އާޒިމާގެ ޝަރީއަތް އަހަރެއް ފަހުން ޝެޑިއުލްކޮށްގެން ވެސް ނުބޭއްވުނު

އާޒިމާ ކުރީގެ އަޑުއެހުމަކަށް ކޯޓަށް ވަޑައިގަންނަވަނީ: އޭނާއަށް ކުރާ ދައުވާގެ އަޑުއެހުން ވަނީ ކެންސަލް ކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

01 ފެބުރުއަރީ 2022 - 11:38

9 comments

ރައީސް އޮފީހުގެ ކުރީގެ ލީގަލް އެފެއާޒް މިނިސްޓަރު އާޒިމާ ޝަކޫރުގެ މައްޗަށް ކުރާ ދައުވާތަކުގެ އަޑުއެހުމެއް އަހަރަކަށް ވުރެ ގިނަ ދުވަސް ފަހުން މިއަދު ބާއްވަން ތާވަލް ކުރުމަށް ފަހު ކެންސަލްކޮށްފި އެވެ.

ރަސްމީ އިދާރާއަކަށް ދޮގު މައުލޫމާތު ދިނުމުގެ ދައުވާ އާއި މަނީ ލޯންޑްރިންއަށް މަގުފަހިކޮށް ދިނުމުގެ ދައުވާ އާޒިމާގެ މައްޗަށް ކުރަނީ ކުރީގެ ރައީސް އަބްދުﷲ ޔާމީންގެ އެކައުންޓަށް އެސްއޯއެފްއިން ޖަމާކުރި އެއް މިލިއަން ޑޮލަރުގެ މައްސަލާގަ އެވެ.

އެ މައްސަލާގެ އަޑުއެހުމެއް އެންމެ ފަހުން ބޭއްވީ 2020 ވަނަ އަހަރު އެވެ. މިއަދު ބާއްވަން ތާވަލްކުރި އަޑުއެހުން ކެންސަލްވީ އާޒިމާގެ ވަކީލުންގެ ޓީމުގައި ހިމެނޭ ވަކީލަކު ކަރަންޓީންގައި ހުރުމުން ކަމަށް ކްރިމިނަލް ކޯޓުން ބުންޏެވެ.

ދޮގު މައުލޫމާތު ދިނުމުގެ ދައުވާ އާޒިމާގެ މައްޗަށް ކުރަނީ ޔާމީންގެ އެކައުންޓަށް ޖަމާވި އެއް މިލިއަން ޑޮލަރު އެންޓި ކޮރަޕްޝަން ކޮމިޝަން (އޭސީސީ) އާ އެކު އެމަނިކުފާނު ހެދި އެސްކްރޯ އެކައުންޓަށް ޖަމާކޮށްފައިވާ ކަމަށް ބުނެ އޭސީސީއަށް އާޒިމާއަށް ދޮގު މައުލޫމާތު ދެއްވި ކަމަށް ބުނެ އެވެ. އަދި މަނީ ލޯންޑްރިންއަށް މަގުފަހިކޮށް ދިނުމުގެ ދައުވާ ކުރަނީ އެ ފައިސާ އެސްކްރޯ އެކައުންޓަށް ޖަމާނުކޮށް، އިންވެސްޓްމަންޓް އެކައުންޓަކަށް ބަދަލުކުރަން އާޒިމާ މަސައްކަތްކޮށް، އެ ފައިސާ އަސްލު އޮޅުވާލަން އުޅުނު ކަމަށް ބުނެ އެވެ.

އާޒިމާގެ މައްޗަށް ދައުވާ ކުރާއިރު، އެ މައްސަލާގައި ޔާމީންގެ މައްޗަށް މަނީ ލޯންޑްރިންގެ ކުށުގައި އިއްވި ފަސް އަހަރުގެ ޖަލު ހުކުމް ސުޕްރީމް ކޯޓުން މިދިޔަ އަހަރު ވަނީ ބާތިލްކޮށްފަ އެވެ.

ކުށްކުރުން އާޒިމާ ޝަކޫރު ކްރިމިނަލް ކޯޓް އެމްއެމްޕީއާރުސީ މަނީ ލޯންޑްރިން

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖުމާ

01 February 2022

މައުމޫނަކާ މިކަމަކަާ ނުބެހޭ. މިކަމާބެހުނީ ޔާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމޭ

01 February 2022

އަވަހަށް ޙުކުމް އިއްވާދީ. އަމިއްލަައސް ސޮއިކޮށް، ރައީސް އޮފީހުން ފޮނުވި ސިޓީތައް އެހުރީ ފެންނަން. މިފަހަރު ސަލާމަތެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނުހީނާ

01 February 2022

ދަށުންދަމާ ކުޅެފަހުރިވަރު ތިފެންނަނީ! ތިކަމެއް ނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

01 February 2022

ތީގެން ވެސް އެންގެނީ ޖުޑިޝަރީ ގެ މިނިވަން ކަން، ބާ ކައުންސިލް ގެ ހީވާގިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

01 February 2022

ނަން ވާނީ ގޭންގު މީހުން. ވަކީލަކު ބަލި ވުމަކީ ވެދޭނެ ކަމެއް.. އެހެން ވެދާނެތީ ބޮޑު ޓީމެއްގެ ވަކީލުން ތިބެން މި ޖެހެނީ.. މަށަށް ގޯހީ އާޒިމައެއް ވަކީލުންނެއް ނޫން. ގޯހީ ކޯޓުތަކާ ކުޅުމުގެ ފުރުސަތުދޭ ފަނޑިޔާރު...