ރައީސް ވިދާޅުވީ، މި ސަރަހައްދުގެ އެއްގަމާއި ކަނޑާއި ވައިގެ މަގުން ބެލެހެއްޓޭނެ ވަރުގެ މަދަދު ރާއްޖެ އަށް ލިބުމަކީ ކުށްވެރިންނަށް ކެތްވާ ވަރުގެ ކަމެއް ނޫން ކަމަށް.
މަސްވެރިންގެ ދުވަހުގެ ޖަލްސާގައި ރައީސް ވާހަކަ ދައްކަވަނީ-- ފޮޓޯ: ރައީސް އޮފީސް
10 ޑިސެމްބަރ 2021 - 23:17
144 comments
ރާއްޖޭގެ މިނިވަންކަމާއި ސިޔާދަތު ރައްކާތެރި ކުރުމަކީ މަސްދޯންޏަކަށް ވުރެ ޑްރަގް ބޯޓު ފަހަރު ގިނަވާން ދޫކޮށްލުން ނޫން ކަމަށާއި އެ ކަންކަމުން ރައްކާތެރިވުމަށް ރާއްޖެއާ އަވަށްޓެރި ގައުމުތަކުން މަދަދު ލިބުމަކީ ކުށްވެރިންނަށް ކެތް ވާނެ ކަމެއް ނޫން ކަމަށް ވިދާޅުވެ، އިދިކޮޅު ހަރަކާތައް ރައީސް އިބްރާހިމް މުހައްމަދު ސޯލިހު މިރޭ ރައްދު ދެއްވައިފި އެވެ.
މި އަހަރުގެ މަސްވެރިންގެ ދުވަހުގެ މުނާސަބަތުގައި ކ. ގާފަރުގައި ބޭއްވި ޖަލްސާގައި ރައީސް އެ މޭރުމުން ވާހަކަފުޅު ދެއްކެވިއިރު، ރާއްޖޭގައި ތިބޭ އިންޑިއާގެ ސިފައިން ފައިބައިގެން ދިއުމަށް ގޮވާލައި އިދިކޮޅު ޕީޕީޕީއެމް/ޕީއެންސީން ވަނީ ކެމްޕެއިނެއް ފަށައިފަ އެވެ. އެ ޕާޓީން މާލޭގެ ކާނިވާ ސަރަހައްދުގައި މިރޭ ބޭއްވި ޖަލްސާގައި ވެސް ވަނީ އިންޑިއާގެ ސިފައިންނާ ދެކޮޅަށް އަޑު އުފުލައިފަ އެވެ.
ގާފަރުގައި އޮތް ޖަލްސާގައި ރައީސް ވިދާޅުވީ، ބަދަލުވަމުންދާ ދުނިޔޭގެ އޮއިވަރާއި ކާރޫބާރޫގެ ތެރެއިން ނުރައްކާތެރި އުދަބާނީއެއް ރާއްޖޭގެ ހުރަހަށާއި ދިގަށް ހިނގާ ކަމަށެވެ.
ބައިނަލްއަގްވާމީ ބޮޑެތި ޑްރަގް ނެޓްވޯކުތަކުން ހަރަކާތްތެރިވަމުންދާ ކަމަށާއި ޓެރަރިޒަމާއި ވަގު ވިޔަފާރި އާއި ހަތިޔާރުގެ ޣައިރު ގާނޫނީ މުއާމަލާތުތައް ހިންގާ ފަރާތްތައް ރާއްޖޭގެ ކަނޑުގެ ސަރަހައްދުގައި ވެސް ހަރަކާތްތެރިވާ ކަމަށް އެ މަނިކުފާނު ވިދާޅުވި އެވެ.
"އަޅުގަނޑުމެންގެ ސަރަހައްދު ބެލެހެއްޓުމުގައި އަވަށްޓެރި ގައުމުތަކާ ގުޅުން ބަދަހި ކުރުމަކީ މި ދެންނެވި މީހުން ރުހޭނެ ކަމެއް ނޫން،" ރައީސް ވިދާޅުވި އެވެ.
ސަރުކާރުގެ ބައެއް އިސްވެރިން ތުހުމަތު ކުރައްވާ ގޮތުގައި ރާއްޖޭގައި ތިބޭ އިންޑިއާގެ ސިފައިންނާ ދެކޮޅު ކެމްޕެއިނެއް އިދިކޮޅުން ފަށައިގެން އުޅެނީ ރާއްޖޭގައި ހިންގާ މަސްތުވާތަކެއްޗާ ދެކޮޅު އޮޕަރޭޝަންތަކަށް އިންޑިއާގެ ކަނޑުގެ ސިފައިންގެ އެހީތެރިކަން ދޭތީ އެވެ. ދާދި ފަހުން ވެސް ރާއްޖޭގެ ކަނޑުގެ ސަރަހައްދުގައި ހަރަކާތްތެރިވި ޑްރަގް ނެޓްވޯކެއް އަތުލައިގަތީ އިންޑިއާގެ އެހީތެރިކަން ލިބިގެންނެވެ.
ރައީސް އިބްރާހިމް މުހައްމަދު ސޯލިހު މިރޭ ވިދާޅުވިގޮތުގައި، މި ސަރަހައްދުގެ އެއްގަމާއި ކަނޑާއި ވައިގެ މަގުން ބެލެހެއްޓޭނެ ވަރުގެ މަދަދެއް ރާއްޖެ އަށް ލިބުމަކީ ކުށްވެރިންނަށް ކެތްވާ ވަރުގެ ކަމެއް ނޫނެވެ. ދިވެހި ދައުލަތުގެ އެއްވެސް ސަރަހައްދެއް އެފަދަ ބޭނުންތަކަށް ދޫނުކުރައްވާނެ ކަމަށް އެ މަނިކުފާނު ވިދާޅުވި އެވެ.
"ރާއްޖޭގެ މިނިވަންކަމާއި ސިޔާދަތާއި އިސްތިގްލާލަކީ މަސްދޯނި ފަހަރަށް ވުރެ ޑްރަގް ބޯޓު ފަހަރު ގިނަ ވާން ދޫކޮށްލުމެއް ނޫން. އެ ކަމެއް ނުކުރާނަން. ކުރިއަކަށް ނުވެސް ދޭނަން،" ވަރަށް ހަރުކަށި އިބާރާތުން ރައީސް ވިދާޅުވި އެވެ.
ޑިފެންސް މިނިސްޓަރު މާރިޔާ އަހުމަދު ދީދީ ވެސް ކުރިން ވަނީ "އިންޑިޔާ އައުޓް" ކެމްޕެއިނަކީ ރާއްޖެ ސަރަހައްދުގެ ސަލާމަތީ ކަންކަން އިންޑިޔާ އިން ބަލަހައްޓައި ގާނޫނާ ހިލާފު ކަންކަން ހުއްޓުވާތީ ހިންގާ ކެމްޕެއިނެއް ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަބޫލުކުރަން އުނދަގޫ
12 December 2021
ތިވަރަކުން އަދި ޖަސްޓިފައި ނުވޭ. އެހެންވީއިރު، އެމީހުންނަށް އިމްތިޔާޒުތައް ސިއްރުވާންޖެހެނީ ކީއްވެ. ތިބީ ކިތައް މީހުން އެނގެން ނުޖެހެނީ ކީއްވޭ. އެމީހުންގެ އިޚްތިޞާސް ހާމަނުކުރެވެންވީ. އެޓް ލީސްޓް މިކަންކަން ހާމަނުކުރެވޭ ސަަބަބުން ބުނެދެވެންޖެހޭ ދޯ. އެންމެ މަދު މިނުން އެ މިންވަރު އެނގުމުގެ ހައްގުވެސް ދިވެހި ރައްޔިތުންނަށް ނެތިއްޔާ ދެއްކީއްކުރާ ވެރިކަމެއްތޯ. އެހެންވީއިރު ކޮންޓްރެކްޓް އުސޫލުން ދިވެހި ވެރިކަންވެސް ބޭރުބަޔަކަށް ދޭޭވިދާނެ ނޫންބާ؟
ހަސަނު
12 December 2021
ކުރިން ބިއްޖެހިފަ ޑުރަގު ބޯމީހުން ނުފެންނަނީ އެމީހުންނަށް ވާވަރަށް ބަރާބަރަށް ލިބެމުންދާތީ.. މިހާރު ގިނަ ޝިޕްމަންޓުތައް އަތުލާތީ އެ ބޯމީހުން އާވާރާވެގެން އުޅެންޖެހެނީ ރަށުތެރޭ. އެ ނުލިބޭތީ.. މި ބޮޑު އިންޑިއާ ކަނޑުގަ އިންޑިޔާ ސިފައިންގެ އެހީތެރިކަމާއެކު ނޫން ގޮތަކަށް އެވަރު ކަންކަމެއް ނުކުރެވޭނެ.. އެކަމާ ރުޅިއަންނާނެ އެ އެތެރެ ކުރަ މީހުން.. އިންޑިޔާ އައުޓުވެސ ގޮވާނެ..
އިމަނާ
12 December 2021
ރައީސް ޞާލިޙް ތިޔަވިދާޅުވަނީ ހަމަ ރަގަޅަށްތޯ؟ އަހާލަން ހާދަ އުނދަގުލޭ. އަދި ހަމަ ރައީސް ޔާމީނު ތިޔަ ދައްކަވާ ވާހަކަފުޅުވެސް ގަބޫލުކުރަން ހާދަ ދައްޗޭ. ރަގަޅު ވާހަކަފުޅު ތެރޭގައި އެތައްދޮގު ތަކެއް ހެއްދެވުމުން އަޅުގަނޑުމެން ހަދާނީ ކިހިނެއްތޯ؟ މިވެސް ސުވާލެއް. ޖަވާބަކަށް އަންނަނީވެސް ސުވާލެއް. އަޅުގަނޑުމެންވެސް ހަމައިންކެނޑި ހިތުހުރި ވާހަކައެއް ދައްކަންވީތޯ؟ ހިތުހުރިހާ ދޮގެއްހަދާފަ، މޮޅުވާހަކައެއްކަމަށް ހަދާފަ ހުންނަންވީތޯ؟
ގަވަރނަރ
12 December 2021
މަނިއްޕުޅު ދިވެހި ރައްޔިތުންދެކެ ހާދަކޯފާވެފަ ތިޔަހުންނެވީ. ތިޔަހެން ނޫޅުއްވާ. އަނެއްކާ އަވައްޓެރި ޤައުމުގެ ގަވަރނަރު ނުރުހުންފުޅު ވަޑައިގެންނެވީތޯ. މަނިއްޕުޅާ ތިޔަ ޗައްކަރު މީހާރުން މިހާރަށް ހުއްޓުވާލައްވާ. ދިވެހިންތިބީ އިންޑިޔާއަށް މިޤައުމުން އެންމެ އިންޗިއެއްވެސް ދޭގޮތަކަށެއްނޫން. 2023 މޑޕއަށް ވަރަށް ހިތިވާނެ. ޥ.ވެދުން ގަވަރނަރަށް
ޢަލްއިސްލާޙް
11 December 2021
ޑްރަގް ބޯޓެއް އަތުލެވޭވަރު ކަމެއްވެސް ކުރެވެނީ ޤައުމު އަޅުވެތި ކޮށްގެންތަ؟
ބަޑިއެދުރުކަލޭގެ
11 December 2021
މަނިކުފާނު ތި ވިދާލުވާ ކަމެއްގެ ކުރަން އިންޑިޔާގެ އުނގަށް ވެއްޓުނުފަހުން ، އެ ގައުމުގެ ރައްޔިތުން މިގަުމުގެ މުއައްސަސާތަކުގައާއި ކަރާމާތްތެރި ތަންތަނުގައި އިސްލާމް ދީނަށް ތައުހީނުކުރުމުގެ އަމަލުތައް ފާލުގައި ހިންގުން އަންނަނީ އިތުރުވަމުން. ސަބަބު ވަރަށް ސާފު ، އެފަދަ ކަންކަމަށް ފިޔަވަޅު އެޅޭވަރަށްވުރެ ސަރުކާރުވަނީ އިންޑިޔާގެ ބާރާއި ނުފޫޒުގެ ދަށުގައިކަން އެމީހުންނަށް ޔަގީންވާތީ!
ބޮނބިއަރި
11 December 2021
ބުނާ ކޮންމެ ބަހެއްގެ ކުރިޔަށް ދީންލާތި. އޭރުން ކަލޭމެންގެ ދީންވެރިކަން އެނގޭނީ. ބައިތުލް މާލުން ވައްކަންކުރުމާއި މީހުންގެ ހައްގުތަކައް އަރައިގަތުމާއި ބޭއިންސާފުވެރިވުމާއި ކަރަޕްޝަނާއި ފަސާދައާއި ބަޣާވާތަކީވެސް ދީނުގައި ހުއްދަވެގެންވާ ކަންތައްތައް؟
ރާޒީ
11 December 2021
ރާއްޖޭގެ ރިސޯސަަސްތައް ބޭނުންކޮށްގެން އަދި ގައުމީ މުއްސަނދިކަން ބެނުންކޮށްގެން ވެެރިކަންކުރަން ރައީސަކު އިންތިޚާބުކުރީމަ ގޮސް ގައުމުގެ އިސްތިގްލާލު ގުރުބާންކޮށް އެހެން ގައުމެއްގެ ސިފައިން މެދުވެރިކޮށްގެން ގައުމުގެ އަމަން ބަލަހައްޓަން އުޅުމަކީ ވަރަށް މޮޔަކަމެއް! ޢެއީ ބުއްދި ސަލަމަތުން ހުރި ވެރިޔަކު ކުރާނެކަމެއް ނޫން!
ގައުމީދޫ 01
11 December 2021
ރާއްޖޭގައި އެއްވެސް ގައުމެއްގެ ސިފައިން ގާއިމްވެ ތިބެން ފުރުސަތު ދިނުމަކީ ގައުމަށް ޣައްދާރުވުން.. އެކަން ދިފާއު ކުރެވޭނެ ގޮތެއް ނޯއްނާނެ!
ޢަޅެފަހެ
11 December 2021
ދެން ހަމަ ތިހެން ބުނީމަ ވީ އަހަރުމެން 2023 ގައި ތިބޭފުޅާއަށް ވޯޓު ދޭން؟ ދައުރުގެ 5 އަހަރު ނިމެނީ ވީ ކަމެއް ހަރާމު. ޕާޓޭންނާ ހެދި މާލޭގައި ދިރިއުޅެން އުނދަގޫވުން ނޫން ކަމެއް ތިބޭފުޅާގެ ދައުރުގައި ނުވި. މިނިވަންކަން ވެސް ލިބުނީ ޑްރަގް އެޑިކްޓުންނަށް. ރައްޔިތުމީހާއަށް 1 ކޮޓަރީގެ ފުޅެޓެއްްހާ ހިސާބުވެސް ނުދެވުނު. ސިއްހީ ނިިޒާމް ބޮއްސުންލާފަ. ޔާމީނު އެޅިި އުސް ޓަވަރުތަކުން ނުނެެއްޓިގެން އާސޯހުވެގެން އުޅޭތަން އަބަދުފެންނަނީ މިސަރުކާރުގެ ވެރިން.
ކުދޫ
11 December 2021
އަޅެ ނިކަން ބުނެބަލާށެވެ. ދިވެހިރާއްޖެއަށް އެތެރެވާ ޑުރަގް އެއްދުވަހުން އަނެއްދުވަހަށް ވަނީ މަދުހެއްޔެވެ؟ ނުވަތަ އިތުރު ހެއްޔެވެ؟ ބޭނުން ކުރާމީހުން ވަނީ އިރުހެއްޔެވެ؟ ނުވަތަ މަދުހެއްޔެވެ؟
މުދި
11 December 2021
ތީގެން ސާބިތުވަނީ ކޮންކަމެއް؟ ތިސުވާލުގެ ޖަވާބުތައް ތިޕާޓީއިން ހޯދާ!