ޗައިނާގެ ސިއްހީ ދާއިރާގެ ބަޔަކު ވައިރަސްއާ ދެކޮޅަށް މަސައްކަތްކުރަނީ
22 ޖެނުއަރީ 2020 - 08:52
21 comments
ޗައިނާއިން ފެތުރެން ފަށާފައިވާ އާ ވައްތަރެއްގެ ކޮރޯނޯވައިރަސް ޖެހިގެން ބަލިވާ މީހުންގެ އަދަދު އިތުރުވެ، ދުނިޔޭގެ އެކި ހިސާބުތަކަށް ފެތުރެން ފެށުމާ އެކު، ރާއްޖޭގެ އެއާޕޯޓްތަކުގައި ވެސް ބަލިމީހުން ދެނެގަތުމުގެ ކަންކަން ވަރުގަދަކުރަން، ޑރ. އަބްދުﷲ ނިޔާފް މިއަދު ގޮވާލައްވައިފި އެވެ.
ޗައިނާގެ ވުހާން ސިޓީގައި ފުރަތަމަ ފެތުރެން ފެށި ބަލީގައި މިހާތަނަށް ނުވަ މީހަކު، އެ ސިޓީން ވަނީ މަރުވެފަ އެވެ. އަަދި ޗައިނާގެ އެކި ސަރަހައްދުތަކުން އެ ވައިރަސްގެ ސަބަބުން ބަލިވި މީހުން ފެންނަލެއް ގިނަވުމުގެ އިތުރުން، އެމެރިކާ ފަދަ ބައެއް ގައުމުތަކަށް ވެސް މިހާރު ވަނީ ވައިރަސް ފޯރައިފަ އެވެ.
ޗައިނާގެ ކަމާ ބެހޭ ފަރާތްތަކުން ބުނާ ގޮތުގައި ވައިރަސްއަށް އަވަސް ބަދަލުތައް އަައިސް އިތުރަށް ފެތުރުމުގެ ނުރައްކާ އެބަ އޮތެވެ.
ދުނިޔޭގެ ސިއްހަތު ޖަމިއްޔާ ޑަބްލިޔުއެޗުއޯއިން މިހާރު ގެންދަނީ މިއީ ސިއްހީ ކުއްލި ހާލަތު އިއުލާންކުރަން ޖެހޭ ކަހަލަ ނުރައްކަލެއްތޯ ބަލަމުންނެވެ.
Re: 2019-nCoV,@HPA_MV, it looks like it’s time to have the surveillance vigilance formally, publicly and visibly implemented at our airports.
— Abdulla Niyaf (@niyaf) January 22, 2020
Most countries have. And announce the measures too. Everyone must know and see that the measures are implemented. Create confidence. Pls.
ޑރ. ނިޔާފް ކުރެއްވި ޓްވީޓެއްގައި ވިދާޅުވީ ގިނަ ގައުމުތަކެއްގައި މިހާރު ވެސް ފިޔަވަޅު އަޅައިފި ކަމަށެވެ. އަދި އެކަން އިއުލާން ވެސް ކޮށްފައިވާ ކަމަށް އޭނާ ވިދާޅުވި އެވެ.
"އެ ފިޔަވަޅުތައް އަޅާފައި ހުރިކަން، ތަންފީޒުކުރާކަން އެންމެންނަށް ވެސް އެނގެން ޖެހޭނެ އެވެ. އެ އިތުބާރު އުފައްދައިދޭށެވެ،" ހެލްތު ޕްރޮޓެކްޝަން އެޖެންސީ (އެޗުޕީއޭ) ޓެގްކޮށް ކުރެއްވި ޓްވީޓްގައި ޑރ. ނިޔާފް ވިދާޅުވި އެވެ.
ރާއްޖެއަށް އެންމެ ގިނައިން ޓޫރިސްޓުން އަންނަނީ ޗައިނާއިންނެވެ.
ކޮރޮނޯވައިރަސްގެ އާ ވައްތަރެއް ޗައިނާގައި ފެތުރުން ފެށުމުން، 2000ގެ އަހަރުތަކުގެ ކުރީކޮޅު ހަމަ ޗައިނާ އިން އުފެދުނު ސާސްގެ ހަނދާންތައް ވަނީ އާވެފަ އެވެ. އެ ފަހަރު ޗައިނާ އިން އެކަން ވަރަށް ބޮޑަށް ސިއްރުކުރި އެވެ. ސާސް ފެތުރޭކަން އެއްބަސްވީ، ދުނިޔޭގެ ޕްރެޝަރު ވެސް ކުރިމަތިވި ފަހުންނެވެ. އެ ބަލީގައި ދުނިޔޭގެ އެކި ހިސާބުތަކުން 770 އަށް ވުރެ ގިނަ މީހުން މަރުވި އެވެ.
އޭރު ޗައިނާއިން ރާއްޖެއަށް ޓޫރިސްޓުން އަންނަނީ ވަރަށް މަދުންނެވެ.
މިހާރު ފެތުރެމުން ދާ ބަލި އެމެރިކާއަށް ވެސް ވަނީ ފޯރައިފަ އެވެ. އެމެރިކާގެ ސެންޓާސް ފޯ ދަ ޑިޒީސް (ސީޑީސީ) އިން ބުނާ ގޮތުގަައި އެމެރިކާ އިން އެ ވައިރަސް ފެނުނީ ޗައިނާ އިން ސީޓްލްއަށް އައި މީހެއްގެ ގައިންނެވެ.
ކޮރޮނޯވައިރަސް އަކީ އާންމުކޮށް ޖަނަވާރުތަކުގައި އުޅޭ ވައިރެހެކެވެ. ޖަނަވާރުން އިންސާނާގެ ގަޔަށް އަރައި، ބަލިވިޔަސް، އެކެއްގެ ފަރާތުން އަނެކަކަށް އާންމުކޮށް ނާރަ އެވެ. އެކަމަކު މިހާރު ފެތުރެމުންދާ ވައިރަަސް އެކެއްގެ ގައިން އަނެކަކުގެ ގަޔަށް އަރާ ކަމަށް، އިއްޔެ ޗައިނާގެ ކަމާ ބެހޭ ފަރާތްތަކުން ވަނީ ކަށަވަރުކޮށްދީފަ އެވެ.
މި ބަލި ޖެހެނީ ނޭވާލާ ނިޒާމަށެވެ. އަދި ފަހުން ނިއުމޯނިޔާއަށް ބަދަލުވެ އެވެ. ބަލީގެ ނިޝާންތަކަކީ ކެއްސުމާއި ހުން އައުމާއި ނޭވާ ކުރުވުމާއި ނޭވާލާން އުނދަގޫވުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިދުރީސް1
22 January 2020
ޑރ. ނިޔާފައް ގައުމުގެ ހެލްތް މިނިސްޓަރ ކަން ދިނުމައް ގޮވާލަން .. މުޅިދުނިޔޭގައި މިފަދަ ބޮޑު ބަޔެއް ފެތުރިގެން ދާއިރު ހެލްތްމިނިސްޓްރީއިން ނޫންބަޔާނެއްވެސް ނުނެރެ ޑރ. ނިޔާފް ގެ ޓުވީޓެއް ކޮއްގެން ހަބަރުތަކުގެ ފަލަ ސުރުހީ އައް އެރީމަ އެމްއޭސީއެލް ހޭލެވުނީމަ މިއީ ދެރަވަރުގެ ކަމެއް ..
ޝައުކަތު
22 January 2020
ހެލްތް މިނިސްޓްރީއިން ހާދަ ވަރަކަށޭ މި އާޓިކަލްއަށް ކޮމެންޓް ކުރަނީ
ގާބިލުމީހާ
22 January 2020
ކިތަންމެ މަސައްކަތެއް ކުރިޔަސް ހެލްތު ވުޒާރާ އޮތީ މިހާރު އެންމެ ކުރީގައި. ހުންގާނު ހިފައިގެން ހުރީ ގާބިލު ކައްޕިތާނެއް. ސަރުކާރަށް އަހަރެއްވީއިރު މިކަން ޔަގީންވެ ނިމިއްޖެ. ދެންވެސް ހަމަ މެކުހަށް އިނގޭތޯ
ވަޖުދީ
22 January 2020
މިނިސްޓްރީ ކުދިން ކުރާނެ އިތުރު ކަމެއް ނެތް ވިއްޔާ.. ސަހަރޯ! ޝައްކު ބަލީގެވެސް ބޮޑުން
ގުނބޯ މާރިޔާ
22 January 2020
ރަނގަޅު ވާހަކައެެއް. އިއުލާން ނުކުރިޔަސް މަސައްކަތް ކުރާ މީހުން އެނގޭނެ ކްރައިސިސްއެއް ދިމާވީމަ. ބަލާ އިހަށްދުވަހު ހިމަބިހި ކްރައިސިސްވެސް ސިއްހަތު ވަޒީރު ހޭންޑްލް ކުރެެއްވި. ރައްޔިތުންނަކަށް އެއްވެސް ދަތިކަމެއް އިހުސާސްވިޔަ ނުދީ މުޅި ގައުމު ހަލަބޮލިކޮށްނުލާ ރައްޔިތުން އަމާން ބަނދަރަކަށް ގެންގޮސްދީފި. މިއީ ނޫންތޯ ވެރިންނަކީ؟ ސޯޝަލް މީޑިޔާގައި ބިރުވެރިކަން ފަތުރާފައި މެޑަލް ޖަހާފައި އަދި އަވަދިވެގެން ތިއްބަކަސް ކަމެއް ކުރެވުނު ކަމަކަށް ނުވާނެ!
ސުޒޭނު
22 January 2020
ހިމަބިހި ކުރައިސިސް ނިމުނީތަ؟ ތިޔަމިނސްޓުރީގައި ގާބިލްކަމެއްނެތޭ އެހެންވީމަ ހިމަބިހި ފެތުރެންދިމާވީ.
ބޫބެ
22 January 2020
ޙިމަބިއްސެއްވެސް ރާއްޖެޭގައި ނޫޅެ! ފުރާޅު މަތިން ފެންނާނީ ދަބަރު އެތެރެ މާބްލް! ތަމާމް ވަމުންދާނީ ކުޑަކުދިން! ޥެޑުވިފާ ތިއްބަވާ!ފޫކޮޅަށް ހޫނުވަންދެން!
ރަބަރު
22 January 2020
ﷲ ތި ބަލިން އެންމެން ރައްކާތެރިކުރައްވާށި آمين
ހަކީމް
22 January 2020
ސޯޝަލް މީޑިޔާގައި އިއުލާނުކޮށް މެޑަލް ނުޖެހިޔަސް ތި ވައިރަހެއްގެ ހަބަރު ލިބުނުތާ މާ ގިނަ އިރުތަކެެއް ނުވެ ތި ބަލިން ރައްކާތެރިކަމުގެ ގޮތުން އެޅޭނެ ފިޔަވަޅުތައް ހޯދުމުގެ މަސައްކަތް މިނިސްޓްރީއިންވަނީ ފަށާފައި. ރާއްޖޭގެ ގިނަ މީހުން ސޯޝަލް މީޑިޔާގައި ފައުންޑޭޝަން ހާކާ ރީތި މަންޒަރެއް ދެެއްކޭތޯ މަސައްކަތްކުރިޔަސް މިނިސްޓަރު އަމީން މަސައްކަތް ކުރަނީ ގޭ މަލަމަތިން ފެންނަވަރަށް ވުރެ ޗާލުކޮށް ގޭ އެތެރެ ބޭންދޭތޯ. އޭގެ ނަތީޖާ ދިގުދެމިގެންދާނެ
އައިސްތު، ހެލްތު ވޯކަރު
22 January 2020
ރަނގަޅު ލީޑަރެއްގެ އެންމެ މުހިންމު އެއް ސިފައަކީ ރައްޔިތުން ހާސް ކަމުގެ ތެރެއަށް ވައްޓާނުލާ، ރައްޔިތުން އަމާން އައްސޭރިއަކަށް ގެންގޮސް ދިނުމުގެ ގާބިލުކަން ހުރުން. ކިތައް މީހުންނަށްބާ އިނގެނީ މިހާރުވެސް ހެލްތު މިނިސްޓްރީގައި ކޮންމެ ރެއަކު އޮފިޝަލް ކެޕޭސިޓީގައި މަސައްކަތް ކުރެވޭކަން އެބަ ދުރާލާ މިފަދަ ބަލިތަކުން ރައްޔިތުން ރައްކާތެރިކުރުމަށް؟ ބޭނުމީ ޑަކްޓަރު ކަށިގަނޑު އޮތް މީހެއް ނޫން، ރަނގަޅު ލީޑަޝިޕް ސްކިލްސް ހުރި މީހެއް. އަމީން ހަމަ ސަތޭކަ.
ހެލްތު ވާކަރުގެ ކާފަ
22 January 2020
ޑރ. ނިޔާފް މެޑަލްވެސް ޖަހަންވީ، އެއީ ހަމަކުޅަދާނަ ޑޮކްޓަރެއް. މިޒަމާނުގައި ހާސްކަން ކެނޑެނީ ޓުރާސްޕޭރަންޓުކޮށް އާންމުންނަށް ވާނުވާ ސީދާކޮށް ކިޔައިދިނީމަ. ސިއްރުކޮށްގެން ކަލޭމް މިނިސްޓުރީތެރޭ ތައްބައްދައިގެން ދެންތިބޭ
ޝާތިރުބެއްޔާ
22 January 2020
މިނިސްޓަރު ހުރީ ތިޔަބުނާ ސަނަދުތައް ނަގައިގެންދޯ، ކޯލިސަންނުން ލިބުނު ސޮލޮޓެއްނޫންދޯ
އެޗްޕީއޭ
22 January 2020
ޑރ. ނިޔާފް ވަރަށް އިހުތިރާމާއި އެކު ދަންނަވަމެވެ "ޗައިނާގައި ނޮވެލް ކޮރޯނާ ވައިރަސް ފެތުރޭތީ ރާއްޖޭން ރައްކާތެރިކަމުގެ ފިޔަވަޅު އަޅައިފި" ތިޔަވިދާޅުވާ ކުރޯނާވައިރަސްއަކަށް ދިވެހިފަސްގަނޑުގައި ފެތުރިގެން ނުދާނެ.
ނިރު
22 January 2020
އަޑުއެބައިވޭ ރައީސް ސޯލިހް އެމެރުކާއަށް ރަސްމީ ދަތުރުފުޅެއް ކުރަންވަން އުޅޭވާހަކަ މިދުވަސްކޮޅަކީ ކޮރޯނޯވައިރަސް އެމެރިކާގަވެސް ފެތުރެމުންދާ ދުވަސް ކޮޅަކަށް ވާތީ ތިދަތުރުފުޅު ކެންސަލް ކުރެއްވުން އެދެން..... މަނިކުފާނަށް އެބަލިޖެހިއްޖެނަމަ މިދިވެހިރާއްޖެ ރައްޔެތުން ދެކެމުންދާ އުމުރާނީ ތަރަށްގީ އުތުރުން ފެށިގެން ދެކުނުގަ އަޅަމުންދާ ބްރިޖަތަކާއި ބޮޑެތި އުސްއިމާރާތް ތަކުގެ މަސައްކަތްތަށް ވަގުތުން ހުއްޓުމަކަށް އަންނާނެ
ނިރު
22 January 2020
ޗައިނާ މީހުން ވަގުތިގޮތުން ރާއްޖެ އައުން މަނާކުރަންވީ މިއީ ފުރަތަމަ ފިލަވަޅު ދެން ރާއްޖޭގަތިބި ޗައިނާ މިހުން ޑީޕޯޓް ކުރަންވީ އެންމެ ފަހުކަމަކަށް ރާއްޖޭގެ އެއްވެސް މީހަކު ޗައިނާ އެމެރިކާއަށް ދިޔުން މަނާކުރަންވީ.