އެންޑީއެމްއޭގެ އޮޑިޓް: ހަކުރު ކިލޯއެއް ގަތީ ތިން ގުނަ ބޮޑުކޮށް 16ރ. އަށް!

އެސްޓީއޯގެ ކާޑު ގުދަނުން ފުށް ބަސްތާތައް ބޭރުކުރަނީ: ކާޑުގެ ބާވަތްތައް އެންމެ ބޮޑުކޮށް ވިއްކޭނެ ކަމަށް ކަނޑައަޅާފައިވާ އަގަށް ވުރެން އެންޑީއެމްއޭ އިން ގަތް މައްސަލަ އޮޑިޓުގައި ވަނީ ފާހަގަކޮށްފައި.---މިހާރު ފައިލް ފޮޓޯ

ފަޒީނާ އަހުމަދު، މިހާރު

16 ސެޕްޓެމްބަރ 2020 - 11:32

45 comments

ސަރުކާރުން އަގު ކޮންޓްރޯލްކޮށް، 4.80ރ. އަށް ވިއްކަމުން އަންނަ ހަކުރު ކިލޯއެއް 16ރ. އަށް ގަތުން ފަދަ ޚަރަދުކުރުމުގައި ދައުލަތަށް ގެއްލުންވާ ގޮތަށް ނެޝަނަލް ޑިޒާސްޓަ މެނޭޖްމަންޓް އޮތޯރިޓީ (އެންޑީއެމްއޭ) އިން އަމަލުކޮށްފައިވާ ކަން އޮޑިޓް ރިޕޯޓުން ހާމަވެއްޖެ އެވެ.

މިދިޔަ ޖެނުއަރީން ޖޫން މަހުގެ ނިޔަލަށް އެ އޮތޯރިޓީގެ ޚަރަދުތައް އޮޑިޓްކޮށް ނެރެފައިވާ ރިޕޯޓުން ފެންނަ ގޮތުގައި ސަރުކާރުން އަގު ކޮންޓްރޯލްކޮށްފައިވާ ބައެއް ތަކެތި ވިއްކާ އަގުގެ ހަތަރު ގުނަ ބޮޑުކޮށް ވެސް ގަނެފައި އެބަހުއްޓެވެ. އޭގެ ތެރޭގައި ހަކުރާއި ފުށާއި ހަނޑޫ ފަދަ ކާބޯތަކެތީގެ ތެރެއިން ރީޓެއިލްކޮށް ވިއްކޭނެ އެންމެ މަތީ އަގު އިކޮނޮމިކް މިނިސްޓްރީން ކަނޑައަޅައި އިއުލާންކޮށްފައިވާ ބައެއް ތަކެތި ހިމެނެ އެވެ. ކާޑުގެ ބާވަތްތަކުގެ އިތުރުން ބާޒާރުގައި އާއްމުކޮށް ބައެއް ބާވަތްތައް ވިއްކާ އަގަށް ވުރެން ވެސް އެތައް ޕަސެންޓް ބޮޑުކޮށް ބައެއް ތަކެތި ގަނެފައިވެ އެވެ.

އޮޑިޓް ރިޕޯޓުގައި ވަނީ ބައެއް މުދާ ވިއްކަން ސަރުކާރުން ކަނޑައަޅާފައިވާ އަގުތަކާއި ނެޝަނަލް ޑިޒާސްޓަ މެނޭޖްމަންޓުން އެ ތަކެތި ގަތް އަގުތައް ހިމަނައިފަ އެވެ.

މުގު ކިލޯއެއް ވިއްކޭނެ އެންމެ ބޮޑު އަގުގެ ގޮތުގައި ސަރުކާރުން ކަނޑައަޅާފައި ވަނީ 45ރ. އެވެ. އެކަމަކު އެންޑީއެމްއޭ އިން އެއަށް ވުރެ 19ރ. އަގު ބޮޑުކޮށް 64ރ އަށް މުގު ކިލޯއެއް ގަނެފައިވެ އެވެ. ހަނޑޫގެ ކޮންޓްރޯލްގެ އަގަކީ 4.80ރ. ނަމަވެސް 5-8ރ.އާ ދެމެދުގެ އަގުތަކެއްގައި ހަނޑޫ ކިލޯއެއް ގަނެފައިވެ އެވެ.

އަގު ކޮންޓްރޯލްކޮށް 3.80ރ އަށް ވުރެން ބޮޑުކޮށް ނުވިއްކޭނެ ކަމަށް ކަނޑައަޅާފައިވާ ފުށް ކިލޯއެއް 8ރ. އަށް ގަނެފައިވާ ކަން އޮޑިޓް ރިޕޯޓުން އެނގެ އެވެ.

އެންޑީއެމުން ބައެއް ބާވަތްތައް ގަނެފައިވާ އަގު އޮޑިޓު ރިޕޯޓުގައި.

އޮޑިޓް އޮފީހުން ބުނީ ބާޒާރުގައި އާއްމުކޮށް މުދާ ލިބެން ހުންނަ އަގުތަކަށް ވުރެން ވެސް ބޮޑު އަގުގައި ބައެއް ތަކެތި ގަނެފައިވާ ކަމަށެވެ. ވަޅޯ މަސް ކިލޯއެއްގެ އާއްމު އަގަކީ 140ރ. ނަމަވެސް އެންޑީއެމްއޭ އިން ކިލޯއެއް 200ރ. އަށް ގަތެވެ. މީގެ އިތުރުން މަސްދަޅު ކޭހާއި ހިކި މިރުހާއި މިލްކް ޕައުޑާ އާއި ކަނޑުމަހާއި ރިހާކުރާއި އަސޭމިރުހާއި ކޮކާކޯލާ އާއި ފެންޓާ އޮރެންޖާއި ޗިކަން ބޭކަން ފަދަ ތަކެތި ވެސް ވަރަށް ބޮޑު އަގުގައި ގަނެފައިވާ ކަން އޮޑިޓް ރިޕޯޓުގައި އާއްމުކުރި ލިސްޓުން އެނގެ އެވެ.

އެންޑީއެމުން ބައެއް ބާވަތްތައް ގަނެފައިވާ އަގު އޮޑިޓު ރިޕޯޓުގައި.

އޮޑިޓަ ޖެނެރަލް ލަފާ ދެއްވީ އިކޮނޮމިކް މިނިސްޓްރީން އަގު ކޮންޓްރޯލްކޮށްފައިވާ ތަކެއްޗަށް އިތުރަށް ދައްކާފައިވާ ފައިސާ އަނބުރާ ހޯދައި ދައުލަތުގެ މާލިއްޔާ އަށް އަނބުރާ ޖަމާކުރުމަށެވެ. އަދި ކޮންޓްރޯލްކޮށްފައިވާ އަގުތަކަށް ވުރެން ބޮޑުކޮށް ވިއްކި ފަރާތްތަކާ މެދު ފިޔަވަޅު އަޅަން ވެސް އިކޮނޮމިކް މިނިސްޓްރީ އަށް ލަފާ ދީފައިވެ އެވެ.

"ސިންގަލް ސޯސްގެ އުސޫލުން ތަކެތި ހޯދި ނަމަވެސް ތަކެތި ފޯރުކޮށްދޭ ފަރާތުން ހުށަހަޅާ އަގާއި ބާޒާރުގައި ތަކެތި ހުރި އަގު އަޅާކިއުމަށް ފަހު އެކަށީގެންވާ އަގެއްގައި މެނުވީ ތަކެތި ނުގަތުމަށް ދަންނަވަމެވެ،" އޮޑިޓުގައިވެ އެވެ.

މީގެ އިތުރުން ވެސް އެންޑީއެމްއޭގެ އޮޑިޓުން ބޮޑެތި މައްސަލަތަކެއް ވަނީ ފެންމަތި ކޮށްފަ އެވެ. އޭގެ ތެރޭގައި ގެސްޓު ހައުސްތަކުގައި ތިބި މީހުންގެ މައުލޫމާތު ކަށަވަރު ނުކޮށް ބިލްތަކަށް ފައިސާ ދައްކާފައިވުމާއި ގެސްޓު ހައުސްތަކާ އެކު އެއްބަސްވުން ނަހަދައި ފައިސާ ހޭދަކުރުމާއި ހިލޭ އެހީގެ ގޮތުގައި ލިބުނު ތަކެތީގެ ސްޓޮކް އެކަށީގެންވާ ގޮތެއްގައި ބަލަހައްޓާފައި ނުވުމާއި އޯޑަރުކުރި ތަކެތި ލިބުނު ކަން ކަށަވަރުނުކޮށް ތަކެތި ލިބުނު ކަމަށް ސިސްޓަމްގައި ރެކޯޑް ކުރުން ފަދަ ކަންކަން ހިމެނެ އެވެ.

ދިވެހި ސަރުކާރު އޮޑިޓާ ޖެނެރަލް އޮފީސް އޮޑިޓާ ޖެނެރަލް އެންޑީއެމްއޭ

45 ކޮމެންޓް, 61 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަހެރުވަކި2

17 September 2020

ކުރީސަރުކާރުން ހިންގި ޖަރީމާ އާއި ވައްކަން ބަލާ ފިޔަވަޅު އެޅުމަށް އިބުރާއިމް މުހައްމަދު ސޯލިހު ވެރިކަމަށް އައިސް މިހާރު މިހިންގަނީ ވެސް ބޮޑެތިވައްކަން... އެއިރުވެސް ވައްކަން...މިހާރުވެ ވައްކަން... ކޮންމެ ވެރިކަމެއްގައި ވެސް ގައުމު ކައިހުސްކުރަނީ. މަމެން މަގުމަތިވަނީ.......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢޮޑިޓް1234

17 September 2020

ނަސީބެއްނު، ޚުދު މުޚުތާރު ވެރިކަމެއްނަމަ، ރައީސްއާ ވާހަކަ ދައްކާފައި ނޫނީ ތިކަހަލަ އޯޑިޓް ރިޕޯޓެއްނުނެރެވޭނެ، އަދި ކުރިއްޔާ ސިފައިން ފޮނުވާ ޖަލަށް. އަގުބޮޑުކޮށް ވިއްކިމީހުންނަށް ދައުވާ ކުރައްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގެ މައްޗައް އައްޔެއް

17 September 2020

ވައްކަމުގެ މައްޗައް ވައްކަމެއް. ޥައްކަން ނުކުރަންބުނެ ތިލަފަތެއް ހިފައިގެންނިކުމެ މީހުންނައް އަނިޔާ ނުކުރަންބުނެ ތަފާތު ކުރުމެއް ނުގެންގުޅެންބުނެ ތައްރައްގީގެ ބާރުދުވެލި އެއީ ބަރަވެލި ދުވެލިކަމުގާބުނެ ރިސޯޓު މުވައްޒަފުން ހާލުގަ ނުޖައްސަންބުނެ ކިރާމަހައް ހަމައަގު ދޭންބުނެ އިންޓްރަސްޓްކުޑަ ލޯނު ދޭންބުނެ ކިހިނެއްތޯ މިވަނީ ލުއި އެކްސްޕުރެސް ކަމައްބުނާ ލޯނުގެ އިންޓްރަސްޓް %18 ގަ އެއީތޯ 4 ރުފިޔާއައް ހަކުރު ކިލޯއެއްގަތީމަ އަގުނިމޭއިރު ލުއިވާވަރު 16 ރުފ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮން

16 September 2020

ހަކުރު ކިލޯއެއް ނުއަގުގަ ގަތުމާ ރާއްޖޭގެ ރަށްތައް ނުއަގުގަ ވިއްކާ އެ ލިބުނު ލާރި އަމިއްލަ އެކައުންޓަށް ލުމާ އެއްވަރު ކުރެވޭނެހެއްޔެވެ. ކަމެއްކޮށްލަންޏާ ޔާމީނު ކުރިގޮތަށް އެކަށީގެންވާ އަދަދެއް ވަންނަ ގޮތަށް ކޮށްލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

16 September 2020

ކަލޭ ހަމަތަ؟ ކުށްކުރަން ހިތްވަރުލިބޭގޮތަށް ވާހަކަދެއްކުން އެއީ ކުށެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަފުރާސިޔާބު

16 September 2020

ސުބުހާނަﷲ! އަޅެ ނިކަން ބަލާބަލަ ރިސޯޓް ކުއްޔަށް ނަގައިގެން އެތަންތަން ފުރާ މީހުންތިބިތޯ؟ އެކަމަކު ނެތޭ ކޮވިޑަށް ނެގި އެއްވެސް ރިސޯޓެއް ފުލް އޮކިއުޕަންސީގައި ނުހިންގާ. އެކިއެކި ރިސޯޓް އެކި ކޮޓަރީ އަހްމަދާއި މުހައްމަދުގެ އެތައްބައެއް. ކޮންރަށެއްގެ ކާކުގެ އަހްމަދެއް ނުވަތަ މުހައްމަދެއްކަން ނޭގޭ. މައްސަލައެއް ނެތްތާ ރޫމަށް ވިއްޔާ ޗާޖްކުރަނީ. އަސްލުގައި މީހަކު ނެތަސް ނަގުލީ މީހަކު ހުރުމަކީ މައްސަލައެއްނޫން. ކެއުން ބުއިންވެސް ހުރީ އެގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވާލުކުރެވުނީ

16 September 2020

ހަކުރު ކިލޯއެއް ގަތީ ތިން ގުނަ ބޮޑުކޮށް 16ރ. އަށް ވެއްޖެނަމަ އެއީ ދެން ކޮވިޑް އިން ކުރި ނަމްބަރު އެއްވަނަ ވައްކަމޭ ހެޔޮވާނީ ކިހިނެއްތޭ މިރާއްޖެ އަށް ބަލި މަޑުކަމެއް އައުމުން ދައުލަތުގެ ޚަޒާނާ ދަވާލަން މިވަރު ކުރަން ވިއްކާ ހަކުރު ކޮޅުން ވެސް ކުރީ ވައްކަން ވިއްޔާ އޮޑިޓް ރިޕޯރޓަށް ފެންނާނީ އަދި ކުޑަ މިންވަރެކޭ ކޮވިޑަށް 20 ބިލިއަން ރުފިޔާ އެންމެ ތިން މަސް ދުވަހުން ދަވާ ހުސް ކޮށްލީ މީދޯ ތަމެން ކުރި ކޮވިޑް ވައްކަމަކީ ރަތްލާޖެހި ބޮޑެތި ވަގުންނާއި ދޯ މިކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

16 September 2020

ރަނގަޅު. ގޯހެއްނެއް. ހަމައެކަނި ބަދަލުވީ ކުލައާއި ކޮޅު. އެހެންވީމާ މިހާރު ރަންވަޅު ކޮންޓްރޯލުކުރަނީ އަނދުރޭމެންގެ ބަދަލުގައި އައި މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީ ހާޖީ

16 September 2020

އަމީނު އަމީރު ޑިޒާސްޓަ މެނޭޖުމެންޓު މި ހުރިހާ ފަރާތްތައް އިސްތިއުފާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުރުޚީއެޅިން

16 September 2020

ލޮކްޑައުންގަ ކޮމެންޓްކުރިން އެންމެން ގޭގަ ތިއްބާ އެބަ ކޮރަޕްޝަން ހިނގައޭ. ކޮވިޑަށް ބިރުން އެންމެން ގެއަށް ވަދެ ފިލާ ތިއްބާ އެކަންކަން ބަލާނެ ބަޔަކު ނެތޭ. ކޮރަންޓީނަށް ގެންގޮއްސަ ތިބި ބައެއް މީހުންނަށް ދޭ ކެއުންތަކުގެ ފޮޓޯ ހިއްސާކޮށްލީމަ ހިތަށް އެރީ ނޫނޭވާ ކާއެއްޗެހި އިސްރާފުކުރުމުގައި ހައްދެއްނެތޭ. ހިތަށް އެރީ މިކަން ބަލާނެ ބަޔަކުވާނެބާއޭ. ކާނެއެއްޗެއް ހަމަ އެންމެ މީރު ރަހައާއެކު ކޭ ފަހުން އެއެނގުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސަނު

16 September 2020

އަހަރެމެން ތިތަނަށް ދިން މާސްކް ކޮޅުވެސް ވީތަނެއްނޭގެ. އެއްވެސް މީހަކު އެ ޒާތު މާސްކެއް އަޅައިގެން އުޅޭތަނެއް ނުފެނެ. އެއްވެސް އޮފީހެއްގެ އެއްވެސް ފްރަންޓްލައިންއެއްގެ އެއްވެސް މީހެއް.