ރައީސް އަބްދުﷲ ޔާމީން ޖެނުއަރީ 22، 2015 ގައި ކެބިނެޓްގެ ބައްދަލުވުމެއް ކުރިއަށް ގެންދަވާ އިރު އަރިހުގައި ޖަމީލާއި އަދީބު.---ރައީސް އޮފީސް ފޮޓޯ
20 އޯގަސްޓް 2019 - 14:14
ކުރީގެ ސަރުކާރުގައި އެމްއެމްޕީއާރުސީ މެދުވެރިކޮށް ހިންގި ބޮޑު ޚިޔާނާތުގެ މައްސަލަ ބަލައި ފިޔަވަޅު އެޅުމުގައި މި ސަރުކާރުގެ ތެދުވެރިކަމެއް ނެތް ކަމަށް ވިދާޅުވެ ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު މިއަދު ފާޑުވިދާޅުވެއްޖެ އެވެ.
ޖަމީލް ކުރެއްވި ޓުވީޓެއްގައި ވިދާޅުވީ ޚިޔާނާތުގެ ފައިސާގައި ރައީސް އިބްރާހިމް މުހައްމަދު ސޯލިހް ޖެހިވަޑައިގެންފައި ނުވާނެ ކަމުގެ ޔަގީންކަން ދެއްވުމުން ހިތްތަކަށް ތަސައްލީ ލިބޭ ކަމަށެވެ. ޖަމީލް އެ އިޝާރާތް ކުރެއްވީ ރިޝްވަތުގެ ގޮތުގައި ކުރީގެ ނައިބު ރައީސް އަހްމަދު އަދީބުގެ އަތުން އެއްވެސް ފައިސާއެއް ނަންގަވާފައި ނުވާނެ ކަމަށް ރައީސް މި ހަފުތާގައި ދެއްވި ޔަގީންކަމަށެވެ.
އެމްއެމްޕީއާރުސީ މެދުވެރިކޮށް ހިންގި 1.3 ބިލިއަން ރުފިޔާގެ ޚިޔާނާތުގައި އިސްކޮށް އުޅުއްވި އަދީބު ރިޝްވަތުގެ ގޮތުގައި ރައީސަށް 37 މިލިއަން ރުފިޔާގެ ނަގުދު ފައިސާ ދެއްވި ކަމަށް ދާދި ފަހުން ތުހުމަތުތަކެއް ކުރި އެވެ. އެ ފައިސާއާ ރައީސް ހަވާލުވެވަޑައިގަތީ ކުރީގެ ފިޝަރީޒް މިނިސްޓަރު ޑރ. މުހައްމަދު ޝައިނީ އާއި ކުރީގެ ބަންޑާރަ ނައިބު އަނިލްގެ ހާޒިރުގައި ކަަމަށް ވެސް އަޑު ފެތުރި އެވެ.
އެކަމަކު ރައީސް އޮފީހުން ބުނީ ދެ ބޭފުޅުންނާ އެކުގައި ދުވަހަކު ވެސް ރައީސް ބައްދަލު ކުރައްވާފައި ނުވާ ކަމަށާއި ފައިސާއެއް ނަންގަވާފައި ނުވާނެ ކަމަށެވެ.
ޚިޔާނާތުގެ ފައިސާގައި ޖެހިވަޑައިނުގަންނަވާނެ ކަމުގެ ޔަގީންކަން ރައީސް ދެއްވި ނަމަވެސް އަދީބާ އެކު ސަރުކާރުން "ޑީލް" ހަދާފައިވާ ކަމަށް ތުހުމަތުކޮށް ޖަމީލް ވަނީ ކަންބޮޑުވުންފާޅުކުރައްވައިފަ އެވެ.
އެމަނިކުފާނު ވިދާޅުވި ގޮތުގައި އެމްއެމްޕީއާރުސީގެ މައްސަލައިގައި އަދީބުގެ މައްޗަށް ޖިނާއީ ދައުވާ ނުކޮށް، އެކަމުގައި ވަށައިގެން ހިމެނޭ އެހެން މީހުންގެ މައްޗަށް ދައުވާ ކުރަމުން އަންނަނީ އެ ޑީލްގެ ދަށުންނެވެ.
ހިޔާނާތުގެ ފައިސާގައި ރައީސް ޖެހިވަޑައިގެންފައި ނުވާނެ ކަމުގެ ޔަގީންކަން ދެއްވުމުން ހިތްތަކަށް ތަސައްލީ ލިބޭ. ނަމަވެސް އަދީބާއެކު ޑީލް ހަދައި އޭނާގެ މައްޗަށް ޖިނާއީ ދައުވާ ނުކޮށް ވަކި ބަޔަކަށް ދައުވާކުރުމުން އެނގެނީ އެމްއެމްޕީއާރްސީ މައްސަލާގައި ސަރުކާރުގެ ތެދުވެރިކަން ނެތްކަން
— Mohamed Jameel Ahmed (@MJameelAhmed) August 20, 2019
އެމްއެމްޕީއާރުސީގެ ހިޔާނާތް ރޭވި ހިސާބުން ފަށައިގެން ފުލުހުން އަންނަނީ ތަހުގީގެއް ހިންގަމުންނެވެ. އެ ތަހުގީގަށް އަދީބު އެއްބާރުލުން ދެއްވަމުން ގެންދަވަނީ ދައުލަތާ އެކު އޭނާ ހެއްދެވި އެއްބަސްވުމެއްގެ ދަށުންނެވެ.
ޖިނާއީ އިޖުރާއަތު ގާނޫނުގެ ދަށުން އެކުލަވާލި އެ އެއްބަސްވުމުގައި އަދީބު އެއްބަސްވެވަޑައިގަންނަވަނީ ކުށްތަކަށް އިއުތިރާފްވެވަޑައިގަތުމާ އެކު ތަހުގީގަށް އެއްބާރުލުން ދެއްވާށެވެ. ބަދަލުގައި އަދީބަށް ވެސް ލުއިތަކެއް ލިބެ އެވެ. އޭގެތެރޭގައި، ވަކި މުއްދަތަކަށް ވުރެ ކުރު ހުކުމް އަންނަ ކުށްތަކުގައި ދައުވާ ނުކުރުން ހިމޭނޭ ކަން އެނގިފައިވެ އެވެ.
ޕްލީ ބާގެއިން ނުވަތަ ކުށުގެ ތުހުމަތުކުރެވޭ މީހަކާ އެކު އެއްބަސްވުން ހެދުމަކީ ދުނިޔޭގެ ކުރިއަރާފައިވާ ގައުމުތަކުގައި ވެސް އަމަލުކުރަމުން އޮންނަ ގޮތެކެވެ.
އެމްއެމްޕީއާރުސީ މައްސަލައިގައި ޖަމީލް ކަންބޮޑުވުންފާޅުކުރެއްވި އިރު، އެ މައްސަލައިގައި ދައުވާ އުފުލާފައިވާ ކުރީގެ ރައީސް އަބްދުﷲ ޔާމީންގެ ވަކީލުންނާ އެކު މަސައްކަތް ކުރެއްވުމަށް ޖަމީލް ވަނީ ނިންމަވައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ޓަގްބުރޯ
21 August 2019
އެފައިސާ މިފައިސާއަށްވެ ނިމުނު އިރު ފައިސާގައި ނުޖެހޭ ސިޔާސީ ލީޑަރެއް ވިޔަފާރިވެރިޔެއް ނެތް. ވެރިކަމަށް ހޮވެން މީހުނާ ވޯޓުގަތީވެސް އެފައިސާ ހިމެނިގެން. ދެން ކޮން އިންސާފކތޯ މިިކިޔަނީ؟
ބިސްބޮންގޮންގް
20 August 2019
ޖަމީލެއްކަމަކު އެބުނީ ރަގަޅަށް! ޒީރޯޓޮލަރެންސް ކިޔާފަ ރައްޔިތުން ޑިންހައްދަނީ! ކިހިނެތް ކޮރަޕްޝަން ބަލަނީ؟އެމްޑީޕީގެ 2 މީހެއް ފިޔަވާ ދެންތިބި ހުރިހާ މަޖްލިސް މެމްބަރުންތައްވެސް އެތިބީ އަދީބުއަތުން ގޯނިގޯނީގަ ފައިސާނަގައިގެން! ހިޔާނާތް ބަލާފިއްޔާ ސަރުކަަރު ވެރިން ޖަލަށްވަންނަންޖެހި އަލުން އިންތިހާބެއް ބާއްވަންޖެހެނީ!އެހެންވީމަ ޒީރޯ ޓޮލަރެންސްއޭކިޔާފަ އެގޮތްމިގޮތައް ސެލްފީކޮޅެއް ނަގަމުން ރައްޔިތުން ހައްދާލީމަ ފަސޭހައެއްނު؟ ދިވެހިން އެވަރަށް ގަމާރު
އަލިބެއްޔާ، އެކުވެރިސުވައިދީބް
20 August 2019
އުސްތާޛު ޖަމީލު އާ މެދު ހިތްހަމަ ނުޖެހޭ ކަމެއް އޮތަސް އެ މަނިކުފާނު ވިދާޅުވީ ވަރަށް ރަނގަޅު ވާހަކައެއް.
ބުރާންތި
20 August 2019
ޖަމީލު ބުނި ވެރިކަންލިބުނަސް ނުދޭނަމޭ.ބޯ ހަމަޖެހޭ މީހެއްކަމައް ނުދެކެން.މައިތިރިވެގެން ހުރެވޭތޯބަލަ.
ޝޮކްތެރަޕީ
20 August 2019
ލަރިގަޑު ނަގާގެން ތިބިމީހުން އެތިބީ އިގިރޭސިވިލާތުގާ. މިސަރުކާރުން ހިމާޔައްދީފަ.
ރަދީފު ބިން ރަފައިދާ
20 August 2019
ޖަމިއްޓެ ދެން އަވަހަށް ވާންވީ އަދީބުގެ ދިފާއީ ވަކީލަކަށް. އޭރުން ހަތަރެސްކަން ބަރާބަރަށް ހަމަވާނީ.
އެކުދިން
20 August 2019
ޖަމީލަކީ ތެދުވެރިއެއްތޯ؟ އިޙްލާސް ތެރިއެއްތޯ؟ ފައިސާއަށްޓަކައި އުޅުއްވާ ބޭކަލެއްތޯ؟ އިސް މަގާއިމާ ސަމާލުކަން ހޯދަން އުޅޭ ބޭކަލެއްތޯ؟
ފިސާރިކަނބަލެއް
20 August 2019
ރައީސް އަކީ އިޚުލާސްތެރި ހިތްތިރި ތެދުވެރި ބޭފުޅެއް، އެބޭފުޅާއަކީ އެތައް އަހަރުތަކެއް ވަންދެން މަޖިލިސްގެ މެންބަރުކަންކޮށްފަހުރި ތަނަވަސް ބޭފުޅެއް، އެފައިސާނެގި މީހުން އެކަމުން ސަލާމަތްވެވޭތޯ ކުރެވެންހުރި ހުރިހާ ކަމެއް ކުރާނެ،
ޣަހަކަ
20 August 2019
އެހެންވެތަ ޖަމީލު ތިވަރަށް ޔާމީން ދިފާއު ކުރަނީ ހެހެ ކޮބް އިހްލާސްތެރިކަން
ދޯރި
20 August 2019
ޖަމީލު ދެން ކޮން އަނގައެއް އިރުއިރުކޮޅާ މިތަޅަނީ! ކޮރަޕްޓް ފަޑިޔާރެއްގެ ދިފާއުގައި ނުކުތް މީހަކު ރައްޔިތުންގެ ކުރިމަަށްޗަށް ނުކުމެ އަނގަހުޅުވާލަން ކެރޭތީވެސް އަންތަރީސް ވެއްޖެ