ކުޑަކުދިންނަށް ރައްކާތެރިކަން ދިނުމަށް އާންމުން ހޭލުންތެރިކުރުމުގެ ޕޯސްޓަރެއް: ކުޑަކުދިން ޖިނާއީ މަސްއޫލިއްޔަތު އުފުލަންޖެހޭ އުމުރު މަތިކުރަން ވަނީ ހުށަހަޅާފައި
18 އޯގަސްޓް 2019 - 10:41
51 comments
ކުޑަކުދިން ޖިނާއީ މަސްއޫލިއްޔަތު އުފުލަންޖެހޭ އުމުރު 15 އަހަރަށް މަތިކޮށް އަދި ކުޑަކުދިން ކައިވެނިކުރުން މުޅިން މަނާކޮށް، ކުޑަކުދިންގެ ހައްގުތައް ރައްކާތެރިކުރުމާ ބެހޭ އާ ގާނޫނެއް އެކުލަވާލުމުގެ ބިލް ސަރުކާރުން ރައްޔިތުންގެ މަޖިލީހަށް ފޮނުވައިފި އެވެ.
މިހާރު އަމަލުކުރާ ކުޑަކުދިންގެ ހައްގުތައް ރައްކާތެރި ކުރުމުގެ ގާނޫނުގެ ދަށުން ހަދާފައި އޮންނަ ގަވާއިދު ބުނާގޮތުން އުމުރުން 10 އަހަރު ވެފައިވާ ކުދިން އިސްލާމްދީނުގައި ހައްދު ކަނޑައެޅިފައިވާ ކުށްތަކާއި މަރުގެ ހުރިހާ ބާވަތެއްގެ މައްސަލަތަކާއި މަސްތުވާތަކެތީގެ މައްސަލަތަކުގައި ޖިނާއީ މަސްއޫލިއްޔަތު އުފުލަންޖެހޭނެ އެވެ. އަދި 15 އަހަރު ވުމަށް ފަހު ހުރިހާ ޖިނާއީ ކުށްތަކެއްގެ މަސްއޫލިއްޔަތު އުފުލަން ޖެހެ އެވެ.
ރައީސް އޮފީހުން ބުނީ ކުޑަކުދިންގެ ހައްގުތައް ރައްކާތެރި ކުރުމުގެ އާ ގާނޫނެއް އެކުލަވާލުމުގެ ބިލް މަޖިލީހަށް ފޮނުވިއިރު ކުޑަކުދިން ޖިނާއީ މަސްއޫލިއްޔަތު އުފުލަންޖެހޭ އުމުރު 15 އަހަރަށް މަތިކޮށްފައިވާ ކަމަށެވެ. އަދި އެ ގާނޫނު އައުމަށް ފަހު، 15 އަހަރު ނުވާ ކުއްޖަކަށް އެއްވެސް ޖިނާއީ ދައުވާ ނުކުރެވޭނެ ކަމަށް އެ ބިލްގައި ކަނޑައެޅުމުގެ އިތުރުން އެއްވެސް ކުއްޖަކަށް މަރުގެ އަދަބު ދިނުން މަނާކުރަން ވެސް އެ ބިލްގައި ހިމަނާފައިވާނެ ކަމަށް ރައީސް އޮފީހުން ބުންޏެވެ.
ރައީސް އޮފީހުން ބުނިގޮތުގައި 15 އަހަރުން ދަށުގެ ކުދިންގެ ތެރެއިން ގާނޫނާ ޚިލާފް ކަންކަން ކުރާ ކުދިން ކުށްކުރުމާ ދުރުހެލިކޮށް، އަނބުރާ މުޖުތަމައަށް ގެނެވޭނެ ނިޒާމެއް ގާއިމުކުރަން އެ ބިލްގައި ހިމަނާފައިވާނެ އެވެ.
ގާނޫނު މިހާރު އޮންނަ ގޮތުން، ޚާއްސަ ހުއްދައެއްގެ ދަށުން ކުޑަކުދިންނަށް ކައިވެނި ކުރެވުނަސް، ރައީސް އޮފީހުން ބުނިގޮތުގައި މަޖިލީހަށް ފޮނުވި ބިލުގައި ކުޑަކުދިންގެ ކައިވެނި އެއްކޮށް ވާނީ މަނާކޮށްފަ އެވެ.
މީގެ އިތުރުން ކުޑަކުދިންނާ ބެހޭ ސިޔާސަތުތައް ކަނޑައެޅުމުގައި ލަފާ ދިނުމަށް ކުޑަކުދިންގެ ހައްގުތައް ރައްކާތެރި ކުރުމާ ބެހޭ ކައުންސިލެއް އުފެއްދުމާއި ކުޑަކުދިންގެ ހައްގުތައް ރައްކާތެރި ކުރުމަށްޓަކައި ފެމިލީ ޕްރޮޓެކްޝަން ސާވިސްއެއް އުފައްދަން ވެސް އެ ބިލްގައި ހިމަނާފައިވާނެ ކަމަށް ރައީސް އޮފީހުން ބުންޏެވެ.
ގާނޫނު ތަންފީޒު ކުރެވޭ މިންވަރު ބެލުމަށްޓަކައި މިނިވަން ފަރާތެއްގެ ގޮތުގައި ގޮތުގައި ޗިލްޑްރަންސް އޮމްބަޑްސްމަންއެއް އައްޔަން ކުރަން ވެސް އެ ބިލުގައި ހިމަނާފައިވެ ކަމަށް ރައީސް އޮފީހުން ބުންޏެވެ.
ކުޑަކުދިންގެ ހައްގުތައް ރައްކާތެރި ކުރުމާ ބެހޭ އާ ބިލެއްގެ އިތުރުން ކުޑަކުދިންގެ އަދުލުގެ ބިލެއް ވެސް ސަރުކާރުން ވަނީ މަޖިލީހަށް ފޮނުވައިފަ އެވެ. ރައީސް އޮފީހުން ބުނި ގޮތުގައި އެ ބިލަކީ ކުށްކުރާ ކުޑަކުދިންގެ މައްސަލަތައް ބެލުމަށް ޚާއްސަ އުސޫލުތަކެއް ކަނޑައެޅުމުގެ ބިލެކެވެ.
އެ ބިލާ އެކު، ކުޑަކުދިން ކުރާ ކުށުގެ މައްސަލަތައް ބެލުމަށް ޚާއްސަ ތަމްރީނު ލިބިފައިވާ ފަނޑިޔާރުން ކަނޑައެޅުމާ އެކު މާލޭގައި ހުންނަ ޖުވެނައިލް ކޯޓުގެ އިތުރުން އެ ކޯޓުގެ ސަރަހައްދީ ޑިވިޝަންތަކެއް ވެސް އަތޮޅު ތެރޭގައި ގާއިމުކުރެވޭނެ ކަމަށް ރައީސް އޮފީހުން ބުންޏެވެ.
ކުޑަކުދިންގެ އަދުލުގެ ބިލަކީ އުވިދިޔަ މަޖިލީހަށް ވެސް ސަރުކާރުން ހުށަހެޅި ބިލެކެވެ. އެކަމަކު އެ ބިލް ފާސް ނުވަނީސް، އެ މަޖިލީހުގެ ދައުރު ވަނީ ހަމަވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިބެއްޔާބެ
19 August 2019
ކުޑަވީމަ ނިވިސްނޭނެތި ވޯޓްލެވެނީ 18 އަހަރުގަ. އެކަމަކު ކައިވެނި 13 އަހަރުގަ. މިތަނުން ކުއްޖާ ތަސައްރަފު ފުދި ވިސްނެން ބޮޑަށް ޖެހެނި ކޮން ކަމެއގަ ؟ ބުއްދި ހަމަ ޖެހޭ އުސޫލުން ގާނޫމު ހެދުމަކީވެސް ނެތް ކަމެއް ނޫން.
ސައީ
19 August 2019
ބޮޑު ގޯހެއް
މުސް
19 August 2019
ކުޑަކުދިން ކުށަށް އަރައިގަންނަނީ ގޭތެރެއިން ކުދިންނަށް ދިމާވާ ތަރުބިއްޔަތާއި ލިބޭ ކުދިބޮޑުއަނިޔާ އާއި މައިންބަފައިންގެ އުޅުން ހުންނަގޮތުން ކޮޕީވެެގެންދާ ކަންކަމުން. އެއްވެސް ކުއްޖަކީ އުފެދުމުގައި ކުށާއި ،ބޮޑެތި ފާފަތައް ކުރާގޮތަށްް އަދި އެކަންކަމަކީ ރަނގަޅުކަންކަން ކަމަށް ބަލައިގަންނަގޮތަށް ޤުދުރަތީގޮތުން ލައްވާފައިވާ ކުދިންނެއްނޫން. މިރާއްޖޭގައިވެސް ކުޑަކުދިންނަށްް ދަނީ ބޮޑެތި އަނިޔާކުރަމުން. މިއީ ވަރަށްބޮޑު ހިތާމައެއް. މިވާހަކަ ދައްކަންޖެހޭ
މަހޭޝް
19 August 2019
ގޯސް. މުޅިން ގޯސް އެކުރާ ކުށަކަށް ޒިންމާވާން ޖެހޭނީ ކުއްޖާ ބާލިޢުވުމުންކަމުގައި އިސްލާޙް ހުށަހަޅަން ފެނޭ. އެނޫން އެހެން އެއްވެސް ގޮތެއް ނޯންނާނާނެ. މީ 100% މުސްލިމް ގައުމެއް. އެހެން ދީނުގެ ބަޔަކަށް ފުރުސަތު ދިނުމުގެ ގޮތުން، ނުވަތަ ވެރިކަމުގެ ފަރާތުން ހުރިހާ ދީނަކަށް ހަމަހަމަކުރުމުގެ ގޮތުން ބަދަލުގެންނަން ޖެހޭފަދަ އެއްވެސް ސަބަބެއް ނެތް.
ހުސެން
19 August 2019
ގާނޫނުބުނާގޮތުން 18 ފުރެންދެއް އެއީ ކުޑަކުދިން، ތަހުގީގު ކުޑަކުދިންގެ މައްޗައް ކުރެވޭ އުމުރު 10 އިން 15 އަހަރަށް މަތިކުރަނީ! ދެމަފިރިން ވަކިވެފައިވާނަމަ 7 އަހަރުފުރުމުން ކުއްޖާއަށް ދިރިއުޅޭނީ މަންމަ ނުވަތަ ބައްޕައާ އެކުގައިތޯ ކަނޑައެޅުމުގެ ބާރު ގާނޫނުން ދީފައިވޭ، ކޯއްޗަކަށްމިވަނީ؟ ކުޑަކުދިން ރައްކާތެރި އެބަ ކުރެވޭތޯ؟ 7 އަހަރުފުރުމުން ކުއްޖާއަށް އެނގޭނެބާ ހެވާނުބައި ވަކިކުރަން، ޖެންޑާއޭ މިކިޔާތަނަކީވެސް ކަމެއް ނުކޮށް ދެއްކެން އުޅޭބައެއް
ކަޓޫރަ
18 August 2019
ކިހިނެތް ތަރައްގީ އެތެރެ މިކުރަނީ. އިގިރޭސިން 10 އަހަރު. އިންޔާ ސިންގަޕޫރު 7 އަހަރު. ދިވެހިން 15 އަހަރު.މިއީ ރޭވިގެން ހިންގާ ބޮޑެތި ކުށްތަކުގެ ހާއްޔަކަށް މިގައުމު ހެދުމަށް ރޭވިގެން އެގިގެން ހިންގާ ޖަރީމާއެއް.
ސައީ
18 August 2019
އުމުރު މަތި ތަ ވީ ނޫނީ ތިރި ތަ މި ވީ؟ މަށަށް އޮޅިއްޖެ!
ކަޓޫރަ
18 August 2019
ކުށްކުރީމަ ކުއްޖާގެ އުމުރަށް ބަލާފަ ޒިންމާ ކުރުވާނެތޯ ނޫންތޯ ކަޑައަޅަން މިއުޅެނީ. 15 އަހަރުން ދަށްވެއްޖެނަމަ ކުށެއް ކުރިޔަސް ޤާނޫނު މިބުނަނީ އޭނާއަކީ ޤާނޫނީގޮތުން ކުށެއް ކުރުމުގެ ކުޅަދާނަކަން ލިބިފައިނެތް ކުޑަކުއްޖެކޭ. މިހާރު 18 އަކީ ކުޑަކުއްޖެއްގެ އުމުރު ކަމަށްބެލިޔަސް ކުށުގެ ޒިންމާ ކުރުވާނެ 10 އަހަރުން މަތިވީމަ. ވީމާ 10 ން 15 އަށް މިބަ ދަލުކުރަނީ. އޯކޭތަ.
ޝޭޑް
18 August 2019
މިހާރުވެސް އައިޖީ އެމް އެހް ގައި ކުޑަކުދިން ވިހާ ރޭޓް ބަލާލީމަ އެނގޭނީ މި މުޖުތަމަޢު ފަސާދަވެފައިވާ މިންވަރު. އެ ނިކަމެތި ކުޑަކުދިންނާމެދު ޒިންމާ އުފުލަނީ ކޮންބައެއް. މައެއް ބަފައެއްގެ ލޯބި ނުލިބި އެކުދިން ކުޑަކުދިންގެ ހިޔާގައި ބޮޑުވެ ކުށުގެ ދުނިޔެއަށް ނިކުންނަނީ.... ކާކު ޒިންމާވަނީ.... ކައިވެނި ކުރީމާ މައްސަލައެއް.... ޒިނޭ ކުރުން މިހާރު މައްސަލައަކަށް ނުވާހެން ހީވާ ކަހަލަ.... މިއޮތީ ވާ ރާއްޖެއެއް.
ނިންނި ނިނާ
18 August 2019
މިގޮތަށް ގާނޫނު ތައް ހަދާފަ މި ކުދިންލައްވާ ޖަރީމާހިންގުވާނެހެން ހީވަނީ . ޢަނެއްވާހަކަ އަކީ ބާލީޣުވުމަށް ފަހު ދީނީ ގޮތުން ބަލާއިރު އެއީ ބޮޑުމީހެއް ދެން މިވެރިން މިހަދާ ހައްގުތަކެއްގެ ސަބަބުން މިހާރުގެ ކުދިން މިހާ ދަށުދަރަޖަ އަކަށް އަޚުލާގު ވެއްޓިފަ ވަނީ އެއީ 18 އަހަރު ނުވާނަމަ ދެވޭ އަދަބެއް ނެއް އަމުދުން މައިންބަފައިންނާއި އެކުދިންނަށް ތައުލީމު ފޯރުކޮށްދޭ މީހުންގެ ފިޔަކޮށާ އެކުދިންނަށް ހުރިހާ ބާރެއް ލިބިފަވާތީ
ހަމަރޯޅި
18 August 2019
ރާއްޖޭގައި ގާނޫނު ހަދާ މަޖިލީހެއް އޮރް އިރު ރަނގަޅު ތަންފީޒީ އިދާރާއެއް ނުފެނޭ ތަންތަން އިދާރާތަކެއް ނުފެނޭ ފެންނަނީ މިސާލަކަށް އެޗްޕީ އޭ ކަހަލަ ކޮންމެ ގޮތެއް ވަރިހަމަ ތަންފީޒީ އިދާރާތައް އެހެންވީމާ ރަނގަޅު ގޮތަކީ މިރާއްޖެއަށް ބޭނުންވާ ވަރަށް ގާނޫނު ބަހައްޓާފަ ދެންހުރި ގާނޫނުތައް ބޭރުމް މާކެޓް ހޯދާ އެކްސްޕޯރޓް ކުރަން އޭރުން ދުނިޔޭގަ އެގޮތުން އާމްދަނީ ހޯދާ ފުރަތަމަ ގައުމަކަށް މިދީބު ވެގެންދާނެ
ކުޅުދުއް ފުށީ ކުއްޖެއް
18 August 2019
މަސްތުވާ ތަކެތި ކިލޯ ކިލޯ އިން އެއްތަނުން އަނެއްތަނަށް ދެން އުފުލާނީ ތޭރަ ސާދަ އަހަރުގެ ކުދިން އެއީ މަސްތުވާތަކެތީގެ ވިޔަފާރީގެ އެންމެ ރިސްކީ ކަންތަށް ، ޑުރަގް ޑީލަރުން ވަރަށް ހެޕީ ވާނެ މިހާރު ، ޓީނޭޖަށް އަޅާ އިރު އެކުދިން ބޭނުންވާނެ ގަޓުވާން ކޫލް ވާން މިއުޅޭ ޑުރަގް ޑީލަރުން އެކުދިން ހައްލާލާނެ ވަރަށް ފަސޭހައިން ، މިއީ ކުޑަކުދިންނަކަށް ނޫން ޑުރަގް ޑީލަރުންގެ ލާބަޔާ މަންފާއަށް ކުރާ ކަމެއް.