ރައްޔިތުންގެ މަޖިލީހުގެ ޖަލްސާއެއް ކުރިއަށް ދަނީ: އިންފޮމޭޝަން ކޮމިޝަނަރުގެ މަގާމަށް ކުރިމަތިލީ ބޭފުޅުންނާ މެދު ރައްޔިތުންގެ ހިޔާލު ހޯދަން މިދިޔަ މަހުގެ ތެރޭގައި ހުޅުވާލި.
25 ސެޕްޓެމްބަރ 2019 - 15:15
4 comments
އިންފޮމޭޝަން ކޮމިޝަނަރަކު އައްޔަންކުރަން ގާނޫނުގައި ބުނާ މުއްދަތު ހަމަވެ، އެ މުއައްސަސާ އަށް ގާނޫނީ ހުސްކަމެއް އަތުވެއްޖެ އެވެ.
ގާނޫނުގައި އޮންނަ ގޮތުން، އިންފޮމޭޝަން ކޮމިޝަނަރުގެ މަގާމް ހުސްވާތާ ލަސްވެގެން 60 ދުވަހުގެ ތެރޭގައި އެ މަގާމަށް މީހަކު އައްޔަން ކުރަންވާނެ އެވެ. އެ މަގާމުގައި އެންމެ ފަހުން ހުންނެވީ އަބްދުލް އަޒީޒް ޖަމާލް އަބޫބަކުރެވެ. އޭނާގެ މަގާމުގެ މުއްދަތު މިދިޔަ ޖުލައި 22 ވަނަ ދުވަހު ވަނީ ހަމަވެފަ އެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން އިންފޮމޭޝަން ކޮމިޝަނަރުގެ އޮފީހުގައި އެދޭ މައުލޫމާތު ނުލިބި ލަސްވަނީ ކޮމިޝަނަރަކު އައްޔަން ނުވެގެން ކަމަށް ބައެއް ފަރާތްތަކުން ހުށަހަޅާ ސިޓީތަކަށް ޖަވާބު ދީފައިވެ އެވެ.
އެ މަގާމަށް މިދިޔަ ޖުލައި މަހުގެ ތެރޭގައި ކުރިމަތިލާން ރައީސް އޮފީހުން ހުޅުވާލުމުން، ނުވަ ބޭފުޅަކު ކުރިމަތިލެއްވި އެވެ. އެ ނަންތައް މަޖިލީހަށް ފޮނުއްވި އިރު ރައީސް އިސްކަން ދެއްވި ތަރުތީބުގައި ހަތަރު ބޭފުޅަކު ހިމެނިވަޑައިގަންނަވަ އެވެ.
އިންފޮމޭޝަން ކޮމިޝަނަރު ކަމަށް ކުރިމަތިލީ ބޭފުޅުންނާ މެދު އާއްމުންގެ ހިޔާލު ހޯދަން ރައްޔިތުންގެ މަޖިލީހުން މިދިޔަ މަހުގެ ތެރޭގައި ހުޅުވާލި އެވެ. އެކަމަކު މަޖިލީހުގެ ފުރަތަމަ ދައުރު ނިމި މިއީ ޗުއްޓީގެ މުއްދަތެވެ.
އިންފޮމޭޝަން ކޮމިޝަނަރު ކަމަށް ރައީސް އިސްކަން ދެއްވި ލިސްޓުގައި ހިމެނިވަޑައިގަންނަވަނީ ހުސެއިން ފިޔާޒް މޫސާ އާއި އަހުމަދު ފަޔާޒް ހަސަން އާއި އަހުމަދު އާހިދު ރަޝީދުގެ އިތުރުން ފާތުމަތު ސައުޝަން އެވެ. އިންފޮމޭޝަން ކޮމިޝަނަރަކީ މީގެ ފަސް އަހަރު ކުރިން ފާސްކުރި، މައުލޫމާތު ހޯދައި ލިބިގަތުމުގެ ގާނޫނުގެ ދަށުން ރައްޔިތުންގެ މަޖިލީހުން އައްޔަންކުރާ މަގާމެކެވެ. އިންފޮމޭޝަން ކޮމިޝަރުގެ އޮފީހަކީ މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން އުފެއްދި އޮފީހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަސީހު
25 September 2019
ގާނޫނީ ހުސްކަމެއް އައުމަކީ މިހާރު އާއްމުކަމެއް. ތިތަނަށް އައްޔަންކުރަންވީ އެއްމެރަގަޅަށް ތިކަންކުރެވޭނެ މީހެއް. ނަމެއްގައި ނަމަނަމަ މީހަކު ނުހޮވާތި.
އަދުރޭބޭ
25 September 2019
ތިޔަ ކޮމިޝަނަރަކު ހުރުމާ ނުހުރުމުން އެއްވެސް ތަފާތެއް އިބައޮތްތަ، ނެތްނަމަ މުސާރަދިނުމަށަ ރައްޔިތުންގެ ފައިސާ ހޭދަކުރަން ނުޖެހަެ....އޭ ކޮމިޝަނަރަށް ރެހެންދި ފްލެޓް ދިންކަމަށް އަޑުއެހިން...ކޮމިޝަނަރުކަމަށަ ނަގާ އެންމެނަށް ލިބޭނެތަ....ރައްޔިތުން އަތުން ނަގާ ފައިސާދޯ އެއީ
ކުޑަމަނިކު
25 September 2019
ހަގީގަތުގައި މިއީ ބޭކާރު މަގާމެއް!
އައްބާނު
25 September 2019
މިކަމުގެ ފުރިހަމަ ޒިންމާ މަޖިލީހުގެ ރައީސްއާއި މެޖޯރިޓީ ޕާޓީގެ ލީޑަރުން ނަންގަވަން ޖެހޭނެ. މި ހުރިހާ ދުވަހުން މަޖިލީހުން އެކަން ނުކޮށް ހިފަހައްޓާފައިވަނީ އެ ބޭފުޅުންގެ ނުފޫޒުން.