ޚަބަރު / ހިޔާ މަޝްރޫއު

"ހިޔާ ޔޫނިއަން" މެދުވެރިކޮށް އެކަނިވެސް 900 އަށް ވުރެ ގިނަ މީހުން ފްލެޓް ބަދަލުކުރަން އެދުނު

ހުޅުމާލޭ ދެވަނަ ފިޔަވަހީގައި އަޅާފައިވާ ހިޔާ ފްލެޓްތައް ކައިރީ އެތަނުން ފްލެޓް ލިބުނު ބަޔަކު މަޑުކޮށްލައިގެން --. ފޮޓޯ: ނިޝާން އަލީ/މިހާރު

ހިޔާ މަޝްރޫއުގެ ދަށުން ހުޅުމާލޭގެ ދެވަނަ ފިޔަވަހީގައި އިމާރާތްކުރި 25 ބުރީގެ 16 ޓަވަރުން ފްލެޓް ލިބުނު މީހުންގެ ތެރެއިން، "ހިޔާ ޔޫނިއަން" މެދުވެރިކޮށް އެކަނިވެސް 900 އަށް ވުރެ ގިނަ މީހުން ފްލެޓް ބަދަލުކުރަން އެދިއްޖެ އެވެ.

ޓަވަރެއްގެ ތިރީ ބުރިން ފްލެޓް ލިބުނު މީހަކު މަތީ ބުރިއަށް ބަދަލުވާން ބޭނުން ނަމަ، ނުވަތަ މަތީ ބުރިން ފްލެޓް ލިބުނު މީހަކު ތިރީގެ ފްލެޓަކަށް ބަދަލުވާން ބޭނުން ނަމަ ދެ ފަރާތް ގުޅިގެން އެކަން ކުރެވޭ ގޮތަށް ހުޅުވައިލުމުން "ހިޔާ ޔޫނިއަން" ގެ ފްލެޓް އެކްސްޗޭންޖް ޕްލެޓްފޯމުގެ ހިދުމަތް 900 އަށް ވުރެ ގިނަ މީހުން ހޯދާފައިވާ ކަމަށް އެ ޔޫނިއަނުން ބުންޏެވެ.

ފްލެޓް ލިބުނު މީހުން ހިމެނޭ ވައިބާ ގްރޫޕެއް ވެސް އެ ޔޫނިއަނުން ހިންގަމުން އަންނައިރު ފްލެޓް ބަދަލުކުރުމަށް އެތައް ބަޔަކު ވަނީ އެ ގުރޫޕުގައި އެދިފަ އެވެ. ފްލެޓް ލިބުނު ފްލޯ އާއި އިތުރު މައުލޫމާތު ހިމެނުމުން އެ ތަން ބޭނުންވާ އިތުރު މީހަކު ހުރި ނަމަ އެކަން ދިޔައީ އެ ގުރޫޕުގައި އަންގަމުންނެވެ.

ޔޫނިއަން މެދުވެރިކޮށް އެކަނިވެސް 900 އަށް ވުރެ ގިނަ މީހުން ފްލެޓް ބަދަލުކުރަން އެދުނުއިރު، މިގޮތަށް ފްލެޓް ބަދަލުކުރުމަށް ސީދާ އެޗްޑީސީ އަށް ހުށަހެޅި މީހުންގެ އަދަދު އަދި ސާފެއް ނުވެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ހިންގި ހިޔާ މަޝްރޫއުގެ ދަށުން އިމާރާތްކުރި 6،720 ފްލެޓް ލިބުނު މީހުންނަށް އެ ތަންތަން ދައްކައިލުމަށް ފަހު، މިހާރު ކުރިއަށް ގެންދަނީ އެއްބަސްވުމުގައި ސޮއިކުރުމުގެ ކަންކަމެވެ. އެކަމަކު މި އީދު ބަންދަށް ސޮއިކުރުން މި ވަގުތަށް މެދުކަނޑާލާފައި އޮތް ނަމަވެސް ފްލެޓް ލިބުނު މީހުންނާ އެކު އެއްބަސްވުމުގައި ސޮއިކުރުން އަންނަ އާދިއްތަ ދުވަހު އަނެއްކާވެސް ފަށާނެ އެވެ.

ފިނިޝިންގެ މަސައްކަތް ނުނިންމައި ފުރަތަމަ ފަހަރަށް ދޫކުރާ މި ސޯޝަލް ހައުސިން ޔުނިޓްތަކުގެ ސާވިސް ފީއާ އެކު މަހު ކުލީގެ ގޮތުގައި 8،500ރ. އެޗްޑީސީ އަށް ނަގާނެ އެވެ. އެކަމަކު އެ ކުލި ކުޑަކުރުމަށާއި ފިނިޝިން ނިންމުމަށްދޭ ތިން މަސް ދުވަހުގެ މުއްދަތު އިތުރުކޮށްދިނުމަށް ފްލެޓް ލިބުނު މީހުންދަނީ އާދޭސް ކުރަމުންނެވެ.

23 ކޮމެންޓް, 5 ރިއެކްޝަންސް

icon happy icon happy 20%
icon sad icon sad 0%
icon angry icon angry 60%
icon wow icon wow 20%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ޙަމީ

23 July 2021

ނޫސްވެރިޔާ އަޅެ ސުވާލުކޮށްލަދީބަ ބާލީ ފްލެޓްތަކަށް ވީ ގޮތް. ދެމަފިރިންނަށް ފްލެޓް ލިބުނު މީހުންގެ ތެރެއިން ދިނީ އެކަކަށްތާ…އެގޮތަށް ކެންސަލްވީ ފްލެޓްތަކަށް ވީގޮތުގެ ވާހަކަ ދައްކާ މީހަކުނެތް

The name is already taken The name is available. Register?

މަހޭބެ

22 July 2021

ޚިރިއާވެސް ގޮތެއް އޮތްމީހަކުވިއްޔާ ބަދަލުކުރާނެ... ހާދަހާވެސް ކިބަޅިކޮށޭ އެތަން ހުރީ މާފުށީ ޖުވެސް ބަލާލަން ރީތި. އެހުންނޫންވާނި ބޮޑުމީހާ 3 ބިލިއަން ރުފިޔާ ކައްވާލިވިއްޔަ...

The name is already taken The name is available. Register?

ޖޫން

23 July 2021

ހާދަހާ ހިތުގަ ހަސަދަބައި ބޮޑޭ. ޔާމީނުވެސް އެވަރު ކޮށްފިތާ، މިއުޅޭ މީހާއަށް މިއުޅެނީ ގަލެއްވެސް ބާއްވާ ނުލެވިގެން

The name is already taken The name is available. Register?

ބަބޫ

22 July 2021

އެއީ ފްލެޓް ލިބުން ހައްގު ނުވާމީހުންށް ފްލެޓް ދިނީނަ ވާގޮތް. މާލޭގެ ގެދޮރުވެރިންނަށްވެސް ފްލެޓް ލިބިފަ އެބަހުރި. 3 ކޮޓަރީގެ ލަގްޒަރީ ތަންތަނުގަ އުޅެފަދާމީހުން އެއީ. އަހަރެމެން މިއުޅެނީ ބޮލައް ވެއްޓޭ ހިސާބުގަ ހުރި ތަންތަނުގައި. ސަރުކާރަށް ހިދުމަތް ކުރާތާ 14 އަހަރު ދަރިޔަކު އެބަހުރި ބަލަން މިސްކުޅި ބައްޕަޔަކު އެބަހުރި. ތިޔަ ތަނުން ނުލިބުނު

The name is already taken The name is available. Register?

ނުހާސ

22 July 2021

ވައިބާ ލިއްކު ލިބޭނެތޯ..

The name is already taken The name is available. Register?

މަކަރުވެރި ސިޔާސީވެރިން ތި

22 July 2021

ހިތުން ޔާމިންގެ އަގު ވައްޓާލަން ފުލެޓްް ނުނިންމައި ހަވާލު ކުރަނީ. ކުރީ ސަރުކާރުން ކުރި ކަމެއް ވީމައި ސިޔާސީ ކޮށްލީ. ރާއްޖޭގެ ސަރުކާރު ތަކުން ކުރާ ވަރަށް ނާތަޙްޒީ ބު ކަމެއް އެއް ސަރުކާރުން ކުރާ ކަންކަމާއި ޕްރިޖެކްޓް ތައް ހަލާކު ކޮށް، އަގުވައްޓައިލުން. ބަދަލުހިފަނީ. މީގެ ހުރިހާ ގެއްލުމެއް ލީ ބެނީ ރައްޔިތުންނަށް. ދުނިޔޭގެ ކޮންގައުމެއްގައިތޯ ދައުލަތުގެ ބޯހިޔާވަހިކަމުގެ ޕްރިޖެކްޓެއް ނިންމަން ރައްޔިތުންނާއި ހަވާލު ކުރީ.. ?

The name is already taken The name is available. Register?

އެވެރިންނަށް ހެއްލޭ މީހުން

22 July 2021

ހިތުން މޮޅުވާހަކައެއް ދައްކާނަމޭ ހިތާބުނިއެއްޗެއް. އެކަމަކު ހަގީގަތަކީ ފުލެޓު އިމާރާތް ކުރަން ހަވަލުކޮށްފައިއޮތީ އެންމެ ބޮޑު އަގުހުށަހެޅި އެއްފަރާތާއި. އަދި އަގަށް ބަލާއިރު އެއީ 900 އަކަފޫޓުގެ ތަނެއް ފިނިޝިންއާއި އެކު ނިންމޭނެ ވަރުގެއަގެއް. އެކަމަކު މިކޮންޓްރެކްޓުގަ ފިނިޝިން ނުހިމެނޭ. ދެން ފިނިޝިން ނިންމަންޖެހެނީ އިތުރު ލޯނެއް ނަގައިގެން. އަދި އެވަރުންވެސް ފުލެޓު ދޭންޖެހޭނީ 5000 ރިފިޔާ އަށޯ، ހުރިހާ ހަޑިއެއް ހާވާފައި އައިސްހުރެ، މޭޔަރު އެބަގޮވާ.

The name is already taken The name is available. Register?

ހެއްލޭ މީހާ

23 July 2021

ލޯނު ފިނިޝިންގްއަށް ލޯނު ނުނަގަން ނިންމީ ޔާމީން ބުނެގެންތަ؟ ތަން ނިންމާ ހަވާލު ކުރަން ޖެހޭ ތާރީހަށް ނުނިންމުނީވެސް ޔާމިން ބުނީމަތަ. ތަން ހަވާލު ނުކުރެވިގެން އިންޓްރެސްޓް އެރީމަ އިތުރު ލޯނެއް ބޮޑު އިންޓަރެސްޓްގަ ނެގީވެސް ޔާމިން ބުނެގެންތަ. މީ ހަމަ ނާގާބިލް ސަރުކާރެއް، ސިޔާސީ މޮޅު ސްޓަންޓެއް ޖައްސަން ހަދައިގެން ތޮޔޮތީ އަތަށް ގޮވާފަ

The name is already taken The name is available. Register?

ޙަބީބު

22 July 2021

ރައިސްޔާމިނު ދެންވެސް ހޮއްވަވަންވީ އޭރުން ދެންވެސް 3 ޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮޮ ކޮޓަރީގެ ފުލެޓު އަޅާފަ ތިޔަވަގުތީ ހިޔަތަކުން އަލަތު ކައިވެންނައް ޖާގަދީފަ ރަނގަޅު ބަދަލެއް ފެންނާނީ

The name is already taken The name is available. Register?

ދެރާ

22 July 2021

ޝުކުރިއްޔާ، ހިޔާ ޔުނިއަން. އަޅުގަނޑު ޢާންމު އެކުވެރި ގުޅުމުގެ "ކޮތަރު ކޮށި" ވައިބަރ ގްރޫޕު"ން ފެނުނު ފްލެޓް ބަދަލުކުރާ ފޯމް ފުރައިގެން ޖަވާބެއް ނުލިބި އިންތިޒާރުގަ ހުރީ، އެކަމަކު ފަހުން އެތަނުގެ ލޯގޯއަކާއި އެކު އެހެން މީހެއްގެ ފްލެޓް އެކްސްޗޭންޖް ކޮށްދޭނެ ފަރާތެއް ހޯދަން ޕޯސްޓެއް ދައުރުވާތީ ފެނިގެން، ވާނުވާ ނޭގި ދެރަަވެ، މިކަން ފްރެންޑަކާ ޝެއަރ ކޮށްލީމަ ހިޔާ ޔުނިއަން ގްރޫޕަށް އެޑްކޮށްދިނީ، މިހާރު ފެމިލީމީހަކާއި އެއްފްލޯރގަ. އަލްޙަމްދު ލިއްލާހި.

The name is already taken The name is available. Register?

ޢަލަި

22 July 2021

ވަކި ސަރުކާރަކުން ކޮށްފަ އޮތްކަމެއްވީމަ ޖެއްސުން ކުރާހެން ހީވަނީ. ކުރީ ސަރުކާެުރުން ކޮށްފަ ހުރިކަން ކަން ރަނގަޅުކުރަން އަހަހރެން މިސަރުކާރަށް ވޯޓް ދިނީ. އެކަމަކު މިކިޔަނީ ކުރީ ސަރުކާރުކޮށްފަ އޮތްކަމެއްވީމައޭ އަނެކައްޗެކޭ. ސޯޝަލް ހައުސިްނ އަކީ އެންމެ އާދައިގެ މީހާއަށްވެސް ހަމަޖެހިލައިގެން އުޅެވޭ ވަރުގެ ތަނެއް. އެކަމަކު މިސަރުކާރުން އައިސް3 އަހަރު ވަންދެން އެތަން ނުދީ އެތަނަށް އެރި ޖޫރިމައިނާވެސް އަތުލަނީ ނިކަމެތިމީހާ ގެ ދިޔަފެލައިގެން.

The name is already taken The name is available. Register?

ާއަންނި

22 July 2021

ކޮބާ 2500 ފުލެޓް

The name is already taken The name is available. Register?

އައްޑޫ ކޮއިޔާ

21 July 2021

ހިޔާ ޔޫނިއަން އަކީ ފުލެޓް ތަކުގައި އުޅޭމީހުންގެ އަދަދަށްބަލައިގެން ސިޔާސީ މަންފާ އެއްނަގަން އުޅޭ ބައެއް. ވައިބާ ގްރޫޕްގައިވެސް ލިޔަން ޖެހެނީ މުޅީންވެސް އެމީހުންނަށް ސަނާކިޔާފައި. ނޫނީ އެމީހަކު ބޭރުކޮށްލާ އެބަ. ތިޔަ ޔޫނިއަންރަޖިސްޓްރީ ކޮށްގެން އުޅޭ ކިތަށްމީހުންނަށް ބާ ތިޔަތަނުން ފުލެޓް ލިބިފައިހުރީ. ވައިބާ ގުރޫބްގައި ފުލެޓް ބަދަލުކުރަން އަމިއްލަ އަށް އެޑެއް ޖެހީމަވަސް ވަގުތުން ބޮލޮކް ކޮށްލީ. ކޮންމެ ކަމެއްވެސް އެމީހުން ތުރޫކޮށްދާންޖެހެނީ.

The name is already taken The name is available. Register?

ޥއޖސމސ

21 July 2021

އައްޑޫ މީހުން ބޮލުގަެި ތުހުމަތު އަޅުވަންޏާ ބަސް ދަސްކޮށްގެން ލިޔަންވީނު. ކޮއިޔާ އެކެޭ ނުކިޔާނެ އައްޑޫ މީހުނެއް.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454