އޮޔާ ދިިޔަ އިރާން ބޯޓުގައި ފުލުހުންނާއި ސިފައިން ހަރަކާތްތެރިވަނީ: އެ ބޯޓުން މަސްތުވާތަކެތި ކަމަށް ޝައްކުކުރެވޭ ތަކެތި ފެނުނު ކަމަށް އެމްއެންޑީއެފް އިން ބުނި -- ފޮޓޯ: އެމްއެންޑީޢެފް
03 ނޮވެމްބަރ 2019 - 16:34
23 comments
އދ. މަންދޫގެ ބޭރުން އޮޔާ ދަނިކޮށް، ދިވެހި ސިފައިން މިއަދު އެހީވެދިން އިރާނުގެ މަސްބޯޓުގައި މަސްތުވާތަކެތި ހުރި ކަމަށް އެމްއެންޑީއެފުން ބުނެފި އެވެ.
އެ ބޯޓު އޮޔާދާކަމުގެ މައުލޫމާތު ފުލުހުންނަށް ލިބުނީ މިއަދު ހެނދުނު 8:30 ކަންހާ އިރެވެ. ފުލުހުންނާއި ސިފައިން ގުޅިގެން ހިންގި އޮޕަރޭޝަނަކަށް ފަހު، އެ ބޯޓުގައި މަސްތުވާތަކެތި ކަމަށް ޝައްކުކުރެވޭ ތަކެތި ހުރި ކަމަށް އެމްއެންޑީއެފުން ބުންޏެވެ. ނަމަވެސް އެ ބޯޓުން ފެނުނީ ކިހާ މަސްތުވާތަކެއްޗެއް ކަމެއް އެ ތަނަކުން އަދި ނުބުނެ އެވެ.
MNDF aai @PoliceMv gulhigen hingi kan'dumathee ge operation eh gai, masthuvaathakehchah shakku kurevey thakehchaa eku Raajjey ge sarahahdhun beyruge masboat eh miadhu hifahattaifi pic.twitter.com/E8eojAt0wS
— Maldives National Defence Force (@MNDF_Official) November 3, 2019
އެމްއެންޑީއެފް އިން ކުރި ޓްވީޓެއް
ރާއްޖެ ސަރަހައްދުގައި އެ ބޯޓު އޮޔާ ދާން ފެށީ އޭގެ އިންޖީނު ހުއްޓުމުން ކަމަށް ފުލުހުން ކުރިން ބުންޏެވެ. އަދި އެ ބޯޓުގައި އިރާނުގެ ހަތް ފިރިހެނުން ތިބި ކަމަށް ވެސް ބުންޏެވެ.
މި މައްސަލަ ފުލުހުންނާއި ސިފައިން އަންނަނީ އިތުރަށް ބަލަމުންނެވެ.
ރާއްޖޭގެ ކަނޑުގެ ސަރަހައްދުން މިދިޔަ މަހު ފެނުނު އީރާން ބޯޓެއްގައި 70 ކިލޯގެ މަސްތުވާތަކެތި ހުއްޓެވެ. އެ މައްސަލައިގައި ހިމެނޭ މީހުންގެ ފޮޓޯ އާއި މައުލޫމާތު ފުލުހުން މިދިޔަ މަހު އާންމު ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
05 November 2019
މަލާބާރީން ރާއްޖޭގެ ރަށްރަށަށް އަރާ ފޭރެން ފެށީމަ އަހަރުމެންގެ ކާބަފައިން ހެދި ގޮތަކީ އޭގެ ތެރެއިން އަތު ޖެހޭ އެއްޗެއް ވިއްޔާ ކަނޑު ފައްތަނީ. އެގޮތުގައި އެކަންތައް ހުއްޓުވާލީ. ދެން އައީ ރާއްޖޭގެ ކަނޑުތަކުން ވައްކަން ކުރާ ތައިލެންޑް ސަރަހައްދު ބޯޓުތައް. ނާސިރާއި މައުމޫނު ދައުރުގައި ހެދިގޮތަކީ އަތު ޖެހޭ ބޯޓެއް ވިއްޔާ ރާއްޖެއިން ފުރިއަ ނުދީ ހިފަހައްޓާފައި ބޯޓުގެ އަގުން ޖޫރިމަނާ ކޮށްލަނީ. އެކަން ވެސް އެގޮތުގެ މަތިން ހުއްޓުނު. މީ ވަރަށް ކުރު ލެސަނެއް
333223
04 November 2019
ދިވެއްސެއްނަމަ ބުނާނެ މަސްތުވާތަކެތި ކަމަށް ލަފާކުރެވޭ އެއްޗެކޭ. ބޭރުބައެއްވީމަ ހަމަ އެހާޔަގީންވީތޯ؟
ސަރުކާނު
04 November 2019
ގައިމު ރޭގަ ޑިފެންސް މިނިސްޓަރ ވިދާޅުވި ރާއްޖެއަށް ވަންނަ އުޅަނދުތައް ސިފައިންނަށް ނޭގި ވަނުމުގެ ފުރުސަތު ވަރަށް ކުޑަކުރެވިފައިވާ ވާހަކަ. ކިހިނެއް މިވީ؟ އދ މަންދޫ ބޭރުން ތި ފެނުނު ހިސާބަކީ ރާއްޖޭން ބޭރުވެއްޖިއްޔާ ތުކި. ސޮރީ
އެނގިފަ
05 November 2019
އެނގިފަ ވަނީމަ އެއްނުން "އެހީވާން" ދިޔައީ
އަޙުމަދު.
04 November 2019
އަބޫޖަހުލު ބުނާހެން ތި އީރާނު ބޯއްޓު ތަކަކީ މިގައުމަށް ޖެހިފައޮތް ދެމިގެންވާ ސިހުރެއް، ބޮޑުވަބާއެއް، ތިކަމަކީ ފައިސާހުރި ބޮޑުން ހިންގާކަމެއް، ތިޔަ ބޯއްޓުތަކެއް 1993 ވަނަ އަހަރުންފެށިގެން އެކިއެކި އުޒުރުތަށް ދައްކާއިގެން ރާއްޖެ ވަންނަމުން ދާކަން ފާހަގަ ކުރެވޭ.
ޏަމް
04 November 2019
ތިނަދު ޑްރަގު ލޯޑުން ހިފާ ހައްޔަރު ކުރަން ވެއްޖެ މަސައްކަތެއް ނުކޮށް ރުފިޔާ ހުންނަ ގޮތެއް އޮންނަންވާނެ ތާ
ޢަބްދު
03 November 2019
ޓަނުން ގުނާލެވޭ ވަރަށް އަތުލެވިއްޖެ، އަދިވެސް ކުރެވެނީ ޝައްކު
ރައްޔަތުމީހާ
03 November 2019
31 އަހަރު ފަހުން ކަނޑުމަގުން އަނެއްކާ ވެސް ރާއްޖެއަށް ލަކުޑި އުޅަނދެއް ސިއްރުން އައިސް 2 މޭލަށް ކައިރިވީ އިރުވެސް " ޑިޓެކްޓް " ނުވީމަ ސުވާލު ނުއުފެދެންވީ ސަބަބެއް އެބަ އޮތްތޯ؟ މަޖިލިސް ކޮމިޓީ އަށް ކެރޭނެބާ މިކަމާ ސުވާލެއް ކޮށްލަން؟
ގިޓާ
03 November 2019
އީރާާނާާއި އެމެރިކާގެ ކުޅިގަނޑަށްވެސް ވެދާނެ
ޙދޖދޖބބހ
05 November 2019
ފަލަސްތީނާ ތުރުކީގެ ކަމެއް ކަމަށް ވެސް ވެދާނެ
ހަކީމް
03 November 2019
އަނެއްކާވެސް ހަދުމަކޮއްލަދެން ... ރާއްޖެ ހަބް އަކަށްވެ ތަކުރާރުކޮށް އެތެރެ ކުރަނީ ރާއްޖޭގައި މަރުގެ އަދަބު ނެދޭތީ ... އިންޑޮނޭޝިޔާ، ސިންގަޕޮރ ، ފިލިޕީންސް މިސާލަކަށް ނަގާ. މިހެން އަތުލާ މީހުންގެ ޙަރަދުތަށް ބެލެހެއްޓުމަށް އެތަކެއް މިލިޔަން ޓެކްސް ލާރުއެއް ޙަރަދުވޭ.
މުއާޒުމުއިއްޒު
03 November 2019
ދެން ގަބޫލުކުރަންވީ ހަމައޮޔާ ދިޔައީކަމަށް. ކާކު ގަބޫލުކުރާނީ. ތިކަމުގަ ފަހަތުގަ ދިވެހިން ތިބޭނެ. ހޯދާ ހިފާ ގާނޫނުގެތެރެއަށް ވައްދާ!
ޢަބްދުﷲނާފިޒް
03 November 2019
ފަހަތުގައޭ!؟ ހަތަރެސްފަޔާ ބޮލާ އޮންނާނީ ތީގެ ތެރޭގަ، ތީ ދިވެހި ޑްރަގް ޑީލަރުން ހަދާ ޑީލްތަކަށް ސަޕްލައި ކޮށްދޭ މީހުން، އެއީ އެމީހުންގެ ޓާސްކް..........