ރޭ މަރުވެފައި އޮއްވައި ފެނުނު ސަނޫން.
01 އޯގަސްޓް 2020 - 11:21
45 comments
ވިލާ އެއާގެ ފްލައިމީގައި މަސައްކަތް ކުރާ ދިވެހި ޒުވާން ޕައިލެޓަކު ރޭ ކުއްލި ގޮތަކަށް މަރުވެއްޖެ އެވެ.
ހުޅުމާލޭގައި އޭނާ ދިރިއުޅޭ ގެ ކައިރި ރޭ ދަންވަރު މަރުވެގެން ވެއްޓިފައި އޮއްވައި ފެނުނީ ސ. ހިތަދޫ، ކޯޒްވޭ ވިލާ، ސަނޫން ނަސީރު 35، އެވެ.
މައުލޫމާތު އެނގޭ މީހަކު މިއަދު ބުނީ، ސަނޫންގެ ފޯނަށް ރޭ ދަންވަރު ވަރަށް ގިނައިން އަންހެނުން ގުޅި ނަމަވެސް ފޯނަށް ޖަވާބު ނުދޭ ކަމަށެވެ.
"ފަތިހު ދޮރު ހުޅުވި ވަގުތު ފެނުނީ ގޭގެ ދޮރުމަތީގައި ވެއްޓިފައި އޮއްވައި. ސަނޫންގެ އެއްވެސް ޚަބަރެއް ނުވެގެން އޭނާގެ އާއިލާ އިން ފޯނަށް ވަރަށް ގުޅި ކަމަށް ވަނީ ރޭ،" އޭނާ ބުންޏެވެ.
ފުލުހުން ބުނީ، ހުޅުމާލޭގެ ފްލެޓެއްގެ ކައިރި އަށް މީހަކު ހޭނެތިގެން ވެއްޓިފައިވާ ކަމުގެ މައުލޫމާތު ރޭ ދަންވަރު 3:30 ހާއިރު ލިބުނު ކަމަށެވެ. އަދި އޭނާ ހުޅުމާލޭ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް އެ ހޮސްޕިޓަލާ ހަވާލާދީ ފުލުހުން ބުންޏެވެ.
"މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުން،" ފުލުހުންގެ މީޑިއާ އޮފިޝަލް ވިދާޅުވި އެވެ.
ސަނޫން: އޭނާ އަކީ މަސައްކަތަށް ފަރުވާތެރި ޒުވާނެއް ކަމަށް ފްލައިމީން ބުނި.
ސަނޫން، ޕައިލެޓެއްގެ ގޮތުގައި މަސައްކަތް ކުރަން ފެށީ އޮކްޓޫބަރު 2013 ގަ އެވެ. ފުރަތަމަ މަސައްކަތް ކުރީ ޓީއެމްއޭގަ އެވެ. ފްލައިމީއާ ގުޅުނީ އޭގެ ފަހުންނެވެ.
ފްލައިމީން ވާހަކަ ދެއްކެވި އޮފިޝަލަކު ވިދާޅުވީ، ސަނޫން އަކީ ވަރަށް އަޚުލާގު ރަނގަޅު، މަސައްކަތަށް ފަރުވާތެރި ޒުވާނެއް ކަމަަށެވެ.
ސަނޫންގެ ކޮވިޑް ޓެސްޓު ވަނީ ނެގެޓިވްވެފަ އެވެ. މި ދުވަސްވަރު މަރުވާ އެންމެން ވެސް ކޮވިޑަށް ޓެސްޓު ކުރެ އެވެ.
ޒުވާން ޕައިލެޓް ސަނޫން ހުޅުމާލޭގައި ދިރިއުޅެނީ އޭނާގެ އާއިލާއާއެކު އެވެ. އަންބަކާއި ކުޑަ ދަރިއަކު އޭނާގެ ހުރެ އެވެ.
ސަނޫންގެ އިތުރުން އޭނާގެ އެއްބަނޑު އެއްބަފާ އެހެން މީހަކު ވެސް ޕައިލެޓެއްގެ ގޮތުގައި މަސައްކަތް ކުރެ އެވެ. އޭނާ ވެސް އުޅެނީ ފްލައިމީގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްالله
02 August 2020
ގިނަ ޒުވާނުން މަރުވަނީ 80 ވަރަކަށް އަހަރުވާ ފަހުން.
އެޑްމުންޑޯ
01 August 2020
ކޮންމެ ވަގުތެއްގައިވެސް މަރުވެދާނެ ، މަރުން ސަލާމަތެއްނުވެވޭނެ ، މަރުހޫމާގެ ފާފަ ފުއްސަވާ ސުވަރުގޭގެ މަތިވެރި ނިއުމަތް ލައްވާށި
ފިރާ
01 August 2020
إِنَّا لِلَّهِ وَإِنَّا إِلَيْهِ رَاجِعُونَ
ޢިތުބާރުކުރޭ67
01 August 2020
ޕައިލެޓުންގެ މެޑިކަލް ހަދާތޯ ؟ ނޫންވީ ނަމަކައްތޯ ހަދަނީ؟
މޫސާ ފަތުހީ
01 August 2020
މީހަކު ހަމަ މަރުވާއިރަށް ނިޒާމު ކުށްވެރިކުރަން ނޫޅެބަލަ... ކިއްލާތެރޭގައިވަދެއޮތަސް، ކަނޑުގައިއޮތަސް، ދަނޑުގައިއޮތަސް، ބިއްލާހި ތެދެކޭ މަރުއައިސް ގެންދާނެކަން ދަންނާނަމޭ
ނަށީ
01 August 2020
إِنَّا لِلَّهِ وَإِنَّا إِلَيْهِ رَاجِعُونَ 0
ދުއާ
01 August 2020
ދުނިޔޭގައި ތިބީން ނަށް އިބްރަތުން ފުރިގެންވާ ފިލާވަޅު ތަކެވެ. މަރުހޫމުގެ ފުރާނަ އަށް ﷲ ގެ ހެޔޮ ރަހުމަތް ލެއްވުމަށް ދުޢާ ކުރަމެވެ. އާއިލާ އަށް ކެއްތެރި ކަން މިންވަރު ކުރައްވާށިއެވެ. އާމީން .
ހުސއިން
01 August 2020
إِنَّا لِلَّهِ وَإِنَّا إِلَيْهِ رَاجِعُونَ
ޓްރުތް
01 August 2020
ޔާ .. އެއީ ވަރަށް ރަނގަޅު މީހެއް. ޜަނގަޅު ފިރިއެއް. ޜަނގަޅު ދަރިއެއް. ޜަނގަޅު ބައްޕަ އެއް. ާާާާާާާާާާާާާާާާާާާާާާާާާާާާާާާާާާާާާާާާާާާާާ ސަނޫން ގެ އާއިލާ އަށް ކެތްތެރިކަން ދެއްވާށި. އަދި މަރުހޫމް އަށް ސުވަރުގޭގެ ނިޔުމަތް ދެއްވާށި ..އާމީން.
އަކްމަލް
01 August 2020
މި ޚަބަރަށް ހެޕީ ރިއެކްޓް ކުރި މީހުންގެ ހިތުގައި އިންސާނިއްޔަތުގެ ކަންފުޅެއްވެސް ނެތީތޯ؟
ހާމިދު ޝާހިދު
01 August 2020
إِنَّا لِلَّهِ وَإِنَّا إِلَيْهِ رَاجِعُونَ