ރައްޔިތުންގެ މަޖިލިހުގެ ސަލާމަތާއި ހާރިޖީ ގުޅުންތަކާ ބެހޭ ކޮމިޓީގެ އިއްޔެގެ ބައްދަލުވުމުގައި އިނގުރައިދޫ ދާއިރާގެ މެމްބަރު ހަސަން އަހުމަދު (ވ) ބައިވެރިވެވަޑައިގަންނަވަނީ. --- ފޮޓޯ: ނިޝާން އަލީ/ މިހާރު
13 ޖޫން 2019 - 10:03
ސައިކަލް ކަހާލައިގެން ވެއްޓި، ރައްޔިތުންގެ މަޖިލިހުގެ އިނގުރައިދޫ ދާއިރާގެ އެމްޑީޕީގެ މެމްބަރު ހަސަން އަހުމަދު (ހަސަންޓޭ) އަށް ރޭ ވަރަށް ބޮޑަށް އަނިޔާވެއްޖެ އެވެ.
ސަރުކާރު ހިންގާ ކޯލިޝަންގެ މައި ޕާޓީ، އެމްޑީޕީ އުފެދުނީއްސުރެ އިސް އެކްޓިވިސްޓެއްގެ ގޮތުގައި ހަރަކާތްތެރިވި ހަސަންޓޭގެ ގާތް މީހަކު "މިހާރު" އަށް ބުނީ އެކްސިޑެންޓު ހިނގަން މެދުވެރިވީ، ހިނގާފައި ދިޔަ މީހެއްގެ ގައިން ސައިކަލް ނައްޓުވާލަން އުޅެނިކޮށް ސައިކަލް ކަހާލައިގެން ކަމަށެވެ. ހަސަންޓޭ އެކްސިޑެންޓުވުމާ ގުޅިގެން ފަރުވާ ދިނީ އޭޑީކޭ ހޮސްޕިޓަލްގަ އެވެ.
އޭނާ ހޮސްޕިޓަލަށް ގެންގޮސްދިނީ އެ ވަގުތު އޮފް ޑިއުޓީގައި ހުރި ފުލުހެކެވެ.
ފުލުހުން ބުނިގޮތުގައި، އެކްސިޑެންޓު ހިނގާފައި ވަނީ އަމީރު އަހުމަދު މަގުން ވެލާނާގެެއާ ހިސާބުން ކަފިހި ހުރަސް ކައިރިންނެވެ.
ހަސަންޓެގެ ނިއްކުރި ވަރަށް ބޮޑަށް ފަޅައިގެން ގޮސް ވައަތު ފައި ވެސް ވަނީ ވަރަށް ބޮޑަށް ޒަޚަމްވެފަ އެވެ. އެކަމަކު، ފަރުވާ ދިނުމަށް ފަހު، ހޮސްޕިޓަލުން މިހާރު ވަނީ ދޫކޮށްލައިފަ އެވެ.
އިނގުރައިދޫ ދާއިރާގެ މެމްބަރު ހަސަން އަހުމަދު ހޮސްޕިޓަލްގައި.
Inguraidhoo Dhaairaage Izzaiytheri member @HassantayMDP mirey varah bodah accident ve Aniyaa vejje. May good health envelop you, spurring a quick recovery. 💐 pic.twitter.com/redFrgCsqw
— Nuha (@faiyminii) June 12, 2019
"އެކްސްރޭ އިން ފެނނަ ގޮތުން ފައި ބިންދައިގެނެއް ނުދޭ. އެކަމަކު ސާޖަރީއަކަށް ދާން ޖެހޭ ކަމަށް ޑޮކްޓަރުން އަންގާފައި އޮތީ،" ހަސަންޓޭގެ ގާތް މީހަކު ކިޔައިދިނެވެ.
"ސީރިއަސް އަނިޔާއެއް ނުވާ ކަމަށް ވަނީ. އަޅުގަނޑު ވެސް ގޭގައި ހުރެފައި އެ ހަބަރު ލިބުނީމަ، ހޮސްޕިޓަލަށް ދިޔަ އިރު ހަސަންޓޭ ރޭ ވަނީ ގެއަށް ދޫކޮށްލާފައި،" އޭނާ ބުންޏެވެ.
ފުލުހުން ބުނީ، އެކްސިޑެންޓުގެ މައްސަލަ ފުލުހުންނަށް ހުށަހަޅަން ހަސަންޓޭ ބޭނުން ނުވާ ކަމަށެވެ.
އެމްޑީޕީގެ އިނގުރައިދޫ ދާއިރާގެ ރައީސްކަން ކުރައްވާ ހަސަންޓޭ އަކީ ކުރީގެ ރައީސް އަބްދުﷲ ޔާމީންގެ ވެރިކަން ނިމުމަކަށް ގެނައުމަށް ބޭއްވި މުޒާހަރާތަކުގައި ބައިވެރިވެވަޑައިގެންނެވި ބޭފުޅެކެވެ. މުޒާހަރާތަކާ ގުޅިގެން އޭނާ ވަނީ އެތައް ފަހަރެއްގެ މަތިން ޖަލަށް ވެސް ގެންގޮސްފަ އެވެ.
މިދިޔަ އަހަރުގެ ރިޔާސީ އިންތިހާބުގެ ކެމްޕެއިން ދުވަސްވަރު ރައީސް އިބްރާހިމް މުހައްމަދު ސޯލިހާ އެކު ހުރިހާ ރަށަކަށް ވަޑައިގެންނެވި އެއް ބޭފުޅަކީ ވެސް ހަސަންޓޭ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ރީހަން
13 June 2019
އެމްޑީޕީ އުފެދުނީއްސުރެ ހަރަކާތްތެރިވި މީހެއް ނޫން...ޖޭޕީ އުފައްދަން މީސްމީހުންގެ ސޮއި ހޯދަން އުޅުނު ހަދާން އަހަރެން އެބަހުރި
ގޯނިބެ ކުޑައަލީ
13 June 2019
މިހާރުން މިހާރަށް ހަސަންޓޭ އަށް ސެކިއުރިޓީ ދިނުމަށް ހަރުއަޑުން ގޮވާލަން، ހަސަންޓޭ އަށް އަވަސް ޝިފާއަކަށް އެދެން!
ހާދަ
13 June 2019
މަ ހާދަ ރުޅިއާދެޔޭ އެކަހަލަ ނަންނަން ކިޔާތީ. ހަސަންޓެ އޭ.... ކިޔާބަލަ.
ހުކުމް
13 June 2019
شفاك الله............شفاك الله...........شفاك الله
ކިޔުންތެރި
13 June 2019
އަވަސް ޝިފާއެއް ދެއްވާށިއެވެ
ހާސަރު
13 June 2019
ހަސަންޓޭ އަށް އަވަސް ޝިފާއަކަށް އެދެން. ހަސަންޓޭއަކީ ގައުމުއިސްލާހުކުރުމުގައި ދެގޮތެއްނުވެ ސާބިތުވެ ހުންނެވި ބޭފުޅެއް. މަޖްލިސް މެންބަރެއްގެ ގޮތުން މިވީ މަދު ދުވަސްކޮޅެއްގައިވެސް މަޖްލިހުގައި ދައްކަވާ ވާހަކަފުޅު ވަރަށް ހަރުދަނާ.
ކޮރަލް
13 June 2019
ދެދުނިޔެ ހޯދަން މަސައްކަތް ކުރަން ވީއެވެ.
ފީބީ ބުފޭ
13 June 2019
އަވަސް ޝިފާއަކަށް އެދެން ހަސަންޓޭ..
ކާކު
13 June 2019
ކީންކުރާނީ މިޔަދުމީމިވެރިންގެ ދުވަސް ދެރަނިކަމެތިންގެ ދުވަސް ވެސް އަދިއައްނާނެ އެދުވަހު މިވެރިންތިބޭނެހިސާބު އަހަރެމެން ނަކައް ނޭއްގޭނެ
ހަސަން ނުވަވަނަ
13 June 2019
މިވެސް މެމްބަރެއްދޯ މިހާރު. އަދި ކިރިޔާ މި އެނގުނީ
ހަސަން ނުވަވަނަ
13 June 2019
އަވަސް ޝިފާއަކަށް އެދެން.
ކަޅުކަޅު ދޮނޭ
13 June 2019
އެއްގުރޫޕަކުން އެހާގިނަ މީހުން ތިބޭތީ އެކާކު މީކާކު ނަގައިގަންނަން އުނދަގޫދޯ!
ރަދީފް
13 June 2019
އެއީ މެމްބަރެއްކަން ކަލެއަށް ނޭނގުންއެއީ ކަލޭގެ މައުލޫމާތުގެ ކޮށިކަން.އަދި ގަމާރުކަން ހުރި ލެވެލް ހާމަވޭ ތިކޮމެންޓުން.