އަބްދުﷲ ގާޒީގެ ސުލޫކީ މައްސަލައެއް ޖޭއެސްސީން ބަލަނީ

މުހައްމަދު ނަސީމް، މިހާރު

16 ފެބުރުއަރީ 2020 - 18:27

ފެމިލީ ކޯޓުގެ ގާޒީ އަބްދުﷲ މުހައްމަދު (އަބްދުﷲ ގާޒީ) ގެ ސުލޫކީ މައްސަލައެއް ބަލަން ޖުޑީޝަލް ސާވިސް ކޮމިޝަން (ޖޭއެސްސީ) އިން މިއަދު ނިންމައިފި އެވެ.

އެ ކޮމިޝަނުން ބުނީ، އަބްދުﷲ ގާޒީގެ ސުލޫކީ މައްސަލަ ބަލަން ނިންމީ މިއަދު ބޭއްވި ބައްދަލުވުމުގައި ކަމަށެވެ. އިތުރު އެއްވެސް ތަފްސީލެއް ނުދެ އެވެ.

"އަބްދުﷲ ގާޒީ" ގޮތުގައި، މުޅި ރާއްޖެ އަށް މަޝްހޫރުވި، ކްރިމިނަލް ކޯޓުގެ ކުރީގެ ގާޒީ އަބްދުﷲ މުހައްމަދުގެ މައްސަލައެއް ޖޭއެސްސީން ބަލަން ފެށި އިރު، ފަނޑިޔާރުންނާއި ގާޒީން ތިއްބަވާ ވައިބާ ގްރޫޕެއްގައި އޭނާ ދާދި ފަހުން ހިއްސާ ކުރެއްވި ޅެމެއްގެ މައްސަލަ ފެންމަތިވެފައިވާ ކަމަށް އެނގިފައި ވެ އެވެ. އެކަމަކު ޖޭއެސްސީން ބަލަނީ ސީދާ އެ މައްސަލަ ކަމެއް އަދިއެއް ނޭނގެ އެވެ.

ކުރީގެ ރައީސް މުހައްމަދު ނަޝީދު އިސްތިއުފާ ދެއްވި ދުވަހުގެ ފަހު ދުވަހު [ފެބްރުއަރީ 8، 2012) ގައި އެމްޑީޕީގެ މެމްބަރުން ނުކުމެ އެކި ރަށްރަށުގައި ހަމަނުޖެހުން ހިންގައި އަދި ދައުލުގެ ބައެއް ތަންތަނުގައި ރޯކުރި ދުވަހަށް އަށް އަހަރު ފުރުމާ ގުޅުވައިގެން ފަނޑިޔާރުންނާއި ގާޒީންގެ ވައިބާ ގުރޫޕަށް އަބްދުﷲ ގާޒީ ޅެމެއް ހިއްސާ ކުރެއްވީ "ހެޕީ ބޮޑު ހުޅު ޑޭ" ޖައްސަވަ އެވެ.

އަބްދުﷲ ގާޒީ އަކީ، ފެބްރުއަރީ 7، 2012 ގައި ނަޝީދު އިސްތިއުފާ ދެއްވަން މަޖުބޫރުވި ސަބަބެއް ކަމަށް އެއް ބަޔަކު ބުނެ އެވެ.

އެއީ، ނަޝީދު އިސްތިއުފާ ދެއްވީ، އެމަނިކުފާނުގެ ވެރިކަމުގައި ގާނޫނުއަސާސީ އާއި ގާނޫނުތަކުގެ ބޭރުން އަބްދުﷲ ގާޒީ ބަންދުކުރުމުން، އެކަމާ ދެކޮޅަށް އޭރުގެ އިދިކޮޅު ފަރާތްތަކުން މަގުމައްޗަށް ނުކުމެ ކުރި މުޒާހަރާތަކާއި އެއްވުންތަކަށް ފަހު، ކުރިމަތިވެވަޑައިގެންނެވި ފިއްތުންތަކާ އެކު އެވެ. ނަޝީދުގެ އިސްތިއުފާއާ އެކު، އެ ދުވަހު އެންމެ ފުރަތަމަ ހިނގި އެއް ކަމަކީ ސިފައިންގެ ތަމްރީން މަރުކަޒު ގިރިފުށީގައި ބަންދުކޮށްފައި ހުންނެވި އަބްދުﷲ ގާޒީ މިނިވަން ކުރުމެވެ.

ނަޝީދުގެ މައްޗަށް 13 އަަހަރުގެ ޖަލު ހުކުމެއް އިއްވީ ވެސް އަބްދުﷲ ގާޒީ، އޭރު ބަންދު ކުރި ކުރުމާ ގުޅުވައިގެން ކުރި ޓެރަރިޒަމްގެ ދައުވާ ސާބިތުވެގެންނެވެ. ނަމަވެސް، އެ ހުކުމް ސުޕްރީމް ކޯޓުން ވަނީ 2018 ވަނަ އަހަރު ބާތިލުކޮށްފަ އެވެ.

ކްރިމިނަލް ކޯޓް ފަނޑިޔާރުން ޖުޑީޝަލް ސާވިސް ކޮމިޝަން ގާޒީ އަބްދުﷲ މުހައްމަދު ފެމިލީ ކޯޓު

43 ކޮމެންޓް, 83 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަރުވާލި އާދަނުގެ ސިޔާސީހާސަރު

17 February 2020

ކަޓަރު ( ތިލަޔަކުން ) ދަތް ކޮށްޓުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުކައްބަ

17 February 2020

ޢަބްދުﷲ ގާޒީ އަކީ، ފެބްރުއަރީ 7، 2012 ގައި ނަޝީދު އިސްތިޢުފާ ދެއްވަން މަޖުބޫރުވި ސަބަބު. މިއީ އެއްވެސް އޮޅުމެއް އޮޔް ކަމެއް ނޫން. އެކަން ތަކުރާރު ވަނީބާ! އެހެން ވެއްޖެއްޔާ އިޔާދަވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙުއްމާ

17 February 2020

ޖޭ.އެސް.ސީ. ގެ ކޮމޮޕޮޝަން ވަރަށް އަވަހަށް ބަދަލުވާން އެބަޖެހޭ. ޔާމީނުގެ ވެރިކަމުގަވެސް އެތަން އޮތީ ޔާމީނު ބޭނުންވާގޮތަށް ފަޑިޔާރުގެ ހިންގޭ ގޮތަށް. މިހާރުވެސް މިއޮތީ އެމީހުންގެ މަސްއޫލިއްޔަތު އަދާކުރުމަށްވުރެ ބޮޑަށް ނަޝީދުގެ ބަދަލުހިފުމުގެ ކަންތަށް ހިންގާ ތަނެއްގެ ގޮތުގަ. ހީވަނީ ކުރިޔަށްވުރެވެސް މިހާރު ގެއްލުން ބޮޑުހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙުއްމާ

17 February 2020

މިހާރު ހުރިހާ މައްސަލައެއްވެސް ނަޝީދަށް ބެލިދާނެ. އެކަމަކު ނަޝީދު ޢަބުދުﷲ ޤާޡީ ހައްޔަރުކުރި މައްސަލަ ބެލޭނެ ދުވަހެއްވެސް އަދި އައްނާނެ. ނަޝީދުގެ އަމުރަށް މުޅި ރާއްޖޭގަ ހުރި ރައްޔިތުންގެ ޢިމާރާތްތަށް ރޯކޮށްލި މައްސަލަވެސް އަދި ބެލޭނެ ދުވަހެއް އައްނާނެ. ޔާމީނުވެސް ހީނުކުރޭ ދުވަހަކުވެސް ތިމެންނަ ޖަލަށްދާން ޖެހޭނެ ކަމަކަށް. ތަޤްދީރު ނިޔާކުރީ އެގޮތަކަށް ނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޒާ

17 February 2020

އިސްތިއުފާދިން ރައީސާއި ޖޭ އެސް ސީ ގައި ތިއްބެވި އޭނާގެ އައުވާނުންގެ ކިބައިން މިގައު ސަލާމަތް ކުރައްވާނދޭވެ. އެންމެ ފުރަތަމަ މި ގައުމުގައި ބަލަންޖެހޭނީ ނަސީދުގެ ސްލޫކީ މައްސަލަ. މަޖިލީހުގެ ރައީސްކަމުގައި ހުރުގެން ވަރަށް ނާތަހުޒީބީ އަމަލްތަށްދަނީ ހިންގަމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

17 February 2020

މިހާރު ކޯޓުތަށް ހީވަނީ އެމްޑީޕީގެ ހަރުގެހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވާ

17 February 2020

ޖޭއެސްސީ އާ މަޖްލިސް މިހާރު އެއޮތް ގޮތުން ތިޔަ ގާޒީއާ ނުބެހި ނުނިންމާނެ އެމީހުންގެ އަސްލު މަސައްކަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީދީ

17 February 2020

ބަލަ ފަނޑިޔާރު ަލީ ރަޝީދުގެ ސުލޫކީ މައްސަލަކޮބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްފާޝަނާކިލެގެ

17 February 2020

ޢަބްދުﷲ ޤާޟީއަށް 22 ރޭ 23 ދުވާ ވަންދެން ބަންދުކޮށް، އޭނާގެ އެތައް ޙައްޤުތަކެއް ނިގުޅައިގަތްއިރު، އޭނާގެ ޙައްޤުތައް ހޯދައިދޭން ނުކުޅެދުނު ބައެއް، ދެން ކޮން ސުލޭކެކޭ ކިޔާކަށް، އިންސާނެއްވީމަ ހިތުގައި ހިނގާ ޝުޢޫރުތައް އޮބެހެއްޓޭނީ ވަރަށް މަދު ބަޔަކަށް.