މެޖިސްޓްރޭޓަކު ހައި ކޯޓުގެ އަމުރެއް ސަސްޕެންޑްކުރަން އަމުރު ނެރެފި

ހިތަދޫ ޕޮލިސް ސްޓޭޝަން: ހައި ކޯޓު އަމުރެއްގެ ދަށުން ބަންދުކޮށްފައި ހުރި މީހަކު އެ އަމުރު ސަސްޕެންޑް ކުރުމަށްފަހު ދޫކޮށްލަން ހިތަދޫ ކޯޓުން ވަނީ އަމުރު ކޮށްފައި

މުއިއްޒު އިބްރާހިމް، މިހާރު

21 ފެބުރުއަރީ 2022 - 15:50

12 comments

ރާއްޖެއަށް 98 ކިލޯގެ މަސްތުވާތަކެތި އެތެރެކުރި މައްސަލާގައި ދައުލަތުން ދައުވާކޮށްފައިވާ މީހަކު ހައި ކޯޓުގެ އަމުރެއްގެ ދަށުން ޝަރީއަތް ނިމެންދެން ބަންދުކޮށްފައި ވަނިކޮށް އެ އަމުރު ސަސްޕެންޑްކޮށް، އެ މީހާ ދޫކޮށްލަން އައްޑޫ ހިތަދޫ ކޯޓުން އަމުރު ނެރެފި އެވެ.

ކަނޑުމަގުން 2020 ވަނަ އަހަރު އައްޑޫއަށް 98 ކިލޯގެ މަސްތުވާތަކެތި އެތެރެކުރަނިކޮށް އަތުލައިގަތް މައްސަލާގައި ދައުވާލިބޭ ހިތަދޫ މަންދޫބުގޭ، ރުޝާން އަހުމަދު ދީދީ މިހާތަނަށް ހުރީ ހައި ކޯޓުގެ އަމުރެއްގެ ދަށުން ޝަރީއަތް ނިމެންދެން ބަންދުކޮށްފަ އެވެ. އޭނާ ޝަރީއަތް ނިމެންދެން ބަންދުކުރަން ހައި ކޯޓުން އޮކްޓޫބަރު، 2020 ގައި އަމުރު ނެރުނީ ވެސް ހިތަދޫ ކޯޓުން އޭނާ ދޫކޮށްލުމުންނެވެ.

ހައި ކޯޓުގެ އަމުރު ތިން މަހަށް ސަސްޕެންޑް ކުރުމަށް ފަހު ރުޝާން ބަންދުން ދޫކޮށްލަން އިއްޔެ އަމުރު ނެރުއްވީ ހިތަދޫ ކޯޓުގެ މެޖިސްޓްރޭޓް ރަފީއުއްދީން އަހުމަދެވެ. އެ އަމުރުގައިވާ ގޮތުން ޝަރުތުތަކާ އެކު، އޭނާ ބަންދުން ދޫކޮށްލީ ބޭސްފަރުވާއަށެވެ.

"ހައި ކޯޓުގެ (ގަޒިއްޔާ ނަމްބަރު) ގަޒިއްޔާއިން ނިންމާފައިވާ ނިންމުން މިއަދުން ފެށިގެން 90 ދުވަހަށް ސަސްޕެންޑްކޮޮށް، މި މުއްދަތަށް ބޭސްފަރުވާގެ ބޭނުމަށް އޭނާ ދޫކޮށްފައި ބެހެއްޓުމަށް އަމުރުކޮށްފީމެވެ." އެ އަމުރުގައިވެ އެވެ.

ގާނޫނު އޮންނަ ގޮތުން މަތީ ކޯޓެއްގެ އަމުރެއް ސަސްޕެންޑް ކުރުމުގެ ބާރެއް ދަށު ކޯޓުތަކަކަށް ނޯވެ އެވެ. އަދި މަތީ ކޯޓުތަކުގެ ނިންމުންތަކަށް ތަބާވުން ދަށު ކޯޓުތަކަށް ގާނޫނީ ގޮތުން ލާޒިމެވެ.

ޕްރޮސެކިއުޓާ ޖެނެރަލްގެ އޮފީހުން ބުނީ މެޖިސްޓްރޭޓް ރަފީއުއްދީންގެ މައްސަލަ ޖުޑީޝަލް ސާވިސް ކޮމިޝަން (ޖޭއެސްސީ) އަށް ހުށަހެޅުމުގެ އިތުރުން އެ ނިންމުން ހައި ކޯޓުގައި އިސްތިއުނާފްކުރާނެ ކަމަށެވެ.

މި ނިންމުމަށް އިޝާރާތްކުރައްވައި ޕްރޮސިކުޓާ ޖެނެރަލް ހުސެން ޝަމީމް ކުރެއްވި ޓްވީޓެއްގައި ވިދާޅުވީ ހައި ކޯޓުގެ ހުކުމެއް ދިރި އޮއްވައި އެ ހުކުމް ސަސްޕެންޑުކުރުމަކީ ދަށު ކޯޓަކުން މެޖިސްޓްރޭޓަކު ކުރާ ކަހަލަ ކަމެއް ނޫން ކަމަށެވެ.

"މީހަކު ދޫކޮށްލަން ބޭނުންފުޅިއްޔާ، ރަނގަޅު ސަބަބެއް ދައްކަވާންވާނެއެވެ. މިގޮތަށް ނިންމާ މައްސަލަ ހައިކޯޓުގައި އިސްތިއުނާފުކޮށް، ޖޭއެސްސީގައި ޝަކުވާވެސް ކުރާނަމެވެ." ޝަމީމްގެ ޓްވީގައިވެ އެވެ.

ކުށްކުރުން ސ. ހިތަދޫ މަސްތުވާތަކެތި ހިތަދޫ މެޖިސްޓްރޭޓް ކޯޓް

12 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

22 February 2022

ގާނޫނުގައި އެގޮތަށް ދޫނުކުރެވޭނެ ކަމަށް އޮތް އިރު ފުލުހުން ދޫކޮށްގެން ނުވާނެ. ދޫކޮށްފިއްޔާ ފުލުހުންވެސް ހައިކޯޓުގެ އަމުރާ ޚިލާފްވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

22 February 2022

މަތީ ކޯޓެއްގެ ހުކުމެއް ދަށު ކޯޓެއްގެ ގާޒީއަކު ބާތިލުކުރާ ހިސާބުން ގާޒީ އެހުރީ ކޮންކަހަލަ ހާލެއްގަތޯ ބަލަން އެބަޖެހޭ. ފައިސާގެ ނުފޫޒު ނޫނަސް މިޒަމާނުގަ ބްލެކްމެއިލް ފަދަ މެތަޑް ބޭނުންކުރާކަން އަލީ ހަމީދުގެ ވީޑިއޯ ކޭސް އިންވެސް ހާމަވެގެން ދިޔަ. މިއީ ވަރަށް ސީރިއަސް މައްސަލައެއް. މުސްތަގުބަލަށް ބަލާއިރު މިކަންކަން ރިޕީޓް ވަމުން ދާނަމަ ގައުމުގެ ތަރުތީބު އޮޅި ވިއްސި ވިހާލި ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިތޯފީ

21 February 2022

ތިޔަ މެޖިސްޓްރޭޓަކީ ފިސާރި މެޖިސްޓްރޭޓެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

21 February 2022

ބަލަ އެއޮތީ ދޫކޮށްލާފައި ނޫންތަ؟ ރަނގަޅު ސަބަބެއްވެސް ދައްކާފައި އެއޮތީ. ބޭސް ފަރުވާއަކަށް ދޫކޮށްލީ. ލާރި ދިނީމާ ދޫކޮށްލީއެއް ނޫނެއްނު. އަދުލުގެ ނިޒާމުގެ ހަރުދަނާ ކަން ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީރާޖާ

21 February 2022

މިއީ ފައިސާގެ ބާރުގައި ހިންގާ ކަންކަން. މިކަހަލަ މެޖިސްޓްރޭޓުން ވަގުތުން ވަކިކުރަންޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

21 February 2022

ރިޕަބްލިކް އޮފް މޯލްޑިވްސް ގައި ކަންހިގާގޮތަށް ބަލާއިރު ތިކަމުގައިވެސް އަމަލު ކުރާންޖެހޭގޮތަކީ ދާދިފަހުން ދައުލަތުން އެތައްހާސް މިލިޔަން ރުފިޔާގެ ދަރަނިނަގައިގެން ކ.އަތޮޅު މާލޭގައި އިމާރާތްކުރި "ސޯޝަލް ހައުސިންގ ފްލެޓް ތަކުގައި ގެސްޓްހައުސް ހިންގަން ފެއްޓުމުން" އަމަލު ކުރިފަދަ ގޮތަކަށް. # އެހެންވީމާ މިކަމުގައިވެސް ޤާނޫނު އިސްލާޙްކޮށް "ހާލަތުއް ޒަރޫރާގެދަށުން ބައެއްހާލަތް ތަކުގައި" މަތީކޯޓްގެމައްޗަށް ދަށުކޯޓްތަކުން ގޮތްނިންމޭނެކަމަށް ކަޑައަޅުއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮފީފު

21 February 2022

މިކަމުގަވެސް ރަށު މީހާ އާ ދިމާލަށް އެއްޗެކޭ ނުބުނެ ތިޔަ އެއްޗެހި ކިޔަނީ މާލޭ މީހުންނަށް! އަޅުފަހެ އައްޑޫ މީހުން އެމީހުން ކުރާ އެއްވެސް ކަމަކަށް އަމިއްލައަށް ޒިންމާ ނެގުމެއް ނެތީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޮޗްޑޯގް

21 February 2022

މެޖިސްޓްރޭޓް ވަކި ވަރަކަށް ފިތުނީމާ އޭނައަށް ވެސް މަޖުބޫރު ވީކަން ނޭގެ ގާނޫނު ކޮންމެ ގޮތަކަށް އޮތަސް ބުނި ގޮތަށް އަމުރުނެރެން.. ނޫނީ ގާނޫނީ ސަނަދު ސެޓްފިކެޓް 1 ހާސިލްކުރަން ފުރަތަމަ މާލެ ގެންނަންވީ.