ޖީންސީ ގޯނާކުރިކަމުގެ ތުހުމަތު ކުރެވޭ ޓެކްސީ ޑްރައިވަރު ތިން ދުވަހަށް ބަންދުކޮށްފި

ހުޅުމާލެ ދެ ވަނަ ފިޔަވަހީގެ މަގުމަތި: ޓެކްސީ ޑްރައިވަރަކު ގަދަކަމުން އަންހެނަކު އެތަނަށް ގެންގޮސް ޖިންސީ ގޯނާކުރަން އުޅުނު ކަމަށް ތުހުމަތުވާ މައްސަލައެއް ވަނީ ރިޕޯޓްކޮށްފައި.-- ފައިލް ފޮޓޯ: ފަޔާޒު މޫސާ/ މިހާރު

އިފްރާޒް އަލީ، މިހާރު

08 މާޗް 2022 - 10:42

5 comments

މާލެ އިން ޓެކްސީއަކަށް އެރި އަންހެނަކު ގަދަކަމުން ހުޅުމާލޭގެ ދެ ވަނަ ފިޔަވައްސަށް ގެންގޮސް އޭނާ އަށް ޖިންސީ ގޯނާކުރިކަމުގެ ތުހުމަތުގައި ހައްޔަރުކުރި ޓެކްސީ ޑްރައިވަރު ތިން ދުވަހަށް ބަންދުގައި ބަހައްޓައިގެން ތަހުގީގު ކުރިއަށް ގެންދަން ކޯޓުން ހުއްދަ ދީފި އެވެ.

ފުލުހުން މިއަދު ބުނީ އެ މައްސަލައިގައި ހައްޔަރު ކޮށްފައިވާ އުމުރުން 41 އަހަރުގެ ދިވެހި ފިރިހެންމީހާގެ ބަންދާ މެދު ގޮތެއް ނިންމުމަށް އިއްޔެ ހުޅުމާލޭ ކޯޓަށް ގެންދިއުމުން އޭނާގެ ބަންދަށް އެ ކޯޓުން ތިން ދުވަސް ދީފައިވާ ކަމަށެވެ.

އުމުރުން 20 އަހަރުގެ ދިވެހި އަންހެނެއްގެ ނުރުހުމުގައި ހުޅުމާލޭގެ ދެ ވަނަ ފިޔަވައްސަށް ގެންގޮސް އޭނާ އަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލަ ރިޕޯޓް ކުރީ މިދިޔަ އާދިއްތަ ދުވަހުގެ ރޭ ދަންވަރެވެ.

"މިހާރު" އަށް އެނގިފައިވާ ގޮތުގައި އެ އަންހެންމީހާ ޓެކްސީ އަށް އެރީ ހެންވޭރުގައި ހުރި ގެއަކުން މާފަންނުގައި ހުރި ގެއަކަށް ދިއުމަށެވެ. އޭނާ ޓެކްސީ އަށް އެރުމާ އެކު، އޭގައި އިން ޑްރައިވަރު ޓެކްސީގެ ހުރިހާ ދޮރެއް ތަޅުލުމަށް ފަހު، ގަދަކަމުން ހުޅުމާލޭގެ ދެ ވަނަ ފިޔަވަހީގެ ބީޗަށް ގެންދިޔަ އެވެ.

Taxi akah eri anhenaku gadhakamun Hulhumale ah gengos jinsee goana kuri kamuge thuhumathu

The most trusted news source in the Maldives

Mihaaru

ބަޔަކު އެ ޓެކްސީ ޑްރައިވަރު އަތުލައިގަތް ވީޑިއޯއެއް ވެސް ސޯޝަލް މީޑިއާގައި ދައުރުވި އެވެ.

ފުލުހުން ބުނީ އެ މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.

ފުލުހުން ހުޅުމާލެ ޖިންސީ އަނިޔާ ޓެކްސީ ޑްރައިވަރުން ހުޅުމާލޭ ދެ ވަނަ ފިޔަވަހި ހުޅުމާލޭ ކޯޓް

5 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދުއްދިން

08 March 2022

މީހުންނަށް މަންޒަރު ފެނުމުގެ ކުރިން 2 މީހުން ވެސް ރުހިގެން، މީހުންނަށް ފެނި ފަޅާއެރުމުން އަންހެންމީހާ ނުރުހުނީ ކަމަށްވަނީ. ދެން ކިހިނެތް ހަދާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

08 March 2022

3 ދުވަސް ފަހުން ދެން ދޫކޮއްލައި؟ ދެން ބުނޭ ހެކިހޯދީ ގޯސްކޮންކަން، ހެކިވެސް މިިހޯދަންޖެހެނީ ކުއްވެރިއާކުރެން އަހައިފަ އޭނަބުނާ އަދި އެއްބަސްވާ ހެއްކެއް، މިއޮތީ ފައްކާ ގާނޫނު އަސާސީއެއް ހެދިފައި ޑުރަގު ޑީލަރުންގެ ފޯންތަށްވެސް ޕޮލިހުންނަށް ޓެބްކުރެވެނީ ޑީލަރއަށް ސިޓީއިން ފޯން ޓެބްކުރާކަން އަންގާފަޔޯ އަދި އެހުއްދަ ދީފިއްޔާ ކިހައި ފައްކާ ގާނޫނެއް މިގެންގުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުންޖިޗޭ

08 March 2022

ތިންދުވަސް ދިނުމުން އެނގެނީ ކުޑަ ތުހުމަތެއްކަން އޮތީ، އެކަމަކު، ޓެކްސީ ދަތުރަކަށް އަރައި މާލޭގެ އެޑްރެހެއް ބުނުމުން ހުޅުމާލެއަށް ދެވޭނީ ނުބައިނިޔަތެއް އޮވެގެންކަން ވަރަށް ސާފުކޮށް އެނގޭ، މާލެއާއި ހުޅުމާލެއަކީ އިދާރީގޮތުން އެއްރަށަކަށްވިޔަސް، ދިރިއުޅުމުގައި އެއީ ދެރަށް ކަމުގައި އަބަދުވެސްވާނީ، އަދި ވިލި މާލެވެސް ހިމެނޭނީ މިގޮތަށް، އަދި ޑްރައިވަރަށް އޮޅުމެއް އަރާނެ ތަނެއްވެސް އޮތްކަމަކަށްނުބެލެވޭ، ދެމީހުން ކުރިން ރުހިފަ ފަހުން ދެކޮޅުވެސް ވެދާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސަ

08 March 2022

20 އަހަރުގެ ކުއްޖަކު ގޮވައިގެން ގަދަަކަމުން އެހިސާބަށް ދިޔައިރު އެ ކުއްޖާ ސަލާމަތަށް އެދި އެއްވެސް ކަމެއްނުކުރެވުނީ ކީއްވެބާއޭ ހިތަށްއަރާ. އޭނާގެ ފޯނެއްވެސް ނެތީބާއޭ؟ ޑްރައިވަރަށް ދުއްވަމުން އޭނާއާ ނުބެހެވޭނެ. މާލެއިން ހުޅުމާލޭ ބީޗް ސަރަޙައްދަށް ދާންވެސް ލައްކަވަގުތެއް ނަގާނެ. ތިކަހަލަ ގިނަ މައްސަލަތަކުގައި ގިނަފަހަރަށް އަންހެންކުއްޖާގެ ރުހުމުގައި ކަންކޮށްފައި ކޮންމެވެސް ކަމަކާހުރެ ފިރިހެންމީހާގެ ބޮލަށް ކަނޑާލާތަންވެސް އާދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމް

08 March 2022

ތީ ބޮޑު ޑްރާމާއެއްހެން ހާދަ ވައްތަރޭ. ޓެކްސީ ޑްރައވަރުން ނުކުރާކަމެއްގައި ބެދި އާމްދަނީ ހުއްޓިދާނެ.ކާރުތަކުގައި ވެސް ކެމެރާ ހަރުކުރަން ފެންނަނީ 2ފަރާތުގެ ރައްކަލަކަށް