Saturday 16 January, 2021

އޮޑިޓް ރިޕޯޓު ހުށަނާޅާތީ އަދާލަތާއި ޑީއާރުޕީ 50،000ރ. އިން ޖޫރިމަނާކޮށްފި

އިލެކްޝަންސް ކޮމިޝަނުން ކުރިން ބޭއްވި ނޫސްވެރިންގެ ބައްދަލުވުމެއްގައި އެ ކޮމިޝަންގެ ތިން މެމްބަރަކު ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު, މިހާރު

20 މެއި 2019

4 comments

އަދާލަތު ޕާޓީ އާއި ޑީއާރުޕީގެ އޮޑިޓު ރިޕޯޓު އިލެކްޝަންސް ކޮމިޝަން (އީސީ) އަށް ހުށަހަޅާފައި ނުވާތީ، އެ ދެ ޕާޓީ 50،000ރ. އިން ޖޫރިމަނާ ކުރަން އެ ކޮމިޝަނުން މިއަދު ނިންމައިފި އެވެ.

ކޮމިޝަންގެ މެމްބަރު އަހުމަދު އަކްރަމް ވިދާޅުވީ، އޮޑިޓް ރިޕޯޓު ހުށަނާޅައިގެން އަދާލަތާއި ޑީއާރުޕީ ޖޫރިމަނާ ކުރިއިރު ޕީޕީއެމްގެ އޮޑިޓް ރިޕޯޓާ ގުޅިގެން އެ ޕާޓީ ވެސް ޖޫރިމަނާ ކުރަން ނިންމާފައިވާ ކަމަށެވެ.

އަކްރަމް ވިދާޅުވީ ސިޔާސީ ޕާޓީތަކުގެ ގާނޫނާ ހިލާފަށް ޕީޕީއެމުން ފައިސާ ޚަރަދު ކުރިކަން ބަޔާން ކޮށްފައިވާތީ އެ ޕާޓީ 20،000ރ. އިން ޖޫރިމަނާކޮށްފައިވާ ކަމަށެވެ. އަދި ޕީޕީއެމްގެ ފައިސާ ބެލެހެއްޓުމުގައި އިސްކޮށް ހަރަކާތްތެރިވާ މީހާ 5،000ރ. އިން ޖޫރިމަނާކުރަން ނިންމާފައިވާ ކަމަށް އަކްރަމް ވިދާޅުވި އެވެ.

Siyasee partyge gaanoonugai audit report hushalhan onna muhdhathugai, audit report hushahalhaafai nuvaathee, Adhaalath Party adhi Dhivehi rayyithunge Party 50,000/- rufiya in joorimanaa kurumah nimmaifi
— Elections Commission (@ElectionsMv) May 20, 2019

ސިޔާސީ ޕާޓީތަކުން މިދިޔަ އަހަރު ހިންގި ހަރަކާތްތަކާއި ލިބުނު ފައިސާ އާއި ޚަރަދު ކުރި ގޮތުގެ ރިޕޯޓު، ޖެހިގެން އަންނަ އަހަރުގެ ފުރަތަމަ ތިން މަހުގެ ތެރޭގައި އީސީ އަށް ހުށަހަޅަން ޖެހޭނެ އެވެ. ނަމަވެސް އެ މުއްދަތުގެ ފަހުން އަހަރީ ރިޕޯޓު ހުށަހަޅާފައިވާތީ އެމްޑީޕީ އާއި އަދާލަތާއި ޕީޕީއެމަށް ކޮމިޝަނުން ވަނީ އެ ގޮތަށް އަމަލު ނުކުރުމަށް އަންގައި އިންޒާރުދީފަ އެވެ.

Siyaasee Partyge ganoonugaivaa gothaa khilaafah faisaage kanthahthah balahattaafaivaa kamah PPM ge audit reportgai auditor faahaga koffaivaathee PPM 20,000/- rf in joorimanaa kurumah adhi e partyge faisaage kanthah balahattaa faraai 5,000/- rf in joorimanaa kurumah EC in nimmaifi
— Elections Commission (@ElectionsMv) May 20, 2019

އިލެކްޝަންސް ކޮމިޝަން އަދާލަތު ޕާޓީ އެމްޑީޕީ ޖުމްހޫރީ ޕާޓީ ޑީއާރުޕީ ޕީޕީއެމް

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުރާސިލް

20 May 2019

އަދާލަތު ޑީއާރުޕީ އަށް ސަރުކާރުން ފައިސާ ނުޑި އަދި ޖޫރިމަނާ ހާދަ ދެރައޭ ދޯ ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރާންތިބޯ

20 May 2019

ޑީ އާރުޕީ ކިޔާ ޕާޓީއެއް އެބަ އޮތްތަ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

20 May 2019

މިގޮތައް ކުރެވޭ ޖުރިމާނާގެ ފައިސާ ވަންނަންޖެހޭނީ ފިނޭންސައް. އެހެނީ ޕާރޓީތަކަށް ފައިސާ ދޫކުރަނީވެސް ފިނޭންސުންވީމަ. މިކަމަކީ ރަނގަޅު ކަމެއް. ގަވާއިދުގައި ބައިތިއްބަންވާނީ!