ހުޅުމާލޭގެ ދެވަނަ ފިޔަވަހީގެ ބީޗް ފްރަންޓުން ވިއްކާ ބިންތަކަށް ހުށަހެޅި ބީލަންތައް ކަނޑަނީ---ފޮޓޯ: ފަޔާޒު މޫސާ/ މިހާރު
23 ފެބުރުއަރީ 2022 - 07:59
6 comments
ހުޅުމާލޭގެ ދެ ވަނަ ފިޔަވަހިން ބިން ވިއްކުން ހުއްޓުވައިދިނުމަށް އެދި އެޗްޑީސީއާ ދެކޮޅަށް ހުށަހެޅި މައްސަލައިގައި އަމުރެއް ނެރެދެވެން ނެތް ކަމަށް ހައި ކޯޓުން އިއްޔެ ހުކުމްކޮށްފި އެވެ.
އެ މައްސަލައިގައި އެޗްޑީސީއާ ދެކޮޅަށް އަމުރެއް ނެރެދިނުމަށް އެދުނީ، ދެ ވަނަ ފިޔަވަހިން ބިން ގަތުމަށް 2017 ގައި ޝޯޓްލިސްޓްވި މ. ސާނިޔާ, ޒުލްފީނާ ރަޝީދު ނަމަކަށް ކިޔާ މީހެކެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ހުޅުމާލެ އިން ބިން ގަންނަން ހުޅުވައިލުމުން ބީލަން ކާމިޔާބުކުރި 42 ފަރާތެއް ކަނޑައަޅައި ޝޯޓުލިސްޓު ކޮށްފައިވެ އެވެ. ނަމަވެސް އޭގެ ތެރެއިން ބިން ގަންނަން ފުރުސަތު ލިބުނީ 36 ފަރާތަކަށެވެ. އެކަމަކު އެ 36 ފަރާތުގެ ތެރެއިން ބައެއް މީހުން އެކި ސަބަބުތަކާ ހެދި ބިން ނުގަނެ އެވެ.
ނަމަވެސް ޝޯޓްލިސްޓް ކުރި މީހުންގެ ތެރެއިން ބާކީ ތިބި ހަތަރު މީހުންނަށް، ލިސްޓްގެ ތަރުތީބުން ބިން ގަތުމުގެ ފުރުސަތު އެޗްޑީސީން ދީފައެއް ނުވެ އެވެ.
އެހެންވެ، އެޗްޑީސީން އަމަލު ކޮށްފައި ވަނީ އެ ކުންފުނީގެ އިއުލާނާއި ބިން ދޫކުރުމުގައި އަމަލުކުރުމަށް އެއްބަސްވެފައިވާ އުސޫލާ ހިލާފަށް ކަމަށް ޒުލްފީނާ ދެކޭތީ، އޭނާ ކޯޓުގައި އެދުނީ ބިން ގަތުމަށް 2017 ގައި ޝޯޓުލިސްޓް ކުރި ތަރުތީބުން ބިން ގަތުމުގެ ފުރުސަތު ދިނުމަށް އެޗްޑީސީގެ މައްޗަށް އަމުރު ކޮށްދިނުމަށެވެ.
އެކަމަކު، ހައި ކޯޓުން ވެސް ނިންމީ ސިވިލް ކޯޓުގެ ހުކުމުގައި ވެސް ވާ ގޮތަށް، އެފަދަ އަމުރެއް އެޗްޑީސީގެ މައްޗަށް ނެރެދެވެން ނެތް ކަމަށެވެ. .
ހުޅުމާލޭގެ ދެވަނަ ފިޔަވަހިން 60 ބިމެއް ވިއްކައިލަން އެޗްޑީސީން ޑިސެމްބަރު 27، 2021 ގައި ކުރި އިއުލާނުގައި، ކުރީގެ އިއުލާނުގެ ދަށުން ވިއްކައިލަން ހުޅުވާލި ބިންތަކެއް ވެސް ހިމަނާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަވިޔަނި
23 February 2022
ހާދަހާ ތަންދޮރު ނޭނގޭ ބައެއް އުޅޭ ގައުމެކޭ. ހުޅުމާލެއިން ގަނެ އަގުއަދާކޮށް މީހަކު ނުވަތަ ކުންފުންޏަކުން އަމިއްކޮށްފައިވާ ބިންތައްފިޔަވައި ދެންތިބީ އެޗްޑީސީގެ އަމިއްލަބިން. އެވިއްކުމާ ދިނުމާ ކުއްޔަށް ދިނުމާ އެހެނިހެން ގޮތްގޮތުން އެބިންތަކުން ނަފާ ލިބިގަތުމުގެ ހައްގު އޮތީ އެޗްޑީސީއަށް.
އިބުރީ
23 February 2022
އެޗްޑީސީއަށް ހުޅުމާލެ މިލްކުވީ ކިހިނެއް؟ ބިމެއް މިލްކުވިއަސް، މާލެ ކައުންސިލްގެ ދަށުގައި ހުޅުމާލެ އޮންނަނީ. ކައުންސިލް އަކީ ރައްޔިތުން އިންތިހާބުކުރާ ބައެއް. ގައުމުގެ ރައީސް އަދި މަޖިލީސް އަކީވެސް ރައްޔިތުން އިންތިހާބުކުރާ ބައެއް. ޑިމަކްރަސީގައި ރައްޔިތުން ބަޔަކު އިންތިހާބުކޮށް އެބަޔަކަށް ގާއުމު ހިންގުމުގެ ބާރުދޭއިރު، އެޗްޑީސީ އަކީ ކޮންތާކުން އުފަންވީ ބައެއް.
ރަދީފްއޮފިޝިއަލް
23 February 2022
މަމެންގެ ވެރިކަމެއްްގަ މިއަދު ވިއްކިހުރިހާ ބިމެއް އަތުލެވޭނެ.ދެއްކި ފައިސާ ވެސް ނުލިބޭނެ.
ހަރީފު
23 February 2022
ކަލެއަށް ލިބޭއެއްޗެއް ލިބޭނީ ގޭ ބޮޑު އަށިމަތީ ފިލާއިނދެ ކޮމެންޓް ކޮއްގެން….ހެ ހެ ހެ…އަދި ރުޅި ގަދަވެގެން މި ކޮމެންޓަށްވެސް ރިޕްލައި ކުރާނެ….ނަފްސާނީ….ހެ ހެ ހެ
ަދަދ
23 February 2022
ދެން މުއިއްޒު ލަލަލާ
ރަދީފްއޮފިޝިއަލް
23 February 2022
މުއިއްޒު ލަލަލާ އޭ ކިޔައިގެން ތި މަލާމާތް ކުރެވެނީ ދިވެހިރައްޔަތުންނަށް.މުއިއްޒުގެ 12 ބުރީގެ ގެއެއް އެބަހުރި.ނިކަމެތި ރައްޔަތުން ދޯ މިއުޅެނީ ބިން ނުލިބިގެން.