ޚަބަރު / މެމްބަރު އަބްދުﷲ ރިޔާޒް (ތިމަރަފުށި)

ރިޔާޒް މިނިވަން ކުރަން ހުށަހެޅި މައްސަލައާ މެދު ކޯޓުން ގޮތެއް ނިންމަނީ

ރިޔާޒް: އޭނާ ބަންދުން މިނިވަން ކުރަން ހުށަހެޅި މައްސަލާގެ އަޑުއެހުމެއް މިއަދު ބާއްވާނެ --- މިހާރު ފޮޓޯ/ހުސެއިން ވަހީދު

މުއިއްޒު އިބްރާހިމް، މިހާރު

24 ސެޕްޓެމްބަރ 2018 - 15:45

ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒް ބަންދުން މިނިވަން ކޮށްދޭން އެދި ރިޔާޒްގެ ފަރާތުން ކްރިމިނަލް ކޯޓަށް ހުށަހެޅި މައްސަލައާ މެދު މިއަދު އެ ކޯޓުން ގޮތެއް ނިންމަން ހަމަޖައްސައިފި އެވެ.

ކުރިން ޕޮލިސް ކޮމިޝަނަރު ކަން ވެސް ކުރެއްވި ރިޔާޒްގެ މައްސަލާގައި މިއަދު ހަވީރު ކޯޓުން ގޮތެއް ނިންމަން ހަމަޖެއްސީ ރިޔާޒް މިހާރު ބަންދުގައި ހުރީ ގާނޫނާ ޚިލާފަށް ކަމަށް ބުނެ އޭނާ ބަންދުން މިނިވަންކުރުމުގެ އަމުރަކަށް އެދި ހެބިއަސް ކޯޕަސްގެ މައްސަލައެއް އޭނާގެ ފަރާތުން ކްރިމިިނަލް ކޯޓަށް ހުށަހެޅުމުންނެވެ. އެ މައްސަލާގެ އަޑުއެހުމެއް ބާއްވާ ކަން ރިޔާޒްގެ ވަކީލުން ކަށަވަރުކޮށް ދިނެވެ.

ރިޔާޒް ބަންދުގައި ހުންނެވީ ގާނޫނާ ޚިލާފަށް ކަމަށް ބުނެ ކޯޓަށް މައްސަލަ ހުށަހެޅީ ރިޔާޒްގެ މައްޗަށް ހައި ކޯޓުން އިއްވި ހަތަރު މަހާއި 24 ދުވަހުގެ ޖަލު ހުކުމް މި މަހު ތަންފީޒުކޮށް ނިމުމުން ވެސް ރިޔާޒް މިނިވަން ނުކުރާތީ އެވެ. އެކަމަކު އެ ހުކުމް އައުމުގެ ކުރިން މިދިޔަ މާޗް މަހުން ފެށިގެން ރިޔާޒް ހުންނެވީ އެހެން މައްސަލައަކާ ގުޅިގެން ޝަރީއަތް ނިމެންދެން ބަންދު ކޮށްފަ އެވެ.

ރިޔާޒްގެ މައްޗަށް ޓެރަރިޒަމްގެ ދައުވާ އާއި ރަސްމީ ހައިސިއްޔަތުން ކުރަން ޖެހޭ ކަމަކަށް ނުފޫޒު ފޯރުވުމުގެ ދައުވާގެ އިތުރުން ގާނޫނު ތަންފީޒުކުރާ މުވައްޒަފަކަށް ހުރަސް އެޅުމުގެ ދައުވާއެއް ދައުލަތުން ކުރެ އެވެ.

ކުށްކުރުން ކްރިމިނަލް ކޯޓް އިދިކޮޅު ފަރާތްތައް މެމްބަރު އަބްދުﷲ ރިޔާޒް (ތިމަރަފުށި)

2 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާދާސީދާ

24 September 2018

ރިޔާޟް ވަގުތުން މިނިވަންކުރޭ. މައްސަލަނިމެންދެނޭ ކިޔައި އެތައް ޒަމާނެއް ވަންދެން މީހުން ޖަލުގައި ބަހައްޓޭނެ އުސޫލުތައް ރަނގަޅަށް އެކުލަވާލަންވެެއްޖެ. ބޭއިންސާފާއި އަނިޔާ އަކީ އެކަކަށް ވެސް ޙައްޤު އެއްޗެއް ނޫން.