އެހެން ގްރޭޑްތަކަށް ވެސް މި ހަފުތާގައި ކިޔަވައިދޭން ފަށަނީ

ކަލާފާނު ސްކޫލުގެ ދަރިވަރުންތަކެއް، މީގެ ކުރިން ބޭއްވި އެސެމްބްލީއެއްގައި ބައިވެރިވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

05 އެޕްރީލް 2020 - 11:50

އެހެން ގްރޭޑްތަކަށް ވެސް މި ހަފުތާގައި ޓީވީ ޗެނަލްތައް މެދުވެރިކޮށް ކިޔަވައިދޭން ފަށާނެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.

އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރު މުހައްމަދު އިހުސާން ވިދާޅުވީ ފައުންޑޭޝަނުން ފަށައިގެން ގްރޭޑް 8އާ ހަމައަށް، އެކި ޗެނަލްތަކުން ފިލާވަޅުތައް ދައްކައި ކިޔަވައިދޭނެ ކަމަށެވެ. ފައުންޑޭޝަންގެ ދަރިވަރުންނަށް ކިޔަވައިދޭނީ ކުޅިވަރު ހިމެނޭ ހަރަކާތްތަކެކެވެ. އެ ފިލާވަޅުތައް ދައްކާނެ ޗެނަލެއް އަދި ނުނިމެ އެވެ.

އިހުސާން ވިދާޅުވީ ކީ ސްޓޭޖް 1 އަދި 2 (ގްރޭޑު 1-6) ގެ ދަރިވަރުންގެ ފިލާވަޅުތައް ހާއްސަކުރާނީ ލިޓްރަސީ އާއި ނިއުމަރަސީ އަށް ކަމަށެވެ. ކޮންމެ ކީ ސްޓޭޖަކަށް، މުންނާރު ޗެނަލް އިން ހަވީރުު 4-6 އަށް ފިލާވަޅުތައް ދައްކާނެ ކަމަށް ވިދާޅުވި އެވެ.

"ކޮންމެ ކީ ސްޓޭޖަކަށް، ކޮންމެ ދުވަހެއްގެ ހަވީރު އެއްގަޑިއިރު މި އޮތީ ހާއްސަކޮށްފައި. އެ ފިލާވަޅުތައް ދައްކާނެ ދުވަހެއް ފައިނަލެއް ނުވޭ. އެކަމަކު މި ހަފުތާގައި ކިޔަވައިދޭން ފަށާނެ،" އިހުސާން ވިދާޅުވި އެވެ.

ގްރޭޑު 7-8 ގައި ކިޔަވާ ދަރިވަރުންގެ ފިލާވަޅުތައް ދައްކަން ހަމަޖައްސާފައިވަނީ ދިވެހި ޗެނަލް އިންނެވެ. ނަމަވެސް އިހުސާން ވިދާޅުވި ގޮތުގައި، އެ ގްރޭޑުތަކުން ދައްކާނީ ވަކި ހާއްސަ މާއްދާތަކެވެ.

ދުނިޔޭގައި ފެތުރެމުންދާ ބަލިމަޑުކަމެއްގެ ގޮތުގައި ކަނޑައަޅާފައިވާ ކޮވިޑް-19 ގެ ސަބަބުން ސްކޫލުތައް ބަންދުކޮށްފައިވާ މުއްދަތު ދިގުލައިގެން ދާތީ އެޑިއުކޭޝަނުން ވަނީ މިދިޔަ ހަފުތާގައި ގްރޭޑް 9-11 ގެ ދަރިވަރުންނަށް ޓެލެކިލާސް މެދުވެރިކޮށް ކިޔަވައިދޭން ފަށައިފަ އެވެ. ގްރޭޑު 9ގެ އާ ފިލާވަޅުތައް މުންނާރު ޗެނަލްއިން، ހެނދުނު 10-12 އަށް އަދި މެންދުރުފަހު 2-3 އަށް ދައްކާނެ އެވެ. މި އަހަރު އޯ ލެވެލް އިމްތިހާނު ހަދާ ދަރިވަރުންގެ އާ ފިލާވަޅުތައް ހެނދުނު 8-10 އިން ޔެސް ޗެނަލް އިން ދައްކާނެ އެވެ.

އިހުސާން ވިދާޅުވީ މީގެ ކުރިން 10 ގެ ދަރިވަރުންނަށް ހާއްސަކުރި ޕެނަލް ޑިސްކަޝަންގައި ވެސް ގްރޭޑް 9ގެ ދަރިވަރުންނަށް ބައިވެރިވެވޭނެ ކަމަށެވެ.

ސްކޫލް ތައުލީމް އެޑިއުކޭޝަން މިނިސްޓްރީ ކިޔަވާކުދިން

22 ކޮމެންޓް, 53 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގާބިލްޖީލެއް

05 April 2020

އިލްމީ ގާބިލްޖީލެއް އުފެދޭނީ އުގަންނައި ދީގެން. ކިޔަވަދޭށެ ކިޔާފަ ހުސް ކުލަވަރު ދެއްކީމަ ކަމަކާކުރިމަތިލާންވާއިރު އުޅެން ޖެހޭނީ ނިދާ ހޭލާގޮތް ލަސްވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެބަތިބި

05 April 2020

ރާއްޖޭގައި އެބަތިބި ކުދިންނަށް އޮންލައިންކޮށް ކިޔަވައިދޭތަންތަން.ޕްރޮފެޝަނަލް ވެސް މެ.ބެލެނިވެރިންނަށްވެސް ލުއި. ކުދިންވެސް ކިޔަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެންޝަނެއް ނެތް

05 April 2020

ބައެއް ކުދިންނަށް ހޯ މްސްކޫލް ސިސްޓަ މް ރަގަޅު. އެކުއްޖެއްގެ ޕޭސްގަ އެކުއްޖަކަށް ކިޔެވޭ. ކުދިންނަށް ލަރނިން ސެންޓަރުން އޮންލައިންކޮށް ކިޔަވައިދޭ.އެއްވެސް ޓެންޝަނެއް ނެތް ކުދިންނަށް ވެސް ބެލެނިވެރިންނަށްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

05 April 2020

ޓެބްލެޓް ޕްރޮގްރާމް ކުރިއަށް ރަގަޅުގޮތުގައި ގެންދިޔަނަމަ މިއަދު ކިޔަވައިދިނުމާއިމެދު ހާސްވާކަށް ނުޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔަވާ

05 April 2020

ގޭގައިތިބެ އެންމެން ކިޔަވާ އެންމެން އެއްކޮށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

05 April 2020

މި ޕްރީސްކޫލްތަކުން އުޅޭގޮތުން މަ މިހުންނަނީ ވަރަށް ކަންބޮޑުވެފަ . ކިޔަވާދެނީ ވައިބައިން . އަހަރެން ދަރިފުޅު އަދި ނާސަރީގަ . ޢެކަމް މިވެނި ވީޑިޔޯ އެއް އެވެނި ވީޑިޔޯ އެއް ހަދާފަ ފޮނުވަން ބުނަނީ . މިވަރު ކުދިން ސްކޫލަށް ގެންދަނީ ކުދިންނާ އެކުލަވާ އުޅެން ދަސްކޮށްދޭންށާ، އަދި ކުޅިވަރުން ކަންކަން ދަސްކުރަން. މިވަރު ނޭނގެންޏާ ދެން ކިއްކުރަން ހިންގާ ޕްރީސްކޫލެއްބާ؟ 2 މަސްވަނދެން ސްކޫލައް ނުދެވުނަސް ފުލް ފީ ނަގަން ކުރާހާ ކަންކަން.