ޓްރެއިނިންގައި ފުރާ ފުލުހުން އިންޑިއާ ސަފީރާ ބައްދަލު ކުރައްވައި ނަގާފައިވާ ފޮޓޯއެއް--
08 ޖެނުއަރީ 2020 - 19:11
އިންޑިއާގެ ބޮޑުވަޒީރު ނަރެންދުރަ މޯދީ މިދިޔަ އަހަރު ރާއްޖެ އަށް ކުރެއްވި ރަސްމީ ދަތުރުފުޅުގައި ވައުދުވެވަޑައިގެންނެވި ޓްރެއިނިންތަކަށް ދިވެހި ފުލުހުން އިންޑިއާ އަށް ފުރަން ފަށައިފި އެވެ.
ދިވެހި ފުލުހުން ތަމްރީން ހަދަމުން އަންނަނީ ގުޖުރާތު ފޮރެންސިކް ސައިންސް ޔުނިވާސިޓީންނެވެ. ދިހަ ދުވަހުގެ އެ ތަމްރީންތަކުގައި ބައިވެރިވި ދިވެހި ފުލުހުންގެ ފުރަތަމަ ބެޗުގެ 20 ފުލުހުން މިހާރު ތިބީ އިންޑިއާގަ އެވެ. "ފިންގާ ޕްރިންޓް ޑީއެންއޭ" އާ ގުޅޭ އެ ތަމްރީން ނިމޭނީ ހުކުރު ދުވަހު އެވެ.
ދެވަނަ ބެޗްގައި ހިމެނޭ 20 ފުލުހުންގެ ޓީމުގެ ތަމްރީން ފަށަން ނިންމާފައި ވަނީ އަންނަ ހޯމަ ދުވަހު އެވެ. އެ ފުލުހުން ޓްރެއިނިން ހަދަނީ "ކްރައިމް ސީން މެނޭޖްމަންޓް"އާ ގުޅޭގޮތުންނެވެ.
ދެ ވަނަ ބެޗުގެ ފުލުހުން މިއަދު ވަނީ އިންޑިއާގެ ސަފީރު ސަންޖޭ ސުދީރާ ބައްދަލު ކުރައްވައިފަ އެވެ.
"ކޮމްޕިއުޓާ ފޮރެންސިކާއި ސައިބާ ސެކިއުރިޓީ" އަދި "ފޮރެންސިކް ކެމިސްޓްރީ"ގެ ދާއިރާ އިން އިތުރު ފުލުހުންތަކެއް ތަމްރީން ކުރުމަށް ވެސް އިންޑިއާ އިން ވަނީ ނިންމައިފަ އެވެ.
ދިވެހި ފުލުހުންނަށް ޓްރެއިނިން 100 ފުރުސަތު ދިނުމަށް މޯދީ ވަނީ ވައުދުވެވަޑައިގެންފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ކަބަސް
09 January 2020
10 ދުވަހުން ކ9ން ޓްރެއިނިންގ އެއް ހެދޭނީ 2 ދުވަހަށް ހަދާލިނަމަ
އަލިބޭ
09 January 2020
ކޮމެންޓްތައް ކިޔާލީމަ އަޅުގަނޑަށް ފާހަގަ ވި އެއްމެ އެއްޗެއް.. އަޅެ ނެތޭ އެންމެ ޕޮޒިޓިވް ކޮމެންޓެއްވެސް.. މީ ދިވެހިންގެ މިއަދުގެ ހާލަތު
ރަން ރީނދޫ
09 January 2020
އިންޑިޔާގެ ފުލުހުންނަކީ، ވަރަށް ޕްރޮފެޝަނަލްކޮށް މަސައްކަތް ކުރާ ބައެއް! މުޒާހަރާތަކުގައި ނިކަމެތި އާންމު ރައްޔިތުންނާއި ނުވަތަ ބައިމަދު ޖަމާޢަތްތަކާ ކުރިމަތިލަނީ، އިންސާނީ ކަރާމާތާ އެއްގޮތްވާގޮތަށް، ތަހުޒީބީ ފުލުހުން ޢަމަލުކުރާ ގޮތަށް! ވަލު ޖަނަވާރުން ގޮތަށް ޢަމަލެއް ނުކުރާނެ! މިފަދަ ތަހުޒީބީ ފުލުހުންގެ ކިބައިން ނަމޫނާ ލިބިގަންނަންޖެހޭ! = ޝުކުރިއްޔާ މޯދީ =
ނަހޫ
09 January 2020
ތިހާ މުއްދަތު ދިގު ކޯސްތައް ދޭކަށް ނުވާނެ. އާއިލާތައް ބިކަވެދާނެ.
ކޮބާތަ
09 January 2020
އަދިވެސް އެކަމު ދިވެހި ސިފައިންނަށް ހެލިކޮޕްޓަރެއް ދުއްވާލަން އެނގޭވަރަށް ޓްރޭންކޮށްލާކަށް ނުވޭތަ..
މޭން
09 January 2020
ސްޓިކާ ތަޔްކުރަން ވެސް ޖެހޭތަ ވަކި ތަމްރީނެއް ހަދަން. މިކުދިން ސްކޫލްގަ ނުކިޔަވަނީތަ؟
ގެރިގއ
09 January 2020
ސޯލިހު އިސްތިއުފާ ދޭންފެނޭ..
އަލީ ރާޖާ
09 January 2020
ބައެއްގެ ތައްޕަހަށް ވެެއްޓި އަޅުދާސް ވެވޭނީ މިވަރަށް. އިބްރާހިމް މުހައްމަދު ސާލިހު. ވެރިކަމެއް ކަލެއަށް ތިޔަ ކުރެވެނީ
ބޮޑުމީހާ
09 January 2020
ކިތަންމެ ވަރަކަށް ތައުލީމާއި ތަމްރީނާއި ވަސީލަތްތައް ދިނަސް ޤާނޫނު ތަންފީޒުނުކުރެވޭ ތަނެއްގައި އޭގެ ބޭނުމެއް ނުޖެހޭނެ
ފފފފ
09 January 2020
ބްރެންއިން ވޮޝްކޮށް އެމީހުން ބޭނުންވާ ގޮތަށް ޕްރޮގްރާމް ކުރަންފެށުނީ. އިންޑިޔާ ސިފައިން ޓްރޭނިންގ ނެގީ އިޒްރޭލުން. އެތަމްރީނަށްފަހު އައިސް ކަޝްމީރުގައި ހިންގާ ލާއިންސާނީ އަމަލުތަކަކީ ދުނިޔެ ފިއްކަނޑައިގެންދާވަރުގެ އަމަލުތައް. ދިވެހި ރާއްޖެއަށް މިފަދަތަމްރީންތަށް ދޭން ފެށުނީ.