ޚަބަރު / އިމްރާން އަބްދުﷲ، ހޯމް މިނިސްޓަރު

މި ހާލަތުން އަރައިގަތުމަށް ކެތްތެރިކަން އިސްކުރަންޖެހޭ: އިމްރާން

އިމްރާން ވިދާޅުވީ، މި ހާލަތުން އަވަހަށް އަރައިގަނެވޭނީ ހުރިހާ ރައްޔިތުން ކެތްތެރިކަށް އިސްކޮށް، އެއް ރޫހެއްގައި އެކުގައި މަސައްކަތް ކޮށްގެން ކަމަށް. އިމްރާން މި ދަނޑިވަޅުގައި މި ގޮތަށް ވިދާޅުވިއިރު، އޭނާގެ އިތުބާރު ނެތްކަމުގެ ވޯޓެއް ނަގަން މަޖިލީހުގެ އިއްޔެގެ ޖަލްސާފައި ބިލެއްދޫ ދާއިރާގެ އެމްޑީޕީގެ މެމްބަރު ދޮންބިލެތް ހަލީމް ވަނީ ގޮވާލައްވާފައި.

ރައްޔިތުންގެ މަޖިލީހުގެ ރައީސް ނަޝީދާއި ހޯމް މިނިސްޓަރު އިމްރާން.

19 މެއި 2020

21 comments
angry icon 65%

ރާއްޖެ އަށް ކޮވިޑް-19 ފެތުރިފައިވާ މި ހާލަތުން އަރައިގަތުމަށް ހުރިހާ އެންމެން ވެސް ކެތްތެރިކަން އިސްކުރުމަށް ހޯމް މިނިސްޓަރު އިމްރާން އަބްދުﷲ ރޭ އެދިވަޑައިގެންފި އެވެ.

ކޮވިޑް-19 ފެތުރުން ކޮންޓްރޯލް ކުރުމަށް ހުރިހާ އެންމެން ވެސް ގޭގައި ތިބުމަށް އެދި އެޗްޕީއޭ އިން ކުރި ޓުވީޓަކަށް ތާއީދު ކުރައްވައި އިމްރާން ވިދާޅުވީ، މި ހާލަތުން އަވަހަށް އަރައިގަނެވޭނީ ހުރިހާ ރައްޔިތުން ކެތްތެރިކަށް އިސްކޮށް، އެއް ރޫހެއްގައި އެކުގައި މަސައްކަތް ކޮށްގެން ކަމަށެވެ.

މިދިޔަ މާޗް 7 ން ފެށިގެން މިހާތަނަށް 1،106 މީހަކަށް ރާއްޖެ އިން ކޮވިޑް-19 ޖެހިފައިވާއިރު، އެކަމާ ދެކޮޅަށް މަސައްކަތް ކުރަން ސަރުކާރުން އުފައްދާފައިވާ ޓާސްކް ފޯހުގެ ވެސް އިސް މެމްބަރު އިމްރާން އެހެން ވިދާޅުވިއިރު، ރައްޔިތުންގެ މަޖިލީހުގެ އިއްޔެގެ ޖަލްސާގައި އެ މަޖިލީހުގެ ރައީސް މުހައްމަދު ނަޝީދު ވަނީ ސަރުކާރާ ދޭތެރޭގައި ކެތް ކުރެވޭނީ ވަކި ވަރަކަށް ކަމަށް ވިދާޅުވެ، ސަރުކާރަށް ނުސީދާކޮށް ފާޑުވިދާޅުވުން އަމާޒު ކުރައްވައިފަ އެވެ.

ރައީސް އިބްރާހިމް މުހައްމަދު ސޯލިހުގެ އެންމެ އެކުވެރި ބޭފުޅުންގެ ތެރޭގައި ހިމެނިވަޑައިގަންނަވާ ނަޝީދު އެހެން ވިދާޅުވީ، ކޮވިޑް-19 އާ ގުޅިގެން ސަރުކާރުން އަޅަމުންދާ ފިޔަވަޅުތަކާ މެދު ހިތްހަހަމަޖެހިވަޑައިނުގެން މަޖިލީހުގެ ބައެއް މެމްބަރުން ނުރުހުންވެ، ފާޑުވިދާޅުވާތީ އެވެ.

އިއްޔެގެ ޖަލްސާގައި ބިލެއްދޫ ދާއިރާގެ އެމްޑީޕީގެ މެމްބަރު އަހުމަދު ހަލީމް (ދޮންބިލެތް) ވަނީ މި ސަރުކާރު ހިންގާ ކޯލިޝަންގައި ހިމެނޭ އަދާލަތު ޕާޓީގެ ރައީސް މިނިސްޓަރު އިމްރާންގެ އިތުބާރު ނެތްކަމުގެ ވޯޓެއް ނަގަން ވެސް ގޮވާލައްވައިފަ އެވެ.

ނަޝީދު ވިދާޅުވީ މެމްބަރުންގެ ކެތްތެރިކަން ކޮޅުން ލައިގެންދާ މަންޒަރު އެ މަނިކުފާނަށް ފެނިވަޑައިގަންނަވާ ކަމަށެވެ. އެކަށީގެންވާ ފިޔަވަޅުތައް ސަރުކާރުން ނާޅާ ނަމަ، ވަޒީރުންގެ އިތުބާރު ނެތް ކަމަށް ނިންމުމުގެ ބާރު މަޖިލީހަށް އެބައޮތް ކަން ފާހަގަ ކުރައްވައި، އެކަމަކު މިވަގުތު އެއީ މަޖިލީހުގެ އަމާޒު ނޫން ކަމަށް އެ މަނިކުފާނު ވިދާޅުވި އެވެ.

މި މޭރުމުން ނަޝީދު ވާހަކަފުޅު ދެއްކެވީ ކޮވިޑް-19 އާ ގުޅިގެން ސަރުކާރުން އަޅަމުން އަންނަ ފިޔަވަޅުތަކާ ބެހޭގޮތުން، ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ރައްޔިތުންގެ މަޖިލީހުގެ ކޮމިޓީން ތައްޔާރުކުރި ރިޕޯޓުގެ ބަހުސްގައި އިއްޔެ ބައެއް މެމްބަރުން ސަރުކާރަށް ފާޑުވިދާޅުވުމުންނެވެ. އޭގެ ތެރޭގައި އެމްޑީޕީގެ މެމްބަރުން ހިމެނެ އެވެ.

އިއްޔެގެ ޖަލްސާގައި ބިލެއްދޫ ދާއިރާގެ އެމްޑީޕީގެ މެމްބަރު އަހުމަދު ހަލީމް (ދޮންބިލެތް) ވަނީ މި ސަރުކާރު ހިންގާ ކޯލިޝަންގައި ހިމެނޭ އަދާލަތު ޕާޓީގެ ރައީސް މިނިސްޓަރު އިމްރާންގެ އިތުބާރު ނެތްކަމުގެ ވޯޓެއް ނަގަން ވެސް ގޮވާލައްވައިފަ އެވެ.

"ޚާއްސަކޮށް މި ދަނޑިވަޅަކީ ހޯމް މިނިސްޓްރީ އަށް ވަރަށް ބޮޑު ބަދަލު ގެންނަންޖެހޭ ވަގުތެއް ކަމަށް އަޅުގަނޑު ދެކެން. އެހެންވީމާ ވީހާ ވެސް އަވަހަކަށް ހޯމް މިނިސްޓަރުގެ އިތުބާރު ނެތްކަމުގެ ވޯޓެއް ނަގައި، އިމްރާން އަބްދުﷲ ބޭރުކޮށް، އަޅުގަނޑުމެންނަށް ވީހާ ވެސް އަވަހަކަށް ރަނގަޅު ހޯމް މިނިސްޓަރެއް ހޯދުމަކީ ވަރަށް މުހިންމު ކަމެއް،" އެންމެ ކުރިއްސުރެ ނަޝީދުގެ އަރިސް ބޭފުޅުންގެ ތެރޭގައި ހިމެނިވަޑައިގަންނަވާ ހަލީމް ވިދާޅުވި އެވެ.

ހަލީމް މީގެ ކުރިން ވެސް ވަނީ ކޯލިޝަން ސަރުކާރު ނިމުމަކަށް ގެންނާނެ ކަމުގެ އިންޒާރު މަޖިލީހުގައި ދެއްވައިފަ އެވެ. މިދިޔަ ފެބްރުއަރީ 17 ގައި ބޭއްވި ޖަލްސާގައި އޭނާ ވިދާޅުވެފައި ވަނީ ލޯކަލް ކައުންސިލްތަކުގެ އިންތިޚާބު އެމްޑީޕީ އަށް ކާމިޔާބު ކުރެވިއްޖެ ނަމަ، ވެރިކަން ހިންގާ ކޯލިޝަން ނިމުމަކަށް ގެންނާނެ ކަމަށެވެ.

21 ކޮމެންޓް, 33 ރިއެކްޝަންސް

icon happy icon happy 30%
icon sad icon sad 3%
icon angry icon angry 67%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އިބިރިހިންބެއްޔާ

19 May 2020

ރައީސުލް ޖުމްހޫރިއްޔާއަކު ހޮވަނީ ސީދާ ރައްޔިތުން. ޤާނޫނު އަސާސީއާއި ޤާނޫނުތަކާއި އެއްގޮތަށް ޤައުމު ހިންގަން. މިނިސްޓަރުންނަށް އައްޔަންކުރާނީ ރައީސުލް ޖުމްހޫރިއްޔާއަށް ފެނިވަޑައިގަންނަވާ އިތުބާރުހިފޭ ބޭފުޅުން. އެއްވެސް ޤާނޫނެއްގަ އަދި ނެތް ޕާޓީތަކުން މީހުންނަށް ވަޒީފާ ދޭކަށް. އެހާވަރުން ތިމާމެންގެ ޕާޓީގެ އެކްޓިވިސްޓުންނަށް ވަޒީފާ ދޭންބޭނުންނަމަ ޤާނޫނު އެގޮތަށް ބަދަލުކުރައްވަންވީ ނޫންތޯ؟ މިދެންނެވި އެއްޗެއް މަފްހޫމްވެވަޑައިގަންނަވަންޏާ.

The name is already taken The name is available. Register?

ނިރު

19 May 2020

6000 މީހުން ހަމަނުވާ ޕާޓީއަކަށް މީހާ ވަރުގަދަ މިނިސްޓްރީއެއް ހަވާލު ކުރަން ހެޔުނުވާނެ.. އަދާލަތަށް ރައްޔެތުންގެ ތާއިދެއް ނެތްކަން އިގިނެން ހިގައްޖެ މަޖްލިސް މެމްބަރުން ހޮވަން ނެގިވޯޓުން.

The name is already taken The name is available. Register?

އިބިރިހިންބެއްޔާ

19 May 2020

ބަލަ މިއީ ރިޔާސީ ނިޒާމެކޭ. ރައްޔިތުން ވޯޓްލައިގެން ރައިސަކަށް ހޮވީ އިބޫ ސާލިޙް. އެމްޑީޕީއެއް ނޫނީ އެހެން ޕާޓީތަކެއްނޫން. މިނިސްޓަރުކަން ދޭނީ ރައީސުލް ޖުމްހޫރިއްޔާއަށް ފެނިވަޑައިި ގަންނާވާ އިތުބާރުކުރެވޭ ފަރާތްތަކަށް. އެނޫން ގޮތެއްގައި ނަމަ ޤާނޫނާއި ޚިލާފުވެ ރައްޔިތުންނަށް ދެއްވި ޔަޤީންކާމާއި ވީ އަހުދުގައި ކޮޅުފައިން ޖެހުމަށް ވާނީ.

The name is already taken The name is available. Register?

އަހާ

19 May 2020

ކޮވިޑް ނައިނަމަވެސް ބޭރުކުރާނެ މީހެއް އިމްރާނަކީ. މަގާމުގައި ބަހައްޓައިގެން މިހާ ދުވަހު ތިބެންޖެހުމުން އެމީހުންގެ ކެތްތެރިކަން ކޮޅުންލާފަ އޮންނާނީ މިހާރު.

The name is already taken The name is available. Register?

ފަހުދު

19 May 2020

ކެއްތެރިކަމަކީ މުއުމިނުންގެ ސިފައެއް. ދެންކިހިނެތް ތިކަން ކުރާނީ؟

The name is already taken The name is available. Register?

ބޮޑުމީހާ

19 May 2020

އިމްރާނަކީ މަގާމަށް ކުފޫ ހަމަވާ މީހެއް ނޫން. ޕޯޑިއަމްގައި އެންމެ އަޑުގަދަކުރާނީ އެންމެ ރަގަޅު މީހާ ނޫން. އިމްރާން ނަޝީދޭ ކިޔައިގެން ދައްކާފަހުރި ވާހަކަތައް ސޯޝަލް މީޑިއާގައި ދައުރު އެބަވޭ. ނަޝީދު އިސްލާހުވީތޯ ނޫނީ އިމްރާނު ނަޝީދުގެ ވިސްނުމާއި އެއްގޮތަށް ބަދަލުވީތަ

The name is already taken The name is available. Register?

ސަންޕަދަރި

19 May 2020

އިމުރާނު އެބުނީ ވަރަށްބޮޑު އެއްޗެއް އެކަމަކު ރޫހާނީ ލީޑަރަށް ހިއެއްނުވޭ ވިސްނޭނެ ހެނެއް, ތިމައްސަލަ ކޯޓަށް ލައިފިއްޔާ އިމުރާނުއަށްވެސް ޔަގީންވޭ ރޫހާނީ ލީޑަރުގެ މަގާމު ގެއްލި ގޮޅިއަށް ފެތޭނެކަން, ހެކިތަށް މިއޮއް އޮހެނީ އެކި ދިމަދިމާލުން, މިހާރު މި ވެހޭ ވާރޭ އަށްވުރެ ބޯކޮށް ގިނައިން ހެކި އެބަ ވެހޭ ރޫހާނީ ލީޑަރުއާ އިދިކޮޅަށް.

The name is already taken The name is available. Register?

ދެލޯފުޅާ

19 May 2020

ދައުލަތުގެ ޚަރަދު ކުޑަކުރަން މަޖްލީސް ސަސްޕެންޑް ކޮށް އުއާލަންވީ. ގައުމު ހަމަޔަކަށް އެޅުނީމަ އަލުން މަޖުލީސް އިންތިޚާބު ބާއްވާނީ

The name is already taken The name is available. Register?

ދަހި ސާދާގަރު

19 May 2020

މީ ދިވެހި ރައޔިތުން ގެ ކުރިމަތީ މިވެރިން ކުޅޭ ކަސޯޓީ އެއް.. މީގެ ހަގީގަތް ފަލާ އަރާނެ.. އިމްރާން ބޭރުކޮށްގެން ދެން މިކަން ވާނީ....

The name is already taken The name is available. Register?

މުނަ

19 May 2020

އިމްރާނަކީ އަންނިއަށް ވުރެން ނުލަފާ މީހެއްކަން ވަރަށް ސާފު ކަލޭ އަދާލަތު ޕާޓީގަ ހުންނަން ހެޔޮނުވާނެ

The name is already taken The name is available. Register?

ބޭރުމީހާ

19 May 2020

އިމްރާން ތިބޭފުޅާއަކީ މުޙައްމަދު ނަޝީދުއާއެކީ އުޅެން ހެޔޮނުވާނެއޭ ބުނިމީހާނޫންތޯއެވެ. މިއަދު ތިއުޅެނީ ކާކާ އެކީގައިތޯއެވެ. ކެތްތެރިކަން އިސްކުރުމުގެ ކުރިން ތިބޭފުޅާ ތައުބާވުމަށް ގޮވާލަމެވެ. ތައުބާ ވާންޖެހޭ ސަބަބަކީ މުނާފިގެއްގެ ސިފައިން ސިފައެއް ތިބޭފުޅާގެ ކިބައިގާ ހުރީމައެވެ.

The name is already taken The name is available. Register?

falcon_autho

19 May 2020

މުޙައްމަދު ނަޝިދަކާއެކު ނޫންދޯ އެއުޅެނީ. ރައްޔިތުން ރައީސަކަށް ހޮވީ އިބްރާހީމް މުޙައްމަދު ޞާލިހު. އޭނާގެ ކެބިނެޓްގާ ރައްޔިތުންނަށް ޚިދުމަތް އެކުރަނީ. ނަޝީދަކީ މައްޗަށް ގޮޅިން ބަޔަކު މީހުން ސަޕޯޓް ކޮށްގެ ދައުލަތުގެ މުއައްސަސާއެއްގެ މަގާމެއް ޙަވާލުކުރިމީހެއް. ވަރަށް ތަފާތުދޯ އިބޫއާ ނަޝީދުގެ ތަފާތު.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454

Share your opinion about "Mihaaru" new website

"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް

ނަން އަދި ޚިޔާލު ޖައްސަވާ!
Please fill in name and opinion.
ތިޔަ ޚިޔާލު ލިބިއްޖެ. ޝުކުރިއްޔާ!
We have recieved your message. Thank You!