ރައީސް ޔާމީނާ އަލުން ގުޅިވަޑައިގެން، ޕީޕީއެމް ޕާލަމެންޓްރީ ގްރޫޕުގެ ބައެއް މެމްބަރުންނާ އެކު ސަލީމް އާއި ސުޖާއު. -- ފޮޓޯ: މުހައްމަދު ޝަރުހާން / މިހާރު
13 ނޮވެމްބަރ 2016 - 14:56
33 comments
ރައްޔިތުންނާއި ގައުމަށް ގެއްލުންވާ ގޮތަށް ކުރެއްވުނު ކަންކަމަށް މައާފަށް އެދިވަޑައިގެން ކުރީގެ ރައީސް މައުމޫނާ އެކު އިސްލާހަށް މަސައްކަތް ކުރައްވަން ނިންމެވުމަށް ފަހު އެނބުރި ރައީސް އަބްދުﷲ ޔާމީންގެ ފެކްޝަނާ ގުޅިވަޑައިގަތީ އެ ދެ މެމްބަރުންނަށް އިތުރު ގޮތެއް ނެތިގެން ކަމަށް ތިމަރަފުށީ ދާއިރާގެ މެމްބަރު މުހައްމަދު މުސްތަފާ މިއަދު ވިދާޅުވެއްޖެ އެވެ.
ރައީސް ޔާމީނާއި ޕީޕީއެމްގެ ރައީސް މައުމޫން އަބްދުލްގައްޔޫމާ ދެމެދު އުފެދުނު މައްސަލަތަކާ ހެދި ޕީޕީއެމް ދެ ފަޅިވެ ދެ ފެކްޝަނެއްގެ ގޮތުގައި ހިންގާ އިރު، މި ހަމަނުޖެހުމުގައި، މަޖިލީހުގެ މެމްބަރުން ވެސް ވަނީ ދެ ބަޔަށް ބެހިފަ އެވެ. ޕީޕީއެމް ޕީޖީ ގްރޫޕުގެ ނިންމެވުންތަކާ މެދުު ހިތްހަމަޖެހިވަޑައިނުގެން ސަލީމާއި ސުޖާއު ރައީސް މައުމޫނާ އެކު މަސައްކަތް ވެސް ފެއްޓެވި އެވެ. އެކަމަކު މިދިޔަ ބުރާސްފަތި ދުވަހު ދެ މެމްބަރުން ވަނީ އަލުން ރައީސް ޔާމީން ފެކްޝަނާ ގުޅިވަޑައިގެންފަ އެވެ.
އޭގެ ސަބަބަކީ، ދެ ބޭފުޅުން ވިދާޅުވެފައިވާ ގޮތުގައި، ރައީސް ޔާމީންގެ ތަރައްގީގެ މަޝްރޫއުތަކުގައި އެއްބާރުލުން ދޭން ދާއިރާގެ ރައްޔިތުން ބޭނުން ވުމެވެ.
އެކަމަކު، ވިޔަފާރީގެ ގޮތުން ގުޅިފައިވާ ސަލީމާއި ސުޖާއު ކޮޅު ބަދަލުކުރެއްވީ، ރެޑްވޭވުން 50 މިލިއަން ރުފިޔާ އިންވެސްޓް ކޮށްގެން ހުޅުމާލޭގައި ހެދި ފިހާރައާ އެކު ހުޅުވަން ޖެހޭ ކެފޭ އާއި ބޮޑު ގުދަނުގެ އެއްބަސްވުން ބާތިލުކޮށް ތަން އަތުލާނެ ކަމުގެ އިންޒާރު ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ދީފައި ވަނިކޮށެވެ. މި ނިންމެވުމާ އެކު ކެފޭ ހުޅުވުމަށް ދިން މުއްދަތު ވެސް ވަނީ އިތުރު ކޮށްދީފަ އެވެ.
ސަލީމުގެ ވިޔަފާރި އަށް ގެއްލުން ލިބޭ ގޮތަށް ކުރިިމަތި ކުރި ޕްރެޝަރުތަކަށް އިޝާރާތް ކުރައްވައި މުސްތަފާ ވިދާޅުވީ ރައީސް ޔާމީނާ އަލުން ގުޅިވަޑައިނުގަތް ނަމަ ސަލީމުގެ ވިޔަފާރި އަށް ކުރިމަތިކުރާނެ ގެއްލުންތައް ބުނެދޭން ވެސް ނޭނގޭނެ ކަމަށެވެ. މި ސަރުކާރަކީ ކޮންމެ ފަދަ ކަމެއް ކުރަން ވެސް ޖެހިލުންވާނެ ސަރުކާރެއް ނޫން ކަމަށް އޭނާ ވިދާޅުވި އެވެ.
"ސަލީމް އެހެން ނުހެދި ނަމަ ހުރިހާ ތަނެއް ނަގާނެ، ގާނޫނީ އެއްބަސްވުމަކަށް ނުވަތަ އެހެން ކަމަކަށް ވެސް ބަލާ ސަރުކާރެއް ނޫން މިއީ،" މުސްތަފާ ވިދާޅުވި އެވެ.
އޭނާ ވިދާޅުވި ގޮތުގައި ޕީޕީއެމްގެ މެމްބަރުންނަށް އެއްވެސް ދިމާލަކުން އަދި ސަލާމަތްތެރިކަމެއް ނެތެވެ. ގޯސްކޮށް ކަންކަން ކޮށްފި ނަމަ، ސަލާމަތް ހޯދަން އޮތީ ޝަރުއީ ނިޒާމުގެ ތެރެއިން ނަމަވެސް އެ ތަނުން ހައްލު ލިބޭނެ ކަމުގެ އުއްމީދެއް ނެތް ކަމަށް މުސްތަފާ ވިދާޅުވި އެވެ.
ރައީސް ޔާމީނާ އަލުން ގުޅިވަޑައިގަތްކަން ނޫސްވެރިންގެ ކުރިމަތީގައި އިއުލާން ކުރައްވަމުން ސަލީމް ވިދާޅުވެފައި ވަނީ މައުމޫނަށް ތާއީދުކުރަން ނިންމި ނިންމުން އޭދަފުށީ ރައްޔިތުން ގަބޫލު ނުކުރާ ކަމަށެވެ. އަދި ރައްޔިތުންގެ 90 ޕަސެންޓްގެ އެދުމަކީ ރައީސް ޔާމީނާއެކު މަސައްކަތް ކުރުން ކަމަށް ވެސް ސަލީމް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
15 November 2016
ބަލަ އަމިއްލަ އެދުން ކުރިއައްލީތާ.... އެހެންވެގެންނޭ ވިޔަފާރިވެރިން މަޖްލިހުގަ ނުތިބެންވީ! ބޭނުންވަނީ ރައްޔިތުން ބޭނުންވާގޮތް ބުނަން ކެރޭމީހަކު... އަމިއްލަ އަންބޮޑި އާ މެދު ވިސްނާމީހެއްނޫން!
ކޮށް
14 November 2016
ސަލީމު ހާދަ ފަސޭހައޭ ދެއްތޯ ޕަސެންޓު ހަދާލެއް. ހަމަ ވިޔަފާރީގެ ޕަސެންޓު ހަދާގޮތަށް ހަދާލެވޭ އެއްޗެއްތަ އެއީ ރައްޔިތުންގެ ތާއީދު އޮތް ޕަސެންޓަކީވެސް. އަނެއްކާ އަވަހޭ ހަދާ ނިންމާލެއްވެސް.
ރޯމާދުވާލު
14 November 2016
ވަކި މީހަކަށް ތާޢީދުކުރާތީ، ވަކި ޕާޓީއެއްގެ މީހަކަށްވީމައި ވަކި ގޮތެއް ހަދާކަމުގެ ސާފު މިސާލެއް ފެނިގެން މިދަނީ. ކޮބާތޯ ހަމަހަމަކަން؟ ކޮބާތޯ އިންސާނީ ޙައްޤުތައް؟ ކޮބާތޯ ކަރަޕްޝަން ނައްތާލުން؟ ކޮބާތޯ ބުލީކުރުމާ ދެކޮޅަށް މަސައްކަތްކުރާ ޖަމާޢަތްތައް؟ ކޮބާތާ މިނިވަން މުވައްސަސާތައް؟ އިންސާފޭތޯ؟ އީކުއަލިޓީ ނެތަސް އެހާ ބޮޑު ޚަރަދެއް ކޮށްފައި، އޭގެ ކުޑަކުޑަ ފްރެކްޝަނަކާހުރި ހުރިހާ އެއްޗެއް ގެއްލުވާލާއިރު އެންމެ ކުޑަމިނުން އީކުއިޓީއަށް ބަލަންޖެހޭނެ، އެހެންނޫންތޯ؟ ސަލީމުވެސް ކަންކަންކުރަންވާނީ މުހިންމު މަސްދަރުތައް ފާހަގަކޮށް، ކުރިއާލާ ޕްލޭންކޮށްގެން.
ފަގީރުކޮއި
14 November 2016
ނޯޕްރޫޕް. ތިބޭފުޅުންނަށް ރޯމާދުވާލު ކުރާ ވައްކަންވެސް ހެއްކާ ގަރީނާއަކަށް ނުފުދޭނު.
ނަމްރޫދު
14 November 2016
މި ދެމީހުންނަކީ ހަމަ ހަގީގަތުގައި ވެސް ވަރަށް ގޮތެއް ނެތް ދެ މީހުން.
ދިވެއްސެއް
13 November 2016
ވަރަށް ބައިވަރު މައްސަލަތައް މީގައި އެބަހުރި. ފުރަތަމަ ސަލީމާއި ސުޖާ ރައްޔިތުންގެ މައްޗަށް ތިއިސްކުރީ އަމިއްލަ ވިޔަފާރި. ދެވަނަ ކަމަކަށް ވޯޓުދޭމީހުންނަށްވެސް މިހާރު އެގެންވެއްޖެ ވިޔަފާރިވެރިން މަޖިލީހަށް ވެއްދުމަކީ ގޯހެއްކަން. މިއޮތީ ނަތީޖާ ފެންނަން.
ޢާއިޝާ
13 November 2016
''......ގާނޫނީ އެއްބަސްވުމަކަށް ނުވަތަ އެހެން ކަމަކަށް ވެސް ބަލާ ސަރުކާރެއް ނޫން މިއީ،" މުސްތަފާ ވިދާޅުވި އެވެ. އޭނާ ވިދާޅުވި ގޮތުގައި ޕީޕީއެމްގެ މެމްބަރުންނަށް އެއްވެސް ދިމާލަކުން އަދި ސަލާމަތްތެރިކަމެއް ނެތެވެ. ގޯސްކޮށް ކަންކަން ކޮށްފި ނަމަ، ސަލާމަތް ހޯދަން އޮތީ ޝަރުއީ ނިޒާމުގެ ތެރެއިން ނަމަވެސް އެ ތަނުން ހައްލު ލިބޭނެ ކަމުގެ އުއްމީދެއް ނެތް ކަމަށް މުސްތަފާ ވިދާޅުވި އެވެ.'' ފަރީދިއްޔާ ސްކޫލުގެ ބިޑުގެ ހާލަތަކީވެސް ހަމަ މިއީ
ނޯޕްރޫފް
13 November 2016
ސަލީމާއި ސުޖާއު ކޮޅު ބަދަލު ކުރީ ގޮތެއް ނެތިގެން ކަމަށް ބުނާއިރު އެކަން ދައްކުވައިދޭ އަލި ގަދަ ހެއްކެއް ގަރީނާ އެއް އެބައޮތް ތޯއެވެ. ހެއްކެއް ގަރީނާ އެއް ނެތް ނަމަ ދެން ތިޔާ ދައްކާ ވާހަކައިގެ އެއްވެސް އިތުބާރެއް ނެތެވެ. އެހެންވެއްޖެނަމަ ތީ މިތާނގައިވެސް ވާ ވާހަކަ އެއް ނޫން އެތާނގައި ވެސް ވާހަކަ އެއް ނޫން ދެން ތީ ކޯއްޗެއް ތޯއެވެ.
އަލީ
13 November 2016
ރެޑްވޭވް ހުޅުމާލެ ފިހާރަ އާއި ކެފޭއަށް ވީ ގޮތް ހެއްކަކަށް ނުފުދޭތޯ؟ ހެކިފެންނާނީ ދިރުން ހުރި ލޯތަކަށް. ކަނު ލޯތަކަކަށް ނޫން. ހެހެހެހެހެހެ
އަހުމަދު
13 November 2016
އަޅުގަނޑުމެން އެވެރިން ބަލައިގަތީވެސް އެގޮޔުގައޭ ދަންނަވާލަން. މާ އިޚްލާސްތެރިވާނެ ކަމަކަށް ނޫން. އެކަމު ބޭނުންވާ ކަންކަމަށް އެހީތެރިކަން ގަދަކަމުންވެސް ހޯދައިގެން ޤައުމު ތަރައްޤީ ކުރަންބޭނުންވަނީ. ކުރީގެ 30 އަދި 3 އަށް ތާއީދުކުރާ ފަރާތް ތަކަކީ މިޤައުމު ތަރައްޤީ ކުރަން ބޭނުންވާ ބައެއް ނޫން. އެމީހުންގެ އޮތީ އެހެން އެޖެންޑާއެއް. އެކަކު ބޭނުންވީ އުމުރު ދުވަހުގެ ވެރިކަން. އަނެކަކު ބޭނުންވީ ދޮންކުދިން އެދޭ ގޮތަށް މިގައުމުގެ ހުރިހާ ކުދިންނަށް ބޯންދިނުން. ސަލާމް ސްލޯ 30 އަދި 3
ގިޔާސް
13 November 2016
ބިރުދެއްކި ދާނެ ، ވަޒީފާތަކުން ވަކިކުރެވިދާނެ މިއަދު ޒަމީރު ގަބޫލުނުކުރިޔަސް 500 އަށް އަސްލު އަށް ޖަލްސާތަކަށް ދެވިދާނެ އެކަމަކު އެއިން ކޮންމެ މީހަކުވެސް ގަބޫލުކުރަންވީ މިއަދު ކާޑްގެ އަގު ބޮޑު ، ކަރަންޓް އަގު ބޮޑު ދަރިފުޅުގެ ނެޕީ އަގު ބޮޑު ކުލި އަގު ބޮޑު ނަމަވެސް ޒަމީރު ގަބޫލުނުކޮށް މަޖްބޫރީ ހަލަތް މައްސަލައެއްނެތް އަބަދުމިހެންވެސް ނުތިބޭނެ ތެދުވާނެ އެދުވަސް އިންޝާ ﷲ މަލަސްތަކެއް ނުވެ ވަރަށް ކައިރި! އެތަށް ބައެއްގެ ދުވާ ގެއްލެނި ނުކުރައްވާނެ!