ސޯލިހަށް ކުރާ ދައުވާގެ ހުކުމް މި މަހު 29 ގައި

ސްޓޭޓް މިނިސްޓަރު ސޯލިހް ޓޫރިޒަމް މިނިސްޓްރީގެ ޕްރެސް ކޮންފަރެންސެއްގައި: އޭނާ އަށް ކުރާ ދައުވާގެ ހުކުމް މި މަހު 29 ގައި އިއްވާނެ. -- ފޮޓޯ/މިހާރު

17 މާޗް 2022 - 13:16

8 comments

ޓޫރިޒަމް މިނިސްޓްރީގެ ސްޓޭޓް މިނިސްޓަރު އަހުމަދު ސޯލިހްގެ މައްޗަށް ކުރާ ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާގެ އަޑުއެހުންތައް ނިންމާލައި މި މަހުގެ 29 ވަނަ ދުވަހު ހުކުމްކުރަން ތާވަލްކޮށްފި އެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅިގެން ކޮމިޝަން އޮން ކޮރަޕްޝަން އެސެޓް ރިކަވަރީ ކޮމިޝަނުން ތަހުގީގުކުރާ ބައެއް މައްސަލަތަކުގައި ހިމެނޭ ބައެއް ރަށްތަކާ ގުޅިގެން ތަހުގީގު ނުކުރާ ކަމަށް ބުނެ ބައެއް ފަރާތްތަކަށް ސޯލިހް ސިޓީ ފޮނުއްވި ކަމަށް ބުނެ ކޮށްފައިވާ ދައުވާގައި މިއަދު އޮތީ ދެ ފަރާތުން ހުލާސާ ބަޔާން ހުށަހެޅުމެވެ.

ދިފާއުގައި މައިގަނޑު ގޮތެއްގައި ބުނެފައިވަނީ ދައުލަތުން ޝަރީއަތަށް ހުށަހެޅި ކަންކަމަށް ބަލާއިރު ސޯލިހް ސޮއިކުރައްވާފައިވާ ސިޓީތަކުން ބަޔަކަށް ނާޖާއިޒް ގޮތުގައި މަންފާއެއް ހޯދައިދިންކަން ސާބިތު ނުވާ ކަމަށާއި ދައުލަތުން ބުނާ ރަށްތަކާ ގުޅޭ ގޮތުން ކޮމިޝަނުން އެއްވެސް ތަހުގީގެއް ވެސް ކޮށްފައިނުވާ ކަމަށެވެ.

ރަށްތަކާ ގުޅޭ ގޮތުން މިނިސްޓްރީއަށް ހުށަހަޅާ ސިޓީތަކަށް ބަރާބަރަށް ޖަވާބުދެމުން ދިޔަ ކަމަށާއި އާންމު އުސޫލުން ހުރިހާ ކަމެއް ހިނގަމުން ދިޔަ ކަމަށް ވެސް ދިފާއުން ބުންޏެވެ. ތަހުގީގުގައި ހިމެނޭ ރަށްތަކާ ގުޅޭ ގޮތުން ބައެއް ކަންކަން ނުކުރުމަށް ކޮމިޝަނުން އަންގާފައި ވަނިކޮށް އެކަމާ ހިލާފަށް ސޯލިހް އަމަލުކުރެއްވި ކަމަށް ބުންޏަސް މިހާރު ވެސް ކޮމިޝަންގެ އެ އެންގުމާ ހިލާފަށް މިނިސްޓްރީން އަމަލުކުރާ ކަމަށް ވެސް ބުންޏެވެ.

State minister Solih ah kuraa dhauvaa nimumakaa gaathah

The most trusted news source in the Maldives

ސޯލިހްގެ މައްޗަށް ކުރާ ދައުވާ ސާބިތުކުރުމަށް ދައުލަތުން ހުށަހެޅި ކަންކަމާ ބެހޭ ގޮތުން ދައުލަތުން ހުށަހެޅި ކަންކަމުގެ ހުލާސާ އިއްވައި އަދި ދިފާއުން ހުށަހެޅި ކަންކަމާ ގުޅޭ ގޮތުން ހުށަހެޅި ބަޔާނަށް ފަހު ގާޒީ އަލީ އާދަމް ވިދާޅުވީ ދެން އޮންނާނީ ދައުވާ ސާބިތުވޭތޯ ނުވަތަ ނޫންތޯ ކަނޑައަޅައި ހުކުމްކުރުން ކަމަށާއި އެ ޝަރީއަތް އޮންނާނީ މި މަހުގެ 29 ވަނަ ދުވަހުގެ މެންދުރު ފަހު 1:30 ގައި ކަމަށެވެ.

ކްރިމިނަލް ކޯޓް ކޮމިޝަން އޮން ސްޓޭޓް އެސެޓްސް ރިކަވަރީ ޓޫރިޒަމް މިނިސްޓްރީ އެމްއެމްޕީއާރްސީގެ ކޮރަޕްޝަން ޓޫރިޒަމް

8 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެކްސްމިނިސްޓަރ

20 March 2022

ސަސްޕެންޝަންގަ ހުރެ މުސާރަ ލިބެމުންދާ ބޭފުޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭއިންސާފް

21 March 2022

2 އަހަރުގެ ބޭއިންސާފުގައި، މުސާރަ މުޅިންހެންދަނީ ވަކީލުންގެ އަގުއަދާކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫދު

18 March 2022

ދައުލަތުގެ ވަކީލު ބުންޏޯ ކުރި ކުށެއްވެސް، ލިބުނު މަންފާ އެއްވެސް ސާބިތުކޮށް ދޭކަށެއް ނުޖެހޭނެޔޯ. ހަމަ އެ ކަނި މީނާގެ މަޤްސަދުން ފުދެޔޯ. މިސިޓީ ތައް ފޮނުވާފައި ވަނީ ރައީސުލްޖުމްހޫރިއްޔާގެ އޮފީހުގެ އެންގެވުމާ މިނިސްޓަރުގެ އެންގެވުމާ އެއްގޮތަށް ކަމަށް ދައުލަތުގެ ހެކިން ބުންޏޯ. މި އެންގުން އެންގި މީހުންގެ މަޤްސަދު ވެސް މީނާ އަށް އެގޭނެތާ. އެ މީހުންނަށް ދައުވާއެއް އަދިއެއް ނުކުރޭ. ޗެކް ނަންބަރު ދިމާނުވި މަންޒަރު އެބަ ފެނޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޫބާ

18 March 2022

މި މައްސަލަ ކޯޓަށް ހުށަހެޅުނު ދުވަހު ދިފާއުން ހެކިވެރިންނަށް އިކޮނޮމިކް ކައުންސިލްގެ މެމްބަރުންނާ ރިޔާސީ ކޮމިޝަންގެ ރައީސް ހުށަހެޅިވާހަކަ ދުށިން. ފޮޓޯ ވެސް ހުރި. އެ ޙަބަރު ކިޔާލުމުން އެގުނީ މި މައްސަލަ އިކޮނޮމިކްކައުންސިލް އަށް ހުށަހެޅި މަޝްވަރާ ކޮށް ވަކި ގޮތަކަށް އަމަލު ކުރުުމަށް ނިންމި ކަމަށް. ފަހުގެ ޚަބަރު ތަކުން ދޭހަވީ ކޮމިޝަނުން އެގޮތަށް އަމަލު ނުކުރާ ކަމަށް. އެހެންވެގެން މިނިސްޓްރީ އިން މިފަދަ ސިޓީ ތައް އަލުން ދިނުމަށް ފެއްޓީ ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޑްޕްރޯ

18 March 2022

ކޮމިޝަނުން އެންގީ ހެޑްލީސް ބަދަލު ނުކުރާންށޯ. މި 3 ސިޓީ އެއް ދިންތާ 2 އަހަރަށްވުރެ ގިނަ ދުވަސްވީ. 3 ތަނުން ކުރެ ތަނެއްގެ ހެޑްލީސް އެއް ބަދަލެއްނުވޭ. ދެން ކޮން ދައުވާއެއްތޯ؟ ޕީޖީ އޮފީހަކީ ފެއިލްވެފައިވާ ތަނެއް. އެމް.އެމް.ޕީ.އާރު.ސީ. ގެ ވަށްކަމުން މިލިއަނުން ލިބުނު 280 ވަރަކަށް މީހުންގެ ލިސްޓެއް ދެއްކި. ދައުވާ ކުރާކަށެއްނުކެރޭ. އެކަމަކު އުސޫލާ އެއްގޮތަށް ސިޓީ އެއްގައި ސޮއިކުރިމީހާ ނުހައްގުން ގޮޅިއަކަށް ކޮށްޕާލަނީ؟ އަދުލު އިންސާފު އިންތިހާއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

17 March 2022

މައްސަލަ ބަލަނީ އެވެ. ތަހުގީގު ކުރަނީ އެވެ. ހުކުމަކާ ހަމައަށް ނުދެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުބެ

17 March 2022

ކޮން ދައުވާއެއްކުރާކަށް. ސޯލިހްއަކީ މުޅި ޓޫރިޒަމް އިންޑަސްޓްރީ އިޙްތިރާމުކުރާ ފަސްބައިގައި އެއްވެސް ކިލާކަމެއްނެތް ބޭފުޅެއް. ސިޔާސީ ބޭނުމެއްގަ ޤުރުބާން ތިކުރަނީ އިލްމީ ޤާބިލު ބޭފުޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސެޓްރިކަވަރީކޮމިޝަނޯ

17 March 2022

އެޑްމިނިސްޓްޜޭޓިވް ކަންކަމަށް ކޯޓާއި ދައުލަތުގެގެ ކަންކަމަށް ވަގުތު ބޭކާރުނޮކޮށް ހަގީގީކުށްތަކަށް ފޯކަސް ކުރަން ވެއްޖެނޫންހޭ. މިމއައްސަލައިގަވެސް ޕީޖީ ތަންކޮޅެއް ޒިންމާދާރުކޮށް ކަންކަން ކުރަންޖެހޭކަން ފާހަގަވޭ.