ސ. ހުޅުދޫ
05 އޮކްޓޯބަރ 2019 - 21:56
2 comments
ސ. ހުޅުދޫގައި ދިވެހި ފިރިހެނަކަށް ހަމަލާދީ ބޯފަޅާލާފައި އޮއްވައި މިރޭ ފެނިއްޖެ އެވެ.
ފުލުހުން ބުނީ ހުޅުދޫގެ ފްލެޓު ސަރަހައްދުގައި ޒަހަމްތަކަކާ އެކު ވެއްޓިފައި އޮތް މީހެއްގެ މައުލޫމާތު ލިބިފައިވަނީ މިރޭ އިރާކޮޅު ހަތެއް ޖަހާ ކަން ހާއިރު ކަމަށެވެ. އަދި އަނިޔާ ލިބުނު މީހާގެ ބޮލުގައި އެއްޗަކުން ޖަހައި ބޯ ފަޅާލާފައިވާ ކަމަށް ވެސް ފުލުހުން ބުންޏެވެ.
އެމީހާގެ ގައިގެ އެކި ތަންތަނުގައި ތަޅާފައި ހުރި ކަމުގެ ނިޝާންތައް ހުރި ކަމަށް ފުލުހުން ބުންޏެވެ. އެކަމަކު އެމީހާއާ ގުޅޭ އިތުރު ތަފްސީލެއް ފުލުހުން އަދި ހާމައެއް ނުކުރެ އެވެ.
އެމީހާ އަށް ހުޅުދޫ ހެލްތު ސެންޓަރުގައި ދަނީ ފަރުވާ ދެމުންނެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ. ފުލުހުން ބުނީ އެ މައްސަލައިގައި މިހާތަނަށް އައިއިރު އެއްވެސް މީހަކު ހައްޔަރުކޮށްފައި ނުވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުޅުދޫމީހާ
07 October 2019
ހަމަ ތިރަށުގައި މިދިޔަ ހަފްތާގައި މުސްކުޅި އަންހެނަކު ދިރިއުޅޫ ގެއަށްވަދެ އޭނާއަށް ވަޅިން ހަމަލާދީ ފައިސާތަކެއް ފޭރިގަތީ. މިހާރު އަނެއްކާ މީހަކަށް ހަމަލާދިނީ. އަދި ނޫހަށް ނާރާ ކިތައް ވައްކަން އެރަށުގައި އެބަހިނގާ. މިހުރިހާ ކަމެއް މިކުރަނީ ރަށުގައި ތިބީ ޕާޓޭން. ޕޮލިހުން މިކަންކަން ހުއްޓުވަން ސީންއަށް އެޓެންޑްވުން ފިޔަވައި އެއްކަމެއްވެސް ނުކުރޭ. ހައްޔަރުކުރާ މީހުންވެސް އަނެއްދުވަހު ދޫކޮށްލާ.
ސާމިއު
06 October 2019
މިހާރު ހުޅުދޫ ހެލްތް ސެންޓާރ ވަނީ ހުޅުދޫ ހޮސްޕިޓަލްގެ ނަމަށް ބަދަލުކޮށްފައި، އެއީ އަޅުގަނޑުމެންގެ އެމްޕި އިލްޔާސް ލަބީބުގެ އެންމެ ބޮޑު ބިޔަ ވައުދު #ފަރިޗާލުހުޅުދޫ