އައްޑު އާއި ފުވައްމުލަކުގެ ކުނި މެނޭޖް ކުރުމާ ގުޅޭ އެމްއޯޔޫހައި ސޮއި ކުރުމުގެ ރަސްމިއްޔާތުގެ ތެރެއިން.
18 މާޗް 2019 - 20:52
13 comments
ރާއްޖޭގެ އެންމެ ދެކުނުގެ ދެ ސިޓީ ކަމަށްވާ އައްޑު އާއި ފުވައްމުލަކުގެ ކުނި މެނޭޖް ކުރުމުގެ ފެސިލިޓީއެއް ގާއިމު ކުރަން ކޮރެއާގެ ކުންފުންޏަކާ އެކު މިއަދު އެއްބަސްވުމެއްގައި ސޮއިކޮށްފި އެވެ.
އައްޑޫ ހިތަދޫގައި ގާއިމުކޮށްފައިވާ ނޭޗާ ޕާކްގައި ބޭއްވި ރަސްމިއްޔާތެއްގައި ދެކުނުގެ ވޭސްޓް މެނޭޖްމަންޓް ފެސިލިޓީ ގާއިމު ކުރުމުގެ މަޝްރޫއު ހަވާލުކޮށްފައި ވަނީ ލޮޓަސް/ކުންވާ ޖޮއިންޓް ވެންޗާއާ އެވެ.
އެއްބަސްވުމުގައި އެންވަޔަމަންޓް މިނިސްޓްރީގެ ފަރާތުން ސޮއި ކުރެއްވީ މިނިސްޓަރު ޑރ. ހުސައިން ރަޝީދު ހަސަނެވެ. ލޮޓަސްގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ރައީސް ލިންޑޮން ޔިލް އެވެ.
ސޮއި ކުރުމުގެ ރަސްމިއްޔާތުގައި އައްޑޫ މޭޔަރު އަބްދުﷲ ސޯދިގް (ސޯބެ) އާއި ފުވައްމުލަކުގެ މޭޔަރު އަބްދުﷲ ފަލާހް ޝަރީފް ވެސް ބައިވެރިވަޑައިގެންނެވި އެވެ.
މި އެއްބަސްވުމުގެ ދަށުން ހިތަދޫގައި ގާއިމު ކުރާ ވޭސްޓް މެނޭޖްމަންޓް ފެސިލިޓީ އަށް ބޭނުންވާ ސާމާނު ޑިޒައިންކޮށް، ސަޕްލައިކޮށް އަދި އިންސްޓޯލް ކުރުމުގެ މަސައްކަތް ލޮޓަސް އިން ކުރާނެ އެވެ.
މި މަޝްރޫއާ ބެހޭ ގޮތުން އެންވަޔަރަމެންޓް މިނިސްޓްރީގެ ޑިރެކްޓަރު ޖެނެރަލް އަހުމަދު މުރުތޮލާ ވިދާޅުވީ މިއީ އައްޑު އާއި ފުވައްމުލަކުގައި ކުރިއަށް ގެންދަން ހަމަޖެހިފައިވާ ރީޖަނަލް ވޭސްޓް މެނޭޖްމެންޓް ޕްރޮޖެކްޓުގެ އެއްބައި ކަމަށާއި އަދި މިއަދު ސޮއިކުރި އެއްބަސްވުމަކީ މި ޕްރޮޖެކްޓުގެ ވަރަށް މުހިއްމު ބައެއް ކަމަށެވެ.
Regional Waste Management Facility gaimkurumah @EnvGovMv aai Lotus-Kunhwa joint venture kunfunyaa dhemedhu ebbasvumugai soi kurun pic.twitter.com/GonqSNX5VL
— Addu City Council (@AdduCityCouncil) March 18, 2019
އޭނާ ވިދާޅުވި ގޮތުގައި އައްޑޫގައި ބަހައްޓާ ވޭސްޓް އެނާޖީ ޕްލާންޓުން ގަޑިއަކަށް 1.5 މެގަވޮޓްގެ ކަރަންޓް އުފައްދާނެ އެވެ. އަދި އޭގެތެރެއިން އެއް މެގަވޮޓް ސަޕްލައި ކުރާނީ ފެނަކައިގެ ޕަވަ ހައުސް އަށް ކަމަށާއި އަދި އަނެއް 500 ކިލޯ ވޮޓް ބޭނުން ކުރާނީ ކުނި މެނޭޖް ކުރާ ފެސިލިޓީ ހިންގަން ކަމަށް ވެސް ވިދާޅުވި އެވެ. "މި މަޝްރޫ އިން ދެ ކަމެއް އަޅުގަނޑުމެންނަށް އެބަ ހާސިލު ކުރެވޭ. އެއް ކަމަކީ އައްޑު އާއި ފުވައްމުލަކު ސިޓީގެ ކުނީގެ މައްސަލަ އެއްކޮށް ހައްލުވެގެންދާނެ ކަމަށް އުއްމީދު މި ކުރަނީ،" މުރުތޮލާ ވިދާޅުވި އެވެ. "އޭގެ އިތުރަށް މި މަޝްރޫއަކީ ސަރުކާރުން މިހާރު ކްލައިމެޓް ޗޭންޖާ ދެކޮޅަށް ކުރާ މަސައްކަތަށް ލިބިގެންދާ ވަރަށް ބޮޑު ބާރެއް. ސަބަބަކީ މީގެއިން މި އުފައްދަނީ ރިނަވަބްލް އެނާޖީ އަށް ވުން."
މިނިސްޓަރު ހުސައިން މިއަދު ވިދާޅުވި ގޮތުގައި މި މަޝްރޫއުގެ ސަބަބުން އައްޑު އާއި ފުވައްމުލަކަށް ކުރިމަތިވެފައިވާ ކުނީގެ މައްސަލަ ހައްލުވެގެން ދާނެ އެވެ. އަދި ކުނިން މަންފާ ހޯދައި މި ޕްރޮޖެކްޓުން އެކަން ސާބިތުކޮށް ދޭނެ ކަމަށް ވެސް ވިދާޅުވި އެވެ.
އައްޑު އާއި ފުވައްމުލައް ހިމެނޭ ގޮތަށް ދެކުނުގެ ސަރަހައްދުގައި އުފެދޭ ކުނި މެނޭޖް ކުރުމަށް ގާއިމުކުރާ ރީޖަނަލް ވޭސްޓް މެނޭޖްމަންޓް ފެސިލިޓީއަކީ ސަރުކާރުން ނަގާ ގްރީން ޓެކްސް ފަންޑުން ހިންގާ ފުރަތަމަ ޕްރޮޖެކްޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޅުދުއްފުށި
19 March 2019
ކޮބާތޯ ކުޅުދޫފުއްޓަށް ދިމާވެފައިވާ ކުނީގެ މައްސަލަ ހައްލު ކޮށްދެނީ ކޮންއިރަކުން ތޯ؟ މި ދިވެހި ރާއްޖޭގައިވެސް މިހާރު އެންމެ ބޮޑަށް ކުނީގެ މައްސަލަ ދިމާވެފައިވާ ރަށަކީ ކުޅުދުއްފުށި!
ފަޒުނާ އަހުމަދުބެއްޔާ
19 March 2019
މީގެ ފަހުން ފޯއްމުލަކު ސިތީގެ އެކަކަުވެސް ސޮއިކުރަން އައްޑު އަތޮޅަށް ގޮސްގެންނުވާނެ، އައްޑު އަތޮލޫމީހުން އަންނަންޖެހޭނީ މިސިޓީއަށް.. ސަވަބަކީ އަހަރުމެންގެ ނައިބުރައިސު އަހަރުމެންގެ މިނިސްޓަރުން. އައްޑުއަތޮޅުނީހަކު ނުހުންނާނެ ރަނަގަޅު ޖޮބެއްވެސް ދީފަކައެއް..
ބީރުނުވީކިރިޔާ
19 March 2019
އިންޑިއާ ނޫން އެހެން ގައުމަކަށް ކަމެއް މި ސަރުކާރުން ހަވާލުކުރާ ވާހަކަ ކިޔާލުމުން...
ޓްރިފަނީ ޑޮޓް ޓިފަނީ
19 March 2019
މި ކަންކަން ކުރާއިރުވެސް ބާކީވެގެންދާނީ ކުޅުދުއްފުށި. ކުނީގެ މައްސަލައިގައި މިހާރުވެސް އެންމެ ތަކުލީފު އުފުލަމުންދާ ރަށަކީ އެއީ، އެމްޑީޕީގެ ސަރުކާރުތަކުގައި ވަކީން ޚާއްޞަގޮތެއްގައި ކުޅުދުއްފުއްޓަށް އޮންނަ އަޅާލުން ކުޑަވާނެ. އެކަމަކު ރަށު މީހާ ރަށަށް ކިޔަކިޔާފަ އުޅޭނެ.
އިބިރިހިންބެއްޔާ
19 March 2019
ކިހާ ސަޅި. އެޑްވާންސްކޮއް ތައްޔަރުކޮއްފައި ހުންނަ ޕްރޮޖެކްޓް ތައް، ބިޑަށް ލުމެއްނެތި ހަވާލު. 25 ބުރީގެ އިމާރާތް ހެދުމާއި މިކަމާއި ހުރި ތަފާތަކީ ކޮބާ؟ ވީއެއް ނުވީއެއް ރައްޔިތުންނަކަށް ނޭގުނު.
ބަގީ
19 March 2019
ބިޑިންގް ޕްރޮސެސް އޮންނަ ގޮތް އެއްކޮށް ބަދަލުކުރީ ކާކުތަ؟ އަމިއްލަޔަށް ފޭހުނު އިލޮށި...
އިސްމާއީލު
19 March 2019
އިހަށްދުވަހު ވިދާޅުވީ މާލެއަށް ތޮއްޖައްސަން މާލޭގައި އިތުރަށް އިމާރާތްތަކެއް ނާޅާނެވާހަކަ. ދިމާވެގެން އޫޅޭ މައްސަލައަކީ މާލޭގެ އާބާދީގެ 4 ގުނަ، އަށްވުރެގިނަ އެހެން ފަރާތްތަކަށް ތަންތަން ކުއްޠަށް ދީގެން އުޅެނީއެވެ. މާލޭގަ 10ބުރިޔަށް ގެނަގާފަ ހުންނަ އާއިލާވެސް ގެ ކުއްޔަށްދީފަ ގައުމުން ބޭރަށް ދަނީއެވެ. ކިރިޔާވެސް ތަންކޮޅެއް ހެދިފަހުރި މާލޭ ބޭފުޅެއް ވެއެއްޖިއްޔާމު ތަންކޮޅު ކުއްޔަށްދީފަ އުޅެނީ އެހެންގައުމެއްގައެވެ. ފުލެޓެއް ލިބުނަސް ހަދަނީ އެހެންނެވެ
މިގޭ
19 March 2019
އަދވެސް ބޭރު ބަޔަކަށްތަދެނީ. މިރާއްޖެއަށް ކުނީގެ އުނދަގޫލުން ސަލާމަތްނުވެގެން އުޅުނު އުޅުން މާޒީވެއްޖެ. އެކަމުން އިބުރަތް ހާސިލުކޮށްގެން ކަންތައްކުރަން ދަސްކުރުންމުހިއްމު.
ހާލިދު
18 March 2019
އައްޑޫ ސިޓީ ކައުންސިލް އެއްކޮ އިސްތިއުފާ ދޭންފެނޭ. އެމްޑީޕީ ގެ ޒުވާން ގާބިލު ކުދިންއް ފުރުސަތު ދޭންޖެހޭ. ކުނީގެ މައްސަލަ އެކަންޏެ ނޫން .ބަޖެޓަކާ ނުލާ ކުރެވޭނެ ބައިވަރު ކަންތަ ބަޖެޓް އުޒުރަކަ ހަދައިގެން ނުކޮއް ތިބެނީ. ރައީސް ނަށީދު އެބަޖެހޭ މިކަމާ ފުންކޮއް ވިސްނަން
ހުޒާމު
19 March 2019
ވ ބޮޑު ތެދެއް ، ސޯބެމެން ގެރެނޓީ ހަމަވެއްޖެ.
އިބިރިހިންބެއްޔާ
19 March 2019
ރައީސު ނަޝީދުވެސް އެބަޖެހޭ ތިކައުންސިލުން ދުރަށްދާން. ޤައުމުގެ ރައީސަކީ އިބްރާހިމް ޟުޙައްމަދު ސާލިޙް. ރައީސު ނަޝީދު، ރައީސު ވަހީދު، ރައީސު ޔާމީނު އެބަޖެހޭ އެއްފަރާތަށް އަރަން.
ހިލްމީ
18 March 2019
ވަރައް އުފާވެރި ހަބަރެއް. އައްޑޫ ސިޓީ ކައުންސިލް ދައުރު ނިމޭ އިރުވެސް އެއްވެސް ކަމެއް ނުވާނެ ކަމައް ބަލައިގެން ހުރީ ،ޖަލްސާތައް ނަމެއްގަ ބެއްވުމާ ސައިހެދުން ފިޔަވާ ސޯބެމެން އައް ކުރެވޭ މާބޮޑު ކަމެއް ނޯވޭ.
ސަކީނާ
18 March 2019
ފުވައްމުލަކުގެ މަގު ހެދުން އޮތީ ކޮންއިރަކުބާ؟