އިންޑިއާ އިން ރާއްޖެ އަށް ކަނޑައަޅާފައިވާ ސަފީރު، ނަޝީދާ ބައްދަލު ކުރައްވަނީ. --ފޮޓޯ/މަޖިލީސް
30 މެއި 2019 - 14:13
މިދިޔަ އަންގާރަ ދުވަހުގެ ރޭ ހުވާކުރި 19 ވަނަ ރައްޔިތުންގެ މަޖިލިހުގެ ރައީސް މުހައްމަދު ނަޝީދު މަގާމާ ހަވާލުވެވަޑައިގަތުމަށް ފަހު، ރާއްޖެ އިން ބޭރުގެ ފަރާތަކާ އެކު ކުރިއަށް ގެންދެވި ފުރަތަމަ ބައްދަލުވުން، ރާއްޖޭގައި ހުންނަވާ އިންޑިއާގެ ސަފީރު ސަންޖޭ ސުދީރުއާ އެކު މިއަދު ބާއްވައިފި އެވެ.
މަޖިލިހުގެ އާ ރައީސް ނަޝީދުގެ ފުރަތަމަ ބައްދަލުވުން އިންޑިއާގެ ސަފީރާ އެކު ބޭއްވެވިއިރު، މަޖިލިހުގެ ފުރަތަމަ ޖަލްސާގެ އެޖެންޑާގެ ފުރަތަމަ ބަހުސް ވެސް ހާއްސަ ކުރީ އިންޑިއާގެ ބޮޑުވަޒީރު ނަރެންދުރަ މޮދީ އަންނަ މަހު ރާއްޖެ ވަޑައިގެން މަޖިލިހުގައި ބަހުސް ކުރައްވާތީ އެކަމާ ގުޅޭ ގޮތުންނެވެ. އިއްޔެ ބޭއްވި 19 ވަނަ ރައްޔިތުންގެ މަޖިލިހުގެ ފުރަތަމަ ޖަލްސާގައި ވަނީ އަންނަ މަހުގެ 7،8 ގައި މޮދީ ރާއްޖެ އަށް ކުރައްވާ ރަސްމީ ދަތުރުފުޅުގައި މަޖިލިހުގައި ތަގުރީރު ކުރެއްވުމުގެ ދައުވަތު އަރުވަން ފާސްކޮށްފަ އެވެ.
ގާނޫނުއަސާސީ އާއި މަޖިލިހުގެ ގަވައިދުގައިވާ ގޮތުން ބޭރުގެ ވެރިންނަށް މަޖިލީހުގައި ތަގުރީރު ކުރެއްވޭނީ މެންބަރުންގެ ރުހުން ލިބިގެންނެވެ.
ރައްޔިތުންގެ މަޖިލީހުން ކުރި ޓުވީޓެއްގައި މިއަދު ބުނީ ނަޝީދުގެ އަރިހަށް ސަންޖޭ ސުދީރު ކުރެއްވި އިހްތިރާމްގެ ޒިޔާރަތެއް ކަމަށެވެ.
އިންޑިއާގެ އާންމު އިންތިހާބު ބޮޑު ތަފާތަކުން ކާމިޔާބުކުރެއްވި މޯދީ، ހުވާކުރެއްވުމަށް ފަހު ރާއްޖެ އިން ބޭރަށް ކުރައްވާ ފުރަތަމަ ދަތުރުފުޅުގައި ރާއްޖެ ވަޑައިގަންނަވާއިރު، ރައީސް އިބްރާހިމް މުހައްމަދު ސޯލިހް ވެސް މަގާމާ ހަވާލުވެވަޑައިގަތުމަށް ފަހު ފުރަތަމަ ރަސްމީ ދަތުރުފުޅު ކުރެއްވީ އިންޑިއާ އަށެވެ.
ކުރީގެ ސަރުކާރުގައި ރާއްޖެ އާއި އިންޑިއާގެ ގުޅުން ވަރަށް ބޮޑަށް ގޯސްވި އެވެ. އެކަމަކު ރައީސް އިބްރާހިމް މުހައްމަދު ސޯލިހް، ހުވާ ކުރެއްވުމާ އެކު ދެ ގައުމުގެ ގުޅުން ވަނީ ވަރަށް ބޮޑަށް ބަދަހިވެފަ އެވެ. އެކި ދާއިރާތަކުން މަޝްރޫއުތައް ހިންގަން ރާއްޖެ އަށް ގިނަ އެހީތަކެއް ވެސް އަންނަނީ ވަމުންނެވެ.
ރާއްޖެ އާއި އިންޑިއާގެ ގުޅުން ގާތްވުމަކީ ރާއްޖޭގެ މިނިވަންކަމާއި ސިޔާދަތަށް ގެއްލުންވާނެ ކަމެއް ކަމުގެ ތުހުމަތު އިދިކޮޅު ފަރާތްތަކުން ކުރެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
20000
02 June 2019
ރައީސް ، ރައީސް ރައީސް ނަޝީދު ކިޔަންވީނު
އަޖައިބުު
30 May 2019
ދެން އެހެން ކޮން ގައުމަކާތަ އެންމެ ފުރަތަމަ ބައްދަލުކުރާނީ؟ ސަޕްރައިޒްވާވަރުގެ ކަމެއްނޫން މިއީކީ. އިންޑިއާ އޮތީ މިދިޔަ 5 އަހަރު ރާއްޖޭގެ ފެން ބޯހިތުން ކަރުހިއްކާފަ. ކަރުހިއްކުން ފިލުވޭނެހާ އަވަހަކަށް ފިލުވަން ލިބުނީމަ ފެން ނުބޮއި ތިބޭނެތަ؟
ކުރުނބާ
30 May 2019
ދުވަސްކޮޅެއްތެރޭ ތިޔަ ޚަބަރުތައް ބަދަލުވާނެ :- “ދިވެހިރާއްޖޭގެ ޢިއްޒަތްތެރި ބޮޑުވަޒީރު ރައީސް މުޙައްމަދު ނަޝީދު....” ރައީސް މިބަސް ކޮންމެގޮތެއްވިއަސް އަންނާނެތާ ރައީސްކަންކޮށްފައޮތީމަ.
ގަޑުބަޑު
30 May 2019
މަޖްލީހުގެ ރައީސް ކަން ނަޝީދަށް ކުރެވެނީ އަރޮހުގާ އިވާ އަބުދުއްﷲ ހުންނެވުމުންނޯ... ޖޭއެސްސީގެ ރައީސް ކަން ނަޝީދަށް ކުރެއްވެނީ އަރިހުގާ ޙިސާނު ހުސޭނު ހުންނެވުމުން ނޯ..
ޢައްޔުބޭ
30 May 2019
ބޮޑު ވަޒީރާ ހާދަ ވައްތަރޭ، އެކަމަކު އިބޫގެ ވެރިކަމަށް ހިޔަނި ނާޅުއްވާ، އިބޫއަކީ ސޯފަރ ދަ ބެސްޓް ޕްރެޒިޑެންޓް.
ދުންޔާ
30 May 2019
މި ސަރުކާރާ މެދު ސުވާލު އުފެއްދުޖެ މިހާރު.ވަރަން ކައިރިން ބަލަން ވެއްޖެ އިންޑިއާއިން މި ސަރުކާރު ގެންނަ ފައިސާ ހަރަދު ކުރި ތޯ
ޒުލްފިގާރު
30 May 2019
އިންޑިޔާގެ އަންބޮޑިއަށް ނުވެއްޓިއެއްކަމެއްވެސް ކުރަންނޭގޭ
ކޮރަލް
30 May 2019
އިންޑިޔާ އިން ރާއްޖޭގެ އިންތިހާބު ތަކަށް ފައިސާ.ހަރަދު ކުރި ތޯ ބަލަން ވީއެވެ.
ލަތީފާ
30 May 2019
އެންމެ ކައިރީގައި އޮތް އެންމެ ބާރުގަދަ ގައުމު - އިންޑިއާ
އުދުހޭ
30 May 2019
ޗީފް މިނިސްޓަރާ ބައްދަލުކުރުމަށް މޯދީ އެބައާދޭ