އަށް އަހަރުގެ ކުއްޖާއާ ބެހުނު ކަމަށް ތުހުމަތު ކުރެވޭ މީހާގެ ބަންދަށް 15 ދުވަސް

ކުޑަކުދިންނަށް ކުރާ އަނިޔާތަކާ ދެކޮޅަށް ހޭލުންތެރިކުރުވަން ހަދާފައިވާ ޕޯސްޓަރެއް---

13 ޖޫން 2019 - 21:25

އއ. އަތޮޅުގެ ރަށެއްގައި އުމުރުން އަށް އަހަރުގެ ކުއްޖަކަށް ޖިންސީ ގޯނާކުރި މައްސަލައިގެ ތުހުމަތަށް މިއަދު ހައްޔަރުކުރި 58 އަހަރުގެ ފިރިހެން މީހާ ބަންދުގައި ބަހައްޓައިގެން ތަހުގީގު ކުރަން ކޯޓުން 15 ދުވަސް ކަނޑައަޅައިފި އެވެ.

ކުޑަކުދިންނަށް ކުރާ އަނިޔާ އަކީ ސީރިއަސް މައްސަލައެއްގެ ގޮތުގައި ފުލުހުން ބަލާ ކަމަކަށް ވާތީ، އަނިޔާ ލިބޭ ކުދިންގެ މައުލޫމާތު ފުލުހުން އާންމެއް ނުކުރެ އެވެ. އެހެންވެ މި ކުއްޖާ ވެސް ނިސްބަތްވާ އަތޮޅާއި ރަށް ފުލުހުން ހާމައެއް ނުކުރެ އެވެ. އެހެންވެ، އެ ކުއްޖާ އަށް ޖިންސީ ގޯނާކުރި ކަމަށް ތުހުމަތު ކުރެވޭ މީހާގެ ބަންދުގެ މުއްދަތު ދިނީ ކޮން ކޯޓަކުން ކަމެއް ފުލުހުން ނުބުނެ އެވެ.

ކޯޓު އަމުރެއްގެ ދަށުން އެ މީހާ މިއަދު ހައްޔަރުކުރީ، އޭނާގެ މައްސަލަ ފުލުހުންނަށް ހުށަހެޅިތާ ދެ ހަފުތާއެއްހާ ދުވަސް ފަހުންނެވެ. ފުލުހުން އިއްޔެ ބުނެފައި ވަނީ އެ މީހާ ހައްޔަރު ނުކުރެވި ލަސްވީ، އޭގެ ކުރިން ހޯދަންޖެހޭ ޑޮކިއުމެންޓުތަކެއް ނުލިބި ދިގުލައިގެންދާތީ ކަމަށެވެ.

ބައްޕަގެ ފަރާތުން ޖިސްމާނީ އަނިޔާ ލިބޭތީ އުމުރުން 17 އަހަރުގެ އަންހެން ކުއްޖަކު އަމިއްލަ އަށް ފުލުސް ސްޓޭޝަނަށް ގޮސް އިއްޔެ މައްސަލަ ހުށަހެޅިއިރު، އެ ކުއްޖާ އަށް ވެސް އެހެން ބައެއްގެ ފަރާތުން ޖިންސީ ގޯނާކޮށްފައިވާ ކަމުގެ މައުލޫމާތު ތަހުގީގުގެ ތެރޭގައި އެނގިފައިވާ ކަމަށް ފުލުހުން ބުނެފައި ވެ އެވެ.

ފުލުހުން އއ. އަތޮޅު ކުޑަކުދިންގެ ހައްގުތައް ކުދިންނަށް ޖިންސީ ގޯނާކުރުން ޖިންސީ އަނިޔާ ކުޑަކުދިންނަށް އަނިޔާކުރުން

3 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައި

14 June 2019

ކުޑަކުދިންނާ ބެހޭ މީހުންގެ އަތޮޅާއިރައް އަދި ފޮޓޯވެސް ޢާއްމުކުރަންވީ އޭރުން ރައްޔިތުންނަށް އެގޭނީ އެމީހުންގެދަރިން މިފަދަ މީހުންގެ އަނިޔާއިން ސަލާމަތްކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިކަމެތި އަޅުގަނޑު

13 June 2019

ތިޔަ ބަންދު ޖެހީ އިޖުރާތު ފުރިހަމަ ކޮއްފަބާ؟ ތިޔަ އިޖުރާތުގަ އޮވެދާނެ ޗިޓް އޮންނަންޖެހޭނީ މިވެނި ފޮންޓަކުންނޭ ލިޔެވިފަ ދެން އިޖުރާތު ފުރިހަމަ ނުވާނެ. ދެން ގާނޫނުގެ ކުރިމަތީގާ މުހިއްމުވާނީ އެބުނާ ފޮންޓްގެ ހަައްގު ކުއްޖާގެ ހައްގަށް ވުރެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަންބެ

13 June 2019

ޚަބަރުގައި އެބައޮތް، ކުޑަކުދިންނަށް ކުރާ އަނިޔާ އަކީ ސީރިއަސް މައްސަލައެއްގެ ގޮތުގައި ފުލުހުން ބަލާ މައްސަލައެއްކަމަށް، މީގަ ސުވާލު އުފެދިގެން މިއުޅެނި މިހާ ސީރިއަސް މައްސަލަތަކުގައި، ޑޮކިއުމެންޓެއް ނުލިބިގެން މިކަލޭގެ ހައްޔަރު ނުކުރެވި ހުރިހުރުމަށް، މައްސަލަ ހުށހެޅިކަމަށްވަނީ މިދިއަމަހު 25 ވަނަ ދުވަހު، މިކަހަލަކަންތައް އެބަޖެހޭ ރަނގަޅުވާން.