ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

އިންޑިއާއަކީ ކޮންމެ ވަގުތެއްގައި ވެސް ބަރޯސާވެވޭނެ ގައުމެއް: ޝާހިދު

ފޮރިން މިނިސްޓަރު އަބްދުﷲ ޝާހިދު އާއި އިންޑިއާ އިން ރާއްޖެއަށް ކަނޑައަޅުއްވާފައި ހުންނަވާ ހައި ކޮމިޝަނަރު، ބައްދަލުކުރައްވަނީ،. -- ފޮޓޯ: ފޮރިން މިނިސްޓްރީ

މާއިދާ މުހައްމަދު ރަޝާދު، މިހާރު

11 ޖެނުއަރީ 2022 - 18:00

8 comments

އިންޑިއާއަކީ ރާއްޖެއިން ކޮންމެ ވަގުތެއްގައި ވެސް ބަރޯސާވެވޭވެނެ ފަދަ ގައުމެއް ކަމަށް ފޮރިން މިނިސްޓަރު އަބްދުދﷲ ޝާހިދު މިއަދު ވިދާޅުވެއްޖެ އެވެ.

ޝާހިދު މިހެން ވިދާޅުވީ އިންޑިއާ އިން ރާއްޖެއަށް ކަނޑައަޅުއްވާފައި ހުންނަވާ ހައި ކޮމިޝަނަރު، މުނޫ މުހައްވަރު، ޝާހިދުގެ އަރިހަށް އިހުތިރާމުގެ ޒިޔާރާތެއް ކުރެއްވުމުން ދެ ބޭފުޅުންގެ މެދުގައި ބޭއްވި ބައްދަލުކުރެއްވުމުގަ އެވެ.

ފޮރިން މިނިސްޓްރީގައި އޮތް މި ބައްދަލުކުރެއްވުމުގައި މި ދެ ބޭފުޅުން ވަނީ ރާއްޖެ އާއި އިންޑިއާ އާ ދެމެދު އޮތް ދުވަސްވީ ގުޅުން އިތުރަށް ހަރުދަނާ ކުރުމާއި އިންޑިއާގެ އެހީގައި ރާއްޖޭގައި ކުރިއަށް ގެންދާ މަޝްރޫއުތަކާ ގުޅިގެން ވެސް މަޝްވަރާކުރައްވައިފަ އެވެ.

މިނިސްޓްރީން ބުނި ގޮތުގައި ރައީސް އިބްރާހީމް މުހައްމަދު ސޯލިހުގެ ވެރިކަމުގެ ތިން އަހަރުގެ ތެރޭގައި އިންޑިއާ އާއި ރާއްޖޭގެ ގުޅުން އައިސްފައިވާ ހިސާބާ މެދު ހިތްހަމަޖެހިވަޑައިގެން ދެ ބޭފުޅުން ވެސް ވާހަކަ ދެއްކެވި އެވެ.

High Commissioner of India to Maldives, H.E. Munu Mahawar paid a courtesy call on the Minister of Foreign Affairs of Maldives H.E. @abdulla_shahid

📃 Press Release | https://t.co/MwQmFkDSrV pic.twitter.com/1miSq764kl
— Ministry of Foreign Affairs 🇲🇻 (@MoFAmv) January 11, 2022

ޝާހިދުގެ ވާހަކައިގައި ވަނީ އިންޑިއާ ސަރުކާރުން ރާއްޖެއަށް ކޮވިޑްގެ ދަތި ހާލަތުގައި ވެދިން އެހީތެރިކަން ވަރަށް ބޮޑަށް ފާހަގަކުރައްވައި އިންޑިއާއަކީ އަބަދުވެސް ރާއްޖެއިން ބަރޯސާވެވޭނެ ފަދަ ގައުމެއްކަމަށް ވިދާޅުވެފަ އެވެ. އަދި ހައި ކޮމިޝަނަރު ވެސް ވަނީ ރާއްޖޭގެ ހޫނު މަރުހަބާ ފާހަގަކުރައްވައި، ދެ ގައުމުގެ ގުޅުން އިތުރަށް ބަދަހިކުރެއްވުމަށް މަޝްވަރާކުރައްވާނެ ކަމަށް ވިދާޅުވެފަ އެވެ.

އދ. ގެ 76 ވަނަ އާންމު މަޖިލީހުގެ ރައީސްގެ މަގާމަށް ހޮވިވަޑައިގެން ފަހުން ޝާހިދު ދިރިއުޅުއްވަނީ ނިއު ޔޯކްގަ އެވެ. އެކަމަކު މިވަގުތު ރާއްޖެ ވަޑައިގެން އުޅުއްވަނީ މިދިޔަ ހުކުރު ދުވަހު، ޗައިނާގެ ފޮރިން މިނިސްޓަރު ރާއްޖެ ވަޑައިގަތުުމުން އެމަނިކުފާނަށް މަރުހަބާ ދަންނަވާ ރަސްމީ މަޝްވަރާތަކުގައި ބައިވެރިވެވަޑައިގަތުމަށެވެ.

ދުވަސްކޮޅެއް ވަންދެން ޝާހިދު ރާއްޖޭގައި މަޑުކުރައްވާނެ ކަމަށް މިނިސްޓްރީން ބުނެ އެވެ.

ފޮރިން މިނިސްޓްރީ ރާއްޖެ-އިންޑިއާ އަބްދުﷲ ޝާހިދު (ކުރީގެ ފޮރިން މިނިސްޓަރު) އިންޑިއާ ޑިޕްލޮމެސީ ޑިޕްލޮމެޓުން ޑިޕްލޮމެޓިކް ގުޅުން މުނު މަހާވަރު

8 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

14 January 2022

އިންޑިއާ އަބަދުވެސް ރާއްޖެއާ ގާތްގުޅުން އޮވޭ. މައްސަލައަކީ ޗާއިނާއާ އެމެރިކާއާ އޮންނަ ވާދަވެރިކަމުގެ ތެރެއަށް ރާއްޖެ ވައްދާ ، ރާއްޖޭގެ އަމިއްލަ މިނިވަންކަމަށް ލޮޅުން އަރާވަރަށް ކަންކަން ދިއުން. މިއީ ބަލައިގަނެވޭނެ ކަންކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނެއްހެން

12 January 2022

ދެ އަނބިން އެއްވަރަށް ރުއްސައިގެން ގެންގުޅެންޖެހޭފަދަ ހާލަތެއްގަ މީހަކު ދައްކާ އުޅޭ ޒާތުގެ ވާހަކައަކާ ބޮޑަށް ވައްތަރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

12 January 2022

ކޮންމެ ވަގުތަކުވެސް އިންޑިޔާށް ބަރޯސާ ވުމަކީވެސް ހުދޫދެއް އޮންނަން ޖެހޭނެ ކަމެއް. އެކަމަކުވެސް އިންޑިޔާ މިލިޓަރީ އައުޓް. އިންޑިޔާ މިލިޓަރީ މިތާ ގެންގުޅުމުގެ ބޭނުމަކީ ނަޝީދުގެ ވެރިކަން ގެއްލުނުގޮތަށް ވެރިކަން ގެއްލިދާނެކަމުގެ ބިރަށް މިތަނުގައި ގެންގުޅޭބައިގަނޑެއް. ވަގުތުން މިތަނަށް އަރުވަން ގެނެސްފައިތިބި ބައިގަނޑެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްރަފް

11 January 2022

އިންޑިއާ އާއި ގުޅުން ބާއްވަންވެސް ހައްދެއް އޮންނަން ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޑަވެލި

11 January 2022

މިބައިގަނޑަ 2ދެވަނަ ދައުރެއް ލިބިއްޖިޔާ ރައްޖޭގެ ދުވަސްދިޔައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑަވޭ

12 January 2022

ނުދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޑިޔާ އައުޓް

11 January 2022

ޗައިނާ ބޮޑުވަޒީރު އައިމަ މޭ ކަރައިގަނެފި... ހެހެހޭ އިންޑިޔާ އައުޓް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

11 January 2022

އޮޅުދޫ ކަރަޔާ ރާއްޖެއާ ދެމެދު ބަދަހިކުރާ ގުޅުމަކީ ރާއްޖޭ ހަރިޖީ ސިޔާސަތާ ކަނޑައެޅިގެން ފުށުއަރާ ގުޅުމެއް. ރާއްޖޭގެ ހާރިޖިއްޔާއަކީ ވަކި ފަރާތަކަށް ބުރަނުވާ ސިޔާސަތެއް. މިހާރު ވަކިގައުމަކާ ގުޅުން ވަރުގަދަ ކުރުމުގެ ބޭނުމުގައި އަނެއް ގައުމު ކުޑައިމީސް އެބަ ކުރެވޭ.