އިދިކޮޅު ކޯލިޝަންގެ ރިޔާސީ ކެންޑިޑޭޓް، އިބޫ އަށް މަރުހަބާ ދެންނެވުމަށް ރ. ދުވާފަރުން ނިކުމެފައި ތިބި މީހުން.- ފޮޓޯ: އެމްޑީޕީ
29 އޯގަސްޓް 2018 - 16:23
29 comments
"ރީތި" ކެމްޕެއިނެއް ކޮށްގެން ބޮޑު ތަނުން އިންތިޚާބު ކާމިޔާބުވާނެކަމުގެ ޝައްކެއް ނެތް ކަމަށާއި އެހެންވެ ޕީޕީއެމްގެ ރިޔާސީ ކެންޑިޑޭޓް ރައީސް އަބްދުﷲ ޔާމީންގެ ދެ ފައިންޕުޅު ބަންނަން ނުޖެހޭނެ ކަމަށް އިދިކޮޅު ކޯލިޝަނުން މިއަދު ބުނެފި އެވެ.
ރ. އިނގުރައިދޫގެ ބަނދަރު ހުޅުވައިދެއްވުމަށް ފަހު އެ ރަށުގައި ވާހަކަފުޅުދައްކަވަމުން ރައީސް ޔާމީން ވިދާޅުވެފައި ވަނީ އަންނަ މަހު 23ގައި ބާއްވާ ރިޔާސީ އިންތިޚާބުގައި އެމަނިކުފާނުގެ ދެ ފައިންޕުޅު ނުބަނދެ އިދިކޮޅު ފަރާތްތަކުން ރިޔާސީ އިންތިޚާބަށް އައުމަކީ ކުރި މޮޔަ ކަމެއް ކަމަށެވެ.
އިންތިޚާބުގެ ކުރިން އެމަނިކުފާނު ބަންދުކުރުމަށް ތަފާތު އެކި ކަންކަން ކުރި ކަމަށާއި އިދިކޮޅުން މަސައްކަތް ކުރީ ވޯޓާ ހަމައަށް އެމަނިކުފާނު އަޔަނުދޭން ކަމަށް ވެސް ވިދާޅުވި އެވެ.
ރައީސްގެ އެ ވާހަކަފުޅުތަކަށް ރައްދު ދެއްވައި އިދިކޮޅު ކޯލިޝަންގެ ކެންޑިޑޭޓް، އިބްރާހިމް މުހައްމަދު ސޯލިހު (އިބޫ) ގެ ތަރުޖަމާނު މާރިޔާ އަހުމަދު ދީދީ ވިދާޅުވީ އިންތިޚާބުތަކުގައި ވާދަކުރަން ނިކުންނަ ބޭފުޅުން ޖަލަށް ލުމަކީ އިދިކޮޅު ޕާޓީތަކުގެ އުސޫލެއް ނޫން ކަމަށެވެ. އޭގެ ބަދަލުގައި ގުޅިފައިވާ ޕާޓީތަކުގެ ސަރުކާރެއްގައި، ހުރިހާ ބޭފުޅުންނަށް ވެސް ސިޔާސީ ހަރަކާތްތައް ހިންގަން ހަމަހަމަ ފުރުސަތު ލިބިގެންދާނެ ކަން އޭނާ ވިދާޅުވި އެވެ.
"އަޅުގަނޑުމެން ރައީސް ޔާމީނާއި ޕީޕީއެމްގެ ސަޕޯޓަރުންނަށް ދަންނަވާލަން ބޭނުންވަނީ އަޅުގަނޑުމެންގެ އުސޫލެއް ނޫނޭ، އަޅުގަނޑުމެން ގެންގުޅޭ އާދަކާދައެއް ނޫނޭ އެއީ އިދިކޮޅު ފަރާތްތައް، އަޅުގަނޑުމެންނާ ވާދަކުރަން ނިކުންނަ ފަރާތްތައް ވިއަސް ޖަލަށް ލައި ހުރިހާ ސިޔާސީ ލީޑަރުންތައް ރައީސް ޔާމީން ލެއްވިހެން ޖަލަށް ލައި، ކެމްޕެއިން ކުރުމުގެ ފުރުސަތު ނުދީ ހެދުމަކީ،" މާރިޔާ ވިދާޅުވި އެވެ.
އޭނާ ވިދާޅުވީ ގުޅިފައިވާ ޕާޓީތަކުން ބޭނުންވަނީ އިންސާފުވެރިކަމާއި ހަމަހަމަކަމާ އެކު ރީތި ކެމްޕެއިނެއް ކޮށްގެން ބޮޑު ތަނުން އިންތިޚާބު ކާމިޔާބުކުރަން ކަމަށެވެ. އެއީ ޝައްކެއް އޮތް ކަމެއް ނޫން ކަމަށް ވެސް ވިދާޅުވި އެވެ.
"ކޮންމެހެން އަޅުގަނޑުމެންނަށް ނުޖެހޭ ރައީސް ޔާމީންގެ ދެ ފައިންޕުޅު ބަނދެގެން، އެ ބޭފުޅާއަށް، އެ ބޭފުޅާ މި ހައްދަވާހެން، އެއްބަފާ ބޭބެ ޖަލަށް ލައްވައިގެން، ދެން ތިބި ސިޔާސީ ލީޑަރުން ޖަލަށް ލައްވައިގެން އެހެން މީހުންނަށް ވާދަކޮށްލަން ވެސް ފުރުސަތު ނުލިބޭނެ ގޮތަށް... ތަރުތީބު ކޮށްލައިގެން ދާކަށް،" މާރިޔާ ވިދާޅުވި އެވެ.
ގާނޫނުގައި ހަމަހަމަ ފުރުސަތު ލިބެން ޖެހޭނެ ކަމަށް އޮތަސް އެ ފުރުސަތު އަދިވެސް ނުދޭ ކަމަށް ވިދާޅުވެ މާރިޔާ ވަނީ ކަންބޮޑުވުން ފާޅުކުރައްވައިފަ އެވެ. އެގޮތުން އިދިކޮޅު ކޯލިޝަންގެ ބޮޑު ޖަލްސާއަކަށް ކާނިވާ ސަރަހައްދު ދޫކޮށްދޭން އެދުނަސް އެކަމަށް ހައުސިން މިނިސްޓްރީން ޖަވާބެއް ނުދޭ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޅެއިޓްސްނޮޓްމީ
02 September 2018
ކާމިޔާބު ނުވިއްޔާ ކުރިން ބުނިހެން މަގުމަތީގަ ދުވާނަން ތަ؟
އަލީހަމީދް
30 August 2018
ވަރަށް ސަލާމް .... ކާކުގެ ސަރުކާރެއްގަ ތޯ ޔާމީނު ހައްޔަރު ކުރީ ކާކު ސަރުކަޜެއްގަތޯ ޖަމީލު ހިފާ ހައްޔަރު ކުރީ ކާކުސަރުކާރެއްގަތޯ ދިޔާނާ އުފުލާލައިގެން ގެންދިޔައީ މިސުވާލުތަކުގެ ޖަވަބު މާރިޔާދީބަލަ.
ރީތި
30 August 2018
ރީތިކެމްޕޭނަކުން ރީތިކޮށް ސަޅިކޮށް ޗާލުގޮތަކަށްބަލިކޮށްލާނީ ..
ާދޮންކަލޯ
30 August 2018
ކޮބާ މަރޭމިތުރާ ޅެންބައިތުގަނޑެއް ނެތީތޯ؟؟
ކަނބިލި
30 August 2018
ވަރަށް ތާހިރު ކެމްޕޭނެއް ތިޔަ ކުރަނީ.ތިޔަމީހުން ތަޖުރިބާ ކުރެވިއްޖެ.ދޮން މީހުންގެ ފޫބުޑުގައި އެނބުރޭ އިންޑިއާއަށް އަޅުވެތިވެފައި ތިބި ގައުމިެްޔަތެއް ދީނެއް ނެތް ކޮރަޕްޓް އަޚްލާގީ ގޮތުންވެސް ވަރަށް ދަށު ދަރަޖައިގެ ނާތަހުޒީބު ބައިގަނޑެއްތީ.ސެޕްޓެމްބަރ 23 ތިޔަ ބައިގަނޑަށް ނޫނެކޭ ދިވެހި ރައްޔިތުން ވަރަށް ސާފުކޮށް ބުނާނެ.
އަބްދޫ
29 August 2018
މާރިޔާ އެމެރިކާގަވެސް ގިނަ ވޯޓް ހިލަރީއަށް ހުވާކުރުންޓްރަމްޕަށް . ރާއްޖޭގަ ވެސް ގިނަވޯޓް އިބޫއަށް ލިބުނަސް ހުވާކުރުން ބާއްވާނީ ހަމަ ޔާމީނު ގެ . އެއީ 2008 ގަ މާރީ މެން ވެރިކަމަށް އައިސް ގައުމަށް ދިން ބޮޑުގެއްލުމުން އަދި އަރައިނުގަނެވޭ .އެހަނދާން ފިލާހާ ދުވަހެއްވެސް ނުވޭ. މިފަދަމީހުން ރައްޔިތުންގެތެރޭގަ ހިމ،ެނޭ ވާނުވާ ނޭގޭ މީހުންގެ ބޯކާލައިގެން ހޯދާ ވޯޓް ނުގުނާނަން .2023 އާހަމަޔަށް ބަހައްޓާނީ ހަމަޔާމީނު.
ދެޓްސް ނޮޓް މީ އަޅެ
29 August 2018
މާރިޔާ ތި ބުނުއްވީ ހަމަ ރަނގަޅަށް. މަ ހުރީ ހަމަ ޔާމީނަށް ވޯޓު އާޅަން ހަމަ. އެކަމަކު އޭނާގެ ބޭބެ މައުމޫން އަބްދުލް ޤައްޔޫމް ޖަލަށް ލުމުން އަހަރެންގެ ވޯޓު މިފަހަރު އޮތީ އިބޫ އަށް. އިބޫ ހޮވިއްޖެ ނަމަ އޭނާ ޖަލުގަ ތިބި ހުރިހާ ލީޑަރުން ބޭރުކުރާނެ. އަދީބް މިނިވަން ވުމުން އޭނާ އަތުގައި ހުންނަ ޔާމީންގެ ހުރިހާ ސިއްރުތަކެއް ބޭޒާރުވާނެ. ދެން ޔާމީން ހުރޭ ކުޅިބަލަން.
އަޅެއިޓްސްނޮޓްމީ
30 August 2018
އެކަމަށް އެކަނިތަ އިބޫއަށް ވޯޓް ދެނީ ތި؟
ސޭކުބޭ
29 August 2018
ދައިތާފުޅާ މޮޔަފުޅުވީތޯ ކަލޭމެނަކަށް ތިކަމެއްނުވާނެ ނަސީދައް ނުވިކަމެއްކުރަން ތިޔަތެޅޭ ތެޅުން އަވަހާ ހުއްޓާލާ ބޮޑުލަދަކު ބޭޒާރު ވާނީ މާލޭގެ 80 ޕ ވޯޓް ރޔ އަށް އޮތީ ނިމިފަ
ޖައުފަރު
29 August 2018
މާރިޔާއަށް ވަރަށްވެދުން. މާރިޔާކިތަންމެ ވަރަކަށް އިތުރުފުޅު ހެއްދެވިޔަސް, ތިކަން ޤަބޫލުކުރާނެ މީހުން މިޤައުމުގައި ލައްކަ މަދުވެއްޖެއެވެ. ޔާމީނު އިންތިހާބުގެ ކުރިން ވެރިކަމުން ބާލަން ލައްކަ މަސައްކަތް ކުރިއެވެ. އެހެންނަމަވެސް ﷲ ހެޔޮރަޙުމަތް ފުޅުން އެކަންނުވީއެވެ. އޭރުވެސް މާރިޔާމެންނަށް ޔަޤީންވާކަމަކީ ވޯޓާހަމައަށް ޔާމީނުގޮސްފިނަމަ އިންތިހާބު ކާމިޔާބު ކުރާނެކަމެވެ. މިއަދު މިއޮތީ އެދިވަސް އައިހެވެ. ދެރަވިޔަސް ނުވިޔަސް ﷲ ގެ އިރާދަފުޅުން ބޮޑުތަނުން ޔާމީނު އިންތިހާބު ކާމިޔާބު ކުރާނެކަން ފެންނަމަންޒަރުތަކުން ޔަޤީންވެއެވެ.
ސުހާނާ
29 August 2018
ސާބަހޭ މާރިދައްތާ! އިންޝާﷲ މޮޅުވާނީ މިފަހަރު ޖަޒީރާ ކޮޅު. ދެރަކަމަކީ މިކޮޅުގައިވެސް މިހާރު އެބައިގަނޑު، މިބައިގަނޑު ކިޔާފަ ޖަޒީރާ ނަމުގަ ކަމުން 70ގެ ވިސްނުން ހުންނަ ކުދިން ކޮމެންޓް ކުރާތީ. މިއޮތް ތަހުޒީބީ ޒަމާނުގަ ކޮން އެބައިގަނޑެއް މިބައިގަނޑެއްތޯ؟ އެކަހަލަ ކުދިންކޮޅު ބޭރުކޮށް، ޖަޒީރާވަންތަ، ރީތި ކެމްޕެއިނަކާއެކު އެމްޑީޕީ މޮޅުވާތަން ބަލަން ކެތްމަދުވެފަ މިތިބީ.