އިބޫ ކޮލަމާފުއްޓަށް ކުރައްވާ ދަތުރު ފަސްކުރަން ފުލުހުން އެދިއްޖެ

އިބޫ އެންމެ ފަހުން ލަންކާ އަށް ކުރެއްވި ކެމްޕެއިން ދަތުރުގައި، ކުރީގެ ރައީސް ނަޝީދާ އެކު.---ފޮޓޯ: އެމްޑީޕީ

އާސިމާ ނިޒާރު، މިހާރު

30 އޯގަސްޓް 2018 - 14:26

ގއ. ކޮލަމާފުށީގައި ރޭ ހިންގި ހަމަނުޖެހުންތަކާ ގުޅިގެން، އިދިކޮޅު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) އެ ރަށަށް ކުރައްވާ ދަތުރު ފަސްކުރަން ފުލުހުން މިއަދު އެދިއްޖެ އެވެ.

ފުލުހުން އެގޮތަށް އެދުނުއިރު، އަންނަ މަހުގެ 23 ގައި ބާއްވާ ރިޔާސީ އިންތިޚާބުގެ ކެމްޕެއިނަށް ގއ. އާއި ގދ. އަށް ކުރައްވާ ކެމްޕެއިން ދަތުރެއް އިބޫ މާދަމާ ފައްޓަވާނެ އެވެ. މި ދަތުރުގައި އޭނާ ކޮލަމާފުއްޓަށް ވަޑައިގަންނަވާނީ އަންނަ ހޮނިހިރު ދުވަހު އެވެ.

ކޮލަމާފުށީގެ ދަތުރު ފަސްކުރަން ފުލުހުން އެދުނުއިރު، އެ ރަށުގައި ހަރަކާތްތެރިވާ އެމްޑީޕީ އާއި ޕީޕީއެމްގެ ސަޕޯޓަރުންނާ ދެމެދު ރޭ ހިންގި ހަމަނުޖެހުންތަކާ ގުޅިގެން އެމްޑީޕީގެ 18 މީހަކު ފުލުހުން ވަނީ މިއަދު ހައްޔަރުކޮށްފަ އެވެ. ރޭގެ ހަމަނުޖެހުންތަކުގައި ޕީޕީއެމްގެ ޖަގަހަ އަށް އެމްޑީޕީގެ މީހުން ގެއްލުން ދީފައިވާ ކަމުގެ ތުހުމަތު ޕީޕީއެމުން ކުރެ އެވެ. އެކަމަކު، އެމްޑީޕީން އެ ވާހަކަތައް ދޮގުކުރެ އެވެ.

އިސްކަންދަރުކޮށީގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޗީފް ސުޕްރިޓެންޑެންޓް އޮފް ޕޮލިސް އަހުމަދު ޝިފާން ވިދާޅުވީ، ރިޔާސީ އިންތިޚާބުގައި ވާދަކުރައްވާ ކެންޑިޑޭޓުންގެ ސަލާމަތާއި ރައްކާތެރިކަމަށްޓަކައި ފުލުހުން ހުރިހާ މަސައްކަތެއް ކުރާނެ ކަމަށެވެ. އެހެންވެ، ކޮލަމާފުށީގެ ހާލަތު ހުރި ގޮތުން އެ ރަށަށް އިބޫ ކުރައްވާ ދަތުރު ފަސްކުރަން އެދިވަޑައިގެންފައިވާނެ ކަމަށް ވިދާޅުވި އެވެ.

ޝިފާން ވިދާޅުވިގޮތުގައި އިންތިޚާބަކީ، އުޒުރަކަށް ބަލައިގެން ރަށްރަށުގައި ހަމަނުޖެހުން ހިންގަން އެއްވެސް ފުރުސަތެއް ނުދޭނެ އެވެ. އަދި ރައްޔިތުންގެ ސަލާމަތާއި ރައްކާތެރިކަމަށްޓަކައި އަޅަންޖެހޭ ހުރިހާ ފިޔަވަޅެއް އަޅާނެ ކަމުގެ ޔަގީންކަން ވެސް ފުލުހުން ވަނީ ދީފަ އެވެ.

ފުލުހުން ރައީސް އިބްރާހިމް މުހައްމަދު ސޯލިހް ޕީޕީއެމް ގއ. ކޮލަމާފުށި ގއ. އަތޮޅު

30 ކޮމެންޓް, 559 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގިމް

30 August 2018

މީހުންބުނޭ ކޮލަމާފުށީ މީހުން ބޮނޑިބަތް ކައްކަނީވެސް ރީނދޫ ލައިގެންނޭ..އެމްޑީޕީ ނަންބަރު 1 ރަށެއް..އެހެންވީމާ ތިހެން ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޅި

30 August 2018

ދަރުބާރުފެކްޝަންގެ ބުލޫޒް ގޮފީގެ ބަޔާނެއްދޯ.....ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާއެކޭ

30 August 2018

ރުއްގަސް ކެޑި ގުރޫޕުދޯ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރޭ

30 August 2018

ތަމެން ދަގަ އަޒުމު ކިޔަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

30 August 2018

ހޯހޯ ތިހެން ވިދާޅުނުވޭ! އިބޫ އަކީ ވެސް ދިވެހި ރައްޔިތެއް. ކޮންމެ ރަށަކަށްވެސް އަރާ ފޭމުގެ ޙައްޤު އިބޫ އަށްވެސް ލިބިގެންވާނެ. އަދި ޙާއްސަ ކޮއް އިބޫ އަކީ މިހާރު ރިޔާސީ އިންތިޙާބުގައި އެއްކޮލުން ވާދަކުރާ ކެޑިޑޭޓެއް. ފުޅުހުންވެސް ސިފައިންވެސް ކުރަންޖެހޭނެ ކަމެއްގެ ގޮތުގައި މަމެން ދެކެނީ އިބޫ އަށް ސަލާމަތާއި ރައްކާ ތެރިކަން ފޯރުކޮއްދިނުން. އިބޫ ފަހަތުގަވެސް މިހާރު ފުޅުހުން ނުވަތަ ސިފައިން ބަރު ހަތިޔާރާއި އެކު ހަރަކާތް ތެރިވާންޖެހޭ. އިބޫ އަށް ބަޔަކު ހަމަލައެއް ދީފިނަމަ އެކަމުގެ ފުރިހަމަ ޒިންމާ ސަލާމަތީ ބާރު ތަކުން ނަގަން ޖެހޭނެ ކަމަށް މަމެން ދެކެން. ވ ސަލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫މުނާ

30 August 2018

އ‫ެހެންވިއްޔާ އިބޫއަށް ސެކިއުރިޓީ ދޭންވީނު? ކެންޕޭނު ހުއްޓުވާނީކީ ނޫނެއްނު?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިރޯ

30 August 2018

ތީ ސަރުކާރުން ރާވާއިގެން ޖައްސާ ގޭމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިދްނާ އަޝްރަފް

30 August 2018

މިފެންނަނީ ފުލުހުން ސިޔާސީވެގެން ގޮސް ވަކިކޮޅަކަށް ބުރެވެ، ބަނދެވިފައިވާ މިންވަރު. ނުފެނޭ މިނޫން މަންޒަރެއް. ޕީޕީއެމްގެ ދިދަފަތީގަ އަތްލަން ނުކެރިގެން ކެމެރާތިރި ކުރިތާ ދުވަސްކޮޅެއްގެ ތެރޭގައި ދެން މިފެނުނީ ޕީޕީއެމްގެ އެކްޓިވިސްޓުން ހުއްޓުވުވުގެ ބަދަލުގައި ގުޅިފައިވާ ޕާޓީތަކުގެ ކެނޑިޑޭޓް ހުއްޓުވަން ފުލުހުން މަސައްކަތް ކުރާތަން.