ކޮފީއަށް ނުދާށޭ ވިދާޅުވުމަށް ފަހު މަބްރޫކް އޭނާގެ ކެފޭ ބަންދުކޮށްފި

އަންނަ ބުރާސްފަތިދުވަހުން ފެށިގެން އެއް ހަފުތާއަށް ސަރުކާރު ބަންދުކުރަނީ "ކޮފީ ޓޭބަލަށް އަރަން" ނޫން ކަމަށް ވިދާޅުވިތާ މާ ގިނަ އިރެއް ނުކޮށް، މަބްރޫކް އަބްދުލްއަޒީޒްގެ މަޝްހޫރު ކެފޭ، މެރާކީ ކޮފީ ރޯސްޓަ މިރޭ ބަންދުކޮށްފި އެވެ.

ކޮރޯނާވައިރަސްގެ ކަންކަމުގައި ސަރުކާރުން ކަނޑައަޅާފައިވާ އިސް ތަރުޖަމާންގެ ހައިސިއްޔަތުން ދުވާލަކު ދެ ފަހަރު ރައްޔިތުންނާ ބައްދަލުކުރައްވާ މަބްރޫކް މިއަދު ވިދާޅުވީ ސަރުކާރު ބަންދުކުރިޔަސް އެއީ ކޮފީ ބޯށާއި މޫދަށް ދާން ޖެހޭ ކަމެއް ނޫން ކަމަށެވެ. އެ އަށް ވުރެ ބޮޑަށް ސަރުކާރުގެ ބޭނުމަކީ، ރާއްޖެ އިން ވެސް މިހާރު ފެނިފަައިވާ ކޮރޯނާވައިރަސް އިން ސަލާމަތްވާން އެންމެން ގޭގައި ބޭތިއްބުން ކަމަށް އޭނާ ވިދާޅުވި އެވެ.

"މިއީ މޫދަށް ދާކަށް، ކޮފީ ޓޭބަލް އަށް އަރާކަށް ބަންދުކުރާ ދުވަސްތަކެއް ނޫން. މި ދުވަސްތަކަކީ ގޭގައި ތިބޭ ދުވަސްތަކެއް،" ރައީސް އޮފީހުގެ އަންޑަ ސެކްރެޓަރީގެ މަގާމުގައި ހުންނެވި މަބްރޫކް ވިދާޅުވި އެވެ.

Mabrook vidhaalhuvee dhen dhaanvee coffee ah noon kamah, Thibenvee geygai

The most trusted news source in the Maldives

Mihaaru

އޭނާ އެހެން ވިދާޅުވިތާ މާ ގިނަ އިރެއް ނުވެ މެރާކީން ކުރި ޓުވީޓެއްގައި ބުނީ މިރޭ ނުވަޔަކުން ފެށިގެން ވަކި މުއްދަތެއް ނެތް ގޮތަށް ކެފޭ ބަންދުކުރާނެ ކަމަށެވެ. މިއީ ކޮވިޑް-19 ހަލުވިކަމާ އެކު ފެތުރެމުންދާތީ އާންމުންގެ ރައްކާތެރިކަމަށް ވިސްނައި ނިންމި ނިންމުމެއް ކަމަށް ވެސް ބުނެފައިވެ އެވެ.

މި ނިންމުމުގެ ސަބަބުން ކަސްޓަމަރުންނަށް ދިމާވާނެ ދަތުތަކަށް މާފަށް އެދުމުގެ އިތުރުން އާންމުންގެ ކިބައިން އެދުނީ ގައުމަށް ދިމާވެފައިވާ މި ދަނޑިވަޅުގައި ހުރިހާ ރައްުޔިތުން ވެސް އެކަކު އަނެކަކަށް އެހީތެރިކަމާއި އެއްބާރުލުންދީ ފަރުދީ ޒިންމާ އަދާކުރުމަށެވެ.

ޕޯސްޓަލް ބިލްޑިން ކައިރީގައި ހުންނަ މެރާކީ ކޮފީ ރޯސްޓަ އަކީ ޒުވާނުންގެ މެދުގައި ވަރަށް މަގުބޫލު ކެފޭއެކެވެ. އަދި އެއީ ރާއްޖޭގައި ހުޅުވި އެންމެ ފުރަތަމަ ކޮމާޝަލް ކޮފީ ރޯސްޓަ ވެސް މެ އެވެ.

Mihaa ufaaveri manzareh nudheken! | Mihaaru

The most trusted news source in the Maldives

Mihaaru

މަބްރޫކް ވަނީ އެމެރިކާގެ ސްޕެޝަލިޓީ ކޮފީ އެސޯސިއޭޝަނުން ތަމްރީން ހޯދައިފަ އެވެ. އެކަމަކު އޭނާ ވަނީ ޕޮލިޓިކަލް ސައިންސް އަދި ޕަބްލިކް ސްޕީކިންގެ ދާއިރާ އިން ވެސް މަތީ ތައުލީމު ހާސިލް ކުރައްވައިފަ އެވެ.

ކޮރޯނާވައިރަހުން ސަލާމަތްވާން ކުރެވޭނެ އެންމެ މުހިންމު ކަމަކީ މީހުން އެއްވެ އުޅޭ ތަންތަނަށް ނުދިޔުމާއި ގިނައިން އަތް ދޮވުމެވެ.