ހުޅުމާލެ އިން މުއްސަނދިންނަށް ބިން ވިއްކުމާ ބައެއް މެމްބަރުން ދެކޮޅު!

ހުޅުމާލޭގެ ދެ ވަނަ ފިޔަވަހީގައި ފްލެޓް އިމާރާތް ކުރަނީ: އަލަށް ހިއްކި މި ސަރަހައްދުން ބިން ވިއްކަން ހުޅުވާލަން އުޅޭތީ މަޖިލީހުގެ ބައެއް މެމްބަރުން ގެންދަވަނީ އެކަމާ ދެކޮޅު ހައްދަވަމުން. --ފޮޓޯ/މިހާރު

ފަޒީނާ އަހުމަދު، މިހާރު

11 ފެބުރުއަރީ 2020 - 12:26

51 comments

މާލޭގެ ތޮއްޖެހުމަށް ލުޔެއް ހޯދަން ހިއްކި ހުޅުމާލޭގެ ދެ ވަނަ ފޭހުން "މުއްސަނދިންނަށް" ބިން ވިއްކުމަކީ އިންސާފެއް ނޫން ކަމަށް ވިދާޅުވެ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ނިންމުމާ ދެކޮޅަށް ރައްޔިތުންގެ މަޖިލީހުގެ ބައެއް މެމްބަރުން ތެދުވެއްޖެ އެވެ.

ކުރީގެ ސަރުކާރުގައި ހުޅުމާލެ ދެ ވަނަ ފިޔަވަހިން 240 ހެކްޓަރުގެ ބިން ވަނީ ހިއްކައިފަ އެވެ. ބޮޑު އާބާދީއަކަށް އަމާޒުކޮށްފައިވާ އެތަނުގައި ސޯޝަލް ހައުސިން އަށް 7،000 ފްލެޓާ އެކު ގިނަ އިމާރާތްތަކެއްގެ މަސައްކަތް ކުރަމުން އެބަދެ އެވެ.

އެޗްޑީސީން ނިންމާފައި ވަނީ މި އަހަރުގެ ތެރޭގައި އަލަށް މީހުން އާބާދުވާން ފަށާ ހުޅުމާލެ ދެ ވަނަ ފިޔަވަހިން ބިން ވިއްކަން ވަރަށް އަވަހަށް ހުޅުވާލުމަށެވެ. އެ ތައްޔާރީތައް ފަށާފައިވާ ކަމަށް ވެސް އެޗްޑީސީން ވަނީ ބުނެފަ އެވެ.

މިކަމާ ދެކޮޅަށް ރައްޔިތުންގެ މަޖިލީހުގެ މައްޗަންގޮޅި އުތުރު ދާއިރާގެ އެމްޑީޕީގެ މެމްބަރު މުހައްމަދު ރަޝީދު ވިދާޅުވީ ބިން ވިއްކުން "މިހާރުން މިހާރަށް ހުއްޓުވަން ޖެހޭ" ކަމަށެވެ. މާލެއަކީ ތޮއްޖެހުން ބޮޑު، ފަގީރު ތަނެއްގެ ގޮތުގައި ބާއްވާފައި މުއްސަނދިންނަށް ބިން ވިއްކަން އުފެއްދި ކުންފުންޏަކަށް އެޗްޑީސީ ވެގެން ނުވާނެ ކަމަށް އޭނާ ވިދާޅުވި އެވެ.

ސަރުކާރުގެ މުއައްސަސާތަކުގެ ސަމާލުކަމަށް މައްސަލަ ގެންނަވައި އޭނާ އެދިވަޑައިގަތީ މާލޭގެ ރައްޔިތުންނަށް ބޯހިޔާވަހިކަން ކަށަވަރުކޮށް ދެއްވުމަށެވެ. ހުޅުމާލެ އިން ބިން ވިއްކަން އުޅުމުގެ ކަންބޮޑުވުން މި އުފެދުނީ، ބޯހިޔާވަހިކަމުގެ ސްކީމްތަކުން ވެސް މާލޭގެ ގިނަ ރައްޔިތުން މަހްރޫމްވެ، ބޯހިޔާވަހިކަން ނުލިބި ތިބެން ޖެހުމުގެ ޝަކުވާ ބޮޑުވެ، މަޖިލީހަށް ވެސް އެ މައްސަލަ ހުށަހަޅައި ބަހުސް ފެށިފައި ވަނިކޮށެވެ.

މާލެ އަށް ކުރިމަތިވެފައިވާ ބޯހިޔާވަހިކަމުގެ ދަތިކަން ހައްލުކުރަން ގޮވާލައި މަޖިލީހަށް މިއަދު ވެސް ގަރާރެއް ހުށަހަޅައިފަ އެވެ.

Mihaarun mihaarah mikan huhtuvanjehey @presidencymv 🙏@MaleCitymv akee #SlumCity ehge gothuga baavaafa mussandhi mahujanunah bin vikkaa viyafaari usoolun kankuran ufehdhi kunfanyakah @hdcmaldives vegen nuvaane.male' rayyithunnah boahiyaavahikan kashavaru kohdhehvaa. https://t.co/ZQrzsbQX1p
— Mohamed Rasheed (@boadhigu) February 10, 2020

މެމްބަރު ރަޝީދު ކުރެއްވި ޓުވީޓް.

ގަލޮޅު ދެކުނު ދާއިރާގެ މެމްބަރު މީކާއިލް ނަސީމް ވިދާޅުވީ ހުޅުމާލެ ހިއްކީ މާލޭގެ ބޯހިޔާވަހި ކަމަށް ލުޔެއް ގެންނަން ކަމަށެވެ. މުއްސަނދިންނަށް ހުޅުމާލޭގެ ބިން ވިއްކުމުން އެ މަގްސަދް ހާސިލް ނުވާ ކަމަށް އޭނާ ވިދާޅުވި އެވެ.

ހުޅުމާލެ އިން ބިން ވިއްކާނެ އުސޫލު އެޗްޑީސީން އަދި އާއްމެއް ނުކުރެ އެވެ. ހުޅުމާލޭގެ ދެވަނަ ފިޔަވަހިން 1،000 އަކަފޫޓުގެ 400 ގޯތި ވިއްކުމަށް ކުރީގެ ސަރުކާރުގައި ހައުސިން މިނިސްޓްރީން ވެސް ހުޅުވާލި އެވެ. އެ ފަހަރު ގޯއްޗެއް ވިއްކަން ހުޅުވާލީ ހަތަރު ލައްކަ ރުފިޔާ އަށެވެ.

ހުޅުމާލެ ދެ ވަނަ ފޭހުން ކުރިން ވެސް ވަނީ ބިން ވިއްކައިފަ އެވެ. އެކަމަކު އޭރު ފެށޭ އަގަކަށް ހަމަޖެއްސީ އަކަފޫޓެއް 3،000ރ. އަށެވެ. އެ އަގުން ބަލާ ނަމަ 1،000 އަކަ ފޫޓެއްގެ ގޯއްޗެއްގެ އަގު ތިން މިލިއަން ރުފިޔާ އަށް އަރަ އެވެ.

ހުޅުމާލެ ތަރައްގީގެ މަޝްރޫއުތައް ބޯހިޔާވަހިކަން އެޗްޑީސީ

51 ކޮމެންޓް, 53 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

12 February 2020

ސީދާ ނަސްލީ ތަފާތުކުރަންވެގެން އެމްޑީޕީ ޖަހާ ސަކަރާތް. މާލޭން 10 އަކަފޫޓުވެސް ލިބޭނީ ސީދާ މާލޭ މީހުންނަށް. އެހެންވީމާ އެނޫންބަޔަކަށް ދެން ހުޅުމާލޭން އަކަކައިވަތެއްވެސް ނުލިބޭނެގޮތް ހަދާލީ. އެމްޑީޕީ އަށް ވޯޓްލުން ނިމުނީ. އެމްޑީޕީ ގެ ވިސްނުމަކީ އަބަދުވެސް މާލޭގެ މީހުން ކުލިން ލިބޭ ލާރީގައި އުދުހުން. ރައްރަށުމީހުން ރަށުމަސްފެކްޓްރީގައި ދައުލަތް ހިންގަން ފައިސާހޯދުން. މިހާރުވެސް މަސްވެރިން އަތުން ޓެކްސް ނުނެގިގެން ތެޅިބާލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްގުމިންވަރު

12 February 2020

އަހަރެންގެ ބައްބަ އަށް ކާފަ ގޯތި ބަހައިގެން 300 އަކަފޫޓު ލިބޭތީ ވިލިގިލިން ގޯތި ދޫކުރިއިރު ކުރިމަތިލި މާލޭން ލިބޭ ބައި ދޫކޮށްލާގޮތަށް. އަކަމު ނުލިބޭ. ހުޅުމާލޭންވެސް ނުލިބޭ އަދި. ނަމަވެސް އަހަރުމެންގެ ރައްޓެހި ރަށެއްގެ މީހަކަށް ލިބުނު ގޯތި. އަދި އޭނައަށް ފަހުން ރަށުން ލިބުނު ގޯތީގެ ގިފިލިވެސް 300 އަކަފޫޓު. އޯކޭ އޭނަ އެ ގޯތި ދޫކޮށްލާފަ ވިލިގިލީ ގޯތީގަ އުޅެން މަށަށް އެރަށުން ގޯއްޗެއް ލިބެންޏާ. ރާއްޖޭގެ ހުރިހާ ރައްޔިތުންނަށްވެސް ހައްގުވާ ކަމެއް މީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިލްގޭޓްސް

12 February 2020

ބިން ވިއްކާނެކަމެއް ނެތް. ހަމަ ފްލެޓް އަޅަންވީ. ޓަވަރުތަކެއްވެސް ނޫން ހަމަ 4 ބުރި 5 ބުރި ހުންނަ ވަރުގެ ފްލެޓް. ވީހާވެސް ގިނަ ބަޔަކަށް އުޅެވޭ ގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި

12 February 2020

ބިން ވިއްކީމަ ނުވަތަ ލަގްޒަރީ ފްލެޓްތަކުން މުޅި ހުޅުމާލެ ފުރާލީމަ ނިކަމެތި ރައްޔިތު މީހާއަށް ވަނީ ކޮންފައިދާއެއްތޯ؟ ލާރިހުރި މުއްސަދިން ދިހަ ބާރަ ފްލެޓް އެބަގަނޭ. ކޮންޓްރޯލެއް ނެތް. ނިކަމެތި މީހާ ވަންނާނެ ތަނެއް ނެތް. އެންމެފަހުން މުއްސަދިމީހާގެ ފްލެޓަށް ކުލިދައްކާ މުއްސަދިކަން އިތުރުކޮށްދޭން މިޖެހެނީ އެއްކަލަ ނިކަމެތި މީހާ. މީ ކޮންކަހަލަ ގެދޮރުވެރި ކުރުވުމުގެ ސިޔާސަތެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޞްޠޮފާ

12 February 2020

ހުޅުމާލެއަކީ ހުސްމުއްސަނދިންގެ ބިމެއް، ދޭންވާނީވެސް، ވިއްކަންވާނީވެސް ހަމަހުސް މުއްސަނދިންނަށް، މިސަރުކާރުގެ ވަޢުދަކީވެސް އެއީ ނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

11 February 2020

ރައިސް ޔަމިން ވެރިކަމާ ހަވާލުވީއިރު ރާއްޖެ އޮތީ ވަރައް ނާޒުކު ވައްތަރެއްގަ ޖީއެމްއާރަ 300މިލިޔަން ޑޮލަރު ދީފަ ދައުލަށް އޮތީ އިދަޖެހިފަ. ރައިސް ޔާމިން ވެރިކަށް އަރާ ރާއްޖޭގެ ހާލަތު ބަޔަކު ހީނުކުރާހާ ގޮތަކަށް މުޅި ރާއްޖެ ބަދަލުކޮއްލި ރޔަމިންގެ ވެރިކަން ނިމުނު އިރު ރާއްޖޭގެ ރިޒާވްގަ ހުރި 800މިޔަންޑޮލަރު. މި ސަރުކަރު ރާއްޖެގެ ވެރިކަމާ ހަވާލުވީއިރު ރާއްޖެ އޮތީ ތަނަވަސް ކަމުގަ. ކީވެތަ ނުހިންގިގެން މިއުޅެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީމީހާ

11 February 2020

މިހާރު ހިތައްއަރާ ރައިސް ޔާމިން ވެރިކަމުގަ ބެހެއްޓުނުނަމައޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެއިލްޑް

12 February 2020

ކަލޭ ތީ ކޮން މަހުޖަނެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުގުމާން

11 February 2020

މެންބަރުން ދެކޮޅުކަމަށް ދައްކަނީ ހަމަ ރައްޔިތުންގެ މޫނުމަށްޗަށް އަޅުވާލާ އަނދުއްގޮތަށް. ހުވާކޮށްފައި މިދައްނަވަނީ ތިޔަ ތަނުން ބިންފޮއްޗެއް އާދައިގެ ތައްޔިތަކަށް ލިބޭނެ އެއްވެސް ގޮތެއް ނުހަދާނެ. ނިކަން ބަލަން ތިބޭ ވާގޮތް. މިގައުމުގެ ތިބި ހުރިހާމުއްސަދިން ތިޔަ ހުރިހާ ބިމެއް ބަނޑު އަޅާލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެޓޭ

11 February 2020

މާލޭ މީހުން ތިބެނީ މާލޭގެ އާބާދީއަށްވުރެ 4 ގުނަޔަށްވުރެ ގިނަ މީހުން އުޅެން ތަންތަން ކުއްޔަށްދީގެން. ހުރިހާތަނެއް ކުއްޔަށްދީ ފުރައިގެންގޮސް ބޭރު ގައުމުތަކުގައި އަޗާތަޅަންތިބެ މިގޮވަނީ އޫޅޭނެ ތަނެއްނެތޯ. އުޅޭނެ ތަނެއްނެތޯ ކިޔާ އޭ، ބީ ކެޓަގަރީ ހަދައިގެން ހޯދާ ފުލެޓް ވެސް ދޫކޮށްލަނީ ކުއްޔަށް. ރާއްޖެތެރޭ ރައްޔިތުންނަށް ލިބޭހާ އާމްދަނީ މާލޭ ގޭގެ ކުއްޔަށް ބަދަލުވާނެހެން ގައުމުގެ ސިޔާސަތު ރާވާ ހިންގަމުން ގެންދަނީ. މީ ގައުމުގެ އެންމެބޮޑު ބޭއިންސާފު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯސް

11 February 2020

ސަރުކާރުން ދޭންޖެހޭނީ ބޯހިޔާވަކަން. އެންމެންނަށް ދޭނެ ބިންނެތްއިރު ވަކިބަޔަކަށް ބިންދިނުމަކީ ނާޖާއިޒް ފައިދާހޯދައިދިނުން. ޢެންމެންނަށްވެސް ފެޓްދީ.އެއްބަޔަކަށް ރަންވަޅެއްފަދަ ބިން އަނެއްބަޔަކަށް ފެންވަރުދަށް ކުޑަ އަގުބޮޑު ފްލެޓެއް. އިންސާފުގެ ތިލަފަތް އިންސާފުވެރިވާނީ މިވަރަށް.