ސައިބާ ކްރައިމް ގޭންގެއްގެ ލީޑަރެއް ކަމަށް ބެލެވޭ 16 އަހަރުގެ ކުއްޖަކު ހައްޔަރުކޮށްފި

ކުޑަކުއްޖަކު އިންޓަނެޓް ބޭނުން ކުރަނީ: ސައިބާ ކްރައިމް ގޭންގެއްގެ ލީޑަރެއް ކަމަށް ބުނެ 16 އަހަރުގެ ކުއްޖެއް އިނގިރޭސިވިލާތުން ވަނީ ހައްޔަރުކޮށްފައި.

30 މާޗް 2022 - 06:27

3 comments

ސައިބާ ކްރައިމް ގޭންގެއް ކަމަށްވާ ލަޕްސަސްގެ ލީޑަރު ކަމަށް ބެލެވޭ 16 އަހަރުގެ ކުޑަކުއްޖަކު އިނގިރޭސިވިލާތުގެ އޮކްސްފޯޑުން ހައްޔަރުކޮށްފި އެވެ.

މީޑިއާ ރިޕޯޓްތައް ބުނާ ގޮތުގައި، އެ ކުއްޖާ ވަނީ އެކި ތަންތަން ހެކުކޮށްގެން 14 މިލިއަނަށް ވުރެ ގިނަ ޑޮލަރު ފޭރިގަނެފަ އެވެ.

ލަންޑަންގެ ފުލުހުން ބުނި ގޮތުގައި، ސައިބާ ކްރައިމް ގޭންގަކަށް ނިސްބަތްވާ 16-21 އަހަރުގެ ހަތް ކުއްޖަކު މިދިޔަ ހަފުތާގައި ހައްޔަރުކޮށްފައިވެ އެވެ. އެކަމަކު އެ ކުދިންގެ ތެރޭގައި އެ ބުނާ ލީޑަރަކު ހިމެނޭ ކަމަކަށް ނުބުނެ އެވެ.

އެ ކުއްޖާގެ ބައްޕައާ ހަވާލާދީ ބީބީސީން ބުނީ ސައިބާ ކްރައިމްގެ ކަންކަމުގައި އެ ކުއްޖާ އުޅޭތީ އާއިލާއިން ވަރަށް ކަންބޮޑުވާ ކަމަށާއި އެ ކުއްޖާ ކޮމްޕިއުޓަރާ ދުރުކުރަން ވަރަށް މަސައްކަތް ކުރި ކަމަށެވެ.

އޯޓިޒަމް ހުންނަ އެ ކުއްޖާ އަކީ ލަޕްސަސް ގޭންގުގެ ލީޑަރު ކަމަށާއި އޭނާގެ ގޭންގުން އެ މަސައްކަތް ކުރާ ކަމަށް އާންމުންނަށް ގަބޫލުކުރާވާފައި އޮންނަނީ ދެކުނު އެމެރިކާ އިން ކަމަށެވެ.

ލަޕްސަސް އަކީ ސައިބާ ކްރައިމްގައި އަދި ވަރަށް އާ ބައެކެވެ. އެކަމަކު ކުޑަދުވަސްކޮޅެއްގެ ތެރޭގައި އެމީހުންގެ ވަރަށް ބޮޑަށް ކުރިއަށް ޖައްސާލައި، މައިކްރޮސޮފްޓް ކަހަލަ ބޮޑެތި ކުންފުނިތައް ބްރީޗުކޮށްފައިވެ އެވެ.

އެ ކުއްޖާގެ ނަން ރިޕޯޓްކުރަން ގާނޫނީ ގޮތުން ހުއްދަ ނުވިޔަވެސް، ބީބީސީން ބުނީ އެއީ އޮކްސްފޯޑްގައި ސްޕިޝަލް އެޑިއުކޭޝަން ދޭ ސްކޫލަށް ދާ ކުއްޖެކެވެ.

ކުށްކުރުން އިގިރޭސިވިލާތް އިނގިރޭސިވިލާތް ސައިބަ ކްރައިމް ސައިބާ ހަމަލާ

3 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެން

01 April 2022

16 އަހަރުގެކުއްޖަކަށް ތިޔަކަންކަން ކުރެވުމަކީ ބުއްދިގަބޫލުކުރާކަމެއްނޫން، ތިޔަދަށްކަނީ، ކަމުގެ މާހިރުން ބޮޑެތި އިންޖިނޭރުން ހަދާފައި ހުރި ސެކިއުރިޓީ ސޮފުޓުވެއަރ ތަކާއި ހާޑުވެއަރތައް 16 އަހަރުގެ ކުއްޖަކު ފޫދުއްވާލާވާހަކަވިއްޔާ، ތިވާހަކަ ތިހެން ދައްކާނީ އަދި ގަބޫލުކުރާނީވެސް މޮޔައިން، ފަހަރެއްގައި 16 އަހަރުގެ ކުއްޖަކު ޑިސްޕުލޭކުރަނީކަމަށްވެދާނެ، ކަންކުރާނީއެހެންބައެއް ތިހީކުރާހާ ފަސޭހައިން ވާނެކަންކަމެއްނޫން ތިހުންނަނީކީ