ޚަބަރު / ރައީސް އިބްރާހިމް މުހައްމަދު ސޯލިހް

ދިވެހިންނަށް އިންޑިއާ ވިސާގެ ލުއި ދިނުމުގެ އެއްބަސްވުމުގައި ސޮއިކޮށްފި

ވިސާގެ އެއްބަސްވުން ބަދަލުކުރެއްވުމަށް ފަހު، ރާއްޖޭގެ ފޮރިން މިނިސްޓަރު ޝާހިދު (ވ) އަދި އިންޑިއާގެ އެކްސްޓާނަލް އެފެއާޒް މިނިސްޓަރު ސުޝްމާ ސަލާމް ކުރައްވަނީ.---ފޮޓޯ: އޭއެފްޕީ

ދިވެހިންނަށް އިންޑިއާ ވިސާގެ ލުއި ދިނުމުގެ އެއްބަސްވުމުގައި ދެ ގައުމުން މިއަދު ސޮއިކޮށްފި އެވެ.

ރާއްޖޭގެ ރައީސް އިބްރާހިމް މުހައްމަދު ސޯލިހް އިންޑިއާއަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން، މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ފޮރިން މިނިސްޓަރު އަބްދުﷲ ޝާހިދު އެވެ. ބޮޑުވަޒީރު ނަރެންދުރަ މޮދީގެ އޮފީހުގައި އޮތް ރަސްމިއްޔާތެއްގައި އިންޑިއާގެ ފަރާތުން އެއްބަސްވުމުގައި ސޮއިކުރެއްވީ އެ ގައުމުގެ އެކްސްޓާނަލް އެފެއާޒް މިނިސްޓަރު ސުޝްމާ ސްވަރާޖް އެވެ.

އާ ވިސާ އެއްބަސްވުމާ އެކު ދިވެހިންނަށް ލިބޭނެ ފައިދާތައް

- ޓޫރިޒަމާއި ބޭސްފަރުވާ އާއި ވިޔަފާރިއާ ގުޅޭ މަސައްކަތްތައް ކުރުމަށްޓަކައި 90 ދުވަހުގެ ވިސާ ލިބޭނެ. (ކޮންމެ ހަ މަހަކުން ގިނަވެގެން 90 ދުވަސް)

- ޓޫރިސްޓު ވިސާގައި އިންޑިއާއަށް އެތެރެވުމަށް ފަހު، ކުރިމަތިވާ ސިއްހީ ކުއްލި ކަމަކާ ގުޅިގެން ގިނަ ދުވަސްތަކެއް ވަންދެން އެ ގައުމުގައި މަޑުކުރަން ޖެހިއްޖެ ނަމަ، ރާއްޖެ ނައިސް މެޑިކަލް ވިސާ ހަމަޖެހޭނެ. އެ ހާލަތުގައި އެހީތެރިންނަށް ވެސް މެޑިކަލް ވިސާ ލިބޭނެ.

- ދިގު މުއްދަތަކަށް ބޭސްފަރުވާ ކުރަން ޖެހޭ މީހުން އެންމެ ގިނަ ވެގެން ހަ މަސް، ނުވަތަ ހާލަތަށް ބަލައި އެއް އަހަރާ ހަމައަށް އިންޑިއާގައި ހުންނަ ރާއްޖޭގެ އެމްބަސީން ވިސާ ދޫކުރާނެ. އެފަދަ ހާލަތެއްގައި ވިސާ ދޫކުރާނީ ދެ އެހީތެރިންނާ އެކު.

- އިންޑިއާގައި ކިޔަވަން ހުންނަ މުއްދަތަށް ނަމަ، މަލްޓިޕަލް އެންޓްރީ ސްޓޫޑަންޓް ވިސާ ދޫކުރާނެ.

- އުމުރުން 18 އަހަރުން ދަށުގެ ދަރިވަރުންގެ ބެލެނިވެރިންނަށް، އެ ދަރިވަރެއްގެ ވިސާގެ މުއްދަތަށް މަލްޓިޕަލް އެންޓްރީ ވިސާ ލިބޭނެ.

- މަތީ ތައުލީމަށް ކިޔަވަން ނުވަތަ އެކި ކަންކަމާ ގުޅޭ ރިސާޗް ހެދުމަށްޓަކައި އިންޑިއާގައި ތިބޭ ދަރިވަރުންގެ ކުދިން (18 އަހަރުން ދަށް ނަމަ) އަނބިންނާއި ފިރިން އަދި މައިންބަފައިންނަށް ވެސް ވިސޭ ހަމަޖައްސައި ދޭނެ.

- އިންޑިއާގައި ކިޔަވަން ތިބޭ ބެލެނިވެރިންގެ 18 އަހަރުން ދަށުން ކުދިންނާއި އުމުރުން ދުވަސްވީ މީހުންގެ ހާލަތަށް ބަލައި އެ މީހުންނަށް ވެސް ވިސާ ލިބޭނެ.

ރާއްޖޭގެ ފޮރިން މިނިސްޓަރު ޝާހިދު ކުރިން ވިދާޅުވެފައި ވަނީ މިއީ، އިންޑިއާއިން އެއްވެސް ގައުމަކާ ދޭތެރޭގައި ކުރެވޭނެ އެންމެ މިނިވަން އަދި އެންމެ ދީލަތި ވިސާގެ އެހީތެރިކަން ކަމަށެވެ.

"ދިވެހިރާއްޖޭގެ ރައްޔިތުންނަށް އިންޑިއާގެ ވިސާ ރެޖީމްގެ ދަށުން ލިބޭ އެންމެ ބޮޑު ލުއި މީ،" ޝާހިދު ވިދާޅުވި އެވެ.

މިދިޔަ މަހުގެ 17 ވަނަ ދުވަހު މަގާމުގެ ހުވާކުރެއްވި ފަހުން، ރައީސް އިބްރާހިމް މުހައްމަދު ސޯލިހް ގައުމުން ބޭރަށް ކުރައްވާ ފުރަތަމަ ދަތުރުފުޅުގައި އިންޑިއާއަށް ވަޑައިގެން މިއަދު ވަނީ އިތުރު ތިން އެއްބަސްވުމެއްގައި ސޮއިކުރައްވައިފަ އެވެ.

އެއީ ސަގާފީ ގުޅުން ބަދަހި ކުރުމާ ގުޅޭ މެމޮރަންޑަމް އޮފް އަންޑަސްޓޭންޑިން (އެމްއޯޔޫ) އަކާއި ދަނޑުވެރިކަމުގެ ދާއިރާއިން ގުޅުން ބަދަހި ކުރުމުގެ އެމްއޯޔޫއެއް އަދި ޓެކްނޮލޮޖީގެ ދާއިރާއިން ގުޅުން ބަދަހި ކުރުމުގެ ގޮތުން ސޮއިކުރި ޖޮއިންޓް ޑެކްލެރޭޝަން އެވެ.

ރައީސް އިބްރާހިމް މުހައްމަދު ސޯލިހް މިއަދު ވަނީ އިންޑިއާގެ ބޮޑުވަޒީރު މޮދީއާ ބައްދަލުކުރައްވައި، ދެ ގައުމުގެ ގުޅުން އިތުރަށް ބަދަހިކުރުމާ ގުޅޭ މަޝްވަރާތައް ވަރަށް ފުޅާ ދާއިރާއެއްގައި ބާއްވަވައިފަ އެވެ.

10 ކޮމެންޓް, 47 ރިއެކްޝަންސް

icon happy icon happy 74%
icon sad icon sad 2%
icon angry icon angry 23%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އަޙްމަދު

18 December 2018

މީކުރިންވެސް މިކަން އޮށްގޮތް. މޮޅުގޮތަކަށް ވީސް ދިވެހިންނަށް ވިސާޔާ ނުލާ ދެވެގޮތަށް ހެދިނަމަ. ހަމަ އެކަމުން ފައިދާ ވާނީ އިންޑިޔާއަށް.

The name is already taken The name is available. Register?

މޮހޮދީ

18 December 2018

އިންޑިއާ ތީ މާލޭގަ ހޮސްޕިޓަލެއް އަޅާފަ ތިރީސް އަހަރު ވީއިރުވެސް ދިވެހިންނަށް ހެޔޮއެދޭވަރުން އެމްއާރއައި މެޝިނުގަނޑެއްވެސް ނުބެހެއްޓި ބައެއް. ދިވެހިންގެ ލަކުޑިބޯޓަށް އަންޑިއާ ބަނދަރަށް ނުވަދެވޭ އެކަމަކު އަންޑިއާ ލަކުޑިބޯޓު ރާއްޖެ އާދެވޭ މީ ކޮންވައްތަރު ފްރެންޑް ހުންނަނީ.

The name is already taken The name is available. Register?

ފޮސްކަލޯ

18 December 2018

ފޮސްކަލޯ އެންމެ ދާހިއްނުވާ ގައުމު..ނޯ އިންޓަރެސްޓިންގ އެޓޯލް

The name is already taken The name is available. Register?

ހަބޭސްބޭބެ

17 December 2018

ބައްލަވާ ކުރިންވެސް ކޮންމެ 6 މަހަކުން 3 މަސް ލިބެއޭ އަދި 18 އަހަރުން ދަށުގެ ކުދިންނަށް ވިސާ ލިބެއޭ. ކީކޭތަ މިކިއަނީ. ބިލިއަން ޑޮލަރު ނެގީ ތިކަމަށްތަ؟

The name is already taken The name is available. Register?

ރާއަތޮޅު

17 December 2018

ތިކަމުގައި އުފާވެރިކަން އޮތީ އަހަރެމެންގެ އަމިއްލަވަންތަކަމާއި މިނިވަންކަން ކަށަވަރުވާ މިންވަރެއްގެ މައްޗަށެވެ. ޗައިނާއިން މިނިވަންވެ އިންޑިޔާގެ އަޅުވެތިކަމަށް ދިޔައީމަ ކަމަކު ނުދާނެ އެވެ. އެންމެ ރަނގަޅުވާނީ، ވަކިފަރާތަކަށް ނުޖެހޭ، އަމިއްލަ ފުދުންތެރި ގައުމަކަށް ވުމެވެ.

The name is already taken The name is available. Register?

Haruge

17 December 2018

ޥިސާ އެއްބަސްވުން އޮއްނާނީ އޮއްނާނެ ތަނެއްގައި. ޢިމިގްރޭޝަންއޮންނަނީ ޕޮލިހުގެ ދަށުގަ ފޮރިންމިނިސްޓްރީ ދަށުގައެއްނޫން. ތިޔައްވުރެ ރަގަޅުވާނެ އޮޓޯތައް މީޓަރައްނޫނީ ދަތުރުކުރުން މަނާކުރާ އެއްބަސްވުމެއް ހަދާބަލަ. މި ޒަމާނުގަ އިންޑިޔާ ދިވެހި ވިސާލުއިކުރިވާހަކަ ދައްކަން ދެ ޤައުމުވެސް ލަދުގައްންޖެހޭނެ. ޢިންޑިޔާއިން ދިވެހިންނަކަށް ހެވެއްނޭދޭނެ. ޢެހެންނޫންނަމަ ކޮންމެ ބަޔަކު ސަރުކާރު ހިންގިޔަސް ވިސާގެ މައްސަލަ އޮވެގެން ނުވާނެ.

The name is already taken The name is available. Register?

ހަމުނީ

17 December 2018

މި ސަރުކާރުގެ އެއްވެސް ކެންޑިޑޭޓަކައް މަޖިލީސް އިންތިޚާބުގަ ވޯޓެއް ނުދޭނަން.. އިންޑިޔާ ގާތައް ކުޑަކަކޫ ޖަހާފަ ރާއްޖެ ދާކަށެއް ނުޖެހޭ..

The name is already taken The name is available. Register?

ދަ ބީތާ ކޯލިޝަން

17 December 2018

ވީމާ ހުރިހާ މޮޅެއް އިންޑިއާ އައް.. އެހެންނުން.. ލޯނުވެސަ އެމީހުންނައް އަހަރެމެން އަދާކުރަންޖެހެނީ އެވެސް އިންޓުރަސްޓާއެކު.. އަދި ވިސާވެސަ ލިބުނީމަ އަދި އިތުރައްވެސް ދިވެހީން އޖންޑިއާއައް ގޮސް އެމީހުންނައް ލާރިގަނޑު..

The name is already taken The name is available. Register?

އަކްމެޑް

17 December 2018

ހަމަ ހިތްހަމަނުޖެހޭއިރަށް އެމްބަސީ ބޭރުގަ އަވީގަ ކިޔުގަ ބައިތިއްބާނެ. ވިސާ ނުދޭނެ.

The name is already taken The name is available. Register?

ވިސާ

17 December 2018

ތިޔައީ ޔާމީން ސަރުކާރާ މައްސަލަ ޖެހުމުގެ ކުރިން ވިސާ ދިވެހިންނަށް ލިބެންދިޔަގޮތް!

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454