އަޝްމަލީއަށް ތުހުމަތުކުރަނީ ޖިންސީ ބޭނުމަށް ކުޑަކުއްޖާ ހޯދަން އުޅުނު ކަމަށާއި ކުއްޖާ ލައްވާ ހަށިވިއްކުވި ނެޓްވޯކަށް އެހީވި ކަމަށް.
ކުޑަކުއްޖަކު ލައްވައި ހަށިވިއްކި ކަމުގެ ތުހުމަތުގައި ހައްޔަރު ކުރި އަޝްމަލީ -- ފޮޓޯ: ފޭސްބުކް/އަޝްމަލީ
05 ޖުލައި 2021 - 12:11
69 comments
ސްރީ ލަންކާގެ މައުންޓް ލެވީނިއާ ސަރަހައްދުގައި ކުޑަ އަންހެންކުއްޖަކު ލައްވައި އެތައް ދުވަހެއް ވަންދެން ހަށި ވިއްކުވި މައްސަލައެއްގައި އެ ގައުމުން ހައްޔަރު ކޮށްފައި ވަނީ ދިރާގުގެ ކުރީގެ ޗެއާމަން އަދި ފިނޭންސް މިނިސްޓްރީގެ ކުރީގެ ސްޓޭޓް މިނިސްޓަރު މުހައްމަދު އަޝްމަލީ ކަން "މިހާރު" އަށް ޔަގީން ވެއްޖެ އެވެ.
ވެބްސައިޓްތަކަކާއި ސޯޝަލް މީޑިއާ ޕްލެޓްފޯމްތައް ބޭނުންކޮށްގެން، ތިން މަސް ވަންދެން އުމުރުން 15 އަހަރުގެ ކުއްޖަކު ލައްވައި ހަށިވިއްކުވި މައްސަލައެއްގައި ލަންކާ ފުލުހުން މިހާތަނަށް 32 މީހަކު ހައްޔަރުކޮށްފައިވާއިރު، އޭގެ ތެރޭގައި ދިވެއްސަކު ހިމެނޭ ކަމަށް ލަންކާގެ ފުލުހުން ބުންޏެވެ.
ލަންކާ ފުލުހުންގެ މީޑިއާ އޮފިޝަލު އަޖިތު ރޯހާނާ "މިހާރު" އަށް ވިދާޅުވި ގޮތުގައި، ހައްޔަރު ކޮށްފައިވާ ދިވެއްސަކީ އުމުރުން 45 އަހަރުގެ މުހައްމަދު އަޝްމަލީ ކިޔާ މީހެކެވެ.
ލަންކާ ފުލުހުން "މިހާރު" އާ ހިއްސާކުރި މައުލޫމާތުން އެއީ ކުރީގެ ސްޓޭޓް މިނިސްޓަރު އަޝްމަލީކަން ކަށަވަރު ކުރެވެ އެވެ.
ލަންކާ ފުލުހުން "މިހާރު" އަށް މިއަދު ބުނީ އޭނާ ހައްޔަރުކުރީ ކުއްޖާއާ ޖިންސީ ގުޅުން ހިންގަން ދިޔަ ކަސްޓަަމަރެއް ކަމަށް ތުހުމަތު ކުރެވިގެން ކަމަށެވެ. އަދި އެއީ އަކީ ހަށިވިއްކުމުގެ ނެޓްވޯކަށް އެހީތެރިވި މީހެއް ކަމަށް ތުހުމަތު ކުރެވޭ ކަމަށް ބުންޏެވެ.
"ދިވެހި މީހާ ހައްޔަރުކޮށްފައި ވަނީ އިންޓަނެޓް މެދުވެރިކޮށް އަންހެން ކުއްޖާ ގަތުމުގެ ތުހުމަތުގައި،" ރޮހާނާ ވިދާޅުވި އެވެ.
އެ މީހާ [އަޝްމަލީ] ކުއްޖާއާ ޖިންސީ ގޯނާކުރި ކަމުގެ ތުހުމަތު ކުރެވޭތޯ ސުވާލު ކުރުމުން އޮފިޝަލު ވިދާޅުވީ، މައްސަލައިގެ ތަހުގީގު އަދި ކުރިއަށް ގެންދާތީ އެ މައުލޫމާތު ދެވެން ނެތް ކަމަށެވެ.
އޭނާގެ މައްސަލަ ބަލަމުން ދަނީ ކުޑަކުއްޖެއްގެ ބޭނުން ޖިންސީ ގޮތުން ނަހަމަ ގޮތުގައި ހިފުމުގެ މައްސަލައެއްގެ ގޮތުގައި ކަމަށް ވެސް ލަންކާގެ ފުލުހުން ބުންޏެވެ.
ލަންކާގެ ފުލުހުން ބުނެފައި ވަނީ ކުއްޖާ ލައްވާ ހަށި ވިއްކުވި މައްސަލާގައި އެންމެ ބޮޑަށް ތުހުމަތުކުރެވޭ މީހުންގެ ތެރޭގައި ކުއްޖާގެ މަންމަ ހިމެނޭ ކަމަށެވެ. އޭނާ ވެސް ވަނީ ހައްޔަރުކޮށްފަ އެވެ. މީގެ އިތުރުން އޮޓޯ ޑްރައިވަރަކާއި ކާރު ޑްރައިވަރަކާއި ފާދިރީއަކާއި ގަހަނާގެ ވިޔަފާރިކުރާ މީހަކު ވެސް ހިމެނެ އެވެ. އެ ކުއްޖާ ވިއްކަން ހޮޓަލުން ކޮޓަރި ހަމަޖެއްސި އެ ހޮޓަލުގެ މެނޭޖަރު ވެސް ވަނީ ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޔުބޭ
05 July 2021
މިފެންވަރުގެ މީހުން ރާއްޖޭގެ ބޮޑެތި ކުންފުނި ތަކުގެ މިފަދަ މަޤާމަށް އެކިއެކި ސަރުކާރުތަކުން ހަމަޖައްސާ މިފަދަ މީހުނަށް ޤާނޫނީ ހިމާޔަތްދެވޭކަމީ އަހަރެެމެން ނުހަނު ކަންބޮޑުވާކަމެއް.
ހުސެން
05 July 2021
ލަންކާގައި މުޅީންއަލަށް ހިނގައިގެން އުޅޭކަމެއްވިއްޔާދޯ! މިފަދަކަންކަމަކީ ލަންކާގައި 24 ގަޑިއިރު ހިނގަހިނގާ ހުންނަކަންކަން، މާބޮޑުކަމެއްކަމުގައި ދައްކައިގެން ގޭސްގަނޑެއް މިއަނބުރަނީ ކޮންބޭނުމެއްގައިބާ؟ ފައިސާހުރިނަމަ އެމީހަކު ބޭނުންވާކަންކަމަށް ހޭދަކުރާނެ އަސްމަލީއެއްނޫން އަހަރެންނަމަވެސް އެކަންއޮންނާނީއެހެން، ހަށިވިއްކުމެކޭ ނޫންމިކިޔަނީ މިކިޔަނީ ލަންކާގައި އަލަށޭތިޔަޒާތުގެ ކަމެއް ތިޔަހިނގީ، އެހެންވީމައޭ ލަންކާ ފުލުހުން ޑުރާމާކުޅެނީ!
ގެދާނޯމޮސް
05 July 2021
އަހަރުތަކެއް ކުރިން ބަޔަކަށް ކޯފާއަކަށް ގޮވާލީ މާ އެކަމުގެ ހިތިފިލުވާލުމަށް ބަޔަކު ރާވައިގެން އޭނަޔަށް ދިންލަނޑަކަށް ވެދާނެއެވެ.
ހުސެން
05 July 2021
ޔޭސް ވަރަށްވައްތަރުކަމެއްތިޔަބުނީ! އެހެންނާ ލަންކާގަ ކޮންމެދުވަހަކު ވޭވެހުންނަ އެމީހުނަށް ކަމަކަށްނުވާކަންކަންމީ! އަސްލަމީ އަސްލަމީ އޭ މީޑިއާގަ ލަންކާފުލުހުންނޭ ގޮވާވަރުންވެސް އެބަހާމަވޭ ރާވައިގެން ކުޅޭ ޑުރާމާއެއްކަން، ދިވެހިންނަކީ މިފަދަކަންކަމުގައި ވަރަށްވެސް ދީންވެރިބައެއް އެކަން އެބަފެނޭކޮމެންޓުތަކުން، ކޮންމެމީހަކަށްވެސް ޗާންސެއްނުލިބިފަތިބެނީ ކޮންމެއެއްޗެކޭ ކިޔާފަ ކޮމެންޓުކުރިޔަސް!!
ރޯޒަސް
07 July 2021
ކޮންމެ ގޮތަކަށް މިކަން އަނބުރަން އުޅުނަސް އަޝްމަލީ ކުރީ ވިޔާނުދާ ނުލަފާ އަދި ކޮށްގެން ނުވާނޭކަމެއް. ވައްކަން ކޮށްގެން ފާޅާއެރީމައި ބުނަންވީ އެންމެންވެސް ވައްކަން ކުރެޔޭ ޕޮލިހުންދެން ތިމަންނަގެ ކޭސް މާ ބޮޑުކަމަކަށް ހަދާލައިގެން އުޅެނީއްޔޭ.
ގަންގްނަމް ސްޓައިލް
05 July 2021
އައްދެ، މިސޮރުގެ އަބުރެއްވާ ނެތް. މީނާއާ މި ކޭހާ ގުޅޭ ސަބަބު ލަންކާއިން ހާމަ ނުކުރަނީސް މިއޮތީ މީނާ ކުރީ މިވެނި ކަމެއްކަމަށް ގިނަ މީހުން ނިންމާފައި. ދެން އެބަ މަސައްކަތްކުރޭ ވަކި ޕާޓީއެއްގެ މީހަކާ މީނާ ގުޅުވަންވެސް. މަގުސަދެއް ނޭނގެ.
ހށނ
05 July 2021
ތިވާނީ އެކަމުން އެކުއްޖާސަލާމަތްކުރަން އުޅެނިކޮށް އޮޅުމަކުން ހައްޔަރުވީކަމަށް.!
ނިކަމެތިރައްޔިތުމީހާ
05 July 2021
ތީނަ ގައިގަ ޖަހާ ނުއަތު ބުރު އަޅާ މީހެއް ވައްތަރުވެސް!
ދެރަ
05 July 2021
މުޅި މުޖުތަމައު އެކުއްޖާއަށް ރައްކާތެރިކަން ދިނުމުފައި ވަނީ ފެއިލް ވެފަ
ބޮކިފުރާޅު އަލީ
05 July 2021
މީނާ އަތުވީ ރާއްޖެއިންނަމަ މީހާރު އޮންނާނީ ލަންކާއަށް، ތައިލެންޑަށް ނޫނީ ޔޫކޭއަށް ބޭސްފަރުވާއަށްފޮނުވާފާ.
މޭޔަރ 2023
05 July 2021
ސަހަލު އެކަކު ނެތޭ
ހާމިދު ޝާހިދު
05 July 2021
މީ ޔާމީން ސަރުކާރަށް އައިއިރު ވަހީދު ސަރުކާރުން ޕްރޮމޯޓްވެގެން ލެއްގި މީހެއް. އޭރު ޓީވީތަކަށް ވަރަށް އިންޓަވިއުވެސްދިން. ޔާމީން ވެރިކަމަށް އައުމާއެކު ބޮޑެތި މަގާމުތައް ލިބުނު. އެހެންނަމަވެސް، ވެރިކަން ލިބުނުތާ 1 އަހަރުނުވަނީސް، އޭނާގެ މައްސަލަތަކެއް ފެންމަތިވެ، ޔާމީނުގެ ސަރކަލްގެ ތެރެއިން އޭނާހުރީ ބޭރުކޮށްލާފައި. އެންމެފަހުން ރިޔާސީ އިންތިހާބު ބޯމަތިވިއިރު، އަޑެއްބަޑެއްވެސް ނީވުނުތާންގައި އޭނާ ގެއްލުނު. ފަހުގަޑީގައި އެމްޑީޕީވެގެންއުޅުނީ.
ޙޫޓޭ
05 July 2021
ކަޑަވީމަ އެމްޑީޕީ ހެހެހެ..
ހަސަނު1
05 July 2021
ހާދަ އަވަހަކަށް އެމްޑީޕީ ބޮލަށް ކަނޑާލީ... މީ ހަމަ ކަލޭމެންގެ މީހެއް. އެވަރެއް ނެތިގެން ގެންގުޅުނު މީހެއް. އޭގެ މާނައަކީ އޭނަ ކުރާ ކޮންމެ ކުށަކީ ޕީޕީއެމް އެންޑޯސް ކުރާ ކުށްތަކެކޭ ނޫންދޯ؟
ބަބުޗީ
05 July 2021
މިހާރު ސިފަ ކުރެވެނީ މިހަބަރު ކިޔާފަ ޔާމީނު މޫނު ކުނިކޮއްލާނެ ވަރު.