ނުވަލިކިލޯ ޑްރަގް މައްސަލައިގައި އިސްކޮށް ހުރިކަމަށް ތުހުމަތުވާ އަރުޝަދު ޚާލިދު
30 މާޗް 2020 - 20:04
55 comments
މާލޭގައި ހިންގި އޮޕަރޭޝަނެއްގައި 10 ގެއެއް ބަލައި ފާސްކޮށް، ނުވަ ކިލޯގެ މަސްތުވާތަކެތި އަތުލައިގަނެ، އެ ތަކެއްޗާ ގުޅުން އޮތް ކަމަށް ތުހުމަތުކޮށް ހައްޔަރު ކުރި މީހުންގެ ތެރެއިން، މިކަމުގައި އިސްކޮށް ހުރިކަމަށް ފުލުހުން ތުހުމަތުކުރާ އަރުޝަދު ޚާލިދަށް ޝަރުތުތަކެއް ކޮށް ކްރިމިނަލް ކޯޓުން މިއަދު ދޫކޮށްލައިފ އެވެ.
ފުލުހުން ބުނީ ޖެނުއަރީ 30 ގައި ހިންގި އޮޕަރޭޝަނުގައި އަތުލައިގަތް މަސްތުވާތަކެތީގެ މައްސަލައިގައި ގދ. ހޯނޑެއްދޫ އަލޯރާ، އަރުޝަދު ޚާލިދާ ދެކޮޅަށް ދައުވާކުރަން ކްރިމިނަލް ކޯޓަށް ހުށަހަޅަން ޕްރޮސިކިއުޓާ ޖެނެރަލްގެ އޮފީހުން ނިންމާފައިވާ ކަމަށެވެ. އޭނާ އަކީ އަތުލައިގަތް ނެޓްވޯކްގެ އިސްމީހާ ކަމަށް ފުލުހުން ބުނެ އެވެ. އޭނާއާ ދެކޮޅަށް ދައުވާކުރަން ނިންމައި ބަންދާ މެދު ގޮތެއް ނިންމަން މިއަަދު މެންދުރު 12:00 ގައި ކްރިމިނަލް ކޯޓަށް ގެންދިއުމުން، ޝަރުތުތަކަކާ އެކު އޭނާ ދޫކޮށްލީ ކަމަށް ފުލުހުން ނެރުނު ބަޔާނުގައި ބުނެފައިވެ އެވެ.
މި މީހާ ދޫކޮށްލަން އަމުރުކުރެއްވީ ގާޒީ އިބްރާހިމް އަލީ އެވެ.
އަރުޝަދު ދޫކޮށްލަން ނިންމުމުން އޭނާގެ ވަނަވަރު ފުލުހުން ވަނީ އާންމުކޮށްފަ އެވެ. ފުލުހުން ބުނީ އަރުޝަދުގެ ނަމުގައި ހުޅުވާފައިވާ ބޭންކް އެކައުންޓުތަކުގައިވާ ފައިސާ އަކީ މަސްތުވާތަކެތީގެ ވިޔަފާރި ކޮށްގެން ހޯދާފައިވާ ފައިސާ ކަމަށް ތަހުގީގަށް ތުހުމަތު ކުރެވޭތީ ކްރިމިނަލް ކޯޓުގެ އަމުރެއްގެ ދަށުން އެކައުންޓުތައް ވަނީ ފްރީޒް ކޮށްފައި ކަމަށެވެ.
(ކ-ވ) އަހުމަދު ސުނައިން، އަލީ ޒުބައިރު، އަރުޝަދު ޚާލިދު، އިސްމާއިލް ވިޝާލް، ހުސައިން ޒަހީން، އަހުމަދު ޣިޔާސް، މުހައްމަދު ސިރުދަތު، އަހުމަދު އިމްސާހް އަދި އަސްލަމް ނާޒިމް.
ފުލުހުން ބުނި ގޮތުގައި، ތުހުމަތުކުރެވޭ މީހުން ހައްޔަރުކުރި ކުށުގެ ވެށިން ވެސް 4.6 މިލިޔަން ރުފިޔާ ފެނުނެވެ.
އެ މައްސަލައިގައި ބަންދުކޮށްފައިވާ އެހެން މީހުންގެ ބަންދުގެ މުއްދަތަށް ކޯޓުން 10 ދުވަސް ޖަހައިދިނެވެ.
ޝަރުތުތަކަކާ އެކު އަރުޝަދު ދޫކޮށްލި ކަމަށް ފުލުހުން ބުންޏަސް އެކަމުގެ ތަފްސީލެއް ފުލުހުން ނުދެ އެވެ.
ފުލުހުން ހިންގި އޮޕަރޭޝަންގައި ހައްޔަރުކުރި މީހުންނަކީ:
1- އަރުޝަދު ޚާލިދު- އަލޯރާގެ، ގދ. ހޯނޑެއްދޫ (24 އަހަރު، ވައްކަން ކުރުމާއި ބިރު ދެއްކުމުގެ ރެކޯޑް)
2- އަލީ ޒުބައިރު- ގުލޭނޫރަންމާގެ ގދ. ހޯނޑެއްދޫ (50 އަހަރު، މަސްތުވަތާކެތި، ވައްކަމުގެ ރެކޯޑް)
3- އަހުމަދު ސުނައިން- އިރުމަތީގެ ގދ. ހޯނޑެއްދޫ (23 އަހަރު، މާރާމާރީގެ ރެކޯޑް)
4- އަހުމަދު ޣިޔާސް- މެޑްރިޓް ހައުސް، ގދ. ހޯނޑެއްދޫ (25 އަހަރު)
5- ހުސައިން ޒަހީން- މަތަރަސްމާގެ، ލ. ކަލައިދޫ (25 އަހަރު، މަސްތުވާތަކެތި، ވައްކަމުގެ ރެކޯޑް)
6- އިސްމާއިލް ވިޝާލް- މ. ދާރުލްގަރާރު، މާލެ (25 އަހަރު، މަސްތުވާތަކެތި، އަމުރަށް ނުކިޔަމަންތެރިވުން) 7- އަސްލަމް ނާޒިމް- މއ. ވައިލެޓްމާގެ، މާލެ (37 އަހަރު، މަސްތުވާތަކެތި، ވައްކަމުގެ ރެކޯޑް) 8- އަހުމަދު އިމްސާހް- މިސްކިތްދޮށުގެ، ޅ. ނައިފަރު (32 އަހަރު، މަސްތުވާތަކެތި، ވައްކަމުގެ ރެކޯޑް)
9- މުހައްމަދު ސިދުރަތު- ސުރައްޔާމަންޒިލް، ގއ. ގެމަނަފުށި (27 އަހަރު)
މީގެ ތެރެއިން ސިދުރަތުގެ ބަންދު ކުރުމަށް ކޯޓުން އޭރު އަމުރު ނުދިނުމުގެ ސަބަބުން އޭނާ ވަނީ ދޫކޮށްލާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީވީގޮތޭ
31 March 2020
ހުސް އެކަނި ސްޕްރީމް ކޯރޓް ސާފުކުރުމަކުން ނުފުދެއެވެ. ކްރިމިނަލް ކޯރޓުގައި ތިއްބެވީވެސް ހަމަ އެއް ނެޓްވާރކެކެވެ. ޔާމީނަށް ހުކުމް ޖެހީމާ މިއީ ވަކި ރަގަޅު ބަޔަކަށް ބެއްލެވުން މިއީ ވަރަށް ބޮޑު ގޯހެކެވެ.
މީނުވާގޮތޭ
31 March 2020
އެހެންވީމާ ޔާމީނުގެ ހުކުމަކީ ވެސް ބާތިލު ހުކުމެކޭބާ ތިޔަ ބެނެވެނީ؟ ސަރުކާރު ބޭނުން ނުވާގޮތަށް ހުކުމެއް އަންނައިރަށް އެ ކޯޓު ގޯސް. ބޭނުންވާ ހުކުމެއް އަންނައިރަށް ކޯޓް ކަޑަ.
ހަބޭސް222
31 March 2020
ވަރަށް ހިތާމަ ކުރަން ބޮޑެތި ކުއްވެރިން މުޖުތަމަޢުއަށް ދޫވެފައި ތިބޭތީ!
އެޑަމް
31 March 2020
ދުނިޔޭގަ ފުލުހުންނަކީ ގޮތްހުސްވާންޖެހޭބައެއްނޫން ތިގޮތައްކަންހިގާކަމައްވާނަމަ މީހަކައްމަސްއަލައެއްގާ 10 ކަންތަކައްތުހުމަތުކުރެވޭނަމަފުރަތަމަ 5 ކަންތަކުގެ ތުހުމަތުގަ މުއްދަތުޖަހަންގެންދާށެވެ.ދޫކޮއްލާފިނަމަ ކޯޓުންނުކުންނައިރައް އަނެއްކާވެސްއަނެއްކަމެއްގެތުހުމަތުގާހައްޔަރުކުރާނީއެވެ. އަދިފަހުމަރުހަލާގަތުހުމަތުކުރެވޭހުރިހާކަމެއްގެވާހަކަ ދައްކާނީއެއިރަކުންނުބުނެވޭނެ ކުރިންތަހުގީގުގަދައްކާފަނެއްވާހަކައެއްކަމަކައް!!
ރަންނަ
31 March 2020
ކޮބާދެން 61 ކިލޯ ގްރޫޕުގެ ބޮޑުމީހާ ވެސް ދޫކޮށްލާ. އެގޮލާ އަތުގަ ހުންނާނެ ލާރި ތިމީހުން ބުނިއަދަދަކަށް
އަހުމަދުބޭ
31 March 2020
މިއީ އަހަރުމެން މިދައްކާވާހަކަ؟ ކިހިނެތްހޭ މިޑުރަގުގެ ވަބާއިން މިގައުމު ސަލާމަތްކުރާނީ؟ މިހާރު މިކަން ހިގާމަގަށް ބަލައި ފުލުހުން މިކުރަނީ ބޭކާރު މަސައްކަތެއް؟ މިކަމުގެ ޒިންމާ ނަގަންޖެހޭނީ މިއަދު ސުޕަރމެޖޯރިޓީ އޮތް ކޯލިސަން ސަރުކާރުން، އެއީ ޑުރަގު ރާއްޖޭން ހުއްޓުވަން ބޭނުންނަމަ އެހެން ހުރިހައި ކަމެއްހުއްޓައިލައިފާ ޑުރަގުގެ ގާނޫން އެބަޖެހޭ ބަދަލްކޮށް ހަރުކަށިކުރަން، އެކަން މިއަދު މިއޮތް ސަރުކާރަށް އެބައޮތް ކުރެވެން، 24 ގަޑިއިރުތެރޭގައިވެސް
ދޫނި
31 March 2020
ފީޖީ ސަމީމް އަމިންލަފުޅަށް ވަކާލާތު ކުރާކަށް ނުދޭތަ
މޯޑޭ
31 March 2020
އަދުލުއިންސާފް ގައިމް ކޮށްދޭން އައި ސަރުކާރަށް ކޮންކަމެއް މިވަނީ. ތިބުނާ އިބުރާހިމް އަލީ އެއީ ދާދި އިހަށްދުވަހު ކުރިމިނަލު ކޯޓް އިސްފަޑިޔާރަށް މިސަރުކާރުގެ އަގުލަބިންޔަތު އޮންނަ ޖޭއެސްއީން އަށްޔަތް ކުރި މީހެއް ނޫންތަ. މިހިރި ރޯމާ ދުވާލު ފާޅުގަ ކުރާކަންކަން އަދި ނޭގި ކިތައްކަންތައް ކޮށްލާނެ
ބުއްޅަ
31 March 2020
މިފަދަރިކޯޑުތައް އޮންނަށް މީހުންނަށް ހަރުކަށި އަދަބުނުދީ ދޫކޮށްލުމުން ދެވަނަފަހަރުވެސް އެއަށްވުރެ ބޮޑު ވައްކަމާއި މަސްތުވާތަކެއްޗާއި ފޭރުމާއި މިފަދަ ބޮޑެތި ޖަރީމާތައް ހިންގާއިރު މިމީހުންނަށް ސަރިއަތުގައި އޮންނަގޮތަށް މަރުގެ އަދަބުދޭން ޖެހެނީ މުޖުތަމައުގެ ސަލަމަތަށްޓަކައެވެ. ނަމަވެސް ފެންނަނީ މީގެބަދަލު ޖަރިމާތަކަށް އަރައިގަތުމަށް ދޫކޮށްލާކަމީ އެކޯޓުތަކާއިމެދު ސުވާލުއުފެދޭކަމެކެވެ
ނިބޫ ސޯލިހް
31 March 2020
މީ ހުރިހާ މައައްސަސާއެއްކުރާ ވިޔަފާރިއެއް. ބައެއް މަޖިލިސް މެމްބަރުންނަން ކަޓް ލިބޭގޮތައް ކުރަނީ
ބަރު
31 March 2020
ކޮވިޑަށްވުރެ މި މީހުންނާއި ބަންގާލިންގެ ވަބާއާއި މުސީބާތް މިގައުމަށް މާބޮޑު. މި މީހުންނާ ޖެހުނީނަމަ ސަރުކާރެއް އިންސާފެެއްވެސް އޮންނަކަމަކށް ނުވޭ.