މަސްތުވާތަކެތި ކަމަށް ޝައްކުކުރެވޭ ތަކެތި އެ ތެޔޮ ބޯޓުން ފެނިފައި ވާ ކަމަށް ފުލުހުން ބުނި -- ފޮޓޯ: ޕޮލިސް
13 މާޗް 2019 - 14:18
ލ. ކަލައިދުއަށް ދިޔަ ތެޔޮ ބޯޓެއް ފާސްކޮށް މަސްތުވާތަކެއްޗާ އެކު ހަތަރު ދިވެއްސަކު އިއްޔެ ހައްޔަރުކޮށްފި ކަމަށް، ފުލުހުން މިއަދު ބުނެފި އެވެ.
ކަލައިދުއަށް މަސްތުވާތަކެތި އެތެރެކުރަން އުޅޭކަމުގެ މައުލޫމާތު ފުލުހުންނަށް ލިބިގެން ކޯޓު އަމުރަކާ އެކު ހިންގި މި އޮޕަރޭޝަންގައި ހައްޔަރުކޮށްފައި ވަނީ 20، 22، 26 އަދި 36 އަހަރުގެ ދިވެހި ހަތަރު ފިރިހެނުންނެވެ. އެކަމަކު އެއީ އެ ތެޔޮ ބޯޓުގެ ފަޅުވެރިންކަމެއް ނުވަތަ އެއިން ދަތުރުކުރި ބައެއްކަން ސާފުވާ ގޮތެއް ނުވި އެވެ.
ލ. ގަން ޕޮލިސް ސްޓޭޝަނުން ހިންގި އޮޕަރޭޝަނުގައި ބޯޓު ބަލާ ފާސްކުރީ ކަލައިދޫ ބަނދަރަށް ބޯޓު ވަނުމުންނެވެ.
ފުލުހުން ބުނީ ފިލްމު ހުސްކުރި ދަޅުތަކެއްގަ އާއި ޖޫސްޕެޓީ ކޮތަޅުތަކެއްގައި މަސްތުވާތަކެތި ކަމަށް ޝައްކުކުރެވޭ އެއްޗެހި ފެނިފައިވާ ކަމަށެވެ.
ކަލައިދޫގެ އޮޕަރޭޝަން މި އައީ ކުއްތާ ވެސް ބޭނުންކޮށްގެން މި ފަހުން މާލޭގެ ބައެއް ގޭގެ ފާސްކޮށް ގިނަ އަދަދެއްގެ ދިވެހި ޒުވާނުން ހައްޔަރުކުރަމުން ދާ ދުވަސްވަރެއްގަ އެވެ. އެގޮތުން ތިން ގެއަކުން 50 މީހުން ހައްޔަރުކޮށްފައިވެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ބޯގޯސި
13 March 2019
ވެރިމީހާ ބަދަލުވެއްޖެ. ކޯޑިނޭޓަރުންވެސް ބަދަލުވެއްޖެ. ވަޒީފާގަ ތިބި މީހުން ބަދަލުވަނީ. ބަދަލުނުވަނީ ކުރަމުން އަންނަ ވިޔަފާރި އެކަނި.
ކެޕްޓަން
13 March 2019
ވަރަށް ވެދުން..... ތެޔޮ ވިއްކަގެން ލާރި ހޯދައިގެން އެވަރުންވެސް މަތަނާރައިގެން ..... ތީ ކޮންތަނެއްގެ ބޯޓެއްތޯ
ބަރާބަރު ތިންހަތްދުވަސް
13 March 2019
ބަރާބަރު ތިންހަތްދުވަހުގެ މުއްދަތުގައި އަނެއްކާވެސް ތިޔަ މީހުން ހިފައި ހައްޔަރުކުރި ވާހަކަ މި ނޫހުގައި ލިޔާނެ. ދެން އޮންނާނީ ކޯޓުގައި މިއިން ކޮންމެ މީހެއްގެ ދިހަބާރަ މައްސަލައެއް އޮތް ވާހަކަ. މައްސަލަ ނިމޭނީ ހައްޔަރުކުރި މީހުން ކުށްވެރިވެގެން. ނިމޭނީ ޗެއިން އޮފް ކަސްޑަޓީ ނަމަކަށް ކިޔާ ވައްތަރެއްގެ ޗޭނެއް ނުބައިކޮށް އެޅުވިގެން ހައްގަށް އަރައިގަނެވިގެން. ހައްގުގައި ވަކާލާތުކުރާނީ ސަލާންޖަހައިގެން ވޯޓުގަނޑެއް ހޯދަން ނުކުމެއުޅޭ ބޭފުޅެއް.
ޑޮނާޑު
13 March 2019
ޕޮލިހައް ފައްފަށުންސުކުރު ދަންނަވަންއަދިކުރިއައްއޮތްތާ ތިޔައްވުރެވެސްބުރަމަސައްކަތްޕުޅު ކުރައްވާ ކެމްޕޭނައް ވަރައްގިނަތަކެތި ތަންތަނުގަ ފޮރުވާފާހުންނާނެ ވޯޓައްދަހިކުރުވަންދޭހަދިޔާތީ!!
ރަދީފުގެ ދަރި ކުމާރު
13 March 2019
ހާދަ ވަރުގަގަދަ އޮޕަރޭޝަނެއް ޖައްސައިގެނޭ ތިއުޅެނީ. ދުވާލަކު ބަޔަކު އެބަ އަތުލައިގަނޭ.
މަރޭމިތުރު
13 March 2019
ފުހުންގެ މަސައްކަތައް ފަރުތާތެރިވާށޭ! ފުލުހުންގެ އެހިދުމަތް ބޭކާރެއްނުކުރާށޭ!.............. ޝަރުއީދާއިރާއަށް ގޮވާލަން ބޭނުންވަނީ ދިވެހި ފުލުހުންނަކީ ރާއްޖޭގެ ހިނގާ އެންމެހާ ޖަރީމާތައް ހުއްޓުވާން ތިބިއެއްބަޔަކުކަން އަބަދުވެސް ދަންނާށޭ! އެތައް މަސައްކަތުން ރެޑްހޭންޑުކޮށް ތަކެއްޗާއެކު ގެންނަ ކުއްވެރިން ގޯހެއްނެތޭބުނެ ދޫކޮށްނުލާށޭ! މުޖުތަމައު ސަލާމަތްކޮށްދޭށޭ!