ދިއްފުށީގައި މީހަކަށް އަނިޔާކޮށްފައި
24 މެއި 2019 - 00:48
33 comments
ވައްކަންކުރާ މީހުން ހޯދަން ކަމަށް ބުނެ ކ. ދިއްފުށީގައި އާންމުން ނުކުތުމުން އިއްޔެ ރޭ ބޮޑެތި ހަމަނުޖެހުންތަކެއް ހިންގައި ބަޔަކަށް ވަޅިން ހަމަލާދީފައި ވަނިކޮށް މިރޭ ވެސް ބަޔަކު ނުކުމެ ހަމަނުޖެހުން ހިންގައި މީހަކަށް ވަރަށް ބޮޑަށް އަނިޔާކޮށްފި އެވެ.
އަނިޔާ ލިބުނު މީހާގެ ހާލު ސީރިއަސް ކަމާއި އިތުރު ފަރުވާ ދިނުމަށް ސީ އެމްބިއުލާންސްގައި މާލެ ގެނައުމުގެ މަސައްކަތް ކުރަމުން އަންނަ ކަމަށް ވަނީ އެނގިފަ އެވެ.
ދިއްފުށީގައި މިރޭ ވެސް ހަމަނުޖެހުން ހިންގައިގެން އުޅޭ ކަމާއި ފުލުހުން އެ ރަށުގައި ހަރަކާތްތެރިވަމުން އަންނަކަން ފުލުހުން ކަށަވަރުކޮށްދިނެވެ. ނަމަވެސް މިރޭގެ ހާދިސާއާ ބެހޭ ތަފްސީލެއް އަދި ހާމައެއް ނުކުރެ އެވެ.
އެނގިފައިވާ ގޮތުގައި އާންމުންގެ ބަޔަކު ވަނީ ފިހާރަޔަކުން 180،000ރ. އާ އެކު ވަގަށް ނެގި ކަމަށް ބުނާ ތިޖޫރީއެއް ވަޅުލާފައި އޮއްވައި ހޯދައިފަ އެވެ. ތިޖޫރީ ހޯދީ ވައްކަމުގައި ބައިވެރިވި ކަމަށް ބެލެވޭ މީހަކަށް އަނިޔާކޮށް އެ މީހާ ދިން މައުލޫމާތުން ކަމަށްވެ އެވެ. ތިޖޫރީ ހޯދި އިރު އޭގައި އެއްވެސް ފައިސާއެއް ނެތެވެ.
ދިއްފުށީގައި ވަގަށް ނެގި ކަމަށް ބުނާ ތިޖޫރީއެއް ހޯދާފައި
ދިއްފުށީގައި އިއްޔެ ރޭ ހަމަނުޖެހުން ހިނގީ ފިހާރައެއް ފަޅާލައިގެން ތިޖޫރީ ވަގަށް ނެގި މައްސަލާގައި ވަގު ހޯދަން ކަމަށް ބުނެ އާންމުން ނުކުތުމުންނެވެ. ޝައްކުކުރެވޭ މީހުންނާ އާންމުން ކުރިމަތިލުމުން، އާންމުންގެ ދެ މީހަކަށް ވަޅިން ހަމަލާދީ އެކަކު ވަނީ ވަރަށް ބޮޑަށް ޒަހަމްކޮށްލައިފަ އެވެ. އަދި އާންމުން ވެސް ހަމަލާދީ، ވައްކަން ކުރި ކަމަށް ބުނާ މީހުންނަށް ހަމަލާދީ އަދި އެ ގްރޫޕް މީހުން ގެންގުޅޭ ޑިންގީއެއްގައި ވަނީ ރޯކޮށްލައިފަ އެވެ.
އިއްޔެ ރޭގެ ހަމަނުޖެހުންތަކާ ގުޅިގެން އަދި މިހާތަނަށް މީހަކު ހައްޔަރުކޮށްފައެއް ނުވެ އެވެ.
ރަށު ކައުންސިލުން ކުރިން ބުނެފައިވާ ގޮތުގައި، ލޯކަލް ޓޫރިޒަމް ފުޅާވަމުން އަންނަ ދިއްފުށީގައި ވައްކަން ކުރާ ގްރޫޕެއް އެބަ އުޅެ އެވެ. ދިއްފުއްޓަކީ ފުލުހުން ގާއިމުވެ ތިބޭ ރަށެއް ނޫނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢައިންތު
25 May 2019
މިވަރުވާ އިރު ކޮބާތޯ އިންތިހާބީ މެންބަރު. ޢެއްވެސް ބަހެއް މިހާތަނަށް ނުބުނެ ކީއްވެތޯ ހަނު ހުންނަނީ
ވަހީދު
24 May 2019
ވައްކަން ކުރުމަކީ ވެސް ހަމަނުޖެހުމެއް. އަބަދަކު މީހުން ނުތިބޭނެ ވައްކަން ކުރާ އިރު ބަލަހައްޓައިގެން. ލައްކައިން މިލިޔަނުން ފޭރި ވައްކަން ކުރާއިރު ބަލަހައްޓައިގެން ނުތިބެވޭނެ. އެވަރަށް ފައިސާ އެއްކުރެވެނީ ވަރަށް މަސައްކަތުން.
އިޙްސާސް
24 May 2019
މިގައުމަށް ބޭނުންވަނީ ޒީރޯ ޓޮލަރެންސްގަ ތިޔަ ކަންކަން ނިންމާލާނެ ވެރިއެއް. ފޮނި އަނގަތަޅާ ވެރިއެއްނޫން. ވައްކަން ކުރާމީހުން ހެވިފަ އެކަން އެކުރަނީ ގައިމު އެމީހުން މިރާއްޖޭގަ ވަރަށް ފަސޭހައިން ސަލާމަތް ވެވޭތީ. އާހިރަތައްވެސް އީމާން ނުވާތީ. ފުލުހުންވެސް ފެއިލްވެފަ. ދައުލަތާ ޝަރުއީ ނިޒާމުވެސް ފެއިލްވެފަ. އެކަމަކު އަހަރެމެން ރައްޔިތުންނަށް ތެޅެނީ ފޮނިއަނގަ. ވޯޓުދެނީ ނުވިސްނާ.
ކަނޑުބޭރި
24 May 2019
ވަގުންނަށް ހަލާކު ހުރި. މިފަދަ މާތް މަހެއްގައި މިމީހުންގެ އުނދަގޫ ބޮޑުނުވާ އެންމެ އަހަރެއްވެސް އާދޭތަ؟
ފޭލި
24 May 2019
ކޮމެންޓުތައް ކިޔާލާފަ ހާދަހީވެޔޭ ކޮމެންޓުކުރަނީ ފާއިތުވި ދެ އިންތިޚާބުގަ ލަދުގަންނަ ނާކާމިޔާބީއަކާ ކުރިމަތިލި ގުރޫޕުގަނޑުހެން!
ޒަރީރު
24 May 2019
ފޮލިހުންނަށް ކަންކަން ހައްލުނުވާތި ހުރިހާ ކަމެއްވެސް ގޯހުންގޯހަށް ދަނީ. އިއްޔަވެސް ފެނުނި މަންޒަރަކީ ދެ ބަގުލާދޭސް ރަށްއިތުން މޭޒެއް ފޭމަންޓް ގަ ބަހަށްޓައިގެން ގަވާދާ ހިލާފަށް ވިޔަފާރި ކުރާތަން. ދެން އެތަނަށް އައި ފުލުސް ދެ ބޭފުޅުން ބަޔަކު ރިފޯޓް ކުރީމަ. އައީމަ މި ދެބިދޭސީންވެގެން ފުލުސް ބޭފުންނާ ދިމާއަށް އެއްޗި ގޮވާ ފުލުސް ދެބޭފުޅުންގެ ފުޓޯނަގާ މި މީހުން މާގަދަ ކޮށްލައިގެން އުޅުނީ. މީ މިގައުމުގަ މިއަދު ކަންކަން ގޮސްފައި އޮތް ހިސާބު..
ޖުހާ
24 May 2019
ވައްކަން، މަގުފޭރުން އަދި މަސްތުވާތަކެތީގެ މައްސަލާގަ ފުލުހުން ވަރަށް މަސައްކަތް ކުރޭ. ހައްޔަރުކޮށް ތަހުގީގުނިންމާ ކޯޓާހަމަޔަށް ވެސްދޭ އެހެނަސް ކޯޓާހިސާބުން އެމީހުން ހުދުކަފަކޮޅަކަށްވެ ނިމެނީ. ޖެހިގެން އަންނަރޭ ހަމަ އެމީހާ ފުލުހުން ހައްޔަރުކުރަން ޖެހޭނެ، އަނެއްކާވެސް ކޯޓާހިސާބުން ހުދުކަފަކޮޅަކަށް. ކުދިކުދި ގުރޫޕްތަށް ހަދާގެން މިގިތަށް ވައްކަން ކުރުން މިހާރު އާންމުކަމަކަށް ވެއްޖެ، އަދި ދާދާ ގިރީ ހެދިގެން ރައްޔިތުން މެދުގަ ބިރުވެރިކަން އުފައްދާ.
ހަސަން ނުވަވަނަ
24 May 2019
މަގުމަތީ އެކްޓިވިސްޓެއް ހޯމް މިނިސްޓަރަކަށް. ދައުލަތުގެ ސިއްރު މައުލޫމާތު ލީކްކުރާ ސޮރެއް ސީޕީއަކަށް. ވަޅުދިޔަހިއްކާމީހެއް ވަލިއްޔުލްއަމްރަށް. ސަރުކާރު ހިންގަނީ ކޮމިޓިއަކުން. ނޫނޭވާ ތަފާތު ޖަޒީރާ. އެޖެންޑާ19 ސަޅިވާނެ
ހަސަންދިހަވަނަ
24 May 2019
ތިޖޫރީއިންތާ ވަޅުކޮންނަންދަސްކޮއްދީ ފުލުހުންނައްވެސް އެބައިކުޅެންދަސްކޮއްދީ އަދުލުއިންސާފަކީ އެމީހާ މޮޑެންގެންގުޅުނު ފުއްގަނޑަކައް ހެދުމުގެ ނަތީޖާ ގައިމު ޓެގުއަޅުވާފަ ދޫކުރިނަމަ ޑޯގުސްކޮޑު އަތުލަދޭ ސާމާނުގަނޑު އެއީ ސައްކުވާ ބާވަތަކައްނުވެ އަމާޒުޔަގީންް ވީނަމަކާ މިއަދު މިހާލަތަކައް ނުވެއްޓުނީސް ހަލާލެއް ހަރާމެއް މިއަދު ނެތިމިދަނީ ބެންކޮކައް ފައިސާ ހިފައިގެން މިދެވެނީ މިހެންވެ
ހަސަން ނުވަވަނަ
24 May 2019
ޖަޒީރާގަ އޮންނާނީ އެމީހަކާ އެމީހެއް. ޗީފް މިނިސްޓަރު މަހާ ރާޖާއަށް ކުރުނީސްކޮށްފަ އެހެންކަމެއް ކުރާނެ ވަގުތެއް ނެތް. އެޖެންޑާ19 ސަޅިވާނެ
ޒުވާނާ.
24 May 2019
ޖަޒީރާގެ ކޯޓުތައް މިނިވަންވަންދެން މަޑުކޮއްލާ މިހާރު ގެންދާއިރައް ދޫކޮއްލާނެ
އަލީމާ
24 May 2019
ދައުލަތެއް ނެތްތަނެކޭ އެއްވަރު... ބޮޑަތި ގެއްލުން ދެމުން ދާއިރުވެސް މީހަކު ހައްޔަރެއް ނުކުރޭ ފުރާނައަށް ގެއްލުންދޭ ވަރަށް އަނިޔާ ކުރިޔަސް ހައްޔަރެއް ނުކުރޭ އެމީހަކާ އެމީހެއްތަ މިސަރުކާރުގަ މިއޮތީ
ޖުހާ
24 May 2019
ހައްޔަރު ކުރަން ކުރާނެ ބާރެއް، ކޯޓަށް ގެންދާއިރަށް ދޫކޮއްލާނެ. މިގައުމު ސަލާމަތް ކުރަން ވަރަށް ބުރަމަސައްކަތް ކުރަން އެބަޖެހޭ. ދައުލްތުގެ އެންމެ މަތީ ފަޑިން ފެށިގެން ގޮސް އާދައިގެ ރައްޔިތު މީހާއާ ހަމައަށް.