ޒިކްރާ މިސްކިތް: އެތަނުގެ މަސައްކަތްތައް ވަނީ ހުއްޓިފައި.-- ފޮޓޯ: މިހާރު
17 އެޕްރީލް 2019 - 17:23
14 comments
ޒިކްރާ މިސްކިތުގެ މަސައްކަތްތައް ހަދަން އެސްޖޭ ކޮންސްޓްރަކްޝަނާ ހަވާލުކުރީ ގާނޫނާ ހިލާފަށް ކަމަށާއި އެހެންވެ އެ އެއްބަސްވުން ބާތިލްކުރަން އެޓާނީ ޖެނެރަލް (އޭޖީ) އޮފީހުން ލަފާދީފައިވާ ކަމަށް އިސްލާމިކް މިނިސްޓަރު ޑރ. އަހުމަދު ޒާހިރު މިއަދު ވިދާޅުވެއްޖެ އެވެ.
"ދާރުލް ޒިކްރާ"ގެ ނަމުގައި 10 ބުރިއަށް އެ މިސްކިތް ހަދަން ކުރީގެ ރައީސް އަބްދުﷲ ޔާމީންގެ ސަރުކާރުން ހަވާލުކުރީ ޖުލައި 9، 2018 ގަ އެވެ. މި އަހަރުގެ ރޯދަ މަހަށް އެ މިސްކިތުގެ ފުރަތަމަ ތިން ބުރި ނިންމައި ހުޅުވާނެ ކަމަށް އޭރުގެ އިސްލާމިކް މިނިސްޓަރު ޑރ. އަހުމަދު ޒިޔާދު ވިދާޅުވި އެވެ. ނަމަވެސް އަހަރެއްވާން ކައިރިވެފައިވާއިރު ވެސް މިސްކިތުގެ އެއްވެސް މަސައްކަތެއް ނުފެށެ އެވެ.
ޒިކްރާ މިސްކިތް ހެދުމުގެ އެއްބަސްވުމުގައި އެސްޖޭ ކޮންސްޓްރަކްޝަންގެ މެނޭޖިން ޑިރެކްޓަރު ޝާހިދު (ކ) އަދި އޭރުގެ އިސްލާމިކް މިނިސްޓަރު ޒިޔާދު ސޮއިކުރައްވަނީ.-- ފޮޓޯ: ހުސެއިން ވަހީދު/ މިހާރު
"މިހާރު"އަށް ދެއްވި ހާއްސަ އިންޓަވިއުގައި މިނިސްޓަރު ވިދާޅުވީ އާ ސަރުކާރު އައި އިރު ވެސް ޒިކްރާ މިސްކިތާ ގުޅޭ މައްސަލަ ވަރަށް ބޮޑު ވެފައިވާ ކަމަށެވެ. އެކަމާ ގުޅިގެން އޭޖީ އޮފީހާއި މިނިސްޓްރީގެ ގާނޫނީ ޓީމާ މަޝްވަރާކޮށް، އެ ކުންފުންޏާއެކު މަސައްކަތް އިތުރަށް ކުރިއަށް ނުގެންދަން ލަފާދީފައިވާ ކަމަށް ވިދާޅުވި އެވެ.
އޭނާ ވިދާޅުވީ އެސްޖޭ ކޮންސްޓްރަކްޝަނާ އެކު ހަދާފައިވާ އެއްބަސްވުން ބާތިލްކޮށް އެހެން ބަޔަކާ ހަވާލުކުރާނެ ކަމަށެވެ.
"މިނިސްޓްރީއާ ހަވާލުވުމަށްފަހު ފާހަގަވީ އެކަންތައް ގޮސްފައިވަނީ އުސޫލުން ބޭރުން ކަމަށް. އަޅުގަނޑުމެންނަށް އޭޖީ އާއި މިނިސްޓްރީގެ ގާނޫނީ ޓީމުން ވެސް ލަފާދީފައި އޮތީ އެބޭފުޅުން [އެސްޖޭ ކޮންސްޓްރަކްޝަން] ކަންތައް ކޮށްފައި އޮތީ ގާނޫނާ ގަވާއިދުގެ ތެރެއިންނެއް ނޫނޭ، އުސޫލުން ބޭރުންނޭ. އޭގައި އެބަހުއްޓޭ ކަންތައްތަކެއް،" ޒާހިރު ވިދާޅުވި އެވެ.
"އެ ލަފާގެ މަތިން، މުސްތަގުބަލުގައި އަޅުގަނޑުމެން އެ މަސައްކަތް އެބޭފުޅުންނާ އެކީގައި [އެސްޖޭ ކޮންސްޓްރަކްޝަނާއެކު] ކުރިއަށް ގެންދަން ބޭނުންނުވާ ކަމަށް އަޅުގަނޑުމެންނަށް ފާހަގަވަނީ."
އެ މަސައްކަތުގައި މިނިސްޓްރީ އާއި އެސްޖޭ ކޮންސްޓްރަކްޝަން ވެސް އިހުމާލުވެފައި އެބައޮތް ކަމަށް ވިދާޅުވި އެވެ.
އިސްލާމިކް މިނިސްޓަރު ޑރ. އަހުމަދު ޒާހިރު، "މިހާރު" އަށް މިއަދު އިންޓަވިއުދެއްވަނީ.-- ފޮޓޯ: ނިޝާން އަލީ/ މިހާރު
ކޮންޓްރެކްޓާ ފައިނޭންސް އުސޫލުން ހިންގާ އެ މަޝްރޫއުގެ އަގަކީ 130 މިލިއަން ރުފިޔާ އެވެ. އިކުއިޓީގެ ގޮތުގައި 30 މިލިއަން ރުފިޔާ ދޭން ނިންމާފައިވަނީ ސަރުކާރުންނެވެ. ކުރީގެ ސަރުކާރުން ވަނީ އެ ފައިސާ ވެސް އެސްޖޭ ކޮންސްޓްރަކްޝަނަށް ދީފަ އެވެ. އެއްބަސްވުން ބާތިލްކުރުމަށްފަހު ސަރުކާރުން ދިން ފައިސާ ހޯދާނެ ކަމަށް މިނިސްޓަރު ވިދާޅުވި އެވެ.
އޭނާ ވިދާޅުވީ މިސްކިތެއް ހަދާއިރު އެ ކުރެހުން އެޕްރޫވްކުރަން މިނިސްޓްރީ އަށް ހުށަހަޅަންޖެހޭނެ ކަމަށެވެ. ނަމަވެސް އެސްޖީ ކޮންސްޓްރަކްޝަނުން އެކަން ކޮށްފައިވާ ނުވާ ކަމަށް ވިދާޅުވި އެވެ.
އެއްބަސްވުން ބާތިލްކުރާނެކަމުގެ ނޯޓިސް މިނިސްޓްރީން ވަނީ މިިދިޔަ މަހުގެ ފަހުކޮޅު ނުވަތަ މި މަހުގެ ކުރީކޮޅު ދީފަ އެެވެ.
އެނގިފައިވާ ގޮތުގައި އެސްޖޭ ކޮންސްޓްރަކްޝަނަށް މަސައްކަތް ނުފެށިގެން އުޅެނީ އެ ބިމުގެ ރަޖިސްޓްރީ ނެތިގެންނެވެ. އަދި އެތަނުގައި ދިރާގާއި ސްޓެލްކޯ އަދި އެކި ތަންތަނުގެ 47 ޑިސްޓްރިބިއުޝަން ފޮށި ހުރުމަކީ ވެސް އެ މަސައްކަތް ކުރިއަށް ގެންދަން ދިމާވެފައިވާ ދައްޗެއް ކަމަށް ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަހުމާ
18 April 2019
ހަބަރުގެ ފަހު ޕެރެގްރާފުގައި އެއިނީ އަސްލު ސަބަބު. އެސަބަބު އެހެން އޮއްވާ، ތިޔަ އެގްރީމެންޓް ބާތިލު ކޮއްފިޔާ، ދައުލަތުގެ މާއްލިއްޔާއިން ޖީއެމްރާއު އާއި ނެކްސްބިޒް އަށް ގެއްލުމުގެ ބަދަލު ދިންގޮތަށް އެސްޖޭއަށްވެސް ގެއްލުމުގެ ބަދަލު ދޭންޖެހިއްޖިއްޔާ، އިސްލާމިކް މިނިސްޓްރީން އެކަމުގެ ޒިންމާ އުފުލާނެތޯ؟
ސޖ މުޖޭ
18 April 2019
މިއީދޯ މިބައިމީހުން މިހާގިނި އައުޓްލެޓްތަށް ހުޅުމާލޭގައި ހުޅުވި ސަބަބަކީ. މިހާރު މިތަނުން އެއްޑިރެކަޓަރއުޅެނީ ކޮޅުބަދަލުކޮށްގެން. އެކަމަކުވެސް އަޅުގަނޑު ޔަގީންކުރަން މިސަރުކާރުން މިކަމުގައި ހަރުދަނާ އަދި އުސޫލުގެ ތެރޭން ފިޔަވަޅުއަޅާނޭކަން.
ހަކީމް
18 April 2019
ޔާމީނު ގެނެސް ދީފަ ހުރި ތަރައްގީގެ ކުޑަ މިންވަރެއް .. ވަންކަން ކުރުމާ ، ނާޖާއިޒް ފައިދާ ހޯދުން އެއީ ތަރައްގީ ... ދެއް އަތްޖަހާފަ ބާރަށް ކޮމެންޓް ކުރޭ މިއީ ޔާމީނު ގެނެސްދިން ތަރައްގީ އޭ ކިޔާފަ.
ހަކީމް
18 April 2019
އެސްޖޭ ކޮންސްޓްރަކްޝަނާއި ޔާމީނާއި އޭނާގެ ބައިވެރިންނާއި ހުރީ ކޮންގުޅުމެއްތޯ ނޫހުގެ ފަރާތުން ހޯދާލުން މުހިންމު.
ޗޮމމ
18 April 2019
ރަނގަޅު، އަތުލާފައި އިންސާފުވެރި ގޮތަކަށް އަލުން ބަޔަކާއި ހަވާލުކުރާށެވެ. އަދި ކޮބާ ރޮހިންޔާ ފަންޑު؟ އެވެސް އެއްކޮށް ހަވާލުކުރިކަން ކަށަވަރުވީ މީހަކު ނުދެނަހުރީމެވެ. އެކަންވެސް ބައްލަވާށެވެ. ޒަކާތު ފަންޑުން ފާތުމަ ފައުންޑޭޝަނަށް ދިން އަދަދެއްވެސް ހާމަކުރައްވާށެވެ.
ކަންއޮތްގޮތް
18 April 2019
ތި އެސްޖޭ ކޮންސްޓްރަކްޝަނާއި ޔާމީނާއި އޭނާގެ ބައިވެރިންނާއި ހުރީ ކޮންގުޅުމެއްތޯބަލައި، އެމީސްމީހުންގެ ތަރިކަވިއްކައިގެންނަމަވެސް މި 30 މިލިއަންރުފިޔާ ރައްޔިތުންގެމާލިއްޔަތަށް ވެއްދެެންވާނެ. ރައްޔިތުންގެ މާލިއްޔަތަށް މިވަރުގެ ޚިޔާނާތްތެރި ސަރުކާރެއް މީން ޒަމާނެއްގައިވެސް އަޔެކޭ ބުނެވޭކަށްނެތް. ބޭބާފުޅު މައުމޫނުގެދައުރުގައި ރައްޔިތުންގެމާލިއްޔަތު ބޭނުންފުޅުގޮތަކަށް ތަޅާބުރުއްސިއެވެ. "ދީލަތިއެހީ"ގެނަމުގައި ދީހެދިއެވެ.
ކޮލަމާފުށި
18 April 2019
ތި ޕްރޮޖެކްޓް ހުއްޓާލުމަށް ނިންމި ނިންމުމަކީ ވ.ރަނގަޅުކަމެއް...ތިއީ ޔާމީނުގެ ވެރިކަމުގެ ކަރަޕްޝަނުގެ ބޮޑުވެގެންވާ އަމަލެއް..އިސްލާމިކް މިނިސްޓްރީގެ ގިނަ މުވައްޒަފުން މިކަމަށް ހެކިވާނެ.
އަތްޖަހާ
18 April 2019
މާލޭގެ އެންމެ ރަގަޅު ހިސާބުން 10 ބުރީގެ އިމާރާތެއް ސަރުކާރުން 30މިލިއަން ޚަރަދު ކޮށްގެން އަޅުވާފަ ކޮންޓްރެކްޓަރަށް 7 ބުރި އުމުރު ދުވަހަށް. ކިހާ ބޮޑެތި ކަރަޕްޝަން މިހުންނަނީ. ވައްކަން ކުރި އިރު ދިނީ ކަންކަމުން ވެސް ވައްކަން ކުރީއޭ.
އަދުލު33
18 April 2019
ދިހަ ބުރީގެ ފެންވަރުގެ އިމާރާތެއް އެޅޭނެ 30 މިލިއަނަށް މާ ރީއްޗައްވެސް.
ހަސަން ނުވަވަނަ
18 April 2019
މިގޮތަށް މަސައްކަތް ނުފެށިހުރި ހުރިހާ ޕްރޮޖެކްޓެއް ނަގާފަ މުޅިގައިގަ ރީނދޫ ވަށައިގެން އުޅޭ އެކްޓިވިސްޓުންނަށް ދޭނެ. ބަލަ ކީއްވެ އިއްޔެ ހުޅުވި މިސްކިތްވެސް ތަޅާލާފަ އަލުން ބިޑްކޮށްގެން ހަދާފަ ނުހުޅުވީ. އަނގަ ހުޅުވަން ލަދުގަނެބަލަ ގެރިގުއޭމެން.
ޕީ ކޭ ލޭލޭ
17 April 2019
ޕައިސާކާނާ އާތާހޭ، ހަޖަމް ކަރްނާ ނެހީއާތާ.