އަދީބުގެ ޝަރީއަތް މިއަދު ވެސް ކެންސަލްކޮށްފި

އަދީބު: އޭނާގެ މައްޗަށް ކުރާ ދެ ދައުވާއެއްގެ ޝަރީއަތް މިއަދު ބާއްވަން ހަމަޖެއްސުމަށް ފަހު ވަނީ ކެންސަލް ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

26 ޖެނުއަރީ 2020 - 15:01

8 comments

ކުރީގެ ނައިބު ރައީސް އަހުމަދު އަދީބުގެ މައްޗަށް ކުރާ ދެ ދައުވާއެއްގެ އަޑުއެހުން މިއަދު ބާއްވަން ހަމަޖެއްސުމަށް ފަހު ކެންސަލް ކޮށްފި އެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅިގެން އަދީބަށް ހަތް ދައުވާއެއް ދައުލަތުން ކުރެ އެވެ. އެއީ ޚިޔާނާތްތެރިވުމުގައި ބައިވެރިވުމުގެ ދެ ދައުވާ އާއި މަނީ ލޯންޑްރިންގެ ދެ ދައުވާއެއްގެ އިތުރުން މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާ ހޯދުމުގެ ދައުވާ އަކާއި މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާ ހޯދައި ދިނުމުގެ ދައުވާއެއް އަދި ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ އެކެވެ.

އޭގެ ތެރެއިން މަނީ ލޯންޑްރިންގެ ދައުވާ އަކާއި މަގާމުގެ ނުފޫޒު ބޭނުުން ކޮށްގެން ނާޖާއިޒް ފައިދާ ހޯދައި ދިނުމުގެ ދައުވާގެ ޝަރީއަތް މިއަދު މެންދުރު ބާއްވަން ހަމަޖެއްސުމަށް ފަހު ކެންސަލްކުރީ ދައުލަތުން އެދިގެން ކަމަށް ކްރިމިނަލް ކޯޓުން ބުންޏެވެ.

މިދިޔަ ހަފުތާގައި ވެސް އެހެން ދެ ދައުވާއެއްގެ ޝަރީއަތް ބާއްވަން ހަމަޖެއްސުމަށް ފަހު ވަނީ ކެންސަލް ކޮށްފަ އެވެ. އެ ދުވަހުގެ އަޑުއެހުން ކެންސަލްކުރީ އަދީބުގެ ވަކީލް އެގޮތަށް އެދިވަޑައިގަތުމުންނެވެ.

އެ މައްސަލަތަކުގެ ޝަރީއަތް ނިމެންދެން އަދީބު ބަންދުގައި ބަހައްޓަން ކްރިމިނަލް ކޯޓުން ކުރިން އޮތީ އަމުރުކޮށްފަ އެވެ.

ތަފާތު ތިން މައްސަލައެއްގައި އަދީބުގެ މައްޗަށް 33 އަހަރުގެ ޖަލު ހުކުމެއް ކުރިން އިއްވިޔަސް، ފަހުން މަތީ ކޯޓުތަކުން ވަނީ އެ ހުކުމްތައް ބާތިލްކޮށްފަ އެވެ. އެކަމަކު އޭނާއާ ދެކޮޅަށް ސުޕްރީމް ކޯޓުގައި އިސްތިއުނާފްކުރި މައްސަލައެއްގައި އޭނާގެ ޕާސްޕޯޓް ހިފަހައްޓަން އަމުރު ކޮށްފައި ވަނިކޮށް ފިއްލަވައިގެން ރާއްޖެއިން ބޭރަށް ވަޑައިގަންނަވަން އުޅުއްވި މައްސަލާގައި ތިން މަހާއި 18 ދުވަހުގެ ޖަލު ހުކުމެއް އިިއްވި އެވެ. އެ ހުކުމް ތަންފީޒުކޮށް މިހާރު ވަނީ ނިމިފަ އެވެ. އަދީބު މިހާރު ހުންނެވީ ގޭ ބަންދުގަ އެވެ.

ކްރިމިނަލް ކޯޓް ކުރީގެ ނައިބު ރައީސް އަދީބު އެމްއެމްޕީއާރްސީގެ ކޮރަޕްޝަން އަހުމަދު އަދީބު

8 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުވާނުވާ

27 January 2020

މިސަރުކާރުގައި އަދީބު ހުންނާނީ ގޭގައި. ޔާމީނު ހުންނާނީ ޖަލުގައި. ޔާމީން ސަރުކާރުގައި އަދީބު ހުންނާނީ ޖަލުގައި. މަންޒަރުން ދޭހަވާ އެއްޗެއް ގަބޫލުކުރަން ބޭނުންނުވާ މީހުން ގިނަވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަޖީދު

27 January 2020

ތިކަން ދާނީ ބޯޑުނަގު ލައް މިއޮތީ ސަރުކާރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްފާށަނާ

26 January 2020

ކޮން ސަކަރާތެއް، ޑީލާ އެއްގޮތަށް އަދިވެސް ސެޓުނުވަނީތަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޫހީ

26 January 2020

މިވެރިކަން ގެނައީ އެމްއެމްޕީއާރުސީން އަދީބު ނެގި ލާރި ޙަރަދުކޮށްގެން. އެހެންވީމަ މިވެރިކަމުގަ އަދީބުގެ މައްސަލައެއް ނުބެލޭނެ. ވަރަށް ސާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކްޓިމް

26 January 2020

ސަރުކާރު ހޫނު ފެނަށްވެއްޓޭ ކޮންމެ ފަހަރަކު އަދީބު ނެރި ދައްކާލާ އެބަ ރައްޔަތުންނަށް. އެއްކަމެއް ވާ ސަރުކާރެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރްމެންދްރަ

26 January 2020

ތިޔަކުޅެނީ ގޭމެއް. ނަތީޖާ ވަރަށް ސާފު. މިތިބީ ބަލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު.

26 January 2020

މި ސަރުކާރަކު އަދީބުގެ ޝަރީއަތެއް ނުބޭއްވޭނެ ދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާ!ޔާ

26 January 2020

ކުރެވޭނެ ހަމައެކަނި ކަމަކީ 2މަފިރިންވެގެން ދުވުން. ސްޓިކާ ޖެހުން. ލާދީނީ މީހުންނާ ކުއްކުރާމީހުންނަށް ހިމާޔަތްދިނުން. އަންނަ ދައުރުގަ ހޮވޭނެކަމުގެ ޔަގީންކަންނެތީމަ 10އަހަރަށްވާވަރަށް ސަރުކާރުގެ މުދަލާ ފައިސާ ކައި, ފަހަށް ރައްކާކޮށް އިންވެސްޓްކުރުމުގަ ހޭވައްޓާ. ރާއްޖެ ބައިބައިކޮށް އެއްބައިވަންތަކަން ނެގުން.