ބްރިޖްގެ ޕްލެޓްފޯމުގެ މަސައްކަތް ކުރަނީ: މި މަސައްކަތް ކުރާ މަންޒަރު ބަލަން ދާ މީހުންނަށް ފަސޭހަ އިން ތިބެވޭނެ ގޮތެއް ހަދަން މިނިސްޓްރީން ވަނީ ނިންމާފައި. --ފޮޓޯ: ނިޝާން އަލީ/ މިހާރު
10 އޯގަސްޓް 2016 - 11:17
32 comments
މާލެ އާއި ހުޅުލެއާ ދެމެދު އަޅާ ބްރިޖްގެ މަސައްކަތް ކުރިއަށް ގެންދާ މަންޒަރު ބަލަން ލޮނުޒިޔާރަތްކޮޅަށް ދާ މީހުންނަށް ހާއްސަ ޕްލެޓްފޯމެއް ހަދަން ހައުސިން މިނިސްޓްރީން ނިންމައިފި އެވެ. އެ ޕްލެޓްފޯމު އަޅައިދޭނެ ބަޔަކު ހޯދަން މިހާރު ވަނީ އިއުލާންކޮށްފަ އެވެ.
ބްރިޖް ވިއުއިން ޕްލެޓްފޯމުގެ ނަމުގައި ވަކި ސަރަހައްދެއް ހަދަނީ، ހައުސިން މިނިސްޓްރީން ބުނިގޮތުގައި، ބްރިޖް ބަލަން ގިނަ ބަޔަކު ލޮނުޒިޔާރަތްކޮޅަށް ދާތީ އެ މީހުންނަށް ތިބެވޭނެ ފަސޭހަ އިންތިޒާމެއް ހަމަޖައްސައިދިނުމަށެވެ.
ޕްލެޓްފޯމު ހަދަނީ ބްރިޖް ބަލަން ސައިކަލްތަކުގައި މިހާރު ވެސް މަޑުކޮށްގެން ތިބޭ ސަރަހައްދުގަ އެވެ. އެތަން ހަދަނީ ސިޑިބަރިއަކުން މައްޗަށް އަރައި ތިބެވޭގޮތަށެވެ.
ޕްލެޓްފޯމު ހަދާ ގޮތުގެ ކުރެހުމެއް.
ޕްރޮޕޯސަލް ހުށަހަޅަން ހުޅުވާލާފައިވާއިރު، އިއުލާނުގައިވާ ކުރެހުމުން ފެންނަ ގޮތުގައި، އެ ސަރަހައްދުގައި ކާއެއްޗެހި ލިބޭ ސަރަހައްދެއް ވެސް ގާއިމްކުރާނެ އެވެ. ސަރުކާރަށް މަހުން މަހުން ކުލި ދައްކާ ގޮތަށް ބްރިޖް ޕްލެޓްފޯމު ހިންގަން ހަވާލުކުރަނީ ވަނީ ތިން އަހަރު ދުވަހަށެވެ.
ޗައިނާގެ ސީސީސީސީއާ ހަވާލުކޮށްގެން ކުރިއަށް ގެންދާ ބްރިޖް މަސައްކަތުގައި މިހާރު އަންނަނީ ކަނޑުއަޑި އަށް ބޮޑެތި ހޮޅިތައް ޖަހަމުންނެވެ. މި މަސައްކަތް އަންނަ މަހުގެ ތެރޭގައި ނިމުމުން ދެން އޮންނާނީ ބްރިޖްގެ ޑިޒައިނުން ވީ އަކުރެއްހެން ފެންނަ ކެޕިން ހެދުމުގެ މަސައްކަތެވެ.
ޕްލެޓްފޯމު ހަދާ ގޮތުގެ ކުރެހުމެއް.
ބްރިޖްގެ މަސައްކަތް ކުރަން އެޅި ދިގު ޕްލެޓްފޯމް މާލޭގެ އިރުދެކުނު ކަންމަތިން ފަށައިގެން ގެންގޮސް މިހާރު ވަނީ ކަނޑު މެދުގައި ގާއިމްކުރި ޕްލެޓްފޯމްތަކާ ގުޅާލައިފަ އެވެ. ބްރިޖް އަޅަން ބޭނުންވާ ސާމާނު އުފުލުމާއި އެހެން މަސައްކަތްތައް ކުރިއަށް ގެންދާނީ މި ޕްލެޓްފޯމު މަތީގަ އެވެ.
ހުޅުލެ އާއި މާލެއާ ދެމެދު ބްރިޖް އަޅަން ގާތްގަނޑަކަށް 220 މިލިއަން ޑޮލަރު ހަރަދުވާނެ ކަމަށް ލަފާކޮށްފައިވެ އެވެ. އޭގެ ތެރެއިން 100 މިލިއަން ޑޮލަރު ހިލޭ އެހީގެ ގޮތުގައި ދެނީ ޗައިނާ ސަރުކާރުންނެވެ. އަނެއް ބައި ލޯނެއްގެ ގޮތުގައި ދޭ އިރު ދިވެހި ސަރުކާރުން ވެސް އެ މަޝްރޫއުއަށް ހޭދަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭކާރު
24 August 2016
ތީބޭކާރު ކަމެއް ތިޙަރަދު ނުކޮއް ރައްޔަތުން ގެ ދަރަނި ދެއްކުން މުހިއްމު،
ކްރިޓިކަލް ދޮންބެ
22 August 2016
ބުރިޖު ބަލަންވެސް ބުރިޖެއް އަޅަން ފެނޭ....
ގގ
10 August 2016
ބުރިޖު ބެލުމައްޓަކައި ހައުސިން މިނިސްޓުރީގައި މިއުޒިޔަމެއް ހަދާފަ ކުޑަ ޓަވަރެއް ހަދަން ފެންނަނީ އެތާ މަތީގައި ބޮޑެތި ދުރުމީ ތަކާއި ޓެލަސްކޯޕް ބަހައްޓަންވާނެ ޓިކެޓް ގަނެގެން އެތަނަށް ވަންނަގޮތަށް!
ގުއި ސައްޕެ
10 August 2016
ތިޔަތަނުގެ މަސައްކަތް 24 ގަޑިއިރު ޓީވީއެމުން ލައިވު ކޮށް ދައްކަން ވެސް ފެނޭ. ނުދެވޭ މީހުންނަށްވެސް ފެންނާނީ އޭރުންތާ...
ބޭނުމީ މިނިވަންްކަން / އައްޑޫ ސިޓީ
10 August 2016
ޤާރޫނުވެސް އޭނާގެ މުއްސަނދިކަމާއި ބޮޑާކަން ދެއްކުމަށް އުޑުގައި ޖެހޭ ވަރުގެ އުސް ޕްލެޓްފޯމެއް ހެއްދެވި. ﷲ މިންވަރު ފުޅުން އެހުރިހާ ކަމެއް ނިމުމަކަށް ގެނައި. / ،ިމިވަންކަން ، އައްޑޫ ސިޓީ
އަފްޓަރތޯޓު
10 August 2016
ހައްހާ...މުއިއްޒު،..... އަނެއްކާވެސް "އާފްޓަރ ތޯޓެއް" ދެއްތޯ؟ ސާބަހޭ... ތިކަމަށް ކިތައް މިލިޔަންބާ ބޭކާރުކުރަނީ؟ ބުރިޖު ހަދާތަން ބަލާހިތްވާ ބަޔަކު ތޮށިގަނޑު ކައިރީތިބެގެން ބެލިއްޔާ ކީއްތޯ؟ ހަމަ އަހަރެމެންގެ ޓެކްސް ފައިސާ ބޭކާރު.
އާދަނު
10 August 2016
އަޅުގަނޑު ބޭނުން 25 ބުރީގެ ހޮސްޕިޓަލް ހަދާތަން ބަލަންވެސް. ޕްލެޓް ފޯމެއް ހައްދަވަންވީނުންތޯ
ސަހަރޯ
10 August 2016
ތަންކޮޅެއް ބޮޑުވަރު ދޯ؟! ތީދެން ހަމަބޭކާރު ކަމެއްނޫން. ތިބުރިޖް ނިމުނީމަ ތިތަން ތަޅާލާނީއެއްނޫން. ކުރޭނެކަމެއް ނޭގިގެންތަ ތިއުޅެނީ.
ބޯގޯސް
10 August 2016
ތިޔަ ފުޓޯ ބެލީމަ އެގޭ ތިކީކުރަން ހަދާތަނެންކަން. ފުރަންޓް ވިއު ނިކަން ބަލާލަބަލަ
ރަދީފް
10 August 2016
ކެކެކެ.ބޯގޯހެއްކަމަކު ވަރަށް މޮޅު އިނގޭ އޮބްޒާވްކުރަން.
ތަރައްގީ
23 August 2016
އެއީ ގެންނާން މިއުޅޭ ތަރައްގީ އަކީ
އަހުމަދު
10 August 2016
މިއަށް ކިޔަނީ ރައްޔިތުންގެ ޓެކްސް ފައިސާ އިން ބޮޑެތި އިސްރާފުކުރުން! މިކަމުން އާންމުނަށް ލިބޭނެ ފައިދާ އެއް ކޮބާ؟ ބުރިޖްގެ މަސައްކަތް ބަލަންދާ މީހުންނަށް ޕާކެއް އެޅުން ކީތް؟ ހަމަ އެކަނި ތިކަހަލަ ސިޑި ބަރިއަކުން އަދި ނުަވާނެ! ސަހަރޯ އޭ ހީވޭ!