމަށް ސޮއިކުރެއްވި ޔާމީން ވިދާޅުވި އެވެ.
ސޯޝަލް މީޑިއާގައި އެރަށު މީހުން ހިއްސާކޮށްފައިވާ ފޮޓޯތަކާއި ވީޑިއޯތަކުް ފެންނަ ގޮތުން އެމްޑީޕީގެ ޓީޝާޓުތަކާއި ދިދަތައް ހިފައިގެން ތިބި ގިނަ އަދަދެއްގެ ބަޔަކު މެޑަމް ފާތުންނާ ދެކޮޅަށް ދިޔައީ އަޑު އުފުލަމުންނެވެ. އެމީހުން ހުއްޓުވުމަށް ފުލުހުންތަކެއް ހަރަކާތްތެރިވި އެވެ.
މެޑަމް ފާތުން ތުޅާދޫއަށް ވަޑައިގެން ގަތުމުން އެމްޑީޕީ ސަޕޯޓަރުން އެކަމަނާއާ ދެކޮޅަށް އަޑު އުފުލަނީ- ފޮޓޯ: ޕީޕީއެމް
މެޑަމް ފާތުން މިއަދު ވަނީ އެރަށުގެ ގެތަކަށް ވަޑައިގެން ރައްޔިތުންގެ ހާލު ބައްލަވާލައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަފްޞާ / މާލެ
17 August 2018
ކޮބައި ކެތެއް ނުވިއެއްނު؟ ގައިމު އެމްޑީޕީންވެސް އެބަ ރަށްރަށަށް ކެމްޕެއިންކުރަން ދުއްވާ! ނުފެނޭ ޕީޕީއެމް ސަޕޯޓަރުން ނުކުމެ ސަފުހަދާ އުދަގޫކުރާތަނެއް! ޕީޕީއެމް ސަޕޯޓާރުން ނުކުމެއްޖެނަމަ ތަން ފުރާލާނެ! މި ކަމުން އެބަ އެގޭ ވަރަށް ސާފްކޮށް މި އިންތިޚާބު ރައީސް ޔާމީން ކާމިޔާބުކުރާނޭކަން އިންޝާއަﷲ!
އިބްޝާ
16 August 2018
ކޮއްކޯ އެތަނަށް ދިޔައީ ޕިންުކުލައިގެ ތިރީހަކަށް ސަރުކާރު މުވައްޒަފުން .. ރަށު ރައްޔިތުން ރީދޫ ދިދަތކެއް ހިފައިގެން ތިބެ އެތިވަރުތަކެއް ގޮވަންފެށީމަ ޕޮލިހުން އެރައްޔިތުން ފަހާދުވީ ...
ނަސީދު
16 August 2018
މޑޕ އެކްޓިވިސްޓުން ދަނީ މާޔޫސްވަމުންނޯ ބުނާތީ އަޑުއިވޭ ހީކުރިވަރާ ގާތަށްވެސް ރަށްރަށުން މީހުން ނުނުކުންނާތީ.
ހަސަނު
16 August 2018
ރައްޔިތުންގެ ގިނަ ބަޔަކު މަޖުބޫރުކަމެއް ނެތި ނުކުމެ ސަލާން ގަލާން ކޮށްލުމަކީ ޔާމީން ފެކްސަނަށް އާ ކަމަކަށްވާނީ..... އެހެން ނޫނަސް ރަށަށް އަރާ މެހެމާނަކާ ސަލާންގަލާން ކޮށްލުމަކީ ކޮންމެހެން ޕީޕިއެމަށް ތާއީދު ކުރުމެއްވެސް ނޫން... މިދޭތެރެއަކުން ފެނުނު އެމްޑީޕީ ކެނޑިޑޭޓަށް މަރުހަބާ ކިޔަން ޕީޕިއެމް ޓީޝާޓުލައިގެން ތިބި މީހުން ނުކުތްތަންވެސް....
މަންތިރި
16 August 2018
ޢުޑަކީ ބިމޭ ބުންޏަސް ޙަސަނު ބުނެފިއްޔާ ވާނީ ތެދަކަށް. ޙަސަނު ތިބުނާގޮތަށް ވެއްޖިއްޔާ، ބުޅަލާ މީދާ ސަލާންގަލާން ކުރާނެ
ތުލާދީ
16 August 2018
ތިހެންނުކުންނަ ކަންކަން ކާމިޔާބު ނުވީމަ މުއައްސަސާތަކުގައި އަލިފާންޖަހަނީ..ހަމަހަމަ ފުރަސަތޭ ކިޔާމީހުން ހަޖަމްނުވެގެން ތިއުޅެނީ..ޕީޕީއެމް ކުދިން ކައިރިން ދަސްކޮށްބަލަ..އިބޫ މާރިޔާ ރައްތަކުގައި ސަޕޯޓްނެތަސް މިނިވަންކަމާއިއެކު އުޅުއްވަނީ..އެއީ ދޯ ހަމަޖެހުމަކީ..
ދުވާލު
16 August 2018
ޕީޕީއެމްއަށް އިންތިހާއަށް ސަޕޯޓްބޮޑު ރަށްތަކަށް އިބޫވެސް ވަޑައިގަންނަވަމުންއެދަނީ..30މީހުން 80މީހުން ނުކުންނަ ރަށްރަށް މަދެއްނޫން..އެއްވެސް ބަޔަކު ޖެއްސުން ނުކުރޭ.. ތުޅާދޫ ކުދިންވެސް ހަމަޖެހުމަށް ލޯބިކުރޭ..ކޮންމެމީހަކަށްވެސް ރަށްތަކަށްދެވޭނެ..މިނިވަންކަން ބޭނުމޭ ކިޔާމީހުން ތިގޮތައް ކަންކަންނުކުރޭ..
ދަރަނިބޯ
16 August 2018
ޕީޕީއެމަކި ވައުދުފުއްދާ ޕާޓީއެއްނޫން އެހެންވީމާ ވޯޓުދޭކަށް ނުފެނޭ ވަޒީފާގެލިދާނެތީ އަތިރިމައްޗަށް ނުކުތުން ރަގަޅު އެކަަމަކު ކޮންމެ އާައިލާއަކަށް ދޭންބުނި ޑޮކްޓަރު ކޮބާހޭ ކޮންމެ މަސްވެރިއަކަށ 10000 ނުލިބެ ކޮބާ ތެޔޮވަޅު ކޮބާ އަލަތު ކައިވެނީގެ ފްލެޓް ކޮބައިހޭ ދަޑުވެރިންނަށް 8000 ކޮބާތަ ކޮންމެއަތޮޅަކަށް ހުޅުމާލެއެއް ނެތް
މަންތިރި
16 August 2018
"ބެޔަސް ނުބެޔަސް 10000" ސްކީމަށް ފޯރމު ލާފަ ތިާހަކަ ދައްކާ
ރާއްޖެ
16 August 2018
ނަމުން ޑިމޮކްރަޓިކް ޕާޓީގެ ފެންވަރު.
ޑަސްޓް
16 August 2018
މެޑަމް ފާތުންއަކީ އެއްމެންގެ ލޯތްބާ އިހުތިރާމް ލިބިވަޑައިގެން ހުންނެވި ފަސްޓް ލޭޑީ އެކެވެ.ބަޔަކަށް ހަޖަމް ވިޔަސް ނުވިޔަސް މެޑަމް ފާތުންއަށް އެކުރައްވާ ތާއީދަކީ ރައީސް ޔާމީން އަށް އޮތްތާއިދު ﷲގެ ވާގިފުޅާ މިންވަރު ފުޅުން ދިވެހި ރާއްޖޭގެ ވެރިކަމުގެ 2 ދައުރު ފުރިހަމަ ކުރާނެ ފުރަތަމަ ރައީސް އަކަށް ރައީސް ޔާމީން ހިވިވަޑައި ގަންނަވާނެ.އަޅިގަނޑުމެން ދިވެހީން މިތިބީ ރައީސް ޔާމީންގެ ފަހަތުގަ.
މެޑމް
17 August 2018
2 ދައުރު ފުރިހަމަ ކުރާނެ ފުރަތަމަ ރައީސް އަކަށް؟ ކަނބުލޯ ރައީސް މައުމޫން 6ދައުރުކުރި ވެރިކަން ދެންކިހިނެ؟؟؟؟؟
ސަރީފް
16 August 2018
މިފެންނަނީ އރންޑީޕީ ގޮތްހުސްވެފައިވާ މަންޒަރު