ކާށިދޫ ދާއިރާގެ މެމްބަރު ފައިސަލް ނަސީމް. ހަމަސް ތެރޭގައި ބޭންކް އެކައުންޓް ހުޅުވަން ޖެހޭ ގޮތަށް ވަޒީފާއާ ބެހޭ ގާނޫނަށް އޭނާ ވަނީ އިސްލާހު ހުށަހަޅުއްވާފައި. - ފޮޓޯ: މަޖިލިސް
06 އޮކްޓޯބަރ 2016 - 21:55
12 comments
ރާއްޖޭގައި މަސައްކަތްކުރާ ބިދޭސީންގެ ބޭންކް އެކައުންޓް ހުޅުވަން އިތުރު މުއްދަތު ދިނުމަށް ޓަކައި ވަޒީފާއާ ބެހޭ ގާނޫނަށް އިސްލާހު ހުށަހަޅައިފި އެވެ.
ވަޒީފާއާ ބެހޭ ގާނޫނުގައި މިހާރު އޮތް ގޮތުން ގާނޫނަށް އަމަލު ކުރަން ފަށާތާ ތިން މަސް ތެރޭގައި ބިދޭސީން ބޭންކް އެކައުންޓެއް ހުޅުވަން ޖެހޭނެ އެވެ. ހުށަހެޅި އިސްލާހުގައި ވަނީ މި މުއްދަތު ހަ ހަމަށް ބަދަލު ކުރުމަށެވެ. މި އިސްލާހު މަޖިލީހަށް ހުށަހެޅި ނަމަވެސް ފުރަތަމަ ކިޔުން މަޖިލީހަށް އަދި ނުއިއްވަ އެވެ.
ކާށިދޫ ދާއިރާގެ ޖުމްހޫރީ ޕާޓީގެ މެމްބަރު ފައިސަލް ނަސީމް މަޖިލީހަށް ހުށަހެޅުއްވި އިސްލާހުގައި ވަނީ ވަޒީފާ ދޭ މީހާ ތިން މަސް ތެރޭގައި ބިދޭސީ މުވައްޒަފުންގެ ނަމުގައި ބޭންކް އެކައުންޓެއް ހުޅުވަން ޖެހޭނެ ކަމަށް އޮތުމުން ވަޒީފާ ދޭ މީހާ އަށް ބޮޑެތި އުނދަގޫތަކާ ކުރިމަތިވަމުންދާ ކަމަށެވެ.
އެ ގޮތުން އެތައް ގިނަ ބިދޭސީން ފަޅު ރަށްތަކާއި ރާއްޖޭގެ އެކި ރަށް ރަށުގައި ތިބެ މަސައްކަތް ކުރަމުންދާއިރު، މިއިން ކޮންމެ ރަށެއްގައި ބޭންކްގެ ބްރާންޗުތައް ނުހުންނަ ކަން އޭނާ ފާހަގަކުރެއްވި އެވެ. އެހެންވެ އެކައުންޓް ހުޅުވުމަށް ދީފައިވާ ތިން މަސް ދުވަހުގެ މުއްދަތަކީ އެކަށީގެންވާ ވަރަށްވުރެ ކުރު މުއްދަތެއް ކަމަށް ވެސް އޭނާ ވިދާޅުވި އެވެ.
ފައިސަލް ހުށަހެޅުއްވި އިސްލާހުގައި ވަނީ ގާނޫނަށް އަމަލުކުރަން ފަށާ ދުވަހުން ފެށިގެން ހަ މަސް ދުވަހުގެ ތެރޭގައި، ވަޒީފާ ދޭ މީހުން ބިދޭސީ މުވައްޒަފުންގެ ނަމުގައި ބޭންކް އެކައުންޓެއް ހުޅުވައި ނިންމަން ވާނެ ކަމަށް ބުނެފަ އެވެ.
ވަޒީފާއާ ބެހޭ ގާނޫނުގައި ވަނީ ވޯކް ވިސާ ލިބިފައިވާ ބިދޭސީންނާއި ވިސާ ލިބިގެން މެނުވީ ވަޒީފާ އަދާކުރުން މަނާ އެއްވެސް ބިދޭސީއަކަށް ވަޒީފާ ދޭ ފަރާތުން މުސާރަ އާއި އިނާޔަތްތައް ޖަމާކުރަން ވާނީ ރަޖިސްޓްރީކޮށް ހިންގުމުގެ ހުއްދަ ލިބިފައިވާ ބޭންކެއްގައި އެ ބިދޭސީއެއްގެ ނަމުގައި އޮންނަ އެކައުންޓަކަށް ކަމަށެވެ.
ބިދޭސީންގެ މުސާރަ ބޭންކަށް ޖަމާނުކުރާ ނަމަ، ވަޒީފާ ދޭ ފަރާތް 10،000ރ. އާއި 50،000ރ. އާ ދެމެދުގެ އަދަދަކުން ޖޫރިމަނާ ކުރާނެ އެވެ. ވަޒީފާ ދޭ ފަރާތްތަކުން ގާނޫނަށް އަމަލުނުކުރާ ނަމަ، ވަޒީފާ ދޭ ފަރާތަކަށް ސަރުކާރުން ފޯރުކޮށްދެމުން އަންނަ ހިދުމަތްތައް ހުއްޓާލުމުގެ ބާރު މި އިސްލާހުން ލިބިދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޖްމަލް
07 October 2016
ފައިސަލްގެ ހުށައެޅުމަށް ތާޢީދު ކުރަމެވެ. މިހާރުވެސް އަޅުގަނޑުމެން މި އުޅެނީ ބެންކް އޮފް މޯލްޑިވްސް އަށް ރިކުއެސްޓް ކޮށްގެން އަޅުގަނޑުމެންގެ ރިސޯޓަށް އައިސްދިނުމަށް ބޭރު މީހުންގެ އެކައުންޓް ހުޅުވުމަށްޓަކައި! ނަމަވެސް އެބޭފުޅުންނަށް އާދެވޭކަށް ނެތް! އަޅުގަނޑުމެން މި ޖެހެނީ މުވައްޒިފުން މާލެ ފޮނުވަން! މިދެން ބޮޑު ވަރު ނޫންތޯ؟
ޖަޑިބު
07 October 2016
ތިތާ ތިތިބީ މުޅިން ވެސް ބޭރުމީހުން ލައްވާ މަސައްކަތް ކުރާ ވިޔަފާރި ވެރިން.... ތިބޭފުޅުންނަށް ފާސޭހަވާ ގޮތަކަށް ގާނޫނު ތިޔަބައްޓަންކުރަނީ އިގޭތަ..... 3 މަސް ކުޑައެއް ނޫން... އެހެން ނޫނަސް ކުރިން ތިކަން ނޭގުނީތީ ހައިރާންވޭ....
ވައިޓުހައުސް
07 October 2016
ބެންކުން ސަކުވާނުކުރާއިރު މީނާ އަށްކޮންގެއްލުމެއްވާތީ މިއުޅެނީ..
އައްލު
07 October 2016
އޭނާއަށް ގެއްލުމެއް ވަނީ ނޫނޭ! މިއުޅެނީ ބިދޭސީން ގެންނަ ކުންފުނިތަކަށް ގެެެއްލުން ވާތީ.. ވިސްނާފަ ކޮމެންޓު ކުރުން ރަގަޅު.
ފަތިސް
07 October 2016
އެކައުންޓްހުޅުވަން 500ރ މިނިމަންބެލެންސް.ބަހައްަތންޖެހެއެވެ.އަދި ކޮންމެމަހަކު 75ރ އެކައުންަޓް މެއިންޓަނަސްއަށް ޗާޖުކުރެއެވެ. އަދި ޖަމާކުރާ މުސާރަފައިސާއިން ކޮންމެ 1ރ އަކުން 3 ލާރި މާނައަކީ ކޮންމެ 100 އަކުން 3 ރ. އަދި ކޮންމެ ހާހަކުން 30ރ ބޭންކުން ޓެކުސްގެ ގޮތުގައި ޗާޖުކުރެއެވެ. އެމީހުންނަކީވެސް ޖީއެސްޓީ ދައްކާބައެކެވެ. އަދި ވިސާފީ މަހަކު 300ރ ދައްކައެވެ. މީބޮޑުވަރު
ފަލަކު
07 October 2016
އިހްތިރާމް ކުރުމަކީ ގާނޫނާ ޚިލާފަށް އުޅެން ދޫކޮށްލުމެއް ނޫނެއްނު. މިރާއްޖެނޫނީ ވޯކްވިސާނެތި މުޅި ގައުމުގައި ބިދޭސީން މަސައްކަތްކުރާ ތަނެއް އޮތްކަމަކަށް ނުފެނޭ. 500 ޑޮލަރ ހިފައިގެން އައުމަށްފަހު ޕާސްޕޯޓް އެއްލާލާފާ އެފެށީ މަސައްކަތް ކުރަން. އެއިރު އިމިގްރޭޝަން އޮފިސަރުންނަށް އޮންނާނީ ހާހެއްހާ ޑޮލަރ ކުރިން ދީނިންމާފަ. މިރަށުގައި ބަންގާޅު އެޖެންޓް ހުރެ ހުރިހާކަމެއް ހަމަޖައްސާނިންމާފަ އޮންނަނީ.
ޙހަބީބު މީދޫ
06 October 2016
ތީވަރައް ރަނގަޅު ކަމެއް ބިދޭސީންގެ އަތުން ޓެކްސްނަގަންޖެހޭ
ވިންދު
06 October 2016
މީތި ކަޑައެވެ. ފައިސަލް ކަމުގައި ވީނަމަވެސް މިފައިސަލާ ރަނގަޅެއް ނޫނެވެ. އެހެނީ މިކަމުގެ ސަބަބުން ގިނަ މައްސަލަތަކެއް ކުރިމަތިވާނެތީއެވެ. ބިދޭސީން ގެންގުޅޭ ބައެއްގެ ޒިންމާއެއް 3 މަސް ދުވަހުގެ ތެރޭގައި އެމީހުންގެ އެކައުންތައް ހެދޭނެގޮތް ހެދުމަކީ. އެމީހުން ބޭރުކުރާ ފައިސާތައް ހިފެހެއްޓުމަށް ކޮންމެވެސް ވަރެއްގެ ބާރަކަށް މިކަން ވެގެންދާނެ.
ޕޯޓަބަލް
06 October 2016
އެވެސް އިންސާނުން. އިހުތިރާމް ލިބެން ޖެހޭނެ!
ގގ
06 October 2016
މިރާއްޖޭގައި ދިރިއުޅޭ ބޭރު ލޭބަރުންނާއި އެނުންވެސް ބިދޭސީންނަށް އިހުތިރާމް ކުރުމަށާއި އިހާނެތިކޮށް ކަންކަން ނުކުރުމަށް ނަސޭހަތް ތެރިވަން!
ނުކުރާތި
06 October 2016
އެއްގޮތަކަށް ވެސް މުއްދަތު އިތުރު ކޮށްގެން ނުވާނެއެވ. މުއްދަތު އިތުރު ނުކޮށް މިކަން ކުރަން ޖެހޭނީ. ހިތްވަރާއި މިންނަތާއި އެކު މަސައްކަތް ކޮށްގެން މިކަން ކުރަންވީ އެވެ. މިކަން ނުކުރާ މީހުން ދެން ޖޫރީމަނާ ދައްކަންވީއެވެ. އެގޮތަށް މުއްދަތު ދޭން ވެއްޖެނަމަ ހަމަސްވެސް މަދުވާނެއެވެ. އަހަރު ވެސް މަދު ވާނެ އެވެ. ޑިކޭޑެއް ވެސް މަދުވާނެއެވެ. ސެންޗަރީ އެއް ވެސް މަދުވާނެއެވެ. އެއްގޮތަކަށް ވެސް އިތުރު ފުރުސަތެއް ދީގެން ނުވާނެއެވެ. ގާނޫނު ފާސް ކުރުމަށް ފަހު ކުޅޭ ކުޅޭ އެއްޗެއް ގޮތަށް އެ ބަދަލު ކޮށްގެން ނުވާނެއެވެ.
ޖަވާބު
07 October 2016
ކޮންމެކަމެއްވެސް ލާހޫރޭ ގޮތަށް. ތިޔަ ގަވައިދު ހެދިއިރަކު ބޭންކްތައް ރަށްރަށުގައި ނުހުންނަކަން ނޭގެނީތަ؟ ކާޑުވެސް އަގުބޮޑުކޮއްފަ މިކިޔަނީ އެސްޓީއޯ އިން ރަގަޅުގޮތް ހަދާދޭނަމޯ ކީއްކުރަން ދެން ބޮޑުކުރީ؟