މިރޭގެ މީޑިއާ ބްރީފިންގައި ޑރ. އަފްޒަލް ވާހަކަ ދައްކަވަނީ. އޭނާ ވިދާޅުވީ މިމަހު ފަހުކޮޅު އަންނާނެ ކަމަށް ލަފާކޮށްފައިވާ ސާޖް އައިަކަން ކަށަވަރު ކުރެވޭނީ ޓެސްޓް ކުރެވޭ ވަރު އިތުރުކޮށްގެން ކަމަށް.
13 މެއި 2020 - 02:26
17 comments
ރާއްޖޭގައި ކޮވިޑް-19 އަށް ޓެސްޓް ކުރެވޭ ވަރު އިތުރު ނުުކުރެވޭ ނަމަ އެ ބަލީގެ "ސާޖެއް" (ކުއްލި އިތުރު ވުމެއް) އަޔަސް ނޭނގި ހިނގައިދާނެ ކަމަށް ހެލްތު ޕްރޮޓެކްޝަން އެޖެންސީން މިރޭ ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި ބޭއްވި ޕްރެސް ބްރީފިން އެއްގައި "މިހާރު"ން ކުރި ސުވާލަކާ ގުޅިގެން އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުޥީ މިމަސް ނިމޭ އިރު އަންނާނެ ކަމަށް ލަފާކޮށްފައިވާ ސާޖް އައިކަން ނުވަތަ ނޫންކަން ޔަގީން ކުރެވޭނީ ޓެސްޓް ކުރެވޭ މިންވަރު އިތުރު ކުރެވިގެން ކަމަށެވެ. ޓެސްޓް ނުކުރެވި އެކަން ނުފެނިދާނެ ސަބަބަކީ ރާއްޖޭގައި ކޮވިޑް-19 އަށް ޕޮޒިޓިވް ވާ މީހުންގެ ތެރެއިން ގިނަ މީހުންގެ ފަރާތުން ބަލީގެ އަލާމާތް ނުފެންނާތީ ކަމަށް ވިދާޅުވި އެވެ.
އޭނާ ވިދާޅުވި ގޮތުގައި ރާއްޖޭގައި ކޮވިޑަށް ޕޮޒިޓިވްވާ މީހުންގެ ގާތްގަނޑަކަށް ދެބައިކުޅަ އެއްބައިމީހުންގެ ފަރާތުން ބަލީގެ އަލާމާތެއް ނުފެނެ އެވެ.
"ޓެސްޓިން އިތުރުކުރެވިއްޖެއްޔާ އަޅުގަނޑުމެންނަށް ބޮޑަށް ޔަގީންކަމެއް ލިބޭނެ ޓްރޫ ސާޖް އަައީތޯ ނާދޭތޯ. އެއީ އެއް ކަމެއް. އެހެން ނަމަވެސް އަޅުގަނޑުމެންގެ ޓެސްޓިން ކެޕޭސިޓީ އިތުރު އެހާތަނަށް ނުކުރެވި އޮވެއްޖެއްޔަކާ އަޅުގަނޑުމެންނަކަށް ހަގީގަތުގައެއް ނޭނގޭނެ މިބުނާ ސާޖް އަތުވެއްޖެތޯ ނާދޭތޯ، ސިމްޕްޓަމެޓިކް މީހުން މަދު އިރަކު އިނގޭތޯ،" އަފްޒަލް ވިދާޅުވި އެވެ.
އޭނާ ވިދާޅުވީ މިމަހުގެ ފަހުކޮޅު ބަލިޖެހޭ މީހުންގެ އަދަދު އިތުރުވެދާނެ ކަމަށް ކުރިން ބަލާފައިވާ ،މިންވަރަށް ވުރެ މަދު ވުމަކީ ވެސް ހަމަ އެކަށީގެންވާ ކަމެއް ކަމަށެވެ. އެގޮތަށް ކަންތައް ވާނީ އޭނާ ވިދާޅުވި ގޮތުގައި ރައްކާތެރިކަމުގެ ފިޔަވަޅުތަކަށް މީހުން ފަރުވާތެރިވާ މިންވަރު އިތުރުވެއްޖެ ނަމަ އެވެ. އެގޮތުން ލޮކްޑައުންގެ ފިޔަވަޅަށް މީހުން ކަމޭ ހިތާ މިންވަރާއި ސާފުތާހިރު ކަމުގެ ގޮތުން ގެންގުޅޭ އާދަކާދައަށް ބަދަލު އަންނަ ވަރަކަުން ބަލި ފެތުރޭ މިންވަރަަށް ވެސް ބަދަލު އަންނާނެ ކަަމަށް ވެސް އޭނާ ވިދާޅުވި އެވެ.
"އެހެންވީމާ އެކަށީގެންވޭ ހަމަ އަޅުގަނޑުމެންގެ ކޮމްޕްލަޔަންސް ރަނގަޅު ވެއްޖެއްޔާ ހަމަ ޓްރޫކޮށް ވެސް އަޅުގަނޑުމެންގެ ވެލިއުސް ތަންކޮޅެއް ދަށަށް ދިއުން،" އަފްޒަލް ވިދާޅުވި އެވެ.
އެޗްޕީއޭއިން އެންމެ ފަހުން އަންދާޒާކޮށްފައިވާ ގޮތުގައި މިމަސް ނިމޭ އިރު ރާއްޖޭގައި ކޮވިޑް-19 ގެ ޕީކަށް (އެއްފަހަރާ އެންމެ ގިނަ ބަލި މީހުން ތިބޭ ހިސާބަށް) ދާނެ އެވެ. އެގޮތުން އެހާ ތަނަށް ދާއިރު އެއް ފަހަރާ 6000 މީހުންނަށް ބަލި ޖެހިފައި ތިބޭނެ ކަމަށް ވަނީ ލަފާކޮށްފަ އެވެ.
ރާއްޖޭގައި އެ ބައްްޔަށް ޓެސްޓް ކުރެވޭ ވަރު އިތުރު ކުރަން ކުރާ މަސައްކަތާ ބެހޭ ގޮތުން މިރޭގެ މީޑިއާ ބްރީފިން ގައި އެންއީއޯސީގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ މިހާރު ގެންނަން މަސައްކަތްކުރާ މެޝިންތައް ގެނައުމުން ދުވާލަކު ޓެސްޓް ކުރެވޭ ސާމްޕަލްގެ އަދު 1000 އަކަށް ވުރެ އިތުރުކުރެވޭނެ ކަމަށެވެ.
ދުވާލަކު ޓެސްޓްކުރެވޭ ސާމްޕަލްގެ އަދަދު އިތުރުކުރަން ބޭނުންވާ އިކުއިޕްމެންޓް މި މަހުގެ 16 ހިސާބުގައި ލިބޭނެ ކަމަށް ވެސް އޭނާ ވިދާޅުވި އެވެ.
"ދުވާލަކު ހާހަކަށް ވުރެ ގިނަ ސާމްޕަލް ނެގެން ވާނެ އަޅުގަނޑެމެން މިހާރު މިކުރާ މަސަައްކަތުން ގެންނަން ޖެހޭ މެޝިނަރީ ގެނައުމާ އެކު،" މަބްރޫކް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުދިމު ކަތީބު
13 May 2020
ފުރަތަމަ ދުވަހުން ފެށިގެން ދައްކަންޖެހޭ ވާހަކަ އަދިކިރިޔާ މިފެށީ...ހުޅުހިފީމަ
ވެދުން
13 May 2020
ޑރ. ޝީނާ ހަޤީޤަތް ހާމަކޮށްދިނީމަ ދެންތިބޭ މީހުން މި ރައްޔިތުންނަށް ސުރުހީވެސް އަޅާދެނީ. ހާލަތު ރަނގަޅަށް ބަޔާންކޮށްދެއްވުމުގައި ޑރ. ޝީނާ ވަރެެއްނެތް. އެހެންވެގެން ބުނަނީ މިގައުމުގެ ހަޤީޤީ ބަތަލުންނަކީ ގައުމުގެ އަންހެން ދަރިންނޭ
ހޭބަލިމިތުރު
13 May 2020
ތިޔަތަނައް އެރު މުގެ ކުރީގަ ކުރީދުވަހު ކިޔުނުއެއްޗަކާ، މިއަދު ކިޔަންވީ އެއްޗަކާ، މިކުރާކަ މަކާ، ކުރަންވީކަ މެއް ސާފުވެގެން އަންނަނަ މަ ގައި މުވެސް އަޑުއަހާ މީހުންގެ ބޮލައް އެނބުރުންނޭރީސް.
ޔުނައިޓެޑް އައްޑޫ
13 May 2020
މިކިޔާއެއްޗެއް ސާފުވޭތޯ؟ ސާޖް އާއި މިގުޅެނީ ބައްޔަކާއި ނޫންކަމާއި، އެއީ ކުރާ ޓެސްޓްތަކާއި ގުޅިފައިވާ ކަމެއްކަން މިވަރުން ސާފުވާންވާނެ. ތިޔަ ސާޖެއް އައިކަން ނޭގުނިއްޔާ މާރަނގަޅުވާނެ.
ހަކީމް
13 May 2020
މިހެން މިބުނަނީނީވެސް ހަމަ މިމީހުން. ހީހީ ހަލާކުވެދާނެ.
އަލީގ
13 May 2020
ރަނގަޅީވެސް ސާޖް އައިސް ނޭނގި، މީހެއްގެ ފުރާނަވެސް ނުގެއްލި، ފަރުވާދޭން ތިބި މީހުންނާ ތަކެއްޗައް ނުތަކާވަރުނުވެ ސާޖް ނިމި ފައިބައިގެން ދިޔައިއްޔާ.
ޑރ. ރާމީ ހަސަން ނިއުޔޯކް/އެމެރިކާ
13 May 2020
ވުހާން ގެ 11 މިލިއަން މީހުންނަށް 10 ދުވަހުގެ ތެރޭގައި ޓެސްޓް ކޮށް ނިންމުމަށް ޗައިނާ ސަރުކާރުން މިއަދު ނިންމައިފި. މިހާވަރު ނުކުރެވުނަސް ސަރުކާރުގެ ޤާބިލިއްޔަތު ހުރި މިންވަރަކުންނާއި އައު މެޝިތައް ލިބުނު ލިބުނުހެން ވުހާނު ގޮތަށް އާބާދީގެ ބޮޑުބައަކަށް އަމާޒު ކުރެއްވުން ވަރަށް ވެސް މުހިއްމު.
ހަސަބު
13 May 2020
ވެވުނު މިންވަރަކުން މަސައްކަތްކުރޭ. ހެޔޮ ނިޔަތުގައި ކުރާކަންތަގު ހެޔޮ ނަތީޖާ ﷲ ދައްކަވާނެ.
އާރީ
13 May 2020
ތިބޭފުޅުން ތި ހުރިހާ އެއްޗެއް ވެސް ތި ކިޔަނި.
އޮނަރަބްލް އަފީފު ދީދީ
13 May 2020
ވިރާސީރަސްކަމުގައި އޮތްހާލަތާއި މަލްޓިޕާޓީ ޑިމޮކްރެޓިކް ވެރިކަމެއް ހިގާ 21 ވަނަ ޤަރުނާއި ހުރިތަފާތެއް ދިވެހިރާއްޖޭގެ ވެރިކަންކުރުމުގެވައްޓަފާޅިން އަދިވެސް ފެންނާކަށްނެތް. # އޭރު މުޅިދައުލަތުން ހޭދަކޮށްގެން "ރަދުންގެ ރަށް" ހިމާޔަތްކުރަން ރަށްރަށުންމީހުންގެނެސް އަޅުމަސައްކަތްކުރުވާ ރަށުގެވަށައިގެން ފާރުރާނާ ބަޑި ބުރުޒު ބެހެއްޓި. ރަށަކަށްކަމެއްކޮށްދޭނީ ރަސްގެފާނަށް ކުރުނީސްކޮށް ފައިގަބޮސްދީ އެވަރުންވެސް ރަސްގެފާނަށް "ފެނިވަޑައިގަތް" މިންވަރަކަށް. މިއަދުވެސްއެގޮތް.
ިއިނާ
13 May 2020
މިހިރަ ކަމެއްދޯ. އަދިވެސް ވާހަކަ މި ދައްކަނީ އައްޑޫ ހުވަދޫ މީހުން ބަޣާވާތް ކުރި ޒަމާނުގައި ވާހަކަ ދެއްކި ގޮތަށް. މިހާރު އެކަން ނިމި އައްޑޫ މީހުންވެސް ތިކަމުން އަރައިގެން އެ އިރެއްގައި އޮތް ސަރުކާރަކާ އެކީ މަސައްކަތް ކުރަންވެއްޖެ. މޭޔަރު ސޯބެމެން 10 އަހަރު ކައުންސިލް ގޮނޑި ލިބުނީމަވެސް ނިންމާލީ ތިޔަފަދަ ގޮތަކަށް. ކޮން ކަމެއްތޯ އެ މީހުންނަށް ހާސިލުވީ؟ ލަދުގަންނަންޖެހޭ މިއަދު.